Morgunblaðið - 15.05.1982, Blaðsíða 16

16
MORGUNBLAÐIÐ, LAUGARDAGUR 15. MAÍ1982
Franskur
föröunar-
meistari í
heimsókn
SÍÐUSTIJ daga hefur Annick
Bertrand föröunarmeistari frá
franska snyrtivörufyrirtækinu
Jean d’Avéze verið stödd hér á
landi á vegum fyrirtækisins Klass-
ík, Síðumúla 17.
Annick kynnir vor- og sumar-
línuna Batiks og leiðbeinir
starfsfólki þeirra snyrtistofa og
verzlana sem selja Jean d’Avéze
snyrtivörurnar.
Annick er löngu viðurkenndur
meistari í förðun fyrir mörg
stærstu og þekktustu snyrti-
vörufyrirtæki og tískufrömuði
heims og hefur séð um tískusýn-
ingar og tískumyndir á þeirra
veggum, segir í frétt frá Klassík.
Sýning í Ný-
listasafninu
Þeir Hannes Lárusson og Hall-
dór Ásgeirsson halda þessa dag-
ana sýningu í Nýlistasafninu við
Vatnsstíg. Hannes sýnir níu
sjálfstæð verk, en Halldór sýnir
verk, sem unnin eru á striga,
pappír og beint á veggi og gólf
sýningarsalarins. Sýningunni lýk-
ur 16. maí.
Maí-mót
Samhygðar
um helgina
SUNNUDAGINN 16. maí verða
haldin maí-mót Samhygðar. Mót
þessi eni haldin fjórum sinnum á ári
og eru orðin fastur liður í starfsemi
hreyfingarinnar. Tilgangurinn með
þeim er að efla mannleg tengsl og
kynna starf og markmið Samhygðar.
Ýmislegt verður til skemmtunar
og fróðleiks á mótunum, leikrit,
ljóð, söngur og fleira. Mótin verða
haldin á eftirtöldum stöðum:
Samhygðarhúsinu ▼/ FlaUhraun,
Harnarfirði, kl. 16.00.
Djúpinu, Hafnarstreti 15, kl. 15.30.
Skipholti 70. kl. 16.00.
Freyjugötu 27, kl. 16.00.
Djúpinu, llafnarstræti 15, kl. 20.30.
Síðumúla 11, kl. 16.00.
I»róttheimum v/ Holtaveg kl. 16.00.
Öllum er boðin þátttaka.
Föðurnafn
misritaðist
NAFN misritaðist í fyrirsögn hér
í blaðinu í gær. Hér er um að ræða
afmæliskveðju til Einars Mark-
ússonar píanóleikara. — Stóð
Magnússon í fyrirsögninni. —
Blaðið biður afmælisbarnið og
greinarhöf. afsökunar á þessum
mistökum.
spurt og svaraÓ
Lesendaþjonusta MORGUNBLAÐSINS
Hafliði Jónsson, garðyrkjustjóri Reykjavíkurborgar, hefur
tekið að sér að svara spurningum lesenda Morgunblaösins
um garöyrkju. Svörin við fyrstu spurningunum birtast í
dag. I»au verða síðan birt eftir því sem spurningar berast.
Lesendur geta lagt spurningar fyrit Hafliða, jafnt um
ræktun matjurta sem trjárækt og blómarækt. Tekið er á
móti spurningum lesenda á ritstjórn Morgunblaðsins í
síma 10100 á milli kl. 11 og 12 árdegis, mánudaga til
iostudaga. Hafliði Jónsson er landsþekktur garðyrkju-
frömuður og hefur haft yfirumsjón með öllum ræktunar-
málum borgarinnar í nær þrjá áratugi.
Ágústa Sigurðardóttir,
Fjarðarseli 13, spyr:
1. í fyrra fékk ég tröllasveppi í
kartöflugarðinn. Komu þeir
um mitt sumarið. Ég er með
þrjú beð og í tveimur þeirra
skaut sveppurinn rótum. í
þriðja beðinu var ég með ann-
að útsæði. Getur verið að
þetta standi í tengslum við út-
sæðið? Þýðir nokkuð fyrir
mig að setja niður í garðinn í
vor við svo búið?
Svar:
Heldur er ólíklegt að sveppa-
gróin hafi borist með útsæðinu í
kartöflubeðin þótt erfitt sé að
úrskurða um það. Meiri líkur eru
á að sveppagróin séu í garðinn
komin með húsdýraáburði. Allt
Hér má sjá gott daemi um vel heppnaða bergfléttu og víðigerði.
legast að Ólafur leitaði til ráðu-
nauta Búnaðarfélags íslands og
fengi þá til að koma við og skoða
þessa plágu, þegar þeir eru næst
á ferð um Selfoss. Þeir eru allra
manna líklegastir til að sjá strax
um hvaða maur er að ræða og
veita Ólafi leiðsögn og ráð er
gætu komið að gagni við að
kveða þennan ófögnuð niður.
Enginn
undirvöxtur
Þorkell Jónsson,
Birkihvammi 12, spyr:
1. Ég er með lítinn kartöflugarð.
I honum spratt ágætlega þar
Hvítir ormar, hitabeltisplöntur,
roðamaur og tröllasveppir
bendir til að moldin í beðunum
hjá Ágústu sé það næringarrík,
að draga megi úr áburðargjöf
þetta árið. Engin ástæða er til að
leggja kartöfluræktina niður í
beðunum, nema síður sé. Það
eina, sem Ágústa þarf að gera, er
að líta yfir beðin vikulega og ef
hún sér sveppi stinga upp kollin-
um, að hreyfa þá við þeim með
arfasköfu og losa um leið mold-
aryfirborðið, svo að ekkert ill-
gresi fái þar frið til að vaxa.
Skjólgóö
limgerði
María Friðriksdóttir,
Álftanesi, spyr:
1. Mig langar tii að koma upp
limgerði. Hvað er heppi-
legasta trjátegundin? Hérna
er dálítið veðrasamt.
Svar:
Á stormasömum nesjum ætti
fremur að stefna að ræktun
skjólbelta en limgerða og að
þessu þyrftu sveitarstjórnir að
hyggja með því að úthluta örlítið
stærri lóðum en nú er víðast
hvar gert. Skjólblettir þurfa
helst að vera þrjár eða fleiri rað-
ir harðgerra trjáa, en í limgerði
er jafnan ein röð og allir sprotar
klipptir þannig að gróðurveggur
myndist vegna þéttleika og
kyrkingsvaxtar í plöntunum. I
skjólbeltum er haft gott vaxtar-
rými fyrir plönturnar og skerð-
ing á þeim miðast við að vöxtur
þeirra verði sem eðlilegastur
skógargróður. Harðgerast af
þeim tegundum, sem nú er völ á,
eru hér taldar í þeirri röð sem
þær standa sig best gegn veðr-
um. Brekkuvíðir — sitkagreni
(sem þarf vetrarskjól 5—6
fyrstu árin eftir gróðursetningu)
— Viðja — birki — alaskavíðir
(sem þarf að klippast niður 3
fyrstu vaxtarárin, svo hann
verði þéttur frá rót).
Hitabeltis-
planta
Sigríður Gísladóttir,
Hafnarfirði, spyr:
1- Ég er með blóm, sem heitir
monstera. Það er stórt, en
blöðin af því eru farin að
detta af að neðan. Hins vegar
virðist efri hlutinn vera eðli-
legur. Hvernig get ég endur-
nýjað blómið?
Svar:
Monsteran er upphaflega
komin frá rakamettuðum hita-
beltisskógum og hefur öflugar
staðrætur, sem oft festa rætur í
mosa eða skófvöxnum trjábolum
í myrkviðum saggaskógarins.
Sem stofnplanta fær hún engin
slík skilyrði og hér norður á Is-
landi er henni jafnvel valinn
staður í sólríkasta glugganum,
sem við höfum í vistarverum
okkar. Þetta er ekki heppilegt
fyrir monsteruna. Henni liði
mun betur við austur- eða vest-
urglugga. Gott er að úða yfir
hana vatni stöku sinnum, þá
heldur hún betur blöðunum.
Fremur auðvelt er að fjölga
plöntunni með því að taka
toppsprota fyrripart sumars og
láta hann skjóta rótum í vatni
áður en hann er settur í mold.
Hvítir ormar
Ingibjörg Líndal,
Skipasundi 19, spyr:
1. Ég er með kartöflugarð eins
og svo margir við hús sín.
Hins vegar er mikið af ormi í
honum. Þetta eru litlir hvítir
ormar, 2—3 sm langir, og
grafa sig inn í kartöflurnar.
Mér var sagt að hvíla garðinn
í tvö ár. Er það nægilegt til að
útrýma ormunum?
2. Er eitthvert útibú frá Sölufé-
lagi garðyrkjumanna í Borg-
arnesi?
Svar:
1. Hér munu svonefndir
burstaormar vera á ferðinni, en
þeir eru skyldir ánamöðkum.
Svo virðist sem mikil áraskipti
séu á því hvað mikið af ormum
þessum er á ferðinni og heyrt
hef ég gamalreynda ræktunar-
menn halda því fram, að þeir séu
oft áberandi fyrir frostasama
vetur, hvað sem á slíku er mark
takandi. Sjaldnast gera bursta-
ormar teljandi skaða á garðá-
vöxtum, nema þegar þeir safnast
saman við rætur, m.a. kartaflna.
Þá sækir rotnun í hýði og ormar
þessir eiga það sammerkt með
ánamöðkunum að sækja í rotn-
andi jurtahluta og nærast af
þeim. Ástæðulaust er að flýja
undan ormum þessum með kart-
öfluræktina, en vörn gegn þeim
er t.d. að setja skeljasand í rásir
eða holur meðfram útsæðinu.
2. Ég veit ekki til að Sölufélag
garðyrkjumanna starfræki útibú
í Borgarnesi né á öðrum stöðum
úti á landsbyggðinni. Hins vegar
má vel vera að Garðyrkjufélag
íslands, sem er félag áhuga-
manna um garðyrkju og aðra
ræktun, hafi stofnað félagsdeild
í Borgarnesi, eins og á mörgum
fleiri stöðum.
Roðamaur
Ólafur Ólafsson,
Selfossi, spyr:
1. Hér er roðamaur um allt hjá
mér. Hvert er ráðið gegn hon-
um?
Svar:
Mér finnst ótrúlegt að roða-
maur herji alvarlega á útigróð-
ur, en sé svo, þá þætti mér eðli-
til í fyrra. Þá varð ofsalegur
grasvöxtur en enginn undir-
vöxtur. Hvað er að?
Svan
Frjósemi moldarinnar er orðin
það mikil, að rétt væri að spara
allan áburð næstu árin og eink-
um köfnunarefni, en vel kemur
til greina að bera í garðinn lítið
eitt af kalí- og fosfóráburði, t.d.
4 kg af kalí og 3 kg af fosfór á
hverja 100 fermetra. Hins vegar
yrði ræktun t.d. á gulrótum,
hvítkáli, blómkáli og fleiri
grænmetistegundum með mikl-
um ágætum ef hægt væri að
finna annan stað fyrir kartöflu-
ræktina.
Bjarkeyjar-
eda Dögglings-
kvistur?
Húsmóðir í Húsavik, spyr:
1. Ég ætla að setja niður Al-
askavíði í limgerði. Hversu
langt bil á að vera á milli
plantanna?
2. Mig langar ennfremur að
setja niður Bjarkeyjarkvist í
garðinn hjá mer. Er Döggl-
ingskvistur jafn góður?
Svar:
1. Alaskavíðir er fremur gróf-
gerður og vöxturinn getur orðið
mjög ör ef nóg næring er til
staðar fyrir ræturnar. Gróður-
setning verður að miðast við
vaxtareðli plantanna. Með
hliðsjón af því ætti að vera
nægilegt að 100 sm séu á milli
plantna hjá Alaskavíði. Og ég
vek athygli á nauðsyn þess, að
Alaskavíðir sé klipptur mikið ef
hann á að vera þéttur í limgerði.
2. Bjarkeyjarkvistur er mjög
fallegur runni en trúlega mun
Dögglingskvistur reynast harð-
gerari norður á Húsavík. Döggl-
ingskvistinn þarf að klippa niður
á hverju vori, en sjálfsagt er að
kanna Bjarkeyjarkvist og sem
flestar aðrar runnategundir þar
sem að óreyndu verður ekki full-
yrt um hvað tekst að rækta á
Húsavík.
Lesendur sýni örlitla biðlund
Morgunblaðið vill vekja athygli lesenda á því, að nokkra
daga tekur fyrir þá að fá spurningum sínum svarað. Blaðiö
tekur aðeins við spurningum til Hafliða Jónssonar og hann
svarar þeiip í þeirri röð, sem þær berast. Yfirleitt er rétt að
gera ráð fyrir vikubið frá því spurningar berast og þar til
svör við þeim birtast í blaðinu.