Morgunblaðið - 27.05.1986, Blaðsíða 27
MORGUNBLAÐIÐ, ÞRIÐJUDAGUR 27. MAÍ 1986
27
Jafnar og hæstar á stúdentsprófi urðu mæðgurnar Bára Einars-
dóttir og Hulda Bragadóttir með einkunnina 8,01. Bára stundaði nám
í öldungadeild, en Hulda í dagskólanum. Það vekur athygli að ein-
kunnin er fengin með að taka meðaltal allra einkunna á námsferlinum
við menntaskólann. Skemmtileg og mjög sérstök tilviljun.
Nú voru í fyrsta skipti útskrifaðir nemendur af tónlistarbraut við
MÍ. Tvær stúlkur útskrifuðust og komu þær báðar fram við skóla-
slitin. Bjarney Ingibjörg Gunnlaugsdóttir söng við undirleik Margrét-
ar Gunnlaugsdóttur tónlistarkennara og Hulda Bragadóttir lék ein-
leik á píanó.
Rétturinn til að skrifa
— eftir Álfrúnu Gunnlaugs-
dóttur og Matthías
Viðar Sæmundsson
Hjá Sakadómi Reykjavíkur bíður
nú dóms mál sem höfðað hefur
verið gegn rithöfundinum Þorgeiri
Þorgeirssyni fyrir „ærumeiðandi
aðdróttanir í garð lögreglumanna
(leturbr. undirritaðra) í tveimur
greinum í Morgunblaðinu“, en sá
sem kærir er einmitt Lögreglufélag
Reykjavíkur.
Þótt auðskiljanlegt sé að hveijum
einstökum meðlimi þessa stéttarfé-
lags sé annt um sinn heiður, eins
og sönnum mönnum sómir, hlýtur
samt athæfi þetta, að láta lögsækja
Þorgeir Þorgeirsson fyrir einangr-
aðar setningar úr ritsmíðum hans
að vekja til umhugsunar almer.na
borgara þessa lands sem láta sér
annt um tjáningarfrelsið og túlkun
á hinu ritaða orði.
Einkum er það tvennt sem vekur
furðu borgarans:
1. Lögreglufélag Reykjavíkur
virðist vera álitið, í þessu tilviki,
samstæð persóna. Hefur til að bera
æru sem einn maður (og væntan-
Jega þá ákveðin sameiginleg eðlis-
einkenni?). Útfrá þeirri forsendu
getur það látið stefna einstaklingi,
þótt einhvern tíma hefði slíkt þótt
ójafn leikur. Og borgarinn spyr
nokkuð undrandi: eru þá starfs- og
stéttarfélög persónur að lögum?
Hver skyni borinn maður hlyti að
sjá hvað í slíku fælist. Honum og
öðrum gæti orðið skeinuhætt að
skrifa um presta, kennara, þjón-
ustufólk, verkfræðinga, rakara,
stjórnmálamenn . . . Og hvert er þá
prentfrelsi þessa lands?
2. Ef litið er til kæruatriða (sbr.
DV-blaðið 10. maí 1986), virðast
fyrrgreind „ummæli" rithöfundar-
ins Þorgeirs Þorgeirssonar vera
slitin úr öllu samhengi við heildar-
textann, sem þau hljóta þó að vera
hluti af, setningarnar einangraðar
og er þess vegna hætta á að þær
fái allt annað vægi en þær höfðu í
upphaflegu samhengi. Allir þeir
sem einhvem tíma hafa orðið fyrir
því að orð þeirra væru misskilin og
rangtúlkuð, ættu að vita að slík
textameðferð orkar tvímælis. Heild-
arsýn og heildarskilningur hlýtur
að vera það sem tekið er mið af,
eins og sannaðist í réttarhöldunum
sem haldin voru yfír franska rit-
höfundinum Gustave Flaubert árið
1857 vegna bókar hans Madame
Bovary, enda féll dómur í samræmi
við það.
Mál Þorgeirs Þorgeirssonar snýst
ekki einvörðungu um afmarkaða
þætti úr ritsmíðum hans, heldur er
það allt mun stærra í sniðum, gæti
hugsanlega varðað frelsi okkar til
að láta í ljós á prenti skoðanir okkar
og hugmyndir, ádeilu eða gagnrýni
og í því formi sem við sjálf kjósum,
svo lengi sem þess er gætt að meiða
ekki neinn einstakan mann.
Þess vegna vekur það nokkra
furðu hins almenna borgara að hin
ýmsu félög og sambönd sem bera
fyrir brjósti frelsi hins talaða og
ritaða orðs skuli hafa orðið ídumsa
„Þess vegna vekur það
nokkra furðu hins al-
menna borg’ara að hin
ýmsu félög og sambönd
sem bera fyrir brjósti
frelsi hins talaða og
ritaða orðs skuli hafa
orðið klumsa í heilan
vetur meðan réttarhöld
fóru fram í máli rit-
höfundarins Þorgeirs
Þorgeirssonar.
í heilan vetur meðan réttarhöld fóru
fram í máli rithöfundarins Þorgeirs
Þorgeirssonar.
Öldum saman hafa framsýnir
menn barist fyrir skoðana-, mál-
og prentfrelsi. Einn þeirra var
franski heimspekingurinn Diderot
sem á 18. öld varaði við því hve
stutt er í ritskoðun í skjóli laga sem
„gera okkur of leiðitöm" og þá um
leið treg til að tjá hug okkar.
Það er beðið dóms í máli rit-
höfundarins Þorgeirs Þorgeirsson-
ar. Við bíðum líka. Sá dómur gaeti
varðað okkur öll.
Höfundar eru kennarar við Há-
skóla íslands.
Margra ára reynsla sannar gæði
þakmálningunar frá Málningu hf.
ÞOL er sérframleidd alkýðmálning,
sem innlend reynsla hefur
skipað í sérflokk vegna endingar
og nýtni.
ÞAKMÁLNING SEM ENDIST
ÞOL er framleitt í fjölbreyttu litaúrvali.
Handhægt litakort auðveldar
valið á réttum lit.
ÞOL tryggir þér fallegt útlit
og góða endingu.
má/ning'f