Hugur - 01.01.2000, Qupperneq 170

168
Ritfregnir
HUGUR
Þorsteinn Gylfason: Réttlœti og ranglœti. Reykjavfk: Mál og menning,
1998. 350 bls.
Þessi bók er safn fimmtán ritgerða um stjórnmálaheimspeki og skyld efni.
Hún skiptist í þrjá hluta sem bera heitin: Atlögur að hugmyndaheiminum, at-
rennur að réttlæti og athuganir á siðfræði. Sem fyrr fer Þorsteinn Gylfason á
kostum en síðasta ritgerðasafn hans, Að hugsa á íslenzku, hlaut Islensku bók-
menntaverðlaunin 1996.
Gareth B. Matthews: Heimspeki og börn, þýð. Skúli Pálsson. Reykja-
vík: Sóley ehf., 1998. 140 bls.
„Hvernig get ég vitað að allt er ekki draumur?" Um leið og börn læra að tala
fara þau að spyrja heimspekilegra spurninga. Höfundurinn er prófessor í
heimspeki sem hlustar á hugleiðingar barna. Bók fyrir kennara, leikskóla-
kennara, foreldra og alla sem eru forvitnir um börn og heimspeki.
Matthfas Viðar Sæmundsson, ritstj.: Utisetur, þýð. Garðar Baldvinsson
og Olöf Pétursdóttir. Reykjavík: Háskólaútgáfan-Bókmenntafræðistofn-
un, 1998.370 bls.
Hér birtist ritdeila frönsku heimspekinganna Michels Foucault og Jaques
Derrida um sturlunarhugtakið, merkingu þess og birtingarmyndir í menningu
og skrifum. Eru hér þýddir kaflar úr bók Foucaults, Histoire de la folie, ásamt
gagnrýni Derridas, „Cogito og saga sturlunar." Jafnframt er hér svar
Foucaults, „Líkami minn, þetta blað, þessi eldur,“ svo og grein Soshama
Felman um deiluna. I ítarlegum eftirmála gerir ritstjóri grein fyrir tildrögum
og afleiðingum þessarar merku ritdeilu.
Atli Harðarson: Vafamál. Reykjavík: Hið íslenska bókmenntafélag,
1998. 280 bls.
I umræðu um stjórnmál og siðferði er ýmislegt haft fyrir satt að lítt athuguðu
máli, til dæmis að lýðræði sé eftirsóknarvert, að allir menn séu jafnir, ríkið
eigi að vera fullvalda, úrslit kosninga endurspegli vilja þjóðarinnar. I þessari
bók er reynt að sýna fram á að allt séu þetta vafamál.