Morgunblaðið - 06.06.1985, Blaðsíða 34

34
MORGUNBLAÐIÐ, FlMMTUDAGUR 6. JÚNÍ 1985
MeAal skemmtiatriða voni tunnuhlaup, sprang og koddaslagur.
Vestmannaeyjar:
Knálega var róið, synt og
slegist með blautum koddum
Vestmannaejjuin, 3. jvní.
EINS og mörg undanfarin ár var sjómannadagsins minnst hér með tveggja
daga hátíðarhöldum. Hátíðarhöldin í ár einkenndust af mikílli þátttöku
almennings í öllum dagskráratriðum og fádæma veðurblíðu. Ánsgjuleg sjó-
mannahelgi í stærstu verstöð landsins.
Hátiðin hófst á laugardaginn
með því að nokkrir Eyjapeyjar
sýndu sprang í Skiphellum og síð-
an var keppt f hinum hefðbundnu
íþróttagreinum sjómannadagsins
í Friðarhöfn. Var þar knálega ró-
ið, synt og slegist með blautum
koddum. Þá voru snögg átök í
reiptogi og margur fékk blautt bað
í ekki alltof hreinlegri höfninni.
Um kvöldið voru geysifjölmennir
og fjörugir dansleikir í þremur
danshúsum og þar voru sjómanna-
slagararnir sungnir með tilfinn-
ingu. Á sjómannadaginn hófust
hátíðarhöldin með skrúðgöngu að
Landakirkju þar sem séra Kjartan
örn Sigurbjörnsson flutti sjó-
mannamessu. Að lokinni messu
var minningarathöfn við minnis-
varðann um hrapaða og drukkn-
aða sem Einar J. Gíslason annað-
ist. Síðdegis var útihátíð á
Stakkagerðistúni þar sem Guð-
mundur Sveinbjörnsson, formaður
SS Verðandi, flutti hátíðarræðu
dagsins, sjómenn voru heiðraðir
og veittar voru viðurkenningar
fyrir björgunarafrek. Skólalúð-
rasveit Vestmannaeyja lék og
flutt voru ýmis skemmtiatriði.
Kvöldskemmtun var í samkomu-
húsinu með fjölbreyttri skemmti-
dagskrá og þar voru aflakóngar
Eyjanna heiðraðir og hylltir. Há-
tíðin var síðan dönsuð út í tveimur
danshúsum framundir rauðan
morgun. Skip og bátar fóru síðan
að tínast út uppúr hádeginu í dag.
Hversdagsleiki hins daglega amst-
urs er því tekinn við eftir ljúfa
helgi.
-hkj.
liorgunblaðið/Sigurgeir
Viðurkenningar voru veittar fyrir björgunarafrek. Högni Hilmisson, Hafsteinn Guðfinnsson, sem tók við viðurkenn-
ingu Guðjóns Einarssonar, og Gestur Gunnbjörnsson.
Frá blaðamannafundinum á þriðjudaginn. F.v. Sjöfn Ólafsdóttir, frá Fóstrufélaginu, Hjalti Þórisson, Andrína
Jónsdóttir og Katrín Didriksen frá Foreldrasamtökunum, Arna Jónsdóttir, Margrét Pála Ólafsdóttir, Elín Mjöll
Jónasdóttir og Kristjana Stefánsdóttir frá Fóstrufélaginu.
^ "k. M,
Fóstrur og foreldrar:
Mótmæla ófremdarástandi í
dagvistarmálum í Reykjavík
FÓSTRUFÉLAG íslands og Samtök
foreldra barna á dagheimilum og
leikskólum í Reykjavík efndu sl.
þriðjudag til blaðamannafundar, til
að vekja athygli á neyðarástandi,
sem að þeirra mati ríkir í dagvist-
armálum barna í Reykjavík.
Fram kom á fundinum að vegna
lágra launa og erfiðra vinnuskil-
yrða, væri mjög erfitt að fá fólk til
starfa á barnaheimilum í borginni
og nú vantaði a.m.k. 50 fóstrur til
að ná því lágmarki að ein fóstra
væri á hverri deild. Hin slæmu
kjör yllu því einnig að fólk stæði
mjög stutt við í starfi, en það
skapaði rótleysi, sem bitnaði fyrst
og fremst á börnunum. Var sem
dæmi nefnt að 34 hefðu hætt
störfum á Laufásborg einni á sl.
ári.
Félögin ætla af þessu tilefni að
afhenda borgarstjóra lista með
nöfnum hátt í þrjú þúsund
starfsmanna pg.fpfeldra, þar sem
krafist' ec»v tafarlausra úrbóta.
Verða undirskriftalistarnir- af-
hentir fyrir borgarstjórnarfund í
dag.
Forsvarsmenn félaganna vildu
ekki tjá sig um hvort gripið yrði
til fjöldauppsagna, eða annarra
viðlíka aðgerða, ef þessi mótmæli
hefðu ekki áhrif. „En ljóst er að
fóstrur geta ekki axlað þá ábyrgð
að reka þennan vítahring áfram,“
sagði Margrét Pála Ólafsdóttir
stjórnarmaður í Fóstrufélagi ís-
lands.
Sjómannadagur
í Þorlákshöfn
HÁTÍDAHÖLD vegna sjómanna-
dagsins fóru fram í Þorlákshöfn á
laugardag og sunnudag. Fyrri dag-
inn voru skemmtiatriði við höfnina,
kappróður karla- og kvennasveita og
unglingar þreyttu koddaslag og
spíruhlaup. Að lokum hélt björg-
unarsveitin sýningu. íbúar Þorláks-
hafnar fjölmenntu að höfninni í
blíðskaparveðri og var skemmtun
hin bezta.
Á sunnudaginn hófst hátíð með
messu f Þorlákskirkju klukkan 11
en eftir hádegið var hátíðin sett
eftir skrúðgöngu frá Svarfaðar-
dalskirkju í Lystigarðinn. Þá fór
fram afhending heiðursskjala og
aflaverðlauna við lúðraþyt og
söng. Um kvöldið var borðhald og
dansleikir í félagsheimilinu.
Koddaslagur í Þorlákshöfn.
Ungmeyjar fylgjast með atganginum. Morgunblaéið/Davið
Höfn í Hornafirði:
Nýi björgunarbátur-
inn nefndur Björgvin
ílöfn, 3. júní.
NÝR björgunarbátur Slysavarnafé-
lagsins á Höfn var tekinn formlega í
notkun í gær. Sveinn Sighvatsson,
formaður björgunarfélagsins, sagði
frá aðdraganda þess, að báturinn
var keyptur. Þorbjörn Sigurðsson,
sem heiðraður var á sjómannadag-
inn, gaf bátnum nafn og hlaut hann
nafnið Björgvin.
Báturinn er nefndur eftir einum
af fyrstu bátum Hornfirðinga,
Sigurður Ólafsson var eigandi
Björgvins, en Þorbjörn er sonur
Sigurðar. Björgvin fór ávallt í
upphafi hverrar vertíðar á sjó og
fengu þorpsbúar í soðið.
Þess má geta, að sjómanna-
dagsráð gaf Reyni Pétri, sem nú
gengur umhverfis landið til söfn-
unar fyrir íþróttahús að Sólheim-
um, 10 þúsund krónur í söfnunina.
Haukur