Morgunblaðið - 12.05.1981, Side 18
Tæplega 600 manns
sóttu aðalfund Heimdallar
MORGUNBLAÐIÐ, ÞRIÐJUDAGUR 12. MAÍ 1981
Fundarsalurinn i Valholl var þéttskipaður á aðalfundi Heimdallar á sunnudaginn, og margir stóðu i
anddyri og i hliðarsal. Ljósm. Mbl.: Emíiía
Árni Sigfússon blaða-
maður kjörinn formaður
Fékk yfir 70% atkvæða
ÁRNI Sigfússon blaðamaður
var kjörinn formaður Heim-
dallar, félags ungra sjálfstæð-
ismanna í Reykjavík, á geysi-
fjölmennum aðalfundi félags-
ins, sem haldinn var á sunnu-
daginn, en fundinn sóttu tæp-
lega 600 manns. Árni hlaut 420
atkvæði eða 71,7%, en mót-
frambjóðandi hans, Björn Her-
mannsson flugvirki, hlaut 166
atkvæði eða 28,3%. Einn seðill
var auður.
Að formannskjöri Ioknu fór
fram stjórnarkjör, en ellefu
menn eiga sæti í stjórn Heim-
dallar. Frambjóðendur í
stjórnarkjöri voru sautján og
urðu úrslit sem hér segir:
Gunnlaugur Snædal
viðskiptafræðinemi 175 at-
kvæði, Ásdís Loftsdóttir fata-
hönnuður 150 atkvæði, Gísli
Þór Gíslason iðnnemi 145 at-
kvæði, Anders Hansen blaða-
maður 141 atkvæði, Örn Þor-
varðarson menntaskólanemi
136 atkvæði, Þór Fannar
framkvæmdastjóri 133 at-
kvæði, Gunnar Þorsteinsson
menntaskólanemi 127 atkvæði,
Viggó H. Viggósson fjölbrauta-
skólanemi 122 atkvæði, Sverrir
Jónsson bankastarfsmaður 121
atkvæði, Sigurður Ólafsson
læknanemi 110 atkvæði og Jó-
hannes Sigurðsson laganemi
108 atkvæði.
Þeir, sem næstir komu, en
náðu ekki kjöri, voru: Drífa
Hilmarsdóttir 101 atkvæði,
Einar Gunnar Einarsson 100
Árni Sigfússon
atkvæði, Ingi Arason 71 at-
kvæði, Ingi Þór Hermannsson
65 atkvæði, Guðmundur Jónss-
on 56 atkvæði og Jóhann Al-
bertsson 53 atkvæði.
Á aðalfundinum var sam-
þykkt stjórnmálaályktun
Heimdallar með þorra atkvæða
gegn einu.
Björn Hermannsson:
Úrslitin
komu mér
geysilega
á óvart
„ÚRSLITIN komu mér geysilega
á óvart," sagði Björn Her-
mannsson flugvirki í samtali við
Morgunblaðið í gaer, en Björn
beið lægri hlut í formannskjöri í
Heimdalli á sunnudaginn.
„Ég átti ekki von á þessari
miklu fundarsókn, en á fundinum
voru tæplega sex hundruð
manns." Björn sagðist aðspurður
ekki hafa búist við svo miklum
mun á atkvæðatölu frambjóð-
enda eins og raun varð á, „en sá
færari vann,“ sagði Björn.
Björn var að því spurður hvort
hann teldi að Árni myndi reka
félagið á annan hátt í grundvall-
aratriðum en hann hefði gert og
svaraði Björn því til að hann
teldi að svo yrði ekki. „Ég tel að
okkur greini lítið á í málefnum,
en Árni notaði sérstaka aðferð
við að afla fundarmanna og
fylgis," sagði Björn. Björn fékkst
ekki til að segja hvaða aðferð það
væri og sagði að Árni gæti
svarað því. Hins vegar sagði
hann að þeir hefðu ekki beitt
sömu aðferðum. Spurningu um
hvaða aðferð hann hefði sjálfur
notað, sagði Björn: „Ég vann
aðallega innan félaga Heimdall-
ar.“
lljorn llcrmannsson
Stjórnmálaályktun Heimdallar:
Sjálfstæðismenn segi sig úr ríkisstjórn
- svo að hugsjónir sjálfstæðisstefnunnar verði leiddar til öndvegis
Aðalfundur Heimdallar, haldinn 10. maí
1981, telur að aldrei hafi verið eins brýnt og
nú að sjálfstæðismenn standi saman um þær
hugsjónir er bundið hafa þá saman í einum
flokki í meira en hálfa öld. Aldrei áður hefur
heill og framtíð íslensku þjóðarinnar verið
eins undir því komin, að hugsjónir sjálfstæð-
isstefnunnar verði leiddar til öndvegis hér á
landi. Um leið er ljóst, að svo mun ekki verða,
nema þeir sjálfstæðismenn sem nú sitja í
ríkisstjórn í óþökk meirihluta sjálfstæð-
ismanna segi sig úr ríkisstjórninni.
Óðaverðbólga er nú á íslandi, og takist ekki
að ráða niðurlögum hennar innan mjög
skamms tíma, mun allt atvinnulíf í landinu
bíða svo mikinn hnekki að langan tíma mun
taka að koma því í samt horf og fyrr. Stöðnun
ríkir nú í allri orku- og atvinnuuppbyggingu
hér á landi, stjórnvöld koma sér ekki saman
um framtíðarstefnu í þessum mikilvægu
málaflokkum, og duglaus stjórn iðnaðar- og
orkumála er smám saman að leiða til þess að
íslendingar dragist aftur úr nágrannaþjóðum
sinum með þeim afleiðingum að lífskjör verða
hér lakari en nálægar þjóðir sætta sig við.
Skattpíningarstefna núverandi ríkisstjórnar
gerir það að verkum að frumkvæði borgar-
anna til að búa sér og börnum sínum
lífvænlega framtíð er lamað. Áhrif öfga-
manna eru alls ráðandi í utanríkisstefnu
Islendinga, hvort heldur hún varðar öryggi og
sjálfstæði þjóðarinnar, eða hvers konar við-
skipti við erlenda aðila. Þannig mætti lengi
telja, íslenskt þjóðlíf er á heljarþröm, og
fullreynt að ekki verður bót á til hins betra
fyrr en skipt hefur verið um stjórn í landinu,
þar sem stefna .Sjálfstæðisflokksins verður
höfð að leiðarljósi við framtíðarstefnumörkun
á Islandi framtíðarinnar.
Aðalfundur Heimdallar minnir á, að frjálst
framtak einstaklinganna, frelsi þeirra til orðs
og æðis, er sá aflvaki einn sem getur leyst
þjóðina úr þeim dróma, sem hún nú er bundin
í. Á Islandi hafa menn ekki efni á að hafna
frjálsu framtaki borgaranna, íslendingar hafa
ekki efni á að draga það lengur að koma hér á
mannúðlegum markaðsbúskap er einn getur
skilað þjóðinni áfram svo einhverju nemi, í
efnahags- og menningarlegu tilliti.
Frelsi borgaranna til að taka sjálfir ákvarð-
anir um líf sitt frá degi til dags, er samofið því
frelsi sem íslenska þjóðin hefur búið við og
vill búa við í samfélagi þjóðanna. Sjálfstæð-
ismenn leggja áherslu á að öryggi þjóðarinnar
verði tryggt í varnarsamstarfi við aðrar
vestrænar þjóðir, og um leið er það sannfær-
ing þeirra að til lítils hafi verið barist ef
niðurstaðan verði sú að á íslandi búi ófrjálsir
menn í sjálfstæðu landi. Blekking ein er það,
ef því er haldið fram að sjálfstæði þjóðarinnar
fái staðist ef sífellt er vegið að grundvallar-
frelsi hvers Íslendings af misvitrum atvinnu-
stjórnmálamönnum frá einum degi til annars.
Árni Sigfússon, nýkjörinn formaður Heimdallar:
Átti ekki von á að mun-
urinn yrði svona mikill
„ÉG ER þakklátur fyrir þann
stuðning sem ég fékk í þessum
kosningum. Ég átti sannarlega
ekki von á því að munurinn yrði
svona mikill," sagði Árni Sigfús-
son blaðamaður, nýkjörinn for-
maður Heimdallar, í samtali við
Morgunblaðið í gær.
„Við þessi úrslit eflist ég í starfi
og ég trúi að það sé hægt að vinna
það verk sem þarf í Heimdalli. Ég
vona sannarlega að ég geti virkjað
þá Heimdellinga sem studdu mig
á fundinum í það starf sem
framundan er, af nógu er að
taka,“ sagði Árni.
„Borgarstjórnarkosningarnar
eru eftir ár og munum við ganga
af krafti í að vinna borgina aftur.
Þar eru góðir menn í forystu
Sjálfstæðisflokksins sem við
munum sannarlega styðja við
bakið á.
Þá þurfum við félagsaðstöðu og
menn hafa of lengi talað um það í
gegnum árin að koma upp slíkri
aðstöðu, án þess að ná einhverjum
árangri. Ég er sannfærður um að
allir sjálfstæðismenn í Reykjavík
séu sammála um að ungu fólki sé
nauðsyn á slíkri aðstöðu, sérstak-
lega þegar kraftur er í félaginu.
Ég treysti á að forystumenn
flokksins stuðli að heppilegri
lausn og liggi ekki á liði sínu.
Einnig verður gengið af krafti í
félagaskrána og hún unnin þannig
að ekki þurfi að koma fyrir það
sem gerst hefur í Heimdalli und-
anfarin ár, að ekki skuli vera
hægt að láta félagaskrá liggja
frammi,“ sagði Árni.
„Félagið er ekki mjög illa statt
fjárhagslega, það eru ekki miklar
byrðar sem þessi stjórn þarf að
bera, enda hefur starfið verið lítið
síðasta ár. Nú í sumar raunum við
undirbúa starfið og leggja okkur
fram um að gera aðstöðuna í og
við Sjálfstæðishúsið sóma-
samlega," sagði Árni. „Að lokum
vil ég þakka mönnum stuðninginn
og Birni Hermannssyni vinsamleg
orð, þegar úrsiit lágu fyrir, en
hann hvatti sína menn til að
standa að baki nýkjörnum for-
manni. Mættu eldri menn í
flokknum taka sér slíkt til fyrir-
myndar," sagði Árni Sigfússon að
lokum.