Morgunblaðið - 13.11.1985, Side 19

MORGUNBLAÐIÐ, MIDVIKUDAGUR13. NOVEMBER1985
19
„ÞaÖ er alveg ljóst að
stjórnvöld veröa aö
fjalla um þessi mál hið
allra fyrsta og koma með
harðari aðgerðir gegn
þessari þjóðarvá. Margir
hafa unnið vel að þess-
um málum og eiga þakk-
ir skilið, en eituríyfja-
málin eru komin á það
alvarlegt stig að við
verðum öll að taka hönd-
um saman til lausnar
máli þessu.“
Stelton berðu fram með stolti - hvenær og hvar sem er.
Hönnunin er frábær, byggð á einfaldleika og hreinum stíl,
enda verðlaunuð á alþjóðlegum vettvangi.
Stelton er stolt eigandans.
m
KRISTJÓn SIGGEIRSSOn HE
LAUGAVEG113, REYKJAVÍK, SÍMI 25870
Sölumenn dauðans
— eftir Kristínu
Sigtryggsdóttur
í leiðara Morgunblaðsins,
sunnudaginn 3. nóvember er fjall-
að um eiturlyfjasmygl og viður-
eign þá sem lögreglan háði nýlega
við eiturlyfjasmyglara. Heilshug-
ar er hægt að taka undir hvert orð
sem þar er ritað. Brýnt er að tekið
verði á eiturlyfjamálum mun
ákveðnar en gert hefur verið fram
til þessa. Þetta mál þolir enga bið
og allir ættu að láta sig það varða.
Fíkniefnamarkaðurinn er stærri
en flestir gera sér grein fyrir, sem
sýnir sig best af því hve mikið
hefur verið gert upptækt af eitur-
lyfjum undanfarið. Hvað þá ef
reiknað er með að það sé aðeins
brot af því sem berst hingað.
Samfara þessu eykst glæpatíðni
og öryggi landsmanna er stefnt í
voða. Þurfandi eiturlyfjaneytandi
svífst einskis til að fjármagna
kaupin. Seljandinn er óprúttinn
og reynir sífellt að gera fleiri háða
eitrinu. Peningarnir sem veltast á
þessum mannskemmandi markaði
skipta milljónum. Það er alveg
ljóst að stjórnvöld verða að fjalla
um þessi mál hið allra fyrsta og
koma með harðari aðgerðir gegn
þessari þjóðarvá. Margir hafa
unnið vel að þessum málum og
eiga þakkir skilið, en eiturlyfja-
málin eru komin á það alvarfegt
stig að við verðum öll að taka
höndum saman til lausnar máli
þessu.
Hjálparþurfi fórnarlömb
Ljóst er að hérlendis er nú þegar
nokkur fjöldi forfallinna eitur-
lyfjaneytenda, þar á meðal er ungt
fólk. Fólk sem ætti að öllu jöfnu
að erfa landið, en sökum örkuml-
unar sinnar fær það ekki neinu við
komið. Þessu fólki þarf að veita
aðstoð, áður en orðið er um seinan.
Nýlega var í sjónvarpinu endur-
sýnd myndin „Gulla, fórnarlamb
fíkniefna". Þar kom í ljós þörfin
fyrir sérstakt endurhæfingar-
heimili til hjálpar unglingum sem
lent hafa inn á þessari ógæfubraut.
SÁÁ og aðrar stofnanir hafa
hjálpað hundruðum sjúklinga og
væru fíkniefnamálin án efa komin
á mun alvarlegra stig, hefði aðstoð
þeirra ekki komið til. Einnig er
gleðilegt til þess að vitað að nú
ætlar sterkur félagsskapur Lions-
manna að láta til sín taka í þessum
málum. Vonandi verða þessi átök
hvati til að komið verði upp með-
ferðarstöð fyrir þetta unga ógæfu-
sama fólk.
Eiturlyfjasmygl
Einn alvarlegasti þátturinn í
eiturlyfjamálum er smyglið.
Greinilegt er að þeir sem smygla
eiturlyfjum eru samviskulausir og
svífast einskis. Þeir nota saklaus
ungbörn og eignir annarra sem
felustaði fyrir eitrið, sem síðan
veldur landsmönnum ómældu
tjóni. Þeir sem fjármagna og
hagnast á þessu eru gjörsneyddir
ábyrgðartilfinningu. Mannslíf
verður ekki metið til fjár. Illt er
að trúa að gróði, sem kostað getur
áhrifagjarnan ungling lífið, skapi
vellíðan. Sumir eiturlyfjabraskar-
ar neyta ekki efnanna sjálfir, en
halda þvi óspart að öðrum. Það er
alvarlegt ef menn sem gera sér
grein fyrir afleiðingunum, kæra
sig kollótta.
Aðgerðir
Eiturlyfj abraskarar
óttast
sjaldan að verða gripnir, enda eru
refsingar hérlendis fyrir slíkt lög-
brot vægar. Hér þurfa yfirvöld að
taka til hendi. Þessir menn eiga
miklu harðari refsingar skilið en
núgildandi lög segja til um. Það
er ótækt hvernig bæði smyglarar
og dreifiaðilar komast upp með
síendurtekin eiturlyfjamisferli.
Stjórnvöld og almenningur
verða að standa saman að lausn
þessa þjóðarböls, áður en það verð-
ur óviðráðanlegt. Mannslífin eru
dýrmæt, en það er tíminn einnig.
Höfundur er í stjórn Neytendasam-
takanna.
Kristín Sigtryggsdóttir