Morgunblaðið - 17.03.1981, Blaðsíða 17

MORGUNBLAÐIÐ, ÞRIÐJUDAGUR 17. MARZ 1981
17
Mikið um að vera á Sauðárkróki um helgina:
Skákmót - fundir - tón-
leikar og guðsþjónusta
ÞAÐ VAR talsvert um að vera
hér á Sauðárkróki um helgina. Á
föstudag hófst skákmót á vegum
Skáksambands íslands og Tíma-
ritsins Skákar. Skákféiag Sauð-
árkróks hafði veg og vanda af
undirbúningi mótsins heima
fyrir. Þorbjörn Árnason forseti
bæjarstjórnar setti mótið, sem
fór fram i matsal Sláturhúss
Kaupfélagsins. Þátttakendur
voru 57, þeirra á meðal ýmsir
kunnir skákmenn.
Sigurvegari mótsins var Jón L.
Árnason er hlaut 5,5 vinninga af 6
mögulegum. Næstir voru Karl
Þorsteins, Gunnar Gunnarsson og
Ásgeir Þ. Árnason með 5 vinninga
hver. Mótinu var slitið í hófi sem
bæjarstjórn Sauðárkróks bauð til
og þar voru vinningar afhentir.
Skákáhugamenn hér voru mjög
ánægðir með mótið, og mun það
vafalaust verða til að efla skák-
áhuga hér á staðnum. Formaður
Skákfélags Sauðárkróks er Pálmi
Sighvats.
Á sunnudag voru tónleikar í
Safnahúsinu á vegum tónlistar-
félags Sauðárkróks og tónlistar-
skólans hér. Þar komu fram
Gunnar Kvaran sellóleikari og
Gísli Magnússon píanóieikari.
Listamönnunum var forkunnarvel
tekið af áhorfendum, sem voru á
annað hundrað. Urðu þeir að leika
nokkur aukalög. Þetta eru aðrir
tónleikar Tóniistarfélagsins og
skólans á þessu ári og fleiri eru
fyrirhugaðir á næstunni.
Sóknarprestur þeirra Siglfirð-
inga, séra Vigfús Þór Árnason,
prédikaði hér í kirkjunni á sunnu-
dag. Kirkjukór Siglufjarðarkirkju
söng undir stjórn organistans
Guðjóns Pálssonar. Fjölmenni var
við guðsþjónustuna, en kirkjusókn
hefur verið einstaklega góð hér í
vetur að sögn sóknarpreswins
séra Hjálmars Jónssonar, er tók
við embætti í október síðastliðn-
um.
Af veraldlegum málefnum var
líka hugað hér um helgina. Eyjólf-
ur Konráð Jónsson aiþingismaður,
sem verið hefur á ferð um kjör-
dæmið undanfarið, hélt fund hér á
laugardaginn. Þar var fjölmenni
og góður rómur gerður að máli
SJALFSSAUNN
STEFAN SNÆVARR
Önnur ljóðabók
Stefáns Snævarr
HJÁ Máli og menningu er komin
út Ijóðabók eftir eitt af yngri
ijóðskáldum landsins, Stefán
Snævarr, og nefnist hún Sjálfs-
salinn.
Bókin skiptist í átta hiuta og
eru þeir: skáldið er djúkbox, skáld-
ið er sjónvarp, skáldið er útvarp,
skáldið er gítar, skáldið er flugvél,
skáldið er mælir, skáldið er kvik-
mynd og skáldið er tölva. Um
fjörutíu ljóð eru í bókinni og eru
það allt nútímaljóð.
Þetta er önnur ljóðabók Stefáns,
en fyrsta ljóðabók hans, Limbó-
rokk, kom út árið 1975.
Sjálfssalinn er 62 bls., prentuð
og bundin í Hólum. Kápuna hann-
aði Anna Theodóra Rögnvalds-
dóttir.
þingmannsins er svaraði fjölda
fyrirspurna frá fundarmönnum.
Voru menn léttir í máli og harla
bjartsýnir þrátt fyrir ýmsa óáran
í þjóðlífi og flokksstarfi. En allar
plágur ganga yfir og þegar ríkis-
stjórnin kveður er þess að vænta
að sjálfstæðismenn nái saman á
ný og taki þá til við að kljást við
andstæðingana í stað þess að slást
innbyrðis.
- Kári.
Frá helgarskákmóti Skáksambands tslands og Timaritsins Skákar,
sem fram fór á Sauðárkróki um helgina. Sigurvegarinn, Jón L.
Árnason, er fremst á myndinni. Myndina tók Guðni R. Björnsson.

NYJAK
LEIÐIR
AFASTEIGNA-
MARKAÐI
Fjárfestingarfélag íslands hf. hefur stofnað
dótturfélag og hafið rekstur fasteignasölu
sem nefnist Fasteignamarkaður
Fjárfestingarfélagsins hf.
Fasteignamarkaður Fjárfestingarfélagsins hf. mun annast kaup og
sölu fasteigna og leggja sérstaka áherslu á að kynna nýjar leiðir og
valkosti við fjármögnun í þeim viðskiptum.
Takmarkið er að auðvelda fólki viðskipti með því að gera
greiðsluskilmála sveigjanlega. í því skyni verður lögð áhersla á að
kynna verðtryggingu í fasteignaviðskiptum, hvernig hún eykur
möguleika kaupenda og tryggir hag seljenda.
Jafnframt verður kappkostað að veita ítarlegar upplýsingar og
leiðbeina um allt það sem fylgir kaupum og sölu fasteigna og
fjárráðstafanir tengdar þeim viðskiptum. Verður þar m. a. byggt á
áralangri reynslu starfsmanna Fjárfestingarfélag íslands hf. í
fjármálaráðgjöf. Er það von félagsins að með stofnun hins nýja
fyrirtækis megi stuðla að heilbrigðara fjármálalífi á íslandi og
auðvelda viðskipti með fasteignir.
Opiö verður mánud.
— föstud. kl. 09 — 18
og fyrst um sinn
laugard. og sunnud.
kl. 13-17.
Hafið samband við skrifstofu okkar. Fáið sendan
upplýsingabækiing um nýjar leiðir á
fasteignamarkaði. Starfsfólk okkar mun fúslega
veita allar frekari upplýsingar.
SKÓLAVÖRÐUSTÍG 11
101 REYKJAVÍK SÍMI 28466
(HÚS SPARISJÓÐS REYKJAVÍKUR)
Fasteignamarkaöur
Fjárfestingarfélagsins hf
Lögfræðingur: Pétur Þór Sigurðsson

f f .. ' . v\' s'