Morgunblaðið - 12.05.1981, Blaðsíða 46
24
MORGUNBLAÐIÐ, ÞRIÐJUDAGUR 12. MAI 1981
f
wmmmmMímmmmmmmmmmmmmmmmmmmmmmmmmmmmmimi
Tvö lagleg mörk
færðu KR sigur
KR HREPPTI TVÖ stÍK í sínum fyrsta leik i 1. deildar keppninni í
knattspyrnu þetta árið, FII hins vegar er án stiga eftir fyrstu
umferðina, því ekki geta allir unnið einn og sama leikinn. KR sigraði
Hafnarfjarðarliðið 2—0 og var sá sigur síst of stór, því ágæt
marktækifæri fóru forgorðum. bessi fyrsti leikur virðist lofa góðu um
framhaldið hjá KR, liðið lék oft skínandi vel gegn FII, sem stóð sig þó
alls ekki sem verst þrátt fyrir ósigurinn. í hálfleik stóð 1—0.
Leikurinn fór afar rólega af
stað og ef nokkuð, þá voru
FH-ingar sterkari aðilinn framan
af. Liðið sótti meira, en herslu-
muninn vantaði að opna KR-vörn-
ina eins og þurfti. Enda voru það
KR-ingar sem fengu bestu færin
þó svo að sóknarþungi FH hafi
verið meiri. Strax á 16. mínútu
leiksins var Óskar Ingimundarson
í góðu færi, en tókst ekki að stýra
knettinum rétta stefnu með höfði
sínu, knötturinn skoppaði fyrir
markið í staðinn fyrir að skoppa
inn í það. Og 7 mínútum síðar fékk
KR aukaspyrnu nánast á víta-
teigslínunni, FH-ingar heppnir
þar að fá ekki vítaspyrnu í höfuð-
ið. Óskar spyrnti þrumuskoti í
gegn um varnarvegg FH og knött-
urinn stefndi efst í markhornið, er
Hreggviður Ágústsson hoppaði
eins og köttur og bjargaði ævin-
týralega.
Besta tilraun FH kom eins og
þruma úr heiðskýru lofti á 43.
mínútu og ef knötturinn hefði
hafnað þá í netinu, hefði það verið
mark ársins. Ólafsvíkingurinn
Magnús Stefánsson fékk knöttinn
næstum 40 metra frá marki KR og
var hann ekkert að tvínóna við
hlutina, heldur spyrnti af öllum
kröftum með vindinum að mark-
inu. Ótrúlegur þrumufleygur og
knötturinn skall á markvinklinum
og þaðan yfir markið! En það var
skammt stórra högga á milli, því
aðeins mínútu síðar kom mark
hinum megin á vellinum. Og þar
var laglega að verki staðið, Sverrir
Herbertsson lék upp að endamörk-
um hægra megin og sendi hnit-
miðaða sendingu á kollinn á
Óskari Ingimundarsyni, sem
skallaði knöttinn í netið, óverjandi
fyrir Hreggvið.
Einbeitingu FH-inga sló út um
tíma eftir markið og frarnan af
síðari hálfleik voru KR-ingar að-
gangsharðir við markið. Sæbjörn
og Sverrir áttu báðir þrumuskot
naumlega fram hjá marki FH og á
62. mínútu skoruðu KR-ingar síð-
an aftur. Óskar Ingimundarson og
Atli Þór Héðinsson sóttu þá lag-
lega upp hægra megin og Óskar
stakk síðan knettinum inn á
Sverri Herbertsson, sem hafði
losað sig við varnarmenn FH.
Sverrir skaut, en Hreggviður varði
snilldarlega, Sverrir skaut aftur,
en Hreggviður var enn erfiður við
að eiga. En þegar Sverrir fékk
knöttinn rétt einu sinni kom
Hreggviður loks engum vörnum
við, 2—0.
FH-ingar gáfu sig ekki og fá
prik fyrir að gefast ekki upp. En
KR-ingar voru heldur betur upp-
fullir sjálfstrausts og vörn FH gaf
færi á sér, ekki síst er liðið reyndi
að sækja meira en áður. Þannig
komst Vilhelm Frederiksen einn
að marki FH þegar 6 mínútur
voru eftir, hann var nýkominn inn
á sem varamaður og hafði ekki
snert knöttinn fram að því. En
Hreggviður kom vel út á móti og
Vilhelm spyrnti knettinum beint í
KR — FH
2—0
búkinn á markverðinum. Lokatöl-
unum varð því ekki breytt.
KR-liðið var nokkuð gloppótt að
þessu sinni, lél skínandi á köflum,
en hafði hægt um sig þess á milli.
Óskar Ingimundarson er fram-
herji sem á örugglega eftir að láta
meira að sér kveða í sumar,
útsjónarsamur markaskorari. Þá
lék Sverrir Herbertsson vel í stöðu
hægri útherja og Atli Þór Héð-
insson gerði góða hluti, svo ekki sé
minnst á Sæbjörn Guðmundsson,
sem er einn skemmtilegasti leik-
maður 1. deildarinnar. Vörnin var
traust, með Ottó í fararbroddi.
FH-ingar léku alls ekki illa á
köflum og góð barátta fylgdi. En
sóknarleikurinn var ekki nógu
beittur og vörnin opnaðist oftar en
góðu hófi gegndi. Besti maður
liðsins var Hreggviður Ágústsson
í markinu. Magnús Teitsson skil-
aði sínu einnig vel og Helgi
Ragnarsson átti góðar sendingar á
samherja af og til. Að öðru leyti
var vottur af meðalmennsku yfir
liði FH, en það getur betur, að
minnsta kosti mætti ætla það
þegar litið er á þá leikmenn sem
liðið skipa.
í stuttu máli:
íslandsmótið 1. deild KR — FH
2-0 (1-0)
Mörk KR: Óskar Ingimundarson
(44. mín.) og Sverrir Herbertsson
(62. mín.)
Áminningar: Logi Ólafsson FH
Dómari: Sævar Sigurðsson. —gg.
KR-ingarnir Börkur Ingvarsson, Sigurður Pétursson og Óskar Ingimundarson sækja að Ásgeiri
Arnbjörnssyni. Ljówn. Emiiu.
Sigurður stórbætti
sig í 5 km hlaupi
„ÞETTA var góður áfangi og nú
vonast ég til að gcta farið að gera
atlögu að metinu." sagði Sigurð-
ur P. Sigmundsson FII í viðtali
við Morgunblaðið í gær, en hann
stórhætti sig í fimm kilómetra
hlaupi á frjálsíþróttamóti í Wolv-
erhampton í Bretlandi um helg-
ina. hljóp á 14:43,8 minútum.
Sigurður átti bezt áður 14:56,8
frá því fyrr í vor. tslandsmetið á
Sigfús Jónsson ÍR, en það er
14:26.2 minútur og vonast Sig-
urður til að slá það í sumar, og
hefur æft mikið og vel í vetur
með það að markmiði. Árangur
Sigurðar cr þriðji bezti árangur
íslendings frá upphafi. milli hans
og Sigfúsar er Kristleifur Guð-
björnsson. sem hljóp á 14:32,0
mín.
„Ég lenti í góðri keppni og
hraðinn var mjög heppilegur,
hlupum t.d. fyrstu 3.000 metrana á
8:51 mínútu. Ég hélt mig lengi
aftarlega í hópnum, en þegar þrír
hringir voru eftir færði ég mig
upp í annað sætið og var þar á
síðasta hring. Þeir voru margir
sterkir á endasprettinum og hafn-
aði ég því í jyötta sæti af 12
keppendum. Hlaupið vannst á
14:38,4 mínútum," sagði Sigurður.
Sigurður sagðist mundu hlaupa
tvö til þrjú 1500 metra hlaup á
næstu vikum. Hann hleypur ekki
fimm kílómetra aftur fyrr en í
júní, en þá vonast hann til að bæta
sig enn betur og jafnvel gera
atlögu að íslandsmetinu. Þetta var
í þriðja sinn í vor, sem hann
hleypur undir 15 mínútum.
Fyrsta mark ís
• Guðmundur Torfason lengst til hægri á myndinni spyrnir 1
Ljósm.: Bjarni Friðriksson.
• Fyrsta mark íslandsmótsins í knattspyrnu. Boltinn haf
Guðmundar. Eins og sjá má er línuvörðurinn vel með á nótum
Ljósm.: Bjarni Friðriksson.
Elnkunnagjðfin
Lið Fram:
Guðmundur Baldursson
Hafþór Sveinjónsson
Trausti Haraldsson
Sighvatur Bjarnason
Marteinn Geirsson
Ársæll Kristjánsson
Ágúst Hauksson
Albert Jónsson
Guðmundur Stcinsson
Guðmundur Torfason
Pétur Ormslev
(lék að. 15. min.)
Lárus Grétarsson
Lið ÍBV:
Páll Pálmason
Guðmundur Erlingsson
Ingólfur Sveinsson
Þórður Ilallgrimsson
Viðar Eliasson
Ómar J óhannsson
Jóhann Georgsson
Sigurlás Þorleifsson
Kári Þorleifsson
Ingólfur Ingólfsson
Lið KR:
6 Stefán Jóhannsson
6 Jósteinn Einarsson
5 Sigurður Pétursson
6 Börkur Ingvarsson
7 Ottó Guðmundsson
5 Birgir Guðjónsson
6 Sæbjörn Guðmundsson
5 Atli Þór Héðinsson
6 Óskar Ingimundarson
7 Sverrir Herbertsson
Hálfdán Örlygsson
6 Davíð Skúlason
4 (vm„ lék i 15. min)
Lið FH:
5 Ilreggviður Ágústsson
5 Viðar Halldórsson
6 Magnús Stcfánsson
6 Logi ólafsson
6 Gunnar Bjarnason
7 Magnús Teitsson
5 Ásgeir Arnbjörnsson
5 Helgi Ragnarsson
5 Andrés Kristjánsson
4 Tómas Pálsson
Pálmi Jónsson
6
5
6
6
7
5
7
7
7
7
4
6
8
4
6
5
5
6
5
6
4
5
4