Morgunblaðið - 14.02.1982, Blaðsíða 2

MORGUNBLAÐIÐ, SUNNUDAGUR 14. FEBRÚAR 1982
Kópavogshæli:
Um 30% hafa
snúið til
„VIÐ TELJUM að um 30% þeirra,
sem gengu út af Kópavog.shæli hafi
snúió til vinnu. I'essu fólki var hótaó,
meðal annars að það missti réttindi
sín og harnaheimilispláss. Ég tel að
þessar hótanir hafi haft einhver áhrif
á að fólk sneri til vinnu á Kópavogs-
h;elið. en hins vegar hefur enginn
snúið til haka á Kleppi, enda engum
hótunum beitt þar,“ sagði Stefán As-
geirsson, á verkfallsvakt ófaglærðs
starfsfólks, sem gengið hefur út af
vinnii
Kópavogshæli og Kleppsspítala til að
leggja áherzlu á bætt kjör.
„Við höfum enn ekkert heyrt frá
ríkisvaldinu og viðkomandi verka-
lýðsfélögum. Svo virðist sem verið
sé að freista þess að einangra
okkur. Við buðum fram neyðarvakt
til að létta undir með starfsliði á
Kleppsspítala og Kópavogshæli og
það boð stendur enn, en hefur
hingað til verið hafnað,“ sagði Stef-
án Asgeirsson.
Ragnar Arnalds um bankaskattana:
Venjulegir tekju-
og eignaskattar
„l'AD EK fyrst og fremst vcrið að tala
um venjulegan tekju- og eignaskatt,
en það er aðeins spurning um, hvcrnig
skattlagningin fer fram á þessu fyrsta
ári, mcðan ekki er búið að koma
þessu inn í kerfið," sagði Kagnar Arn-
alds fjármálaráðherra aðspurður um í
hvaða formi skattlagning á banka og
sparisjóði verður, en sú skattlagning
cr meðal þess sem yfirlýst var í
boðskap ríkisstjórnarinnar um efna-
hagsmál nú nýverið. Kagnar sagðist
vænla þess að frumvarp þessa efnis
sæi dagsins Ijós í næstu viku, en það
va-ri þó ekki að fullu vitað enn þá.
Auk fyrrnefndrar skattlagningar
hefur fjármálaráðherra haft til
meðferðar aðra þætti úr svonefnd-
um „efnahagspakka". Samkvæmt
heimildum Mbl. munu frumvörp til
breytinga á lögum vegna þessa
væntanlega afgreidd í ríkisstjórn á
þriðjudag og í framhaldi af því
verða þau lögð fram á Alþingi. Hér
er um að ræða breytingu á lögum
Tónleikar
í minningu
Stravinskys
KAMMERSVEIT Reykjavíkur held
ur tónleika í dag klukkan 16 í
Gamla bíói, í tilefni þess að 100 ár
eru liðin frá fæðingu Igors Strav-
inskys. Einvörðungu verða flutt
verk eftir Stravinsky á tónleikun-
um, og spanna þau yfir 30 ára
tímabil, frá 1938 til 1968. Stjórn-
andi hljómsveitarinnar á tónleik-
unum er Paul Zukofsky.
vegna tollafgreiðslugjaldsins, einn-
ig mun vera að vænta sérstaks
frumvarps um skyldusparnað, sem
taka skal af skattstofni yfir
ákveðnum tekjum.
Mvnd Mhl. Kmilia
Starfsfólk Kleppsspítala yfirgefur sjúkrahúsid á fimmtudag þeg-
ar ólögleg vinnustöðvun þess hófst.
Borgarsjóð-
ur getur
ekki hlaupið
undir bagga
— segir Sigurjón
Pétursson um vanda
Hitaveitunnar
„ÉG GET lítið annað um þetta sagt
en að þessi hækkun er of lítil, og
hún þýðir að það verður að draga
saman seglin hjá Hitaveitunni,"
sagði Sigurjón Pétursson, forseti
borgarstjórnar, í samtali við Mbl., er
hann var spurður álits á þeirri
ákvörðun ríkisstjórnarinnar, að
leyfa 15% hækkun á gjaldskrá Hita-
veitu Reykjavíkur. — Hitaveitan
hafði farið fram á 45% hækkun.
Sigurjón kvað enn ekki ljóst
hver áhrif þetta myndi hafa á
starfsemi Hitaveitunnar, eða
hvort svo gæti farið að ný hús
fengju ekki heitt vatn á þessu ári.
Ljóst væri að borgarsjóður gæti
ekki hlaupið undir bagga með
fyrirtækinu meðal annars vegna
þess að rekstur fyrirtækisins
snerti fleiri sveitarfélög en
Reykjavík.
Atvinnumálaráðstefna Fjórðungssambands Norðlendinga:
Búsetuþróun á Norðurlandi
virðist snúast til verri vegar
UM HELGINA, 5.-6. febrúar, var
haldin á Akureyri ráðstefna um at-
vinnumál á Norðurlandi. Var hún
haldin á vegum Fjórðungssambands
Norðlcndinga í samvinnu við aðila
vinnumarkaðarins. Markmið ráð-
stefnunnar var að gera úttekt á
ástandi atvinnumáia á Norðurlandi
um þessar mundir. í því skyni skyldi
safnað saman fáanlegum upplýsing-
um og víðtæk umræða fara fram um
þessi mál.
Miklar upplýsingar komu fram
um þessi mál segir í frétt frá
Fjórðungssambandi Norðlendinga.
„Mönnum varð ljóst að viðfangs-
efnið „atvinnumál á Norðurlandi"
er mikið og margbrotið. Virðist
heldur halla undan fæti í þessum
efnum. Fram kom að á síðasta ári
var búsetuþróun á Norðurlandi
óhagstæð, en á Norðurlandi eystra
fjölgaði um 0,74% og á Norður-
landi vestra um 0,53% á meðan
fólksfjölgun í landinu varð 1,23%.
Á árunum 1970—1979 fjölgaði aft-
ur á móti að meðaltali um 1,3% á
Norðurlandi á ári meðan fjölgun
fólksins á landinu öllu var 1,2% að
meðaltali á ári. Greinilegt er að
tiltölulega hagstæð búsetuþróun á
Norðurlandi á síðasta áratug virð-
ist vera að snúast við. Sama þróun
sést í atvinnuleysisskráningu síð-
ustu ára en á síðasta ári var at-
vinnuleyi á Norðurlandi það mesta
sem mælst hefur sl. 7 ár. Þá voru
að meðaltali 155 manns á atvinnu-
ieysisskrá á Norðurlandi. En síðan
1975 hafa 120 manns verið á at-
vinnuleysisskrá hér norðanlands,
en til samanburðar má geta þess
að á sama tíma voru að meðaltali
slétt eitt hundrað manns á skrá á
höfuðborgarsvæðinu.
Lögð var áhersla á að uppbygg-
ing atvinnulífsins í fjórðungnum
sé ekki einkamál atvinnurekend-
anna, heldur séu það hagsmunir
Norðlendinga allra sem þar koma
Á síðasta ári var
mesta atvinnuleysi
síðustu sjö ára
til. Meginatriði hagstæðrar at-
vinnuþróunar voru talin þessi:
A) Að skapaðar verði almennar
forsendur fyrir hallalausum
rekstri framleiðslufyrirtækja.
B) Komið verði á betri skipulagn-
ingu í sölu- og markaðsmálum,
fyrst og fremst á ýmsum þátt-
um fiskútflutnings.
C) Aukning útflutnings byggist að
miklu leyti á því að íslenskri
framleiðslu verði sköpuð sér-
staða í kynningu erlendis eins
og kostur er.
D) Orka er mikilvæg undirstaða
atvinnulífsins og er því eitt af
meginatriðum að tryggja hag-
stæða orkuöflun í fjórðungn-
um.“
Reykjavík undir vinstri stjórn:
Manndómsskortur og dáðleysi
í framkvæmdum og fjármálum
— segir Markús Örn Antonsson borgarfulltrúi Sjálfstæðisflokksins
„ÞAÐ ER afskaplega mikill
manndómsskorlur og dáðleysi í
hvívetna sem einkennir uppgjöf
borgarfulltrúa vinstri flokkanna,
þreylan á rúmlega þriggja ára sam-
búð er orðin yfirþyrmandi, enda
vart við öðru að búast. Sjálfstæð-
ismcnn höfðu jafnan varað kjós-
endur sína við því, að þessum
þremur flokkum tækist ekki að
stjórna borginni á mannsæmandi
hátt,“ sagði Markús Örn Antons-
son borgarfulltrúi á fundi borgar-
stjórnar nýlega, en þá gerði hann
að umtalsefni störf núverandi
meirihluta borgarstjórnar.
I ræðu sinni nefndi Markús m.a.
útitaflið við Lækjargötu og sagði,
að útitaflið væri talandi dæmi um
þann brag sem verið hefði á með-
ferð borgarmála í Reykjavík undir
vinstri stjórn. Síðan sagði Markús:
„Málið var frámunalega illa
undirbúið af þeim pólitísku
ábyrgðarmönnum, sem um fram-
kvæmdaáætlunina áttu að fjalla.
Það var ráðizt með offorsi í fram-
kvæmdir, unnið daga og nætur og
borgaður sérstakur bónus, að þvi
er virtist til þess eins að for-
svarsmenn þessa meirihluta gætu
baðað sig í frægðarsól við vígslu
taflsins á afmælisdegi Reykjavík-
ur. Þegar upp var staðið, hafði
þessi framkvæmd við Lækjargötu
kostað Reykvíkinga 1,7 milljónir
króna í stað 300 þúsunda, sem
áætlanir gerðu ráð fyrir og höfðu
verið lagðar til grundvallar þegar
ákvarðanir um verkið voru teknar.
Þegar í óefni var komið, vildi
ábyrgðarmaður númer eitt, for-
maður umhverfismálaráðsins,
vera úr leik og tóku að heyrast úr
því horni ámælisorð í garð borgar-
verkfræðings og annarra vondra
manna, sem ættu sök á því hvern-
ig farið hefði," sagði Markús.
„En þetta er hinn alvanalegi
leikur í samstarfi vinstri flokk-
anna í borgarstjórn Reykjavíkur. í
jafn víðtækum og umfangsmiklum
rekstri og framkvæmdum og borg-
in stendur í þarf jafnan að vera
fyrir hendi virk pólitísk stjórnun
fjármála, fyrst og fremst með það
að leiðarljósi að gæta fyllsta að-
halds í meðferð almannafjár.
Þessi stjórnun og þetta aðhald er
ekki til hjá vinstri meirihlutanum
í Reykjavík. Þegar hlutirnir eru
komnir úr böndunum, flýja þeir
hver af öðrum af hólmi, hinir
fótfráu borgarfulltrúar meirihlut-
ans, og ef þeir geta ekki skellt
skuldinni á hina pólitísku gagnað-
ila í þessu dæmalausa samstarfi,
er gjarnan gripið til þess ráðs að
kenna embættismannavaldinu
um. Lítið leggst fyrir margan
kappann, sem barði sér á 'brjóst
við síðustu kosningar og bauð
embættismönnum borgarinnar
byrginn, en ætlaði að hefja sjálfan
sig til æðstu metorða og láta hinar
pólitísku nefndir og ráð stjórna
ferðinni í einstökum málaflokk-
um,“ sagði Markús Örn Antons-
son.
Pétur Eysteinsson, iðnráðgjafi
Fjórðungssambands Norðlendinga,
gerði grein fyrir niðurstöðum
könnunar á atvinnumálum, sem
gerð var meðal sveitarstjórna
þéttbýlisstaða á Norðurlandi. Sig-
urður Guðmundsson, aðstoðar-
framkvæmdastjóri Byggðadeildar
Framkvæmdastofnunar, ræddi um
þörfina fyrir ný atvinnutækifæri á
Norðurlandi. Sveinn Úlfarsson,
hagfræðingur Kjararannsóknar-
deildar, kynnti meginniðurstöður
rannsóknar sem gerð var á fyrri
hluta síðasta árs um skiptingu
vinnuafls eftir starfsgreinum,
launaflokkum o.fl. Guðmundur
Sigvaldason, fulltrúi hjá Fjórð-
ungssambandi Norðlendinga, sagði
frá þróun atvinnuleysis á Norður-
landi síðustu sjö árin skv. upplýs-
ingum Vinnumáladeildar Félags-
málaráðuneytisins. Hjörtur Ei-
ríksson, framkvæmdastjóri Iðn-
aöardeildar Sambandsins, talaði af
hálfu Vinnumálasambands sam-
vinnufélaganna og ræddi um stöðu
og horfur í útflutningsiðnaði (öðr-
um en fiskiðnaði). Ingólfur Jóns-
son, framkvæmdastjóri Reynis hf.
á Akureyri, talaði af hálfu Lands-
sambands iðnaðarmanna og raeddi
um horfur í byggingaiðnaði. Árni
Guðmundsson, framkvæmdastjóri
Skjaldar hf. á Sauðárkróki, talaði
af hálfu Vinnuveitendasambands
íslands og ræddi hann um stöðu
fiskvinnslunnar á Norðurlandi. Að
lokum flutti Þóra Hjaltadóttir,
forseti Alþýðusambands Norður-
lands, erindi um viðhorf sam-
bandsins til atvinnumálanna. Er-
indi um nýjungar í framleiðslu
flutti Ástþór Ragnarsson (um
iðnhönnun), Jónas Bjarnason (nýj-
ungar í fiskiðnaði) og Ásgéir
Leifsson (úrvinnsla áls).
í lok ráðstefnunnar voru helstu
niðurstöður hennar dregnar sam-
an af Bjarna Aðalgeirssyni, bæjar-
stjóra á Húsavík, formanni Fjórð-
ungssambandsins.
Fundarstjórar voru Helgi M.
Bergs, bæjarstjóri á Akureyri, og
Lárus Ægir Guðmundsson, sveit-
arstjóri á Skagaströnd, en fund-
arritari Þorsteinn Jónatansson,
verkalýðsfélaginu Einingu á Akur-
eyri.
Ráðstefnugestir voru rúmlega
eitt hundrað.