Morgunblaðið - 15.05.1982, Blaðsíða 14

14 MORGUNBLAÐIÐ, LAUGARDAGUR 15. MAÍ 1982
BÆJAR- OG SVEITARSTJÓRNARKOSNINGAR: Akranes
Um aldamót er
áætlað að íbúar
Akraness verði
um 10 þúsund
AKRANES er einn þeirra kaupstaða á landinu, þar sem íbúafjölgun og
uppbygging hefur oröið hvað örust á síðustu árum og um næstu aldamót
verða bæjarbúar orðnir um 10 þúsund talsins. Sjávarútvegur er þar enn sem
löngum áður aðalatvinnuvegur, en iðnaður er í vexti, og þjónustugreinarnar
taka einnig til sín fleira og fleira fólk. þá hefur járnblendiverksmiðjan á
Grundartanga orðið til að hleypa lífi í atvinnulífiö. I»á er Akranes kominn í
röð skólabæja með tilkomu Fjölbrautaskólans, og þar er staðsett sjúkrahús
er þjónar nærsveitum, og fólk af höfuðborgarsvæðinu leitar jafnvel þangað í
nokkrum mæli. Samgöngum er haldið uppi við Reykjavík með Akraborginni,
og nú eru líkur á að nýtt og glæsilegt skip leysi hana af í næsta mánuði.
Bæjarstjórnina skipa níu fulltrúar, og þeir skiptast þannig eftir flokkum,
að Sjálfstæðisflokkurinn hefur tvo fulltrúa, Alþýðuflokkur, Alþýðubandalag
og Framsóknarflokkur hafa svo tvo fulltrúa hver. Engu skal hér spáð um
úrslit, en sjálfstæðismenn leggja áherslu á að vinna nú fjórða sætið, þeir hafa
áður átt fjóra bæjarfulltrúa, og síðast vantaði aðeins fá atkvæði til að fjórði
maðurinn væri inni.
Núverandi meirihluta í bæjarstjórn mynda sjálfstæðismenn, alþýðu-
flokksmenn og alþýðubandalagsmenn.
Sjálfstæðismenn hafa lagt fram ítarlega stefnuskrá, sem birt hefur verið í
blaði þeirra, Framtaki. Sá háttur var hafður á við samningu stefnuskrár-
innar, að um hvern málaflokk fjallaði hópur fólks, sem sérstaka þekk-
ingu hefur á viðkomandi málum. Margir tugir sjálfstæðismanna tóku
því þátt í gerð stefnuskrárinnar.
Niu efstu menn á lista Sjálfstæöisflokksins á Akranesi, talið fri vinstri: Benedikt Jónmundsson, Guðjón Þórðarson,
Rún Elva Oddsdóttir, Guðjón Guðmundsson, Guðrún Víkingsdóttir, Yaldimar Indriðason, Ragnheiður Ólafsdóttir,
Hörður Fálsson og Þórður Björgvinsson. Akraneskaupstaður í baksýn.
HELSTU ATRIÐI STEFNUSKRÁRINNAR ERU ÞESSI:
• Stefnt skal að stórátaki í varanlegri gatnagerð og
frágangi gatna og stíga. Gerð skal framkvæmdaáætlun
og útvegað lánsfé til að hægt verði að stíga stór skref í
þessum málaflokki á kjörtímabilinu.
• Unnið verði áfram að málefnum hafnarinnar, m.a.
með aukinni grjótvörn, breikkun sementsbryggju og
byggingu smábátahafnar í innri höfninni.
• Lögð er áhersla á fjölbreytni í atvinnulífinu, m.a. með
byggingu iðngarða.
• Haldið verði áfram uppbyggingu Höfða og stefnt að
byggingu hjúkrunarheimilis fyrir aldraða.
• Heilsugæslustöð verði byggð í tengslum við Sjúkra-
hús Akraness.
• Nýtt dagheimili verð tekið í notkun á næsta ári, rými
aukið í leikskólum og gæsluvöllum og opnum leikvöllum
og starfsvöllum verði fjölgað.
• Heitið er stuðningi við byggingu á vernduðum vinnu-
stað og vistheimili fyrir fjölfatlaða.
• Þróttmikið æskulýðs- og íþróttastarf í bænum verði
aukið m.a. með byggingu nýrrar sundlaugar og auknum
stuðningi við starfsemi Arnardals.
• Lögð er áhersla á að koma skolplögnum bæjarins út
fyrir stórstraumsfjöruborð.
• Aframhald verði á þeirri miklu uppbyggingu sem ver-
ið hefur í skólamálum í bænum á undanförnum árum.
• Bygging stjórnsýslustöðvar verði hafin á kjörtímabil-
inu.
• Þá er lögð áhersla á trausta fjármálastjórn bæjarins,
en þau mál hafa færst mjög til betri vegar frá því sem
áður var og er fjárhagsstaða bæjarins mjög góð um
þessar mundir.
Gera þarf stórátak í
* 1 •>. A , •
i x lndriðason forseti
varanlegri gatnagerö bæjarstjómar
Ragnheiður
Ólafsdóttir á
skrifstofu Sjálf-
stæðisflokksins á
Akranesi, en hún
skipar fjórða sæti
framboðslistans,
baráttusætið.
Aðalatriðið er að tryggja
næga og fjölbreytta atvinnu
— segir Ragnheiður Ólafsdóttir, sem skipar
baráttusæti D-listans á Akranesi
„Já, ég get ekki sagt annað en að ég
sé ánægður með samstarfið," sagði
Valdimar Indriöason forseti bæjar-
stjórnar, er blaðamaður Morgun-
blaðsins spurði hann hvernig honum
líkaði það meirihlutasamstarf, sem
verið hefur í bæjarstjórn Akraness
allt frá árinu 1977. „Þetta hefur
gengið árekstralaust," sagði Valdi-
mar ennfremur, „og það hefur verið
unnið af heilindum að málefnum
bæjarins. Árangur samstarfsins, sem
sést nánast hvert sem litið er hér á
Akranesi, þori ég hiklaust að leggja
undir dóm kjósenda."
Valdimar sagði, að það verkefni,
sem stæði upp úr frá síðasta kjör-
tímabili, væri án nokkurs vafa Hita-
veitan, þó þar hefðu Akurnesingar
ekki verið einir að verki, heldur átt
ágætt samstarf við Borgfirðinga og
Borgnesinga. „Hitaveituframkvæmd-
irnar og lagning dreifikerfisins í
bænum er gífurlega mikið verkefni,"
sagði Valdimar, „en nú sjáum við
brátt fyrir endann á því, þar sem
verið er að tengja síðustu húsin við
veitukerfið. Með tilkomu Hitaveit-
unnar mun upphitunarkostnaður
íbúðarhúsnæðis hér stórlækka, þann-
ig að í rauninni er þetta einhver
mesta kjarabót sem Akurnesingar
hafa fengið. — Kjarabót sem hvorki
skert vísitala né erfitt árferði tekur
af fólki aftur.
Af öðrum málum, sem unnið hefur
verið að, get ég nefnt skólamálin, en
uppbygging skólanna hér er ofarlega
á blaði um þessar mundir. Þar er í
fyrsta lagi Fjölbrautaskólinn, sem er
að verulegu leyti uppbyggður, en
verknámshús við skólann er langt
komið. Skólinn markar mikil tíma-
mót hér á Akranesi, því. pú getur
ungt fólk stundað nám sitt hér heima
allt þar til kemur að háskólanámi.
Um grunnskólastigið er það að
segja, að það hefur verið á eftir hér
■ hjá okkur, en nú hefur orðið breyting
þar á til batnaðar, því Grundaskóli
er kominn vel á veg. Þar þurfum við
nú að leggja áherslu á að Ijúka fyrsta
áfanga, og byrja síðan á öðrum
áfanga og Ijúka honum. Gamla skól-
ann, Brekkubæjarskóla, þarf svo
einnig að lagfæra og endurbæta. Þeg-
ar því er lokið erum við allvel sett í
skólamálum hér um sinn.“
Vandræðaástand í neysluvatns-
málum ykkar hér hefur verið frétta-
efni af og til undanfarin ár. Hvað er
að frétta af því?
„Já, það er rétt að þar hefur
ástandið ekki verið nægilega gott, við
höfum átt í erfiðleikum með mengun
í drykkjarvatni, sem er mest yfir-
borðsvatn. Nú er hins vegar komin
endanleg lausn á því máli, þar sem
sett hafa verið upp hreinsitæki, sem
gefið hafa góða raun í Noregi, þaðan
sem við fáum okkar tæki. Vatnið er
hreinsað með sérstakri Ijósa- eða
geislatækni, sem skaðar vatnið eða
neytendur þess þó ekki á nokkurn
hátt. Þegar er búið að prófa vatn sem
hefur farið í gegnum tækin, og er það
eins og best verður á kosið, og mjög
vel hæft til neyslu. Akurnesingar
geta þv( aftur farið að drekka vatnið
beint úr krönunum eins og flestir
aðrir landsmenn."
Gatnagerð, eru einhver stór verk-
efni þar framundan?
„Já. Erfitt hefur verið að vinna að
varanlegri gatnagerð nú um tíma
vegna þess að bærinn hefur nánast
verið sundurgrafinn vegna lagningu
hitaveitunnar. Nú er á hinn bóginn
ekki eftir neinu að bíða, nú þarf að
gera nýtt átak í að ganga frá götum
og ekki síður gangstéttum. Við
sjálfstæðismenn viljum að gert verði
stórátak í þessu efni á kjörtímabilinu
og leitað verði eftir sérstöku lánsfé
til framkvæmdanna.“
Atvinnumál?
„Atvinnumálin hér hafa verið
nokkuð góð á flestum sviðum, nema
hvað hér hefur nú orðið vart tíma-
bundins atvinnuleysis í fiskverkun,
sem einkum hefur bitnað á kvenfólki
sem við þau störf hefur unnið. Hér
hefur þó tekist að bæta úr, því nýr
togbátur, „Skipaskagi", er kominn
hingað, og mun leysa hluta vandans.
Hér þarf þó meira að koma til, en
stjórnvöld hafa verið okkur erfið í
þessu sambandi. — Jú, það er rétt,
sem þú spyrð um, að þegar er of mik-
ið af fiskiskipum í landinu, en það
segir ekki alla söguna. Stjórnvöld
verða að hafa kjark til að gera upp á
milli staða, ef því er að skipta. Hér er
til dæmis öll aðstaða fyrir hendi til
fiskverkunar, en annars staðar
skortir mikið á að svo sé. Sumir stað-
ir verða jafnvel að byggja meira og
minna upp á erlendu vinnuafli.
Margt annað mætti nefna í sam-
bandi við atvinnumálin, hér er iðnað-
ur í vexti, og bygging iðngarða er í
undirbúningi, til að laða hér að ný
fyrirtæki, þá má nefna Jámblendi-
verksmiðjuna á Grundartanga, sem
haft hefur góð áhrif á bæjarlífið, og
eins og komið hefur fram í fréttum,
er vonast til að ný og betri Akraborg
komi, jafnvel í næsta mánuði. Til-
koma hennar myndi hafa mikil áhrif
hér til uppbyggingar, eins og núver-
andi skip hafði á sínum tíma. Akra-
nes er í örri uppbyggingu, og hér
verða trúlega um 10 þúsund íbúar um
aldamót.
Verkefnin framundan eru því
óþrjótandi, við hyggjum á byggingu
sundlaugar, heilsugæslustöö þarf að
byggja, og endurbætur á höfninni eru
aðkallandi, ekki síst það sem að smá-
bátaútgerð snýr. Við viljum að sam-
göngur við dvalarheimilið Höfða
verði bættar, og svo framvegis.
Næsta bæjarstjórn fær næg verkefni
eins og vera ber í vaxandi bæ, og við
sjálfstæðismenn erum vongóðir um
að við munum hafa þar mikil áhrif,
enda stefnum við að því að fá nú
kjörna fjóra menn í bæjarstjórn,"
sagöi Valdimar að lokum.
Ragnheiður Ólafsdóttir húsmóðir
skipar fjórða sæti lista Sjálfstæðis-
flokksins á Akranesi, baráttusætið.
Sjálfstæðismenn gera sér vonir um
að fá nú fjóra menn kjörna í stað
þriggja, enda vantaði aðeins fá at-
kvæði uppá að það tækist í kosning-
unum 1978. „Já, ég er mjög bjartsýn
um að þetta takist hjá okkur núna,“
sagði Ragnheiður í samtali við blaða-
mann Morgunblaðsins. „Stjórn bæj-
arins hefur verið í mjög góðu lagi
undanfarin ár, þannig að bæjarfull-
trúar okkar njóta trausts. Um leið er
svo í framboði nýtt fólk með sínar
hugmyndir, þannig að baráttan
leggst vel í mig. Hjá okkur fer sam-
an, að nýtt fólk er í framboði, og
áralöng reynsla þeirra sem fyrir eru.
Enda er það svo að við höfum orðið
vör við mikinn meðbyr hér síðustu
daga.“
— Eru það einhver sérstök mál,
sem þú hefur áhuga á?
„Það eru öll mál! f vaxandi bæjar-
félagi eins og Akranesi eru öll mál
jafn mikilvæg, og það þarf að gefa
þeim öllum gaum, smáum sem stór-
um. Ef ég ætti að nefna einhver sér-
stök, nefni ég til dæmis gatnagerð,
sem á að mínum dómi að haldast í
hendur við fegrun bæjarins. Hér þarf
að ganga frá gangstéttum um leið og
götunum, og síðan á bærinn að hafa
forystu um að fegra og snyrta, en það
myndi hvetja fólk til að gera slíkt hið
sama á lóðum sínurn. Það kann að
vera að erfitt sé að mæla arðsemi
slíkra framkvæmda í krónum eða út-
flutningsverðmætum, en það mun
skila sér í betri bæ og ánægðari borg-
urum. Er nokkuð mikilvægara en
það?
Þá hef ég mikinn áhuga á að bæta
aðstöðu smábátaeigenda, smábáta-
höfn þarf að komast í gagnið sem
fyrst, eins er með heilsugæsluna, hún
þarf að fá þak yfir höfuðið. Við höf-
um hér ágætis lækna og annað
starfsfólk við heilsugæsluna, en hús-
næðið er fyrir löngu orðið of lítið, og
þrengir að spitalanum. Nýtt hús
fyrir heilsugæsluna er því aðkallandi
nauðsyn, og vonandi er að það komist
upp sem fyrst, en þar verður að hafa
í huga að ríkið á aö greiða 85%
kostnaðar á móti 15% bæjarins.
í skólamálum hefur allt færst í
betra horf á síðustu árum, með til-
komu Fjölbrautaskólans og Grunda-
skóla. Þar þarf að vinna áfram að
uppbyggingu, og eins að endurnýjun
Brekkubæjarskóla. Málefni fatlaðra
og aldraðra þurfum við einnig að
hafa í huga, og svona mætti lengi
telja.
Atvinnumálin eru þó mikilvægust
allra mála. Hér þurfum við að
tryggja næga atvinnu í framtíöinni,
og sem fjöibreyttasta, þannig að allir
geti fundið starf við sitt hæfi. Sjáv-
arútvegurinn er og verður okkar
mikilvægasta atvinnugrein, en um
leið þurfum við að byggja hér upp
iðnað, og huga að þjónustuiðnaði
hvers konar í bæ sem vaxandi fjöldi
ferðamanna leggur leið sína um, inn-
lendra sem erlendra. Atvinnumálin
eru það sem allt stendur eða fellur
með, afkoma bæjarbúa á hverju
heimili fyrir sig, og afkoma bæjarins
sem heildar," sagði Ragnheiður að
lokumj / . V j,. ;■
Valdimar Indriðason forseti bæjarstjórnar Akraness, bæjarfulltrúi i tuttugu ár, og
efsti maður á framboðslista Sjálfstæðisflokksins.