Morgunblaðið - 12.12.1985, Side 49

MORGUNBLAÐIÐ, FIMMTUDAGUR12. DESEMBEB1985
49
„Hermenn" úr söngleiknum Land mfns fodur þrömmuðu um borgina í gær
og vöktu óskipta athygli meðal yngstu vegfarendanna.
LR heldur „stríðsára“-
dansleik á Hótel Borg
LEIKFÉLAG Reykjavíkur heldur
dansleik á Hótel Borg í kvöld,
fimmmtudagskvöld, þar sem kynnt
verður nýútkomin hljómplata með
lögum úr söngleiknum Land míns
Töður eftir Kjartan Ragnarsson.
Dansleikurinn hefst kl. 20.30.
Georgsson og Sveinn Birgisson.
Söngleikurinn Land míns föður
hefur nú verið sýndur tæplega 60
sinnum og er uppselt fram yfir
miðjan janúar.
FrétUtílkjnning
Egilsstaðir:
Kveikt á stærsta
íslenska jólatrénu
Kgib«tödum, lO.deaember.
KVEIKT var á jólatré, 11 metra
háu blágreni úr Hallormsstaða-
skógi, framan við kjörbúð Kaup-
félags Heraðsbúa í dag. Að sögn
Jóns Loftssonar, skógarvarðar á
Hallormsstað, mun þetta vera
stærsta íslenska jólatréð sem felit
verður nú fyrir jólin.
Um 1500 jólatré hafa verið
felld í Hallormsstaðaskógi að
þessu sinni og fer helmingur
þeirra trjá á markað syðra en
hinn helmingurinn á markað hér
innan fjórðungs — aðallega
rauðgreni. Að sögn Jóns hefur
eftirspurn eftir rauðgreni mjög
dregist saman hin síðari ár en
að sama skapi aukist varðandi
trjátegundir sem halda barrinu
lengur — og því hefur hlutur
innfluttra jóiatrjáa aukist á
markaðinum allra síðustu árin
þótt Skógrækt ríkisins geti nú
fullnægt allri jólatrjáaþörf
landsmanna með rauðgreni. En
þótt rauðgrenið hafi ekkert
hækkað frá siðasta ári og sé þar
af leiðandi mun ódýrara en aðrar
trjátegundir kjósa margir dýrari
tegundir svo að barrið megi hald-
ast jólahátíðina út.
Fjallaþynur er trjátegund sem
heldur vel barrinu eftir að tréð
hefur verið fellt og fóru nokkur
slík tré úr Hallormsstaðaskógi á
jólatrjáamarkaðinn í ár. Hins
vegar hófst gróðursetning fjalla-
þyns ekki á Hallormsstað fyrr
en á 7. áratugnum svo að fram-
boð hans mun sjálfsagt ekki full-
nægja eftirspurn næstu árin.
Að sögn Jóns Loftssonar náðu
maurarnir sem herjuðu á Hall-
ormsstaðaskóg fyrir tveimur
árum sér ekki á strik í sumar —
Morgunblaðið/Ólafur.
Stærsta íslenska jólatréð í ár, 11 m
hátt blágreni, utan við kjörbúð
KHB.
og hafa því ekki gert frekari usla
þar.
— Ólafur
Flutt verða skemmtiatriði „í
stríðsárastíl" og gömlu stríðsára-
slagararnir sungnir. Loks mun
sextett LR leika fyrir dansi til kl.
01. eftir miðnætti. Umsjón með
dagskránni hafa Kjartan Ragnars-
son, Jóhann G. Jóhannsson og
Karl Ágúst íllfsson. Kynnir verður
Ágúst Guðmundsson en leikarar
LR sjá um flutning. Hljómsveitar-
stjóri er Jóhann G. Jóhannsson en
aðrir hljómsveitarmeðlimir eru
Gunnar Egilsson, Gunnar Hrafns-
son, Pétur Grétarsson, Rúnar
Engin hætta
var á ferðum
— segir flugmálastjóri
Luxemborgar um atvikið
er Flugleiðaþota lenti út
af flugbraut þar
RANNSÓKN á atvikum þess, að
Flugleiðaþota lenti út af flugbraut-
inni í Lúxemborg í nóvember síðast-
liðnum, stendur enn yfir. Fljótlega á
eftir Flugleiðavélinni lenti sovézk
vél, en Carlo Mathias, fiugmála-
stjóri Lúxemborgar, segir, að engin
hætta hafi verið á ferðum.
Carlo Mathias sagði í samtali
við Morgunblaðið, að þegar þetta
gerðist hefði skyggni verið slæmt
og stöðvunarskilyrði lök, en völlur-
inn þó verið opinn. Þegar sovézka
vélin hefði lent, hefði sú íslenzka
verið komin út af flugbrautinni og
engin raunveruleg hætta verið á
ferðum. Pétur Einarsson, flug-
málastjóri tslands, sagði í samtali
við Morgunblaðið, að fylgzt væri
með rannsókninni úti. Hann gæti
ekkert frekar sagt um hana, enda
lægju engar niðurstöður fyrir.
Oskar er 94ra ára
í dálkinum Fólk í fréttum var
Óskar Bjartmars sagður yngri
en hann er. Hann er gott betur en
91 árs eins og við sögðum. Hann
er orðinn 94 ára.
Fjórar starfsstúlkur í Plastprenti þær Guðrún Georgsdóttir, Kolbrún
Haraldsdóttir, Kristín Friðriksdóttir og Matthildur Birgisdóttir komu í
gær og afhentu fulltrúum Mæðrastyrksnefndar Guðlaugu Runólfsdóttur
og Unni Jonsdóttur 36.800 kr. frá starfsfólki Plastprents og fyrirtækinu
sjálfu, til styrktar þeim sem þurfandi eru fyrir jólin.
Jólasöfnun MæÖrastyrks-
nefndar hafin og um-
sóknir um jólaglaðning
M ÆÐR ASTYRKSN EFN D hefur
nú hafið sína árlegu jólasöfnun til
aðstoðar við þá sem erfitt eiga fyrir
jólin. Hafa samskotalistar þegar
verið sendir út til fyrirtækja og
tekið er á móti umsóknum og fram-
lögum á skrifstofunni á Njálsgötu
3 kl. 2—6 virka daga. Móttaka á
fatnaði verður á Garðastræti 3 kl.
2—6 næstu þrjár vikur og þá út-
hlutað fatnaði.
Er blaðamaður kom á skrif-
stofuna á Njálsgötu voru þær
Unnur Jónasdóttir formaður og
framkvæmdastjórinn Guðlaug
Runólfsdóttir að taka við fram-
lögum frá fólki sem ávallt kemur
fyrir jólin og lætur fé af hendi
rakna. Þar var kominn að venju
86 ára gamall maður, kona sem
er öryrki með sinn glaðning og
þarna var komið starfsfólk frá
Plastprenti þar sem starfsmenn
höfðu safnað á einum sólarhring
18.400 krónum og fyrirtækið
tvöfaldað upphæðina, svo að
starfsstúlkur afhentu 36.800 kr.
Unnur og Guðlaug sögðu að
einstaklingar væru nú að sækja
um peningaaðstoð eða fatnað,
ekki virtust þeir þó fleiri en í
fyrra. Mikið af góðum fatnaði
hefði borist og auðveldara að
bæta þar úr, en þær hefðu enn úr
litlu að spila af peningum og
yrðu að miða að því að styrkja
þá sem mest þyrftu, öryrkja, lág-
tekjufólk og t.d. konur sem eru
að skilja og ekki komnar inn i
tryggingakerfið. En vonandi
rættist úr og vilja þær hvetja
bæði þá sem þurfa jólaglaðning
og þá sem ætla að láta af hendi
rakna að gera það sem fyrst.
Síminn er 14349 og póstgíró
36600-5. Tóku þær fram að
Mæðrastyrksnefnd hefði notið
einstakrar velvildar og trausts
af hálfu borgarbúa sem af örlæti
hefðu ár hvert trúað henni fyrir
myndarlegum fjárupphæðum til
úthlutunar til samborgara er við
erfið kjör eiga að búa.
Þórður Ásgeirsson, forstjóri OLIS:
Siðlaust tal
á Alþingi
MORGUNBLAÐINU hefur borist
eftirfarandi yfirlýsing frá Þórði Ás-
geirssyni, forstjóra Olíuverslunar
Islands.
„Olafur Ragnar Grímsson flutti
mikla ræðu um Hafskipsmálið á
Alþingi í gær, 10. des. og hafa
fjölmiðlar gert rækilega grein
fyrir henni. Ólafur Ragnar talaði
um Hafskipsmálið sem mikið
hneyksli og ekki ætla ég að tjá
mig um það. Það situr hins vegar
ekki á mönnum að tala um
hneyksli sem gerast sekir um jafn-
mikið siðleysi og Ólafur Ragnar í
ræðu sinni.
Hvaða innlegg var það í umræð-
ur um Hafskipsmálið að nafn-
greina tiltekin fyrirtæki á íslandi
og fullyrða að þau riði til falls?
Hvaða réttlætingu getur Ólafur
Ragnar haft fyrir því að nota
þinghelgi sína til að veitast þannig,
algerlega órökstutt, að þessum
fyrirtækjum með rógburð sem
aðrir en þingmenn yrðu látnir
svara til saka fyrir?
Finnst öðrum þingmönnum
ekkert athugavert við það að á
Alþingi sé því slegið fram alger-
lega út í bláinn að ákveðinn nafn-
greind fyrirtæki sé að verða gjald-
þrota? Gera menn sér enga greiin
fyrir þeim afleiðingum sem þetta
getur haft fyrir viðkomandi fyrir-
tæki? Olís er eitt þeirra fyrirtækja
sem ólafur Ragnar vildi þannig
koma feigð yfir hvað svo sem
honum hefur gengið til með því.
Ég ætla ekki að tilfæra tölur en
bendi á að Olís er eitt af sterkari
fyrirtækjum þessa lands og á
sannanlega eignir langt umfram
skuldir. Ög það þótt aðeins væri
tiltekiö það sem félagið á í olíu og
vörubirgðum og útistandandi kröf-
um. Vissulega hefur það valdið
erfiðleikum hve erfitt hefur verið
að innheimta útistandandi kröfur
og á það fyrst og fremst við um
útgerð og fiskvinnslu. Og það bein-
ir huganum að því sem verðugra
væri að alþingismenn ræddu af
alvöru og ábyrgð en að rægja
ákveð:n fyrirtæki að tilefnisla'usu
og órökstutt.
Tók einhver eftir örstuttri frétt
í sjónvarpinu á eftir öllu Hafskips-
umstanginu um að fiskvinnslan og
frystingin er nú rekin með stór-
kostlegu tapi? Ef menn eru ekki
búnir að gleyma því að við lifum
á útgerð og fiskvinnslu í þessu
landi þá held ég að þar sé um að
ræða fyrirtæki sem alþingismenn
og aðrir eigi að hafa áhyggjur af
og ræða hvernig bæta megi rekstr-
argrundvöll þeirra þannig að þau
geti skilað hagnaði og greitt skuld-
ir sínar. Það væri a.m.k. að byrja
á réttum enda.“
Fjölmenni á
aðventukvöldi
Björk, Mývainnsveit, 11. desember.
AÐVENTUKVÖLD var f Keykjahlíö-
arkirkju síðastliðið mánudagskvöld
klukkan 20.30. Fyrst talaði séra örn
Friðriksson, síðan söng barnakór
þrjú lög, þá söng kirkjukórinn.
Stjórnandi kóranna er Jón Árni
Sigfússon.
Ingibjörg Magnúsdóttir, blaða-
maður frá Húsavfk, flutti ágæta
ræðu. Að ræðu hennar lokinni söng
kirkjukórinn aftur. Síðast sungu
allir viðstaddir heims um ból. 011
var þessi athöfn mjög hátíðleg.
— Kristján.
Þanníg hefst hin hugvitssamlega ftétta Dick
Francis í Hrossakaupum, bók sem heldur vöku
fyrir lesanda sinum.
Hrossakaup er eitt frægasta verk þessa dáða
spennusagnahöfundar og hvalreki fyrir unnend-
ur góðra spennubóka.