Morgunblaðið - 05.11.2004, Qupperneq 19

MORGUNBLAÐIÐ FÖSTUDAGUR 5. NÓVEMBER 2004 19
ERLENT
Opnunartími virka daga frá kl. 14.00-18.00, um helgar frá kl. 10.30-18.00
Stendur til 7. NÓV. Upplýsingasími 511 1055
í Perlunni
catmandoo
OKKAR TAKMARK:
Verð 50-80%
undir fullu verði
:
i f ll i
Verðdæmi: Okkar verð: Fullt verð:
Flísteppi 1.500 3.990
Regatta flís barna 990 2.990
Un-Iceland skór 890 parið
Banjó barnaúlpur 1.500 4.990
Barnaregngallar 1.990 4.990
Kuldagallar barna 3.600 7.990
Banjó barnapeysur 600 3.500
Línuskautar 1.990 6.990
Is It 20 jakkar 3.990 9.990
Adidas sundbolir 1.000 2.990
Teva töflur 3.995 7.990
Regatta úlpur/jakkar 1.990 4.990/5.990
Skíðabuxur, st. 90-160 1.990/2.500 6.990/7.990
Skíðahanskar frá 300
BeZo
Ný sending af barnaúlpum - mikið úrval
STJÓRNVÖLD í Makedóníu lýstu í
gær yfir sigri í milliríkjadeilu við
Grikki sem staðið hefur allt frá því að
Makedóníumenn hlutu sjálfstæði
1991. Deilan snýst um nafngiftir en
Branko Crvenkovski, forseti landsins,
greindi frá því í gær að Bandaríkin
hefðu viðurkennt nafn landsins sem
„Lýðveldið Makedónía“. Crvenkovski
gat ekki leynt ánægju sinni með þessi
tíðindi en Grikkir eru að sama skapi
æfir.
Grikkir neituðu á sínum tíma að
viðurkenna nafnið Makedónía, bentu
á að þegar væri til hérað í Norður-
Grikklandi sem héti Makedónía og að
ekki kæmi til greina að viðurkenna
rétt nágrannaríkisins til að heita
þessu sama nafni. Vildu þeir meina að
með því að lýsa yfir sjálfstæði ríkisins
Makedóníu væru þarlend stjórnvöld
að gera kröfu til samnefnds land-
svæðis í Grikklandi. Vegna mótbára
Grikkja gekk Makedónía í Sameinuðu
þjóðirnar 1993 undir nafninu „Fyrr-
verandi sambandslýðveldið Make-
dónía“ og hefur stundum gengið und-
ir skammstöfuninni FYROM. Svo
alvarleg var þessi deila að Grikkir
settu á sínum tíma viðskiptabann á
nágrannaríkið.
Grikkir hafa fordæmt ákvörðun
Bandaríkjamanna í gær en hún gæti
haft í för með sér að aðrar þjóðir og
stofnanir fylgdu fordæminu. Kallaði
gríski utanríkisráðherrann, Petros
Moliviatis, sendiherra Bandaríkjanna
í Grikklandi á sinn fund og mótmælti
ákvörðuninni formlega. Ekki er vitað
hvað réði ákvörðun Bandaríkjastjórn-
ar en Makedóníumenn hafa verið
dyggir bandamenn Bandaríkjanna og
hafa m.a. sent hersveitir til bæði Afg-
anistans og Íraks.
Deilur um nafnið á Makedóníu
Stjórnvöld í
Skopje fagna sigri
Skopje. AP.
STJÓRNVÖLD í Bretlandi hafa
veitt University College í London
leyfi til að skima fósturvísa eftir
glasafrjóvgun til að leita uppi gen
sem geta valdið FAP, arfgengri
gerð krabbameins í ristli, að sögn
dagblaðsins The Times á mánu-
dag.
Fram til þessa hefur eingöngu
verið leyft að skima fósturvísa til
að koma í veg fyrir að til verði
börn með ólæknandi sjúkdóma á
borð við slímseigjusjúkdóm eða
Huntingdons-veiki. Valið er á milli
fósturvísa þrem dögum eftir að
frjóvgun hefur tekist en þá hefur
eggið skipst í allt að tíu frumur í
fósturvísinum. „Góðum“ fóst-
urvísi, sem ekki er með genið, er
síðan komið fyrir í leginu.
Talið er að allt að 50% líkur séu
á að barn með umrætt gen í frum-
um sínum fái FAP á unglingsárum
eða síðar sé annað eða bæði for-
eldri með genið.
Fósturvísar
skimaðir
FERENC Gyuresany, forsætisráð-
herra Ungverjalands, sagði á
þriðjudag að ungverska herliðið í
Írak, 300 manns, yrði kallað heim í
mars næstkomandi. Sagði hann
rétt, að það yrði í landinu fram yfir
væntanlegar kosningar en ekki
lengur. Raunar rennur heimild
ungverska þingsins fyrir veru her-
deildarinnar í Írak út um áramótin
og þá verða þrír fjórðu þingmanna
að fallast á að framlengja hana.
Ekki er alveg víst að ríkisstjórnin
undir forystu sósíalista nái því fram
en stjórnarandstaða hægrimanna
hefur hvatt til, að herliðið verði
kallað heim strax.
Ungverjar frá
Írak í mars
KREM, sem konur í Róm notuðu
til að hressa upp á útlitið, var slá-
andi líkt því, sem konur nota nú á
dögum. Er það niðurstaða rann-
sókna á kremi, sem fannst í róm-
versku hofi í London eða Lond-
inium eins og borgin hét, og er frá
því á annarri öld eftir Krist. Kem-
ur þetta fram í grein í vísinda-
tímaritinu Nature en kremið var í
lokuðum krukkum og er fundur-
inn sá eini sinnar tegundar. Er
það gert úr dýrafitu, sterkju og
tinoxíði, hvítt á lit og minnir mjög
á nútímarakakrem. Talið er, að
tinoxíðið hafi gefið kreminu litinn
en á þessum tíma voru Rómverjar
farnir að átta sig á, að blýið, sem
þeir höfðu notað mikið, var ekki
hættulaust.
Fornt en þó
nútímalegt krem
Fáðu fréttirnar
sendar í símann þinn