Bókasafnið - 01.04.1994, Side 13

Landsbókasafn fslands

Myndasyrpa
Myndir þær sem birtast hér
voru teknar af ívari Brynj-
ólfssyni ljósmyndara haustið
1989. Myndirnar sýna allar fyrir-
komulag bókakosts þjóðdeildar
sem stofnuð var 1971. Nú þegar
sú stund nálgast að starfsemi
Landsbókasafns flytjist og sam-
einist Háskólabókasafni í Þjóðar-
bókhlöðu, er ekki úr vegi að líta
yfir farinn veg og kveðja þetta fal-
lega hús með virðingu.
Landsbókasafn Islands (Stifts-
bókasafnið) telst stofnað 28.
ágúst 1818. Fyrsti bókavörðurinn
Jón Arnason var ráðinn 1848.
Safnið var fyrst til húsa á Dóm-
kirkjuloftinu og flutti síðan í Al-
þingishúsið 1881 og þar var fyrst
veittur aðgangur að lessal. Árið
1879 var samþykkt á Alþingi að
byggja hús yfir söfn landsins, en
ekkert varð af framkvæmdum.
Loks árið 1905 fékkst samþykkt
frumvarp á Alþingi sem heimilaði
byggingu bókasafnahúss sem
endast skyldi Landsbókasafni og
Þjóðskjalasafni (Landsskjalasafni)
næstu 50 til 60 ár.
Safnahúsið við Hverfisgötu var
reist á ótrúlega skömmum tíma.
Hornsteinn var lagður að húsinu
23. september 1906 og Lands-
bókasafn tók til starfa í nýja hús-
næðinu í mars 1909. Þetta er
ótrúlega stuttur byggingartími ef
litið er til þess að hornsteinn að
Þjóðarbókhlöðu var lagður í sept-
ember 1981 og enn eru íbúarnir
ekki fluttir inn, en gera það von
bráðar.
R.E.
Bókasafiiið 18. árg. 1994 13