Morgunblaðið - 06.06.1985, Qupperneq 7

MORGUNBLAÐIÐ, FIMMTUDAGUR 6. JÚNl 1985
'/
Ferðafélag íslands:
Árbókin helguð ná-
grenni Reykjavíkur
ÁRBÓK Ferdafélags íslands 1985 er komin út. Er bókin sú 58. í röðinni, en
FÍ hefur gefið út árbækur frá árinu 1928. Árbókin nýja fjallar um nokkur
svæói í nágrenni Reykjavíkur og er hún framhald af Árbók 1984 sem fjallaði
um Reykjanesið.
Höfundar bókarinnar, sem er í
átta köflum, eru sjö talsins. Páll
Líndal, lögfræðingur skrifar um
friðlandið í Heiðmörk; Tómas Ein-
arsson, kennari lýsir Bláfjöllum og
nágrenni þeirra; Jón Jónsson,
jarðfræðingur rekur jarðsöguna
þar sem frá var horfið í síðustu
Árbók og allt norður undir Mos-
fellsheiði og Þrengsli og austur i
ölfus; Egill J. Stardal, sagnfræð-
ingur skrifar tvo kafla, annan um
Esju og hinn um Mosfellsheiði;
Ingvar Birgir Friðleifsson, jarð-
fræðingur fjallar um jarðsögu Esju
og næsta nágrennis; séra Gunnar
Kristjánsson skrifar um Kjósina og
að síðustu fjallar Agnar Ingólfsson,
prófessor um fjörulíf á Suðvestur-
landi, en nú er einmitt alþjóðlegt ár
fjörunnar.
Fundur var haldinn með frétta-
mönnum í gær, i tilefni útkomu
Árbókarinnar. Þar sagði Höskuldur
Jónsson, ráðuneytisstjóri og ný-
kjörinn forseti Ferðafélags íslands,
að nýja Árbókin væri hvatning fé-
lagsins til þeirra er byggju í
Reykjavík og nágrenni, til að gefa
umhverfi sinu, landslagi, náttúru
og sögu, gaum.
í Árbókinni er að finna fjölda
litmynda, svo og teikningar eftir
Gunnar Hjaltason. 1 hverjum kafla
er kort af viðkomandi landssvæði,
sem Guðmundur Ó. Ingvarsson hef-
ur teiknað og aftast í bókinni er að
finna skrá yfir staðanöfn. Ritstjóri
Árbókarinnar er Þorleifur Jónsson
og á hann sæti i ritnefnd ásamt
Baldri Sveinssyni, Eiríki Þor-
móðssyni og Sveini Jakobssyni.
Að sögn Höskuldar Jónssonar
hefur nú verið ákveðið að gefa
sérhvern kafla Árbókar út i sérriti
sem handhægt verður að taka með f
ferðalög. Þá er félagið að hefja út-
gáfu fræðslurita og kemur það
fyrsta út í júlímánuði. Nefnist það
Gönguleiðir að fjallabaki og fjallar
um gönguleiðina frá Landmanna-
laugum í Þórsmörk. Næstu tvö rit
munu fjalla um fjörulif og íslenska
steina, en ráðgert er að eitt til tvö
rit komi út á ári hverju.
F.v. Tómas Einarsson, kennari og einn höfunda, Gunnar Hjaltason, gerði
teikningar í bókinni, Þorleifur Jónsson, ritstjóri Árbókarinnar og Jón Jóns-
son, jarðfræðingur, einn höfunda. Morgunbiaðið/Emiiia
Sólveig Ásgeirsdóttir, biskupsfrú, skrifaði fyrst undir friðarávarpið. Jóhanna Sigurðardóttir, Salome Þorkelsdóttir og
Gerður Steinþórsdóttir fylgjast með.
Fríðarávarp ísienskra kvenna:
Safna á 80 þúsund
undirskriftum í júní
í GÆR hófst undirskriftasöfnun með Friðarávarpi íslenskra kvenna. Það eru
Friðarhreyfing íslenskra kvenna og ’85-nefndin, samstarfsnefnd um lok
kvennaáratugarins, sem standa að undirskriftasöfnuninni. Fyrsta konan sem
skrifaði undir var biskupsfrúin, Sólveig Ásgeirsdóttir, en íslenska kirkjan
hefur lýst stuðningi við undirskriftasöfnun þessa. Einnig skrifuðu undir í gær
ein kona frá hverjum þingflokki og formenn helstu kvennasamtaka.
Stefnt er að því að safna fyrir lok
þessa mánaðar undirskriftum allra
íslenskra kvenna 18 ára og eldri, en
þær munu vera um 80 þúsund. Und-
irskriftirnar verða síðan afhentar á
Kvennaráðstefnu SÞ, sem haldin
verður í Nairobi dagana 15.—26.
júlí í sumar.
Texti ávarpsins er í sjö liðum.
Þar er varað við ofbeldi í hvers-
konar mynd og þjóðir heims hvatt-
ar til að rækta jarðveg friðarins
með vináttu og auknum samskipt-
um þjóða milli og með því að verja
fjármunum fremur til varnar
hungri og sjúkdómum en til vopna-
framleiðslu. íslendingar eru hvattir
til að leggja lið sérhverri viðleitni
til að draga úr vígbúnaði. Einnig er
lýst andstöðu við það að ísland
verði vettvangur aukins vígbúnaðar
á norðurslóðum.
Salome Þorkelsdóttir alþingis-
maður var ein þeirra kvenna, sem
undirrituðu ávarpið í gær. „Þetta
ávarp er árangur af þverpólitísku
samstarfi og ber ef til vill keim af
því. Þetta var það sem allar þær,
sem ávarpið sömdu, voru sammála
um,“ sagði Salome í samtali við
blaðamann. „í þessu ávarpi er ekk-
ert sem allar friðelskandi konur
geta ekki verið sammála um, hvar í
flokki sem þær standa, og mörg
þessara mála hafa verið baráttumál
íslenskra kvenna um langt skeið,"
sagði hún ennfremur. „Varðandi
þann lið, sem fjallar um vígbúnað á
norðurslóðum, vil ég taka fram, að
ég túlka hann svo, að þar sé átt við
alhliða og gagnkvæma afvopnun i
Evrópu allri. Einnig vil ég benda á
að texti þessa ávarps er í megin-
atriðum sama eðlis og þingsályktun
sú um stefnu fslands í afvopnun-
armálum, sem samþykkt var sam-
hljóða á Alþingi fyrir skömmu,"
sagði Salome Þorkelsdóttir að lok-
HEIMSMEISTARAKEPPNIN í KNATTSPYRNU
Forsala
aðgöngumiða hefst í dag, fímmtudaginn 6.
júní, og verður í bifreið á Lækjartorgi, í versl
uninni Óðni á Akranesi, Sportvík Keflavík og á
Akureyri hjá Ferðaskrifstofu Akureyrar.
s A LAUGARDALSVELLI
1 12. JÚNÍKL.20
MiinnniiTTriiiinTTTTTiiiiiininTTTii MMnHniiMimmiMMnHniMMnnHnmiimimimmiMMiiiiinimiiMi
^jeitingahusi^
l---- HOTEL VB&f
£ M>°+ FLUGLEIDIR LOFTLEIÐIR
™ ■ FLUCLEIDA HOTEL
MYNDAMÓT HF.
AOALSTRÆTI « — RÍYRJAVW
PRENTMYNOAGTRO
OFFSET-FILMUR OG PlOTUR