Morgunblaðið - 13.08.1985, Blaðsíða 1

64 SÍÐUR MEÐ 12 SÍÐNA ÍÞRÓTTABLAÐI
STOFNAÐ 1913
178. tbl. 72. árg.
ÞRIÐJUDAGUR 13. ÁGÚST 1985
Prentsmiðja Morgunblaðsins
Berlínarmúrinn 24 ára í dag:
„Táknrænn fyrir
kommúnismann"
B«nn. Ve8tur l»)skalandi, 12. ágúst AP.
BERLlNARMÚRINN „er táknrænn fyrir kommúnismann og til marks um
óöryggid", sem valdamenn í Austur-Þýskalandi búa við sagði í dag ráðherra
í vestur-þýsku ríkisstjórninni en á morgun, 13. ágúst, eru 24 ár liðin frá því
byrjað var á smíði múrsins.
„Vegna þess, að kommúnistar í
Austur-Þýskalandi vita sem er, að
þeir geta ekki keppt við samfélög
þar sem frelsi og lýðræði ríkir,
gripu þeir til þess ráðs að girða
landið af til að missa ekki alla
þegnana burt,“ sagði Heinrich
Windelen, ráðherra, sem fer með
samskipti þýsku ríkjanna, þegar
Noregur:
Kynhvarfir
mótmæltu
messunni
Osló, 12. ágúst Frá fréUariUni Mbl.
KYNHVARFT fólk í Noregi
hefur brugðist ókvæða við
guðsþjónustu, sem flutt var í
norska ríkisútvarpinu, en þar
hélt prestur frá Stafangri því
fram, að ónæmistæringin væri
refsing guðs yfir því fólki, sem
lifað hefði í synd.
„Það er skelfilegt, að
norska kirkjan skuli leggja
þetta af mörkum til umræð-
unnar um þennan hræðilega
sjúkdóm, sem þúsundir sak-
lausra manna hafa orðið að
bráð, t.d. dreyrasjúklingar,
sem fengið hafa sýkt blóð,“
sagöi talsmaður kynhvarfs
fólks í Noregi. Biskupinn í
Stafangri hefur fengið marg-
ar kvartanir vegna orða
prestsins og er þess krafist,
að hann setji opinberlega
ofan í við hann. Umræddur
prestur hefur ekki þótt ólík-
legur til að verða eftirmaður
núverandi biskups.
Sjá „Verður ónæmistæring-
in bundin við... “ á bls. 24.
hann minntist þess, að 24 ár eru
liðin frá því kommúnistar i
Austur-Þýskalandi tóku til við að
reisa múrinn. Það gerðu þeir til að
stöðva gífurlegan fólksflótta úr
landi í gegnum Vestur-Berlín.
Mannréttindanefnd í Vestur-
Berlín birti í dag skýrslu um
ástandið á landamærum ríkjanna
og kemur þar fram, að eftir því,
sem múrinn og girðingarnar verða
„fullkomnari" sleppa færri og
færri vestur yfir. Frá upphafi hafa
alls 38.920 komist framhjá dauða-
gildrunum en á síðustu árum að-
eins um 200 árlega. Það sem af er
þessu ári hefur 67 mönnum tekist
að komast i gegn.
Margir ættingjar farþeganna
þótti líklegt, að enginn hefði
AP/Símamynd
og flugliðanna fóru út á Tókýóflugvöll til að bíða þar frétta af ástvinum sínum en strax
komist lífs af. Létu þá margir bugast
Japönsk þota ferst
með 524 innanborðs
Tókýó, 1Z ágóst AP.
JAPÖNSK breiðþota hrapaöi í dag til jarðar í miðhluta Japans
og er óttast, aö allir um borð, 509 farþegar og 15 manna áhöfn,
hafi farist. Var vélin í innanlandsflugi, tiltölulega nýfarin frá
Tókýó til Osaka, þegar flugmennirnir skýrðu frá bilun í hurð í
farþegarými og fengu þeir leyfi til að nauðienda á herflugvelli.
Skömmu síðar hvarf vélin af ratsjárskermum. Flakið er fundið í
fjalllendi en þegar síðast fréttist hafði björgunarmönnum ekki
tekist að komast að því vegna erfiðra aðstæðna.
Flugmenn tveggja litilla flug-
véla sáu breiðþotuna steypast til
jarðar en það var áhöfn jap-
anskrar herþyrlu, sem kom fyrst
auga á flakið þar sem það liggur í
snarbrattri fjallshlíð í japönsku
Ölpunum, sem svo eru kallaðir.
Mörg hundruð björgunarmenn
voru strax sendir áleiðis á slys-
stað en ekki verður komist þang-
að nema fótgangandi enda mikil
þoka á þessum slóðum og enn var
myrkt af nóttu þegar þetta er
skrifað. Ættingjar fólksins um
borð í breiðþotunni flykktust út á
Tókýóflugvöll til að bíða frétta af
afdrifum þess en flestir telja
ólíklegt, að nokkur hafi komist
lífs af.
Flugvélin var eins og fyrr segir
í innanlandsflugi, á leið frá
Tókýó til Osaka, þegar flugmenn-
irnir skýrðu frá bilun í hurð og að
þeir væru að lækka flugið. Þeir
fengu leyfi til að nauðlenda á
bandarískum herflugvelli en áður
en það tókst hrapaði hún til jarð-
ar. Slysstaðurinn er 112 km norð-
vestur af Tókýó og var vélin þá
komin 80 km út af réttri flugleið.
Ekki er vitað hvernig á því stóð.
Breiðþotan var af gerðinni
B747 og sérstaklega breytt til að
geta flutt mjög marga farþega á
stuttum flugleiðum. Ef svo reyn-
ist, sem óttast er, að aliir um
borð hafi farist, er þetta mann-
skæðasta flugslys sögunnar þeg-
ar um er að ræða eina flugvél.
Fleiri fórust í Tenerife á Kanarí-
eyjum árið 1977, 582 alls, en þá
rákust saman á flugvellinum þar
tvær flugvélar, bandarísk og hol-
lensk.
Sjá „Mestu flugslys sögunn-
ar“ á bls. 22.
Simon Le Bon heimtur úr helju
SIMON LE BON, söngvari hljómsveitarinnar Duran Duran, varð fyrir því
óhappi í kappsiglingu á sunnudag að bát hans hvolfdi eftir að kjölurinn
rifnaði undan bátnum. Simon og áhöfn hans voru fastir undir bátnum í
tuttugu mínútur áður en bresk herþyrla kom á vettvang og bjargaði þeim.
„Þetta gerðist mjög skyndilega: Eina stundin var góður skriður á bátnum
og þá næstu sporðreistist hann,“ sagði Le Bon. — Á myndunum sést
bátur Simons Le Bon eftir að honum hvolfdi og söngvarinn sjálfur eftir
að honum var bjargað.
Suður-A fríkustjórn
settir úrslitakostir
SanU Barbara, Kaliforníu, o| Jóhannesarborg, 12. ánúsL AP.
BANDARÍKJASTJORN hefur gert stjórnvöldum í Suður-Afríku
það Ijóst, að þau geti ekki lengur beðið með að draga úr eða
afnema aðskilnaðarstefnuna í landinu. Fylgdi það með, að Reag-
an forseti treysti sér ekki til að standa lengur í vegi fyrir að
þingið samþykkti refsiaðgerðir gegn Suður-Afríkustjórn. Fimm
manns létu lífið í óeirðum um helgina og hafa þá 67 látist á einni
viku.
Larry Speakes, talsmaður Hvíta
hússins, sagði i gær, sunnudag, að
Robert C. McFarlane, öryggis-
ráðgjafi forsetans, hefði gert
Botha, utanríkisráðherra Suður-
Afríku, grein fyrir „staðreyndum
málsins" á fundinum í Vín í fyrri
viku. Hefði hann þá sagt, að Reag-
an forseti gæti ekki lengur komið í
veg fyrir að þingið samþykkti
refsiaðgerðir gegn Suður-Afríku
nema stjómvöld sýndu það strax í
verki, að þau hygðust afnema að-
skilnaðarstefnuna.
Refsiaðgerðir gegn Suður-
Afríku hafa verið samþykktar
með miklum meirihluta atkvæða
bæði í fulltrúadeildinni og öld-
ungadeildinni en síðarnefnda
deildin ákvað þó að bíða með end-
anlega afgreiðslu máisins þar til
ágústfríinu lýkur. Almennt er bú-
ist við, að Suður-Afríkustjórn
muni fljótlega neyðast til að auka
réttindi svartra manna í landinu,
veita þeim aðild að ríkisstjórninni
eða jafnvel afnema aðskilnaðar-
stefnuna alveg.
Um helgina létu fimm menn líf-
ið í óeirðum, sem voru í hverfum
svartra manna í Suður-Afríku, og
hafa þá alls 67 fallið á einni viku.
Sumir hafa fallið fyrir kúlum
lögreglunnar en flestir í innbyrð-
isátökum milli svartra manna eða
milli svartra manna og fólks af
indverskum ættum.