Þjóðmál - 01.06.2010, Side 33

Þjóðmál SUmAR 2010 31
Tiltók hann sérstaklega í samtalinu að höfund ur
skyldi síður vísa í upplýsingalögin .
Sá er þetta ritar féllst á að bíða, enda hafði seðla­
bankastjórinn gert undirrituðum ljóst að ella yrði
honum alfarið neitað um aðgang að gögnum .
Undir rituðum var alvarlega misboðið við svo
þótta fulla framkomu sem vart getur samræmst
yfir lýs ingum ráðamanna um nauðsyn vandaðr ar
máls meðferðar og faglegra vinnubragða í opin­
berri stjórnsýslu . Formlegt svar barst með bréfi
dag settu 30 . apríl 2009 . Þar hafnaði Már alfarið
að veita aðgang að nokkrum gögnum og beitt var
sömu rök semdafærslu og í fyrri svar bréfum, þ .e .
að bank inn væri bundinn trúnaði gagnvart við­
skipta mönnum sínum .
„Að þjóna almenningi
frá morgni til kvölds“
Undirritaður óskaði einnig eftir gögnum í forsætisráðuneyti, en mjög dróst að fá svar
frá Ragnhildi Arnljótsdóttur ráðu neytisstjóra
og var beiðnin því ítrekuð með bréfi dagsettu
25 . október . Fáeinum dögum síðar, eða hinn
9 . nóvember, birtist frétt á vefmiðlinum Vísi
þar sem rætt var við Ragn hildi . Nefndi hún í
fréttinni þá skyldu stjórn sýslunnar „að þjóna
almenningi frá morgni til kvölds“ . Ræddi hún
meðal annars um það markmið stjórnvalda að
bæta aðgengi almenn ings að gögnum innan
stjórnsýslunnar .71 Á sama tíma heyktist ráðuneyti
þessa sama ráðu neytis stjóra á að veita þeim
er þetta ritar einfalt svar við því hvort tiltekin
gögn væru til í vörslu ráðuneytisins . Hinn 16 .
nóvember kærði höfundur til úrskurðarnefndar
um upp lýs ingamál þann óhæfilega drátt sem
orðið hafði á svari forsætisráðuneytis .72 Friðgeir
Björns son, formaður úrskurðarnefndar um upp ­
lýsingamál, áminnti í framhaldinu ráðu neyt is­
stjóra forsætisráðuneytisins vegna þessa dráttar
með bréfi dagsettu 18 . nóvember 2009 og beindi
þeim tilmælum til ráðuneytisstjóra að afgreiða
erindi höfundar svo fljótt sem verða mætti og
71 „Þarf að breyta viðhorfi til stjórnsýslunnar .“ Visir.is, 9 .
nóvember 2009 .
72 Kæra höfundar til úrskurðarnefndar um upplýsingamál
og bréf til Ragnhildar Arnljótsdóttur, dags . 16 . nóvember
2009 .
eigi síðar en 27 . nóvember .73 For sæt isráðuneytið
varð við umvöndunum nefndarinnar og svaraði
höfundi með bréfi dagsettu 19 . nóvember . Þar
kom fram að engin gögn varðandi umrætt mál
væri að finna í vörslu ráðuneytisins .74
Nokkurn tíma tók höfund að nálgast gögn
viðskiptaráðuneytisins viðvíkjandi þessu máli,
en höfundur ítrekaði beiðni sína í tvígang með
tölvupósti . Með svarbréfi ráðuneytisisins fylgdu
tvö skjöl er ekki komu höfundi að neinu gagni,
en í bréfi ráðuneytisins er þetta orðað svo:
„Meðfylgjandi eru ljósrit þeirra samskipta sem
átt hafa sér stað á milli ráðuneytisins og Straums­
Burðaráss og eru í skjalasafni ráðuneytisins .“75
Samræmdur framburður ráðuneyta
Gylfi Magnússon viðskiptaráðherra var innt ur álits á því í samtali við Fréttablaðið
hinn 13 . mars 2009 hvers vegna sú leið hefði
verið farin að setja skilanefnd yfir bankann í
ljósi þess að föstudaginn 6 . mars hefði legið
fyrir samkomulag bankans og stærstu lánar­
drottna um framlengingu lána . Gylfi svaraði
fyrirspurn blaðamanns svo: „Ég veit ekki til
þess að ráðuneytið hafi vitneskju um þetta“
og átti hann þar við viðskiptaráðuneytið .76
Þessi athugasemd Gylfa leiðir aftur hugann að
því að í ráðuneyti hans finnst aðeins eitt bréf
frá áramótum er varðar Straum­Burðarás, en
það er bréf ráðuneytisins til Straums, dagsett
20 . febrúar og fjallar um frystingu svokallaðra
myntkörfulána .77 Vegna þeirra margbrotnu
mála er snertu Straum­Burðarás á umræddu
tímabili og komu á borð stjórnvalda verður að
líta svo á að alvarleg brotalöm sé í skjalavörslu
efnahags­ og viðskiptaráðuneytisins, sem og
fleiri ríkisstofnana .
73 Bréf Friðgeirs Björnssonar til Ragnhildar Arnljótsdóttur,
dags . 18 . nóvember 2009 .
74 Bréf Ragnhildar Arnljótsdóttur og Ágústs Geirs Ágústs­
sonar til höfundar, dags . 19 . nóvember 2009 .
75 Bréf Kjartans Gunnarssonar og Helgu Halldórsdóttur
til höfundar, dags . 19 . nóvember 2009 .
76 „Straumur samdi við kröfuhafa í síðustu viku .“
Fréttablaðið, 13 . mars 2009 .
77 Bréf Jónínu S . Lárusdóttur og Valgerðar Rúnar
Benediktsdóttur til Straums­Burðaráss, dags . 20 . febrúar
2009 . Skjalasafn efnahags­ og viðskiptaráðuneytis .