Morgunblaðið - 22.11.1985, Blaðsíða 30
30
MORGUNBLAPIÐ, FÖSTUDAGUR 22. NÓVEMBER1985
Er Mengele á lífi?
Morgunblaðið/AP
Kona sem var fangi í Auschwitz-fangabúðunum á tímum síðari heimstyrjaldarinnar, segist hafa séð hinn
illræmda stríðsglæpamann Josef Mengele, ári eftir að hann var sagður hafa látist í Brasilíu. Myndin er tekin á
ráðstefnu sem fórnarlömb nasista efndu til, til að rannsaka hvort fregnir um lát Mengele væru á rökum reistar.
6 menn bíða bana í
átökum í S-Afríku
Jóhanne.sarborg, 21. nóvember. AP.
ALLT AÐ 50.000 manns tóku þátt í.
óeirðum í borgarhverfi svartra í
Mamelodi í gær. Að minnsta kosti
sex manns biðu bana. Til átaka kom
milli lögreglu og mótmælafólksins.
Lögreglan hóf skothríð á fólkið
er það varð ekki við beiðni um að
hætta aðgerðum og hverfa til
heimila sinna. Kveðst lögreglan
hafa banað einni blakkri konu er
hópur fólks réðst með grjótkasti
að lögreglubifreið, en blaðið Star
í Jóhannesarborg segir lögregluna
hafa skotið sex manns til bana.
Heimildir herma að lögreglan
hafi árangurslaust reynt að dreifa
mannfjöldanum með því að nota
táragas. Segir að í hópnum hafi
verið ungir sem aldnir, konur og
börn. Af opinberri hálfu er sagt
að sumir hinna látnu hafi líklegast
troðist undir í ólátunum.
Winnie Mandela, eiginkona
blökkumannaleiðtogans . Nelson
Mandela, heimsótti mann sinn í
fangelsi í gær. Hún kvaðst ekki
geta 'staðfest þann orðróm að
Nelson kynni að verða látinn laus
mjögfljótlega.
Bæjar- og sveitarstjórnarkosningarnar í Datimörku:
Kosningaúrslit-
in áminning fyrir
ríkisstjórnina
Kaupmannahöfn, 21. nóvember. Frá fréttaritara Morgunbladsins, Ib Björnbak.
Kosningaúrslitin í bæjar- og sveitarstjórnakosningunum eru áminning til
stjórnarinnar. Stjórnarflokkarnir, íhaldsflokkurinn og Venstre komu að vísu
vel út úr kosningunum en allir hljóta þó að viðurkenna að sigurvegari
kosninganna er Sósíalíski þjóðarflokkurinn. Hann fékk 10 prósent atkvæða
og jók fylgi sitt um 4 prósentustig.
II
Ihaldsflokkurinn hlaut 20 pró-
sent atkvæða og bætti við sig 3,5
prósentustigum en Venstre 17,6 og
tapaði 1,5 prósentustigum. Það er
því ekki mikil hætta á úrslitin
hafi áhrif á stjórnarsamstarf
flokkanna. Litlu stjórnarflokkarn-
ir tveir, Miðdemókratar og Kristi-
legi þjóðarflokkurinn, urðu báðir
að sætta sig við nokkuð fylgistap.
Jafnaðarmannaflokkurinn fékk
36,2 prósent atkvæða í kosningun-
um og bætti við sig 0,4 prósentu-
stiga fylgi. Anker Jörgensen for-
maður flokksins hefur gefið í skyn
að þessi fylgisaukning skapi nýja
möguleika í dönskum stjórnmál-
um. Hann hefur þó afneitað löng-
um samningaviðræðum við Sósíal-
íska þjóðarflokkinn en lagt áherslu
á að flokkarnir verði að ná sam-
komulagi í einstökum málum.
Innanríkisráðherrann, Britta
Schall Hollberg, hefur sagt að úr-
slitin séu áfall fyrir stjórnarstefn-
una en erfitt er að finna rökstuðn-
ing fyrir þeirri yfirlýsingu. Fjár-
málaráðherrann, Palle Simonsen,
hefur einnig sagt að kosningasigur
Sósíalska þjóðarflokksins sé var-
hugaverður og telur hann hættu-
merki í dönskum stjórnmáium.
Við þetta bætist að Græningjar
hafa í fyrsta sinn hlotið umtals-
' Sovétríkin:
Geimfarar snúa heim
Moskvu, 21. nóvember. AP.
ÞRÍR sovéskir geimfarar sneru í
dag til jarðar vegna veikinda eins
þeirra. Skýrði Tass-fréttastofan svo
frá.
Sá sem veiktist var leiðangurs-
stjórinn, Vladimir Vasyutin, og
sögðu læknar, sem skoðuðu hann
á lendingarstað í Kazakstan að
líðan hans væri „sæmileg". Ekki
hefði þó verið um að villast, að
hann þyrfti á sjúkrahúsvist að
halda. Geimfararnir höfðu verið
um borð í Soyuz-geimfarinu frá
17. september sl.
vert fylgi, 2,6 prósent, sem hefði
dugað þeim til að koma manni á
þing ef um þingkosningar hefði
verið að ræða. Ekki er enn ljóst
hvernig Græningjar munu nota
þetta fylgi sitt en flest bendir til
að þeir muni skipa sér á vinstri
væng í dönskum stjórnmálum.
Mikið fylgishrun varð hjá Fram-
faraflokknum í kosningunum. Af
25 fulltrúum, sem flokkurinn hafði
í stjórnum amtanna, eru aðeins 2
eftir og er flokkurinn þar með úr
sögunni í dönskum stjórnmálum.
SvíþjóÖ:
Stjórnin vill lög-
leiða notkun bíl-
belta í aftursætum
Stokkhólmi, 21. nóvember. Frá
Erik Liden fréttaritara Morgunblaó.sin.s.
SÆNSKA stjórnin hefur lagt fram
lagafrumvarp um notkun bílbelta í
öllum sætum bifrejöa. Tilgangurinn
er að draga úr slysahættu í umferð-
innL
^TáWrumvarpið fram að ganga
verður skylda'að nota bílbelti í
aftursætum, og mun það einnig
ná til t.d. Islendinga, sem tækju
bifreiðienar með sér í sumarleyfi
til Svíþjóðar.
Jafnframt skyldar frumvarpið
eigendur bifreiða, sem smíðaðar
eru eftir 1967, að búa bíla sína
viðurkenndum bílbeltum.
Komið hefur í ljós að farþegar
í aftursætum eru tregir til að nota
bílbelti enda þótt þau séu fyrir
hendi. Samkvæmt nýrri athugun
notuðu aðeins 15% fullorðinna
aftursætisbílbelti. Notkun bílbelta
í framsæti er hins vegar öllu betri,
eða80%.
ÞU
LEGGUR
AFSTAi
í flugferð er ströngum öryggisreglum fylgt og öll siglingatæki yfirfarin og kannað hvort þau
eru (fullkomnu lagi.
Einnig er öllum farþegum bent á hvar björgunarvesti og gúmmíbjörgunarbátar eru geymd.
REYNSLAN SÝNIR AÐ EKKERT KEMUR I VEG FYRIR SLYS Á SJÓ NEMA
ÁRVEKNI, DÓMGREIND OG KUNNÁTTA SJÓMANNA SJÁLFRA.
OryggismAlanefnd sjómanna