Morgunblaðið - 20.03.1986, Blaðsíða 24

24
MORGUNBLAÐIÐ, FIMMTUDAGUR 20. MARZ1986
EINKAUMBOÐ FYRIR
DEXION Á ÍSLANDI
DEXION
Fyrir vörugeymslur,
verslanir,
iðnfyrirtæki og
helmlli
HILLUR, SKÁPAfl,
SKÚFFUR, REKKAR,
BAKKAR, BORÐ
LANDSSMIÐJAN HF.
SÍMI 91-20680
Borgarnes:
Byggingarfélagið
Borg hf.
Borgarnesi, 17. mars.
BY GGING ARFÉLAGIÐ Borg
hf., sem er verktakafyrirtæki
í byggingariðnaði í Borgarnesi,
átti 10 ára afmæli nýverið og
í tilefni þess buðu eigendur
fyrirtækisins fólki að koma í
fyrirtækið, skoða sig um og
þiggja veitingar. Alls komu í
heimsókn til þeirra um 150
manns.
Að sögn Rúnars Viktorssonar,
sem er einn af eigendunum, flutti
Byggingarfélagið Borg hf. í nýtt
350 fermetra verksmiðjuhúsnæði
sl. sumar. Sagði Rúnar að á verk-
stæðinu hefðu þeir sérhæft sig í
smíði glugga, hurða og opnan-
legra faga. Þeir væru t.d. nýbúnir
að afhenda glugga, hurðir og fög,
sem þeir smíðuðu í nýja hótelið
sem er verið að byggja í Hvera-
10ára
gerði. En þá smíði hefðu þeir
fengið vegna þess hve þeir hefðu
getað boðið stuttan afgreiðslu-
frest. Einnig hefðu þeir nýlega
lokið við smíði á „frönskum"
gluggum í mjög sérstætt einbýlis-
hús í Reykjavík, væru gluggamir
með upp undir 100 rúðum hver
og samtals væru í gluggunum
öllum 850 rúður. Þá sagði Rúnar
að byggingarfélagið væri einnig
í almennri trésmíðavinnu s.s. ný-
byggingum og húsaviðgerðum.
Hjá fyrirtækinu væru starfandi
14 manns í dag, en um 20 manns
störfuðu hjá þeim yfir sumartím-
ann. Sagði Rúnar að það væri nóg
að gera, en auðvitað þyrfti að
bera sig eftir hlutunum, þeir hefðu
t.d. nýlega gert tilboð í 3 timbur-
einingahús í Bifröst í Norðurárdal.
—TKÞ
* ___.•■■III llWWHtj.
Morgunbladið/Theodór
Eigendur Byggingarfélagsins Borgar hf., standa framan við
„franskan" glugga. Þeir eru talið frá vinstri: Þorsteinn Benja-
mínsson, Rúnar Viktorsson, Ólafur Waage og Eiríkur Ingólfsson.
Kemur mikil launavinna mennta-
skólanema niður á námi þeirra?
„Höfum þungar áhyggjur“ segja
yfirvöld tveggja menntaskóla
Skólastjómir tveggja mennta-
skóla á Reykjavíkursvæðinu,
Menntaskólans við Sund og
Menntaskólans í Kópavogi, hafa
af því áhyggjur hversu margir
nemendur við umrædda skóla
stundi launavinnu með námi.
Telja skólayfirvöld að vinnan
komi niður á náminu.
Könnun, sem gerð var í Mennta-
skólanum við Sund, leiðir í ljós, að
mikill hluti nemenda stundar all-
mikla vinnu með námi. Jafnframt
kemur fram, að hlutfallslega mjög
fáir nýta sér aðstöðu í skólanum
til náms utan kennslustunda.
í fyrsta bekk stunda um 38%
nemenda einhveija launavinnu með
náminu og hækkar hlutfallið stig
af stigi eftir því sem ofar dregur í
bekkjakerfinu og nær hámarki í
fjórða bekk; þar stunda um 70%
nemenda launavinnu með náminu,
þar af 11% 21—40 klukkustundir á
viku. Lætur nærri, að um 60%
nemenda í MS hafí verið við launa-
vinnu á haustönn 1985.
Sambærileg könnun var gerð í
Menntaskólanum í Kópavogi og
hníga niðurstöður hennar mjög í
sama farveg.
„Okkur fínnst ískyggilegt hve
margir nemendur stunda launa-
vinnu og einnig hversu mikið sumir
vinna," sagði Sigurður Ragnarsson
rektor MS. „Það fer ekki hjá því,
að þetta kemur niður á skólanáminu
með einum eða öðrum hætti."
Sigurður vitnaði t orð formanns
nemendafélagsins um það, hvers
vegna nemendur ynnu svo mikið:
„Hann taldi, að sumir fengju ein-
faldlega ekki nóg fé hjá foreldrum,
en meginástæðan væri þó líklega
sú, að nemendur gerðu svo miklar
kröfur um fjárráð og lífsmáta; vildu
t.d. hafa nóg fé til skemmtana og
fatakaupa. Þá hefur líka aukist, að
nemendur séu á bflum. Tíðarandinn
býður sem sé upp á það, að þeir
hafí öll spjót úti til þess að afla sér
tekna, hvort sem brýna nauðsyn
ber til eða ekki,“ sagði Sigurður.
Hann bætti því við, að mikið væri
um, að nemendumir ynnu á kvöldin
og um helgar, jafnvel á vínbömm
þar sem þeir væm of ungir til að
mega versla sjálfír.
„Okkur finnst, að þetta sé gengið
úr öllu hófí. Nemendur bera því
jafnvel við sem fullgildri afsökun
fyrir því að vinna ekki verkefni eð
fá skilafrest, að þeir megi ekki vera
að því vegna vinnunnar," sagði
Sigurður Ragnarsson.
„Við höfum af þessu þungar
áhyggjur og þetta hlýtur að koma
niður á náminu," sagði Gísli Ó.
Pétursson aðstoðarskólameistari í
MK. „Það hlýtur að koma að því
hjá ýmsum, að þeir verða að gera
upp við sig hvort þeir eigi að slá
af lífsgæðakröfunum eða hætta
námi. Maður veltir því fyrir sér
hver séu tengslin á milli auglýsinga-
flóðsins og mikillar fjárþarfar ungl-
inganna," sagði Gísli.