Morgunblaðið - 11.03.1982, Blaðsíða 13
MORGUNBLAÐIÐ, FIMMTUDAGUR 11. MARZ 1982
13
ára í dag:
Frá nýju athafnasvsði ÍR í SuðurMjódd, þar sem hafnar eru framkvsmdir við framtíðaríþróttasvsði félagsins.
Engihjallablokkirnar í baksýn. Á innfelldu myndinni sér af svsðinu upp í Skógahverfið í Breiðholti.
Ljósm.: Ágúst Björnsson.
vaxtarbroddur íþrótta- og aesku-
lýðsstarfs framtíðarinnar.
Litskrúðug íþróttasaga
Eins og áður segir, taka um þús-
und unglingar þátt i æfingum fé-
lagsins í viku hverri, en búast má
við að þeim fjölgi þegar félagið
hefur náð verulegri fótfestu í
Breiðholti með uppbyggingu á
nýja svæðinu. Félagið hefur jafn-
an haft mjög frambærilegum
íþróttamönnum á að skipa, og
verður svo áreiðanlega enn um
sinn, ef rétt verður á málum hald-
ið. Hefur IR jafnan átt fulltrúa i
úrvalsliðum, sem fram hafa komið
í nafni þjóðarinnar í útlöndum,
fjölmennur hópur ÍR-inga hefur
tekið þátt í Olympíuleikjum og
þar sem hægt hefur verið að mæla
árangur í mínútum, sekúndum,
metrum og sentimetrum, hafa
ÍR-ingar jafnan raðað sér á meta-
skrár. Iþróttasaga IR er því sér-
staklega litskrúðug, og eru ÍR-ing-
ar stoltir af afrekum sinna
manna, jafnt nú sem fyrr.
ÍR var frumkvöðull á sviði
knattspyrnu hér á landi, og í anda
markmiða félagsins var stofnuð
knattspyrnudeild með aðsetri í
Breiðholti fyrir nokkrum árum.
Stór hópur vaskra unglinga tekur
þátt í gróskumiklu starfi deildar-
innar og eignaðist félagið sína
fyrstu Islandsmeistara í knatt-
spyrnu sumarið 1980.
Frjálsíþróttamenn hafa borið
hróður félagsins víða og það jafn-
an átt suma mestu afreksmenn
þjóðarinnar á hverjum tíma, allt
frá Jóni Kaldal til Óskars Jak-
obssonar, en í millitíðinni hefur
mikið kveðið að Finnbirni Þor-
valdssyni, Óskari Jónssyni, Erni
og Hauki Clausen, Jóel Sigurðs-
syni, Vilhjálmi Einarssyni, Val-
birni Þorlákssyni, Jóni Þ. Ólafs-
syni og Erlendi Valdimarssyni,
svo nokkrir séu nefndir. Síðasti
áratugurinn í íslenzku frjáls-
íþróttastarfi hefur verið nefndur
„ÍR-áratugurinn“, svo gustmiklir
hafa frjálsíþróttamenn félagsins
verið að undanförnu, m.a. unnið til
sæmdarheitisins „bezta frjáls-
íþróttafélag Islands" tíu ár í röð.
Þar er þáttur hins ötula þjálfara
og dugmikla leiðtoga, Guðmundar
Þórarinssonar, ekki svo lítill.
Lengi vel voru sumir mestu
sundmanna þjóðarinnar í ÍR, svo
sem Atli Steinarsson, síðan Guð-
mundur Gislason, Hörður Finns-
son og Matthildur Guðmundsdótt-
ir, svo einhverjir séu nefndir. En
þótt einhverju sinni hafi gusast af
sundmönnum IR og kraumað í
kjalsoginu, þá er það hlutskipti
öldunnar að rísa þar til hún brotn-
ar og fellur. Sundið komst því í
öldudal hjá ÍR og lagðist síðar al-
veg niður, sem er miður.
Körfuknattleiksmenn ÍR báru
lengi höfuð og herðar yfir aðra, ef
svo má að orði komast, og voru
nánast ósigrandi um langt árabil.
í dag eru körfuknattleiksmenn fé-
lagsins þó í öldudal, en efnilegir
yngri menn lofa góðu um framtíð-
ina og því ástæðulaust að örvænta
að sinni.
Hið sama má segja um hand-
knattleikinn. Jafnan er litið á
frammistöðu meistaraflokka fé-
laganna, og meistaraflokkur ÍR er
ekki í baráttu í l.deild, eins og
galiharðir ÍR-ingar vildu þeir
væru, heldur berjast um efsta
sætið í 2.deild. Þegar frammistaða
yngri handboltamannanna er at-
huguð, kemur í ljós að af þeim
standa boðaföll. Þeir eru í úrslita-
baráttu um Islandsmeistaratitil í
öllum flokkkum hjá báðum kynj-
Félag til eflingar leikfimi og iþrótttim (>r
ætlast til að verði stofnað hér í bæ, ef
nógu margir gefa sig fram.
Þeir, sem vilja sinna jiessu máli, eru
beðnir að mæta á hótel ísland á föstudag-
inn kemur kl. 9 siðdegis.
____________________________A. Bertelsen.
Auglýsingin um stofnun ÍR, sem Andreas J. Bertelsen setti í ísafold, sem út
kom 13. febrúar 1907.
um, sannarlega efnileg sveit ungs
fólks, og spurning hvort þar sé
ekki á ferðinni holskefla, sem gera
muni IR að stórveldi í þessari
íþ.róttagrein þegar fram líða tím-
ar. Allavega líta forráðamenn fé-
lagsins björtum augum til fram-
tíðarinnar í þessum efnum, þótt
jafnan steðji að örðugleikar, sem
erfiðir eru viðureignar, en minn-
ugir baráttuþreks og eldmóðs
frumherjanna vita þeir að ekki
dugir að hopa, þótt á móti blási.
Minnst hefur verið á hið glæsi-
lega skíðaland ÍR. Þar hefur mikil
uppbygging átt sér stað og stunda
margir ungir og efnilegir skíða-
menn íþrótt sína af mikilli elju-
semi. Feta þeir í fótspor afreks-
manna félagsins í þessari íþrótt,
svo sem Valdimars Örnólfssonar
og Eysteins Þórðarsonar. Mikill
hugur er í skíðamönnum ÍR og er
þar sannarlega unnið í anda frum-
herjanna.
Með hugsjónir frum-
kvöðlanna að
leiðarljósi
I framtíðinni beinist hugur for-
ráðamanna félagsins einkum að
uppbyggingu hins nýja svæðis fé-
lagsins í Mjóddinni, og að skíða-
svæðinu í Hamragili. Haldið verð-
ur áfram mannvirkjagerð á þess-
um svæðum og skapaö glæsilegt
atnvarf fyrir æskumenn framtíð-
arinnar til útivistar og heilbrigðra
leikja. Starfað verður í anda
frumkvöðlanna, hugsjónamann-
anna sem ruddu veginn fyrstu
áratugina og hiklaust héldu fram
stefnu félagsins um gagnsemi
íþróttaiðkana, utan húss og innan,
í hvívetna. Á þessum tímamótum í
lífi félagsins hugsa IR-ingar til
þessara manna, brautryðjenda ís-
lenzks íþróttastarfs á ýmsum
sviðum og í ýmsum myndum. Þær
styrku stoðir sem þeir reistu
standa enn, stoðir gróskumikils
starfs, er sett hefur sitt mark á
þjóðlífið, stoðir sem duga munu
um ókomna áratugi, ef menn
minnast jafnan þess anda og
þeirrar einurðar, sem einkenndi
störf frumherjanna, og missa ekki
sjónar á tilgangi og takmarki fé-
lagsins.
Ágúst Ásgeirsson
Formenn ÍR í 75 ár:
Andreas J. Bertelsen
Jón Halldórsson
Benedikt G. Waage
Helgi Jónasson
Haraldur Johannessen
Þorsteinn Sch. Thorsteinsson
Sigurliði Kristjánsson
Jón J. Kaldal
Torfi Þórðarson
Þorsteinn Bernharðsson
Sigurpáll Jónsson
Axel Konráðsson
Gunnar Steindórsson
Jakob Hafstein
Albert Guðmundsson
Sigurjón Þórðarson
Reynir Sigurðsson
Gunnar Sigurðsson
Ásgeir Guðlaugsson
Þórir Lárusson
MARLIN-TÓG
LÍNUEFNI
BLÝ-TEINATÓG
FLOTTEINN
NÆLON-TÓG
LANDFESTAR
•
BAUJUSTENGUR
ÁL, PLAST, BAMBUS
BAUJULUKTIR
ENDURSKINSHÓLKAR
ENDURSKINSBORÐAR
LÍNUBELGIR
NETABELGIR
NÓTABELGIR
BAUJUBELGIR
ÖNGLAR — TAUMAR
NETAHRINGIR
LÓÐADREKAR
NETABREKAR
NETALÁSAR
NETAKÓSSAR
BAUJUFLÖGG
NETAFLÖGG
PLASTKÖRFUR
VÍRKÖRFUR
FISKGOGGAR
FISKSTINGIR
GOTUPOKAR
FLATNINGSHNÍFAR
FLÖKUNARHNÍFAR
BEITUHNÍFAR
KÚLUHNÍFAR
SVEÐJUR
STÁLBRÝNI
HVERFISTEINAR
í KASSA, OG LAUSIR
RAFMAGNS-
HVERFISTEINAR
•
SALTSKÓFLUR
ÍSSKÓFLUR
SNJÓÝTUR
KLAKASKÖFUR
TROLLLASAR
DURCO-PATENTLÁSAR
Vj“, %“
HANDFÆRA-
VINDUR
•
VÍR- OG
BOLTAKLIPPUR
•
GÚMMÍSLÖNGUR
ALLAR STÆRÐIR
PLASTSLÖNGUR
•
MÚSAGILDRUR
ROTTUGILDRUR
MINKAGILDRUR
Ananaustum
Sími 28855
Opið laugardaga 9—12