Morgunblaðið - 22.11.1985, Blaðsíða 20
20
MORGUNBLAÐIÐ, FÖSTUDAGUR 22. NÓVEMBER1985
Kirkjan í Neskaupstað og safnaðarheimilið. Morgunbla4ift/Sigurbj«rg
Góðar gjafír til
Norðfjarðarkirkju
Neskaupstaó.
NÝLEGA voru Norðfjarðarkirkju
gefnir stólar í kór kirkjunnar til
minningar um hjónin Lárus Ás-
mundsson og Dagbjörtu Sigurðar-
dóttur. 1 ár eru liðin 100 ár frá
fæðingu þeirra. Gefendur eru börn
þeirra hjóna.
Kvenfélagið Nanna færði nýlega
Safnaðarheimili kirkjunnar fé til
kaupa á borð- og húsbúnaði, en
kvenfélagið hefur áður gefið safn-
aðarheimilinu borðbúnað. Þá gaf
Verkalýðsfélag Norðfjarðar safn-
aðarheimilinu myndbandstæki.
í haust var endanlega lokið frá-
gangi á safnaðarheimilinu og
umhverfi þess. Vert er að geta
þess í því sambandi að allur frá-
gangur og umhirða í kringum
þessar fallegu byggingar eru til
mikils sóma.
- Sigurbjörg
„Það er best að segja
satt“, Albert Guðmundsson
— eftir Bryndísi
Víglundsdóttur
I þingfréttum sem birtar eru í
Morgunblaðinu 8. nóvember sl. er
haft eftir Albert Guðmundssyni,
fyrrverandi fjármálaráðherra, að
Þroskaþjálfaskóli íslands hafi
fengið aukafjárveitingu 14. októb-
er sl. úr hendi hans.
Þetta er rangt
Þroskaþjálfaskóli íslands leigir
húsnæði af Gísla Gestssyni, Víð-
sjá, Skipholti 31. Húsaleiga hefur
verið greidd samkvæmt gildandi
samningi sem undirritaður var 9.
febrúar 1982. Samningurinn var
gerður til ársins 1997 og í honum
eru engin uppsagnar- eða endur-
skoðunarákvæði. Samkvæmt hon-
um greiðir ríkissjóður miklu hærri
leigu fyrir húsnæði ÞSÍ en greitt
er fyrir skólahúsnæði almennt.
Húseigandi krafðist meiri peninga
en samið var um en samningur
heimilaði ekki breytingar sam-
kvæmt úrskurði fjárlaga- og hag-
sýslustofnunar. Albert „spilaði
einleik“ og í krafti ráðheraemb-
ættis fyrirskipaði hann stórkost-
lega hækkun leigugjalda.
Skólinn fær ákveðna upphæð á
fjárlögum til að greiða húsaleigu.
Var ráðherra gerð grein fyrir að
peningar væru ekki til í sjóði skól-
ans fyrir þeirri hækkun, sem hann
fyrirskipaöi. Þá ákvað ráðherra að
skólanum, réttara sagt húseiganda
Gísla Gestssyni, skyldu veittar kr.
350 þús. fram að áramótum úr
ríkiskassanum. Um framhaldið,
þ.e. viðbót á útgjöldum skólans í
framtíðinni vegna þessa „einleiks
ráðherra“, hefur ekki verið til-
kynnt.
Samantekt
Aukafjárveiting kom ekki til
Þroskaþjálfaskóla íslands. Albert
Guðmundsson afhenti Gísla Gests-
syni eiganda þess húsnæðis, sem
skólinn legir fyrir starfsemi sína
fjármuni úr ríkiskassanum, fjár-
muni almennings en segir Alþingi
og alþjóð að þeir fjármunir hafi
verið aukafjárveiting til skólans.
Af ofanskráðu sést að upplýsing-
ar þær sem Albert Guðmundsson
gaf Alþingi og alþjóð um þetta
mál eru rangar. En „það er best
að segja satt, Albert".
I skjalasafni skólans eru bréf
skrifuð til stjórnvalda vegna máls
þessa og verða þau birt síðar ef
með þarf.
Höfundur er skólastjóri Þroska-
þjálfaskóla íslands.
Kvæði og stökur
eftir Jón Bjarnason frá Garðsvík
ÞETTA
HAFA VERIÐ
ÆVINTÝRALEGIR
HAUSTDAGAR
ANDVÖKURÍM heitir Ijóðabók eftir
Jón Bjarnason frá Garðsvík, sem
Bókaútgáfan Skjaldborg á Akureyri
hefur gefið út.
Þetta er þriðja ljóðabók Jóns.
Þær fyrri voru Þingeyskt loft og
Meira loft. Þá hefur Jón skrifað
minningabækur þannig að And-
vökurím er níunda bókin frá hans
hendi.
í bókinni eru 90 kvæði og tæp-
lega 180 lausavisur, „ortar undir
ýmsum hughrifum".
Andvökurím er 143 blaðsíður,
unnin í Prentsmiðju Björns Jóns-
sonar.
Jón Bjarnason
TVÖHUNDRUÐ 0G FJÖRUTÍU ÞÚSUND
MANNS HAFA KOMIÐ í IKEA-
VERSLUNINA
Á ÞEIM ÞREM MÁNUÐUM
SEM LIÐNIR ERU
SÍÐAN VERSLUNIN VAR 0PNUÐ
Við þökkum
„öilum landsmönnum" kærlega
fyrir komuna og vonumst
til að sjá þá alla
aftur fyrir jól.
Opið mánudaga til fimmtudaga frá kl. 10.00 - 18.30,
á föstudögum frá kl. 10.00 - 20.00
og á laugardögum frá kl. 10.00 - 16.00.
Þar sem peningar skipta ekki öllu máli.
Húsi vcrslunarinnar, Kringlunni 7, 108 Reykjavík. Sími 686650.
„ V íkingslækjarætt“
2. bindi komið út
BÓKAÚTGÁFAN Skuggsjá hefur
gefið út annað bindið af nýrri útgáfu
af Víkingslækjarætt, niðjatali Guð-
ríðar Eyjólfsdóttur og Bjarna Hall-
dórssonar, hreppstjóra á Víkingslæk.
Þetta er verk Péturs Zophoníassonar
ættfræðings, en það var ekki gefið út
nema að hluta til á sínum tíma, fjög-
ur hefti 1939—1943 og eitt hefti
1972.
í frétt frá útgefanda segir m.a.:
„Drög Péturs Zophoníassonar að
síðara hluta niðjatalsins, sem til
eru í vélriti Zophoníasar sonar
hans, verða nú fullunnin og búin
til prentunar, svo að allt verkið
verði gefið út, eins og ætlunin var.
í þessu bindi eru b-, c-, d-, e-
og f-liðir ættarinnar, niðjar Hös-
kulds, Brands, Eiríks, Lofts og
Jóns eldra Bjarnasona. 1 fyrsta
bindinu, sem út kom 1983 var a-
liður ættarinnar, niðjar Halldórs
Bjarnasonar. Ætlunin er að út
komi þrjú bindi í viðbót, g-liður,
niðjar Jóns yngra Bjarnasonar, í
þriðja bindi, h-liður, niðjar Stef-
áns Bjarnasonar, í fjórða bindi og
i-, k- og 1-liðir, niðjar Ólafs og
Gizurar Bjarnasona og Kristinar
Bjarnadóttur, í fimmta bindi."
Víkingslækjarætt II er 455 bls.
að stærð, þar af 183 bls. myndir.
Bókin var filmuunnin og prentuð
í Steindórsprenti hf. og bundin í
Bókfelli hf.
g Áskriftarsíminn er 83033