Hugur - 01.01.2000, Page 120

118
Björgvin G. Sigurðsson
HUGUR
sérkennilegur og ef einhver fer að reyna að stæla Halldór er það bara
stæling á Halldóri. Þórbergur Þórðarsson sem er annar höfuðstílsnill-
ingur, hefur ekki heldur búið til neina stílhefð þótt hann hafi haft
mikil og góð áhrif.
Sigurður hafði gríðarleg áhrif á það hvernig bæði nemendur hans
og aðrir skrifuðu. Sigurður var feiknalega farsæll orðasmiður og
gekkst upp í því hvort heldur var í gegnum Verkfræðingafélagið eða
hvar annarsstaðar sem var. Hann skrifaði glæsilega texta sem gátu
verið allt frá blaðagreinum yfir í heilar bækur eins og Snorra Sturlu-
son og Völuspá. Sigurður hafði sjálfkrafa forystu, vegna stöðu sinnar
við Háskólann, um að búa til nýja stafsetningu upp úr því öngþveiti
sem áður var, þegar voru þrjár tegundir stafsetningar í gangi. Eins
hafði hann mikil áhrif á menntaskólana vegna þess að hann samdi
kennslubækurnar í íslenskum bókmenntum. Bækur sem margar kyn-
slóðir lásu í skóla og eru sumsstaðar lesnar enn. Þær voru margar um-
deildar þar sem hann þótti dæma hart og eftir geðþótta í umsögnum
sínum um skáldin."
Hvernig skáldskap mat Sigurður mest?
„Það sem Sigurður mat í kveðskap var annarsvegar Jónasarskólinn
allur. Allt frá Jónasi Hallgrímssyni, urn Þorstein Erlingsson og Tóm-
as til Steins Steinarr og Guðmundar Böðvarssonar. Svo var hann forn
aðdáandi og vihur Davíðs Stefánssonar. Þetta er ljóðrænn skáldskapur.
Á hinn bóginn mat hann líka mikils mannvit í skáldskap einsog hjá
Stephani G. Stephanssyni og Einari Benediktssyni. Og þar er allt
annarskonar skáldskapur. Um Stephan og Einar skrifaði hann heilar
bækur, mjög góðar bækur. Ef hann fann hvorki mannvitið né Jónasar-
kliðinn leist honum ekkert á blikuna. Þessvegna kunni hann ekki að
meta Steingrím Thorsteinsson“
Þegar stórir atburðir gerast
Árið 1919 sendi Sigurður frá sér bókina Fornar ástir sem að margra
mati olli tímamótum í íslenskum skáldskap. Ein af þeim fimm sög-
um sem Fornar ástir ber að geyma er „Hel“ og Þorsteinn segir hafa
valdið straumhvörfum einsog orð nóbelsskáldsins vitni til um.
„ „Hel“ er tímamótaverk í íslenskum bókmenntum, hvernig sem á
það er litið. Ef þarf einhvern vitnisburð um það má benda á orð Hall-
dórs Laxness um bækur Sigurðar. Þegar Halldór var strákur og var að