Morgunblaðið - 29.12.1985, Blaðsíða 52

52
MORGUNBLAÐIÐ, SUNNUDAGUR 29. DESEMBER1985
„ mieeti kana, rii&ur i Lyfkunni."
áster...
... aö vakna viö
ilminn af mory-
unveröinum.
TM Reo U.S. Pat. Ott.-all fights reserved
«1985 Los Angeles Times Syndicate
Með
morgunkaffiriu
Er það póstmeistarinn. — Ætla
bara að láta yrtur vita að póst-
maóurinn hefur nú bitið hundinn
minn í annað skipti.
HÖGNI HREKKVÍSI
P£TT/A £12 TAUÖA- „J-€ JA/ ÉG VEEP VÍST
VEIKI-AOUK KÖTTUIZ."' AP FAKA NONA "
111 meðferð
á fuglum
Smáfuglavinur hringdi:
Ég vil lýsa áhyggjum mínum og
furðu á þeim vinnubrögðum sem
starfsmenn borgarinnar viðhafa
nú yfir háveturinn til að fækka
dúfum hér í borginni. Þeir venja
þær á korn sem þeim er gefið á
ýmsum stöðum. Þetta korn er síð-
an blandað svefnlyfi. Nú þegar
harðast er á dalnum hjá smáfugl-
unum leita þeir í þetta korn og
sofna af því og krókna síðan úr
kulda.
Þetta finnst mér mjög ómannúð-
legt og auk þess varðar þetta án
efa við lög um dýraverndun og
fuglafriðun.
Góður skonrokksþáttur
335&-1873 skrifar:
Ég vil lýsa ánægju minni með
síðasta Skonrokksþátt sjónvarps-
ins, en að hann skyldi saman-
standa af íslenskum myndböndum
einvörðungu markar tímamót í
íslenskri tónlistarsögu. Það er ljóst
að gróskan er gífurleg í tónlist hér
á landi þótt sumt beri af öðru hvað
gæði varðar. í áðurnefndum þætti
voru tvö myndbönd sem báru höf-
uð og herðar yfir hin sem þó voru
flest hver þokkaleg, en það voru
myndbönd hljómsveitanna Grafík
og Rikshaw.
Þar voru fagmannleg vinnu-
brögð höfð að leiðarljósi og tel ég
að hið síðarnefnda myndband
hljóti að vera besta tónlistarmynd-
band sem gert hefur verið hér á
landi, bæði hvað mynd og tónlist
varðar. Ég vil eindregið skora á
aðstandendur þessa myndbands að
koma því á framfæri erlendis hið
snarasta, jafnframt óska ég fyrir
mína hönd og fjölmargra annarra
eftir því að sjónvarpið endursýni
þessi tvö myndbönd sem fyrst og
sem oftast.
Víkverji skrifar
ess var getið í dagbók Morgun-
blaðsins á aðfangadag, að
breyting hefði orðið á fréttasendi
ríkisútvarpsins á stuttbylgju til
útlanda. Var tilkynnt um þá tíðni,
sem gilt hefur frá 21. desember
og „þar til annað kann að verða
ákveðið", eins og það var orðað.
Breytingar á senditíðni hádegis-
og kvöldfrétta útvarpsins á stutt-
bylgju til útlanda eru ekki ný-
lunda. í dagbókarfréttinni kom
ekki fram, hvað olli því, að skipt
var um tíðni hinn 21. desember.
Víkverji hefur sjálfur reynt það,
að í sumar og haust var unnt að
hlusta á hádegis- og kvöldfréttir
útvarpsins á Norðurlöndum, í
Suður-Englandi og á megin-
landinu, til dæmis í Belgíu. Náðust
sendingarnar á handhægt Sony-
tæki 7600D, sem ekki fer meira
fyrir í farangri en meðalstórri bók.
Það bætti gæði sendinganna að
tengja vírspotta við loftnetsstöng
útvarpsins, en var ekki alltaf
nauðsynlegt til að heyra það, sem
sagt var.
Morgunblaðið hefur birt í dag-
bókinni þá tíðni, sem gildir hverju
sinni fyrir þessar stuttbylgjusend-
ingar. Með hliðsjón af því, hve oft
er skipt um tíðnisvið, er nauðsyn-
legt fyrir þá, sem viija nýta sér
þessa þjónustu ríkisútvarpsins að
líta reglulega í dagbókina til að
átta sig á því, hvernig ber að stilla
viðtækið. Víkverji minnist þess
ekki að hafa lesið neinar skýringar
á því frá þeim, sem að útsending-
unum standa, hvers vegna svo oft
er skipt um tíðni og raun ber vitni.
XXX
Ekki er vafi á því, að margir
Islendingar sem dveljast er-
lendis eru þakklátir fyrir þessa
þjónustu ríkisútvarpsins. Það er
öryggistilfinning fyrir marga, að
geta heyrt í gamla gufuradíóinu
og fá staðfestingu á því, að allt er
við sama heygarðshornið á ætt-
jörðinni. Þegar Víkverji hlustaði á
þssar fréttasendingar að heiman
um nokkurt skeið í haust og fylgd-
ist samtímis náið með því, sem
flutt var í fréttatímum erlendra
útvarpsstöðva; undraðist hann oft
þá mynd, sem dregin var af erlend-
um atburðum í útvarpinu. Stund-
um var eins og heimsmyndin væri
allt önnur, þegar litið var á hana
frá Reykjavík en London, þótt sagt
væri frá sömu atburðum.
Um þessar mundir dveljast
margir íslendingar búsettir er-
lendis hér á landi og halda jól
hátíðleg með fjölskyldu og vinum.
Beri fjölmiðlun ágóma í samtölum
við þetta fólk, til dæmis þá sem
búsettir eru í Bretlandi, má undan-
tekningarlaust heyra sömu gagn-
rýnina: erlendar fréttir útvarpsins
(og raunar innlendar einnig) eru
litaðar með einhverjum þeim
hætti, að mönnum bregður í brún.
Eins og lesendum Velvakanda
ætti að vera kunnugt, er það síður
en svo nýnæmi, að fundið sé að
fréttum ríkisútvarpsins. Þó virðist
heldur hafa dregið úr þeirri gagn-
rýni hin síðari misseri. Kannski
hafa menn gefist upp eða þeir lifa
í voninni um að afnám ríkiseinok-
unar á útvarpsrekstri, sem er á
næsta leiti, létti af þeim okinu.
XXX
Annars virðast erlendar fréttir
á undanhaldi í ríkisútvarpinu.
Þeim er ekki gert jafn hátt undir
höfði og áður. I fréttatímum út-
varpsins er hins vegar lögð meiri
áhersla á innlendar stjórnmála-
fréttir en áður. Ekki er ólíklegt,
að samkeppni um innlenda frétta-
miðlun í útvarpi eigi eftir að auk-
ast með tilkomu einkastöðva.
Afnám ríkiseinokunarinnar eigi
eftir að þrengja að erlendum frétt-
um í hefðbundnum skilningi.
Meira verði lagt upp úr rabbi
lausamanna í útlöndum um það,
sem þar er að gerast. Verulegum
hluta kvöldfrétta útvarpsins er nú
þegar varið í slíkt símarabb.
Verði þróunin á þennan veg
munu þeir hér á landi, sem vilja
fá skýra mynd af því, sem er að
gerast í útlöndum, leggja meiri
rækt við þau dagblaðanna, sem
segja erlendar fréttir, og hlusta á
erlendar útvarpsstöðvar. Það er
eins auðvelt að hlusta á erlendar
stöðvar í nýtísku útvarpstækjum
og ríkisútvarpið í útlöndum.