Morgunblaðið - 06.06.1985, Blaðsíða 18
18
MORGUNBLAÐIÐ, FIMMTUDAGUR 6. JÚNl 1985
„Sé framtíð í ferða-
þjónustunni ..."
Rætt við Hauk Claessen um bætta aðstöðu fyrir ferðamenn á Hólmavík.
Hólmavík, 28. maí.
Hér i Hólmavík hefur veitingar-
ekstur ekki þótt árennileg atvinn-
ugrein fram að þessu. Á undanförn-
um ánim hefur gistiheimilið hér ver-
ið rekið nánast frekar af nauðung en
von um ábata enda skiljanlegt þar
sem Hólmavík hefur fram að þessu
ekki verið í þjóðbraut. Þeir sem hafa
viljað leggja leið sína hingað hafa
þurft að taka i sig rúmlega hundrað
km krók frá hringveginum við Brú í
Hrútafírði og síðan sömu leið til
baka eins og gefur að skilja. Og þótt
leiðin norður Strandir sé fögur þykir
mörgum nóg um ferðalagið nema
þeir eigi erindi.
Það var því ekki frítt við að
Hólmvíkingar hefðu nokkra sam-
úð með aðkomurnanninum sem
koma að sunnan til þess að taka
við rekstri gistiheimilisins sl.
haust. Enn var kominn Reykvík-
ingur til þess að takast á við hið
ómögulega.
En ef til vill þurfti aðkomu-
mann til þess að opna augu heima-
manna fyrir því að aðstæður hafa
breyst. Reyndar hefur bylting í
samgöngumálum átt sér stað með
opnun vegar um Steingrímsfjarð-
arheiði. Nú er opin leið fyrir þá
sem hafa hug á því að að heim-
sækja Strandir að halda siðan
áfram vestur í Djúp og um Vest-
firði suður á Barðaströnd og í
Dali. Og fyrir Vestfirðinga er
þessi leið gífurleg samgöngubót
þar sem vegurinn um Þorskafjarð-
arheiði er að jafnaði lokaður langt
fram eftir sumri. Það sannaðist
líka i vetur þvi vöruflutningabílar
úr Djúpi voru hér á ferð allt fram
undir jól og næstum daglega þann
tíma sem strandferðaskipin stöðv-
uðust vegna verkfalla. Og nú i vor
hefur verið jafn og stöðugur
straumur bíla um heiðina og í
gegnum Hólmavik f þeim mæli
sem best hefur gerst hér á sumr-
um.
Glöggskyggnir menn hljóta því
að sjá, að eigi að takast að laða
ferðamenn að þessari fögru og
nýstárlegu leið þarf að vera lág-
marks aðstaða fyrir þá með hæfi-
legum áföngum til þess að þeir
treysti sér á nýjar slóðir. Hólma-
vík er einmitt hæfilegur áfangi
fyrir ferðamenn sem fara á milli
Djúps og Hrútafjarðar. Það hlýtur
hinn nýi hótelstjóri okkar að hafa
séð er hann kom hingað i haust.
Enda hefur engum dulist að hann
hefur verið önnum kafinn í allan
vetur við að undirbúa komu ferða-
manna nú í sumar. Umtalsverðar
breytingar hafa verið gerðar á
gistiheimilinu og einnig hefur
hann tekið hús á leigu og innrétt-
að þar gistiherbergi til þess að
hægt væri að taka á móti sem
flestum gestum.
Fréttaritari Mbl. lagði leið sína
niður á gistiheimilið einn daginn
til þess að forvitnast svolítið um,
hvað þar væri að gerast. Hann
hitti fyrir hótelstjórann, Hauk
Classen, þar sem hann var að
drekka kaffi i setustofunni, dálítið
mæddur eftir erfiða nótt. Hann
var fyrst spurður að því, hvort
eitthvað væri farið að bera á
gestakomum til hans.
„Ja, það gistu nú hérna í nótt 48
manns, hrakningsfólk sem varð að
snúa við á Steingrímsfjarðarheiði
í þessu foraðsveðri sem gekk yfir.
Það var að tínast hingað alveg frá
því um kvöldmatarleytið og fram
til klukkan fjögur í nótt. Þá komu
þeir síðustu sem hjálparsveitin
bjargaði niður af heiðinni."
— Var hægt að koma öllu þessu
fólki fyrir?
„Það var hægt já, af því að ég
hef verið að innrétta gistiherbergi
í íbúðarhúsi sem ég tók á leigu nú
í vor. En auðvitað varð nú hluti af
þessu fólki að láta sér lynda
svefnpokapláss."
— Hvað hefurðu gistirými fyrir
marga?
„Sem stendur hef ég rúm handa
24 í tveggja manna herbergjum.
En ég stefni að því að þurfa ekki
að úthýsa neinum í sumar. Ég hef
gert ráðstafanir til þess að geta
boðið upp á svefnpokapláss fyrir
alla þá sem ég hef ekki rými fyrir
í herbergjum."
„Hefurðu verið að breyta miklu
hér á gistiheimilinu?“
„Já, blessaður vertu, þetta er
allt gjörbreytt. Ég hef verið að
taka húsið allt í gegn í vetur og
þetta er ekkert líkt því sem það
var. Ég stækkaði matsalinn svo nú
get ég með góðu móti tekið á móti
40 manna hópi í mat. Ég samein-
aði herbergi og opnaði þannig
nokkurs konar setustofu sem gest-
ir geta látið fara vel um sig i ef
þeir vilja horfa á sjónvarp. Nú og
svo hef ég gjörbreytt eldhúsinu og
búið það nýjum tækjum."
— Ertu þá sæmilega í stakk bú-
inn til að taka á móti ferðamönn-
um í sumar?
„Já, það er nú það sem ég hef
verið að búa mig undir. Ég tel að
þessi staður búi yfir miklum
möguleikum í ferðamálum ef rétt
er á haldið. Hingað koma aldrei
ferðamenn nema einhver aðstaða
sé til þess að taka á móti þeim og
hana ætla ég að veita nú í sumar.
Ég hef búið eldhúsið hér t.d. nýj-
um og nútímalegum tækjum og
ætla að geta boðið upp á alhliða
matseðil allan daginn með litlum
fyrirvara. Og þá á ég við að engin
þurfi að bíða lengur en 15 mínútur
eftir að maturinn verði borinn á
borð. Nú svo hef ég endurnýjað
allan rúmfatnað og lagfært her-
bergin þannig að ég á ekki að
þurfa að skammast mín neitt fyrir
að bjóða gistingu hérna. Auðvitað
verður ekki öllu hrint í fram-
kvæmd á einu vori en þetta er
mikil breyting frá því sem var.“
— En ertu ekkert hræddur um
að þetta sé happdrætti sem geti
brugðið til beggja vona?
„Það er nú helsti gallinn við
hreppsfélagið hérna að það eygir
ekki möguleikana sem eru í mót-
töku ferðamanna. Ég held að
ferðamannabransinn sé rakinn
hér. Margir hafa áttað sig á teng-
ingunni við Djúpið og Hólmavík er
hæfilegur áfangi fyrir þá sem eru
að fara þaðan á leið suður. Og í
sumar ætlar Vesturleið að vera
Morgunbladið/Flóki
Haukur Claessen var áður bryti á Jökulfellinu, en sér nú framtíð í því að
þjóna ferðamönnum á Hólmavík.
með ferðir frá Patreksfirði um
Isafjörð og hafa endastöð á
Hólmavík. Það verður í tengslum
við ferðir héðan fyrir þá sem vilja
taka rútuna suður eða fara til
móts við Norðurleið. Nú svo er
líka möguleiki á þvi að halda héð-
an norður í Árneshrepp með Guð-
mundi Jónassyni. Eða taka flugið
með áætlun Arnarflugs frá
Þrenns konar útgerð á Hólmavík; strákar að dorga við bryggju, trillukarl og floti rækjubáta.
Hólmavík við Steingrímsfjörð.
Gjögri. Hér eru allir möguleikar
opnir.“
— Er þá farið að gera pantanir
hjá þér í sumar?
„Já, það er töluvert um það. Ný-
lega var verið að panta hér gist-
ingu fyrir 45 manna hóp kvenna
úr Þingeyjarsýslu. Og það hefur
verið mikið um fyrirspurnir. Ann-
ars er þetta svo ný staða, að það er
varla að fólk sé farið að átta sig á
því hverjir möguleikarnir eru.“
— Þú virðist nokkuð bjartsýnn
á framtíðina.
„Já, ég er það. Ég held að þetta
eigi framtíð fyrir sér og hef lagt
allt undir. Þetta hefur gengið þol-
anlega í vetur og það þakka ég
heiðinni og auðvitað veðurfarinu
sem hefur verið með eindæmum
gott i vetur. Og á reynslu vetrar-
ins byggi ég bjartsýni mína. Ég er
ákveðinn í að láta þetta ganga.
M.a.s. er ég með vísi að bílaleigu
hérna. Ég leigi út einn bíl en hef
möguleika á að bæta við.“
— Hvernig finnst þér heima-
menn hafa tekið þessu rölti þínu?
„Bara vel verð ég að segja. Að
visu virðist hreppsnefndin ekki
vera almennilega vöknuð, en ég
hef fengið fyrirgreiðslu hér í Bún-
aðarbankanum. Nú og í vetur hafa
heimamenn skipt við mig. Ég hef
séð um mat fyrir þá á árshátíðum
og meiri háttar mannfögnuðum.
Það er jafnvel farið að bera á þvi
að þeir komi hingað til þess að fá
sér að borða við og við. Það kann
eitthvað að aukast ef ég fæ vin-
veitingaleyfi eins og ég hef sótt
um. En ég var líka með mynd-
bandaleigu hér í vetur og ég gæti
trúað að myndbandseign hafi þre-
faldast á þeim tíma sem ég hef
starfrækt leiguna. Og þú sérð að
ég er með allar klær úti, því ég hef
útibú frá henni á Drangsnesi,
Borðeyri, Hvammstanga og
Blönduósi. Og allt rennur þetta f
reksturinn á gistiheimilinu. Ég
skal segja þér, að ég hef heyrt það
á öllum Vestfirðingum sem hafa
komið hér að þeir muni ekki fara
aðra leið en þessa framvegis.
Þorskafjarðarheiðin er ef til vill
10 km styttri en það hefur ekkert
að segja í þessu sambandi. Nú er
Hólmavík loksins komin í þjóð-
braut.“
Og með það fór Haukur að sýna
fréttaritara hvernig hann hefði
undirbúið sig fyrir sumarið. Það
er undarlegt hvernig einstakl-
ingar geta oft séð tækifæri á stöð-
um sem virðast við fyrstu sýn vera
að staðna og missa vaxtarþrótt
sinn.
Vonandi verður Hauki að ósk
sinni að gera Hólmavík að fýsi-
legum áfangastað fyrir ferðalanga
á leið sinni um landið. Og vonandi
eiga margir eftir að njóta veður-
blíðunnar og kyrrðarinnar hér á
Ströndum í sumar við spegiltæran
og lygnan Steingrímsfjörðinn,
sem oft er líkari stöðuvatni en út-
sjó.
— FK