Morgunblaðið - 12.05.1981, Side 17

MORGUNBLAÐIÐ, ÞRIÐJUDAGUR 12. MAÍ 1981
17
Richard Valtingojer, myndlistarmaður, séra Bolli Gústavsson og séra
Bernharður Guðmundsson virða fyrir sér prufur af höklum á
ráðstefnunni i Skálholti.
ræður sameiningarpunktur, sem
er sjálf kirkjulistin. Það þurfti
ekki að þrefa um útgangspunkt-
inn því hann var fullkomlega
ljós."
— En hvers er hægt að vænta
af slíkri ráðstefnu?
„Það getur ekki hjá því farið
að ráðstefna sem gerð verða skil
í miklu riti, Kirkjuritinu, hlýtur
að hafa einhver áhrif. Ráðstefn-
an sem Kirkjuritið gekkst fyrir í
fyrra hafði þau áhrif að sá hópur
sem þá kom saman kynntist til
frambúðar og þau kynni hafa
orðið til mikils góðs og eiga
örugglega eftir að leiða af sér
enn meira gott. Við höfum fulla
ástæðu til að vænta þess sama af
þessari ráðstefnu.
Það sem gerist á slíkum ráð-
stefnum er að menn koma til tals
við kirkjuna. Setjast niður og
ræða málin og kynnast kirkjunni
og komast að því að hún er ekki
öll á sömu bókiná lærð. Það eru
býsna margvíslegar hliðar á
henni. Og þeir komast að því að
kirkjan er fúsari til viðræðna og
viðræðuhæfari en þeir hafa
kannski haldið áður.“
— Hefur kirkjan þá ekki rætt
við þessa hópa áður. Hafa þeir
ekki kynnst henni áður?
„Það má ekki setja þetta upp
þannig, ekki sem andstæður
heldur miklu fremur sem
áhersluatriði. Við erum að reyna
að leggja áherslu á það sem ekki
hefur verið haldið á lofti áður.
Auðvitað hefur kirkjan alltaf
verið áhugasöm um myndlist og
bókmenntir en hún er að undir-
strika þennan áhuga með þessum
hætti. Þetta er ekki bylting
heldur hagræðing," sagði Heimir
að lokum.
„Jákvæð og
skemmtilej' reynsla“
Oddur Albertsson, æskulýðs-
fulltrúi Þjóðkirkjunnar, tók
einnig þátt í ráðstefnunni:
„Auðvitað vekur það bjartsýni
þegar maður tekur þátt í ráð-
stefnu sem þessari. Þetta var
eins og að tveir lítt kunnugir
einstaklingar mættust og tókust
með þeim gagnkvæmar ástir.
Það er uppbyggjandi að fá að
taka þátt í slíku.
Sem manneskja er ég skapandi
einstaklingur og sköpunargleðin
er forsenda míns daglega lífs.
Það var jákvæð og skemmtileg
reynsla fyrir mig að upplifa það
að prestar geta málað og lista-
menn lesið guðspjallið. Að hafa
áhuga á listum og líka á því að
rannsaka Guðs orð er jákvæð og
skemmtileg blanda.
Ráðstefnan hefur ekki síður
vakið mig til umhugsunar eftir á.
Maður komst að því hvað maður
veit lítið um það sem ráðstefnan
snerist um.“
„Það gerðist
ótrúlega mikið“
„Er ráðstefnunni var lokið
fagnaði ég því að frumkvæðið var
kirkjunnar en ekki okkar mynd-
listarmanna," sagði Richard
Valtingojer myndlistarmaður.
„Það sem okkur vantar er
einmitt það að við myndlistar-
menn höfum ekki alltaf frum-
kvæðið."
Richard sagði að ótrúlega mik-
ið hefði gerst á þessari ráðstefnu.
„Dagskráin var mjög stíf, við
unnum frá kl. 8 á morgnana til
miðnættis en það ávannst líka
mikið eins og strax er að koma í
ljós með því að biskup hefur
samþykkt ályktanirnar tvær. Og
ef fram heldur sem horfir má
vænta mikils af ráðstefnunni. Á
myndlistarsýningunni, sem
væntanlega verður haldin haust-
ið 1982, munu líklega 20—30
listamenn sýna verk sín. Þá
hefur strax áunnist mikið því nú
vinnur enginn að trúarlegum
verkum í nokkrum mæli.
Fyrir okkur myndlistarmenn
er það líka mjög mikilvægt að
ræða við stofnun sem hefur verið
tiltölulega hlutlaus í nokkurn
tíma. Við vorum allir mjög
ánægðir, sérstaklega með stór-
góða ráðstefnustjórn dr. Gunn-
ars Kristjánssonar."
— En hvað er það sem þér er
minnisstæðast?
„Það sem sló mig mest var það
hvað ég og aðrir myndlistarmenn
vorum kvíðnir fyrirfram. Hvað
gerist? Hvað vill kirkjan af
okkur núna, var það sem við
veltum fyrir okkur. En svo hóf-
ust umræðurnar og það skapað-
ist gott andrúmsloft. Við mynd-
listarmennirnir þekktum prest-
ana mjög lítið, kannski eitthvað í
gegnum starf þeirra. Því fannst
mér það merkilegast að við
gátum sest niður við sama borð,
rætt um sömu hlutina og komist
að sömu niðurstöðum," sagði
Richard að lokum.
rmn
Sýning í Öskjuhlíðarskóla
Á sunnudaginn var sýning á vinnu nemenda Öskjuhlíðarskólans i Reykjavík. Þarna var að sjá
handavinnu. teikningar, vinnubækur, hópvinnuverkefni o.fl. Einnig var kökubasar til styrktar
nemendum. Aðsókn var geysimikil og almenn ánægja með sýninguna. að sögn aðstandenda.
Ljósm. Lmilía.
Boðsbréf
Hinn 30. júní n.k. verður biskup íslands, herra
Sigurbjörn Einarsson, sjötugur. í tilefni þess hefur
Prestafélag íslands haft forgöngu um útgáfu bókar sem
geymir úrval af ræðum hans og ritgerðum.
Áskriftarkjör
Bókin mun aðeins fást í áskrift og verður verö hennar
meö söluskatti kr. 296.40. Meðfylgjandi er áskriftarmiöi
sem væntanlegir kaupendur eru beðnir aö fylla út og
senda til Prestafélagsins fyrir 1. júní n.k.í pósthólf nr.
1253, Reykjavík.
TABULA GRATULATORIA
Nöfn áskrifenda verða skráð fremst í bókína.
Askriftarmiöi:
Ég undirrit... óska hér meö eftir aö fá senda í póstkröfu, samkvæmt tiiboði
Prestafélags íslands, bók þá er félagiö hefur forgöngu um aö gefa út í tilefni
sjötugsafmælis herra Sigurbjörns Einarssonar biskups:
(NAFN)
(HEIMILISFANG OG PÓSTNÚMER)
EINTAK/EINTÖK
Ef þér óskiö eftir fleiru en einu eintaki, þá vinsamlegast
setjiö viöeigandi töluOfan við oröin EINTAK/EINTÖK.
F.h. Prestafélags íslands
Guömundur Óskar Ólafsson form.
Sigfinnur Þorleifsson ritari.