Morgunblaðið - 17.02.1981, Blaðsíða 5

MORGUNBLAÐIÐ, ÞRIÐJUDAGUR 17. FEBRÚAR 1981
5
ólöf K. Harðardóttir, Garðar Cortes og Eric Werba koma fram á
ljóðatónleikum Tónlistarfélagsins i Austurbæjarbiói í kvöld.
„ítalska ljóða-
bókin“ flutt í
Austurbæjarbíói
LJÓÐATÓNLEIKAR verða i
kvöld í Austurbæjarbiói á vegum
Tónlistarfélagsins í Reykjavík og
hefjast þeir klukkan 21. A
dagskrá er ítalska ljóðabókin
eftir Ilugo Wolf og eru flytjendur
Ólöf K. Harðardóttir, Garðar
Cortes og Eric Werba.
ítölsk ljóðabók er fjórði og
síðasti ljóðaflokkur Hugo Wolfs
og voru þau samin á árunum 1890
til 1896. Hér er um að ræða þýskar
þýðingar á ítölskum þjóðvísum,
sem Paul Heyse gerði og gaf út
árið 1860.
Verkalýðshöll
í Hafnarfirði?
FULLTRÚARÁÐ verkalýðsfélag-
anna i Hafnarfirði hefur undan-
farið rætt möguleika á því, að
reist verði sameiginlegt hús allra
verkalýðsfélaganna i Hafnarfirði
og hefur þessi hugmynd verið
reifuð við bæjarráð, sem hefur
ekki tekið óiiklega i hugmynd-
ina. Um er að ræða frumkönnun
á þessu máli, sem á eftir að ræða i
félögunum sjálfum, að þvi er
Haligrímur Pétursson, formaður
Verkamannafélagsins Hlifar i
Hafnarfirði tjáði Morgunblað-
inu.
Samkvæmt heimildum Morgun-
blaðsins á Hlíf lóð við Lækinn í
Hafnarfirði, sem tilheyrir Austur-
götu. Hefur sú lóð verið á hendi
Hlífar í allmörg ár, eða frá því er
félagið varð 50 ára. Teiknað hefur
verið hús á þá lóð, en talið er að
bæði lóðin og húsið séu of lítil
fyrir þá starfsemi sem fyrirhugað
er að reka í hinu nýja verkalýðs-
húsi. Hallgrímur Pétursson kvað
enn alla möguleika í myndinni,
hugsanlegt væri að reist yrði nýtt
hús og eins kvað hann hugsanlegt,
að kaupa notað húsnæði, ef það
fengist hentugt.
Eins og áður sagði er þessi
hugmynd að verkalýðshöll í Hafn-
arfirði, enn á algjöru frumstigi og
hefur ákveðnum aðilum innan
fulltrúaráðs verkalýðsfélaganna
verið falið að kanna málið, svo að
unnt verði að leggja það fyrir
viðkomandi félög. Jafnframt er
hugsanlegt að lífeyrissjóðir taki
einnig þátt í þessari byggingu, svo
að unnt sé að veita Hafnfirðingum
þá þjónustu, sem stéttarfélögin í
Firðinum veita, alla á sama stað.
Sovésku rannsóknar-
skipin fara í dag
SOVÉSKU hafrannsóknarskipin
þrjú, sem verið hafa i Reykjavik
undanfarna daga munu sigla
brott i dag. Skipadeild Sambands
isl. samvinnufélaga annast þjón-
ustu við þau sovésk skip, sem
hingað koma.
Ómar Jóhannsson aðstoðar-
framkvæmdastjóri skipadeildar-
innar sagði í samtali við Mbl., að
skipin hefðu haft hér viðkomu til
að taka vatn og matvæli og hvíla
áhafnir. Hefðu skipin verið við
rannsóknarstörf og myndu halda
áfram þeim störfum er þau færu
héðan, en Ómar kvaðst ekki vita
nánar um ferðir skipanna. Skipa-
deildin sér um að útvega áhöfnum
skipanna ísienska peninga, sem
skipstjórar þeirra stjórna og eru
aðrar úttektir skipanna, t.d. mat-
væli og annað tryggt í banka
gegnum umboðsaðilann.
Auk sovéskra skipa hefur skipa-
deild SIS annast afgreiðslu skipa
frá Austur-Þýskalandi og fleiri
Iöndum og sinna 2 starfsmenn
deildarinnar þessari þjónustu við
erlend skip.
Kennarar vilja ekki
breyta skólanum
í hjúkrunarheimili
KENNARAR Austurbæjarskól-
ans mótmæla harðlega framkom-
inni tillögu Alberts Guðmunds-
sonar í borgarstjórn Reykjavíkur
um að skólanum verði breytt i
hjúkrunarheimili langlegusjúkl-
inga. Austurbæjarskólinn gegnir
sist minna þjónustuhlutverki en
honum er ætlað. í skólanum eru
nú um 500 börn og ekki fyrir-
sjáanlegar verulegar breytingar
á barnafjölda skólans i náinni
framtið. Furðuleg verður sú af-
staða að teljast að leggja beri
niður skóla þegar nemendaf jöld-
inn loks er í samræmi við hönnun
húsnæðisins. Ætlast verður til
þess að borgarfulltrúar kynni sér
málin af eigin raun en hlaupi
ekki eftir gróusögum svo að
ályktanir og tillögur þeirra verði
ekki til að vekja öryggisleysi og
óánægju nemenda skólans og
aðstandenda þeirra.
Landssamband sjálfstæðiskvenna og Hvöt:
Rit til heiðurs
Auði Auðuns
LANDSSAMBAND sjálfstæfF
iskvenna og Hvöt, félag sjálf-
stæðiskvenna í Reykjavik, eru
með í undirbúningi útgáfu til
heiðurs Auði Auðuns í tiiefni 70
ára afmælis hennar og er um að
ræða greinasafn eftir ýmsa
sjálfstæðismenn og er ætlunin,
að bókin komi út i sumarbyrj-
un. Þetta kom fram í samtali,
sem Mbl. átti við Sigrúnu G.
Jónsdóttur, framkvæmdastjóra
Hvatar.
„Mikið starf er í gangi hjá
Hvöt um þessar mundir," sagði
Sigrún G. Jónsdóttir, fram-
kvæmdastjóri Hvatar, félags
sjálfstæðiskvenna í Reykjavík,
er hún hafði samband við
blaðamann Morgunblaðsins, „en
starfsáætlun liggur nú fyrir til
vors. Hjá félaginu starfa margar
nefndir, sumar tengiliðir við
heildarsamtök út á við, en aðrar
eru starfsnefndir stjórnar. I
janúar hófst starfið með fundum
stjórnar og nefndunum, farið
yfir verksvið þeirra og er það
starf nú í fullum gangi.
Kynningarfundur var 19. jan-
úar með þeim, sem gerst hafa
félagar í Hvöt sl. tvö ár, þá var
félagsfundur 26. janúar, þar sem
rædd voru framtíðar- og for-
ystumál Sjálfstæðisflokksins og
komu fram athyglisverð sjón-
armið bæði í framsöguræðum og
almennum umræöum."
Sigrún upplýsti að á morgun
Dalvíkurmálið:
AuðurAuðuns
yrði fundur í tilefni af stofndegi
Hvatar (19. febr. 1937) og væri
allt sjálfstæðisfólk velkomið, en
öllum eldri félögum sérstaklega
boðið. Þá er fyrirhugaður félags-
fundur í tilefni af Alþjóðaári
fatlaðra 2. mars.
„Útgáfu mál taka mikinn tíma
hérna á skrifstofunni", sagði
Sigrún, „en Félagstíðindi koma
út einu sinni í mánuði og fylgir
því auðvitað umstang í hvert
skipti. Nú er að ljúka dreifingu á
greinasafninu „Fjölskyldan í
frjálsu samfélagi", en sú bók
hefur selst mjög vel og er verið
að ljúka afgreiðslu til bókasafna
og þeirra, er sérstaklega hafa
pantað. Lítið er eftir af upplag-
Sigrún Jónsdóttir
inu hjá útgefendum, sem eru
Landssamband sjálfstæðis-
kvenna og Hvöt“.
Að lokum sagðist Sigrún vilja
sérstaklega vekja athygli á
fræðslu- og skemmtifundinum
annað kvöld, en þar ræðir Inga
Jóna Þórðardóttir, fram-
kvæmdastjóri Sjálfstæðisflokks-
ins, um hlutverk Sjálfstæðis-
flokksins í islensku þjóðlífi. Ólöf
Benediktsdóttir, fyrrv. form.
Hvatar segir frá stofnun félags-
ins og starfi fyrstu árin og
tvísöng syngja þær Hrönn Haf-
liðadóttir og Valgerður Gunn-
arsdóttir við undirleik Hafliða
Jónssonar.
Skiptar skoðanir
innan Jafnréttisráðs
- engin ákvörðun tekin um næsta fund ráðsins
JAFNRÉTTISRÁÐ kom saman i
annað sinn í gær til að (jalla um
Dalvikurmálið. Ekki fékkst nein
niðurstaða og skv. heimildum
Morgunblaðsins eru nokkuð
skiptar skoðanir meðal ráðsmeð-
lima um afgreiðslu málsins. Ekki
hefur verið tekin ákvörðun um,
hvenær Jafnréttisráð kemur sam-
an á ný til umf jöllunar um málið,
en Mbl. hefur fregnað, að formað-
ur ráðsins, Guðríður Þorsteins-
dóttir, hafi haldið utan i morgun
til þátttöku i ráðstefnu á vegum
Jafnréttisráðs. Hún mun dvelja
erlendis í eina viku, þannig að
vart er að vænta annars fundar
fyrr en að þeim tima liðnum
Bergþóra Sigmundsdóttir fram-
kvæmdastjóri Jafnréttisráðs sagði
í viðtali við Mbl. í gær, að enn
væri í athugun grundvallartúlkun
á Jafnréttislögunum, en hún vildi
ekki tjá sig um málið að öðru leyti.
Hún sagði enga ákvörðun hafa
verið tekna um hvenær ráðið
kæmi saman á ný.
Dalvíkurmálið fjallar um, eins
og lesendum er eflaust kunnugt,
skipan Svavars Gestssonar heil-
brigðis- og félagsmálaráðherra í
0
stöðu lyfsala á Dalvík, en Freyja
V.M. Frisbæk, sem talin var hæf-
ust af þar til kvöddum umsagnar-
aðilum og hlaut þó eigi stöðuna,
vísaði málinu til Jafnréttisráðs á
þeirri forsendu, að hún teldi að
gengið væri fram hjá sér þar sem
hún væri kona. Þá ályktaði stjórn
Kvenréttindafélags íslands um
málið og beindi þeim tilmælum til
Jafnréttisráðs að það tæki málið
til meðferðar.
INNLENT
UMGUERSK
HdTÍÐ
AÐ HÓTEL LOFTLEIÐUM
17. - 22. FEB.
j Við mælum með:
í VÍKINGASAL
^Ungversku skemmtikvöldi. Mikill og góður
matur.Sigaunahljómsveit ásamt söngkonu.
Matseðlar verða númeraðir og dregið verður
k\ ur vinningum á hverju kvöldi. - Siðasta kvöldið
verður svo dregiö um ferð til Ungverjalands.
IBLÓMASAL
Ungverskum sérréttum á kalda
borðinu i hádeginu
Sigaunahljómsveit leikur.
í VEITING ABÚÐ
Ungverskum rétti á boðstólum á vægu verði.
Boröapantanir fyrir Vikingasal og Blómasal
i simum 22-3-21 og 22-3-22 Verið velkomin,
HÓTEL
LOFTLEIÐIR