Morgunblaðið - 20.06.1986, Blaðsíða 16

16
MORGUNBLAÐIÐ, FÖSTUDAGUR 20. JÚNÍ1986
Bœklingurinn kynntur á blaðamannafundi, frá vinstri eru Vilhjálmur
Þ. Vilhjálmsson, Tómas Jónsson, Júlíus Sólnes, Gestur Ólafsson og
Þórður Ægir Óskarsson.
Kynningarbæklingur fyr-
ir erlenda fjárfestendur
SAMTÖK Sveitarfélaga á höfuð-
borgarsvæðinu hafa gefið út
bækling á ensku sem er ætlað
að gefa viðskiptaaðilum erlendis
greinargóðar upplýsingar um
höfuðborgarsvæðið, skilyrði til
atvinnurekstrar og almennar
upplýsingar um land og þjóð.
Bæklingnum verður dreift
sem víðast erlendis, m.a. til
sendiráða, ræðismanna, samtaka
fyrirtækja, á erlendar vörusýn-
ingar og til erlendra verslunar-
ráða. Auk þess geta fyrirtæki
fengið eintök keypt til að senda
viðskiptaaðilum erlendis.
Þá hefur verið komið upp
TELEX og EASYLINK þjónustu
til að svara erlendum fyrirspum-
um sem kynnu að berast.
Samtök sveitarfélaga á höfuð-
borgarsvæðinu eru samtök 9 sveit-
arfélaga á svæðinu frá Hvalfjarðar-
botni suður í Straum. Á þeirra
vegum starfa skipulagsstofa höfuð-
borgarsvæðisins og atvinnumála-
nefnd höfuðborgarsvæðisins, sem
vinnur að eflingu atvinnulífs á
svæðinu.
í því skyni er í undirbúningi
stofnun iðnþróunarsjóðs höfuð-
borgarsvæðisins sem yrði íjár-
magnaður með framlögum sveitar-
félaganna. Bæklingurinn er einnig
gefinn út í þessu skyni. Honum er
ætlað að vekja athygli erlendra
fyrirtækja sem hugsanlega kynnu
að vilja fjárfesta hér á landi og
bæta úr útbreiddri fáfræði útlend-
inga um landið.
Bæklingurinn var gefinn út í 20
þús. eintökum, og kostaði um eina
miljón kr. í vinnslu. Tómas Jónsson
hannaði en textinn er eftir Þórð
Ægi Oskarsson. Bæklingurinn er
16 síður með vasa á öftustu opnunni
þar sem má bæta inn tímabundnari
upplýsingum. Þetta er gert til að
hann haldi gildi sínu lengur, og
einnig geta fyrirtæki bætt inn eigin
upplýsingum.
Á blaðamannafundi þar sem
bæklingurinn var kynntur kom
fram hjá Júlíusi Sólnes, formanni
SSH að tilgangurinn væri að koma
íslendingum meir inn í fjölþjóðlegt
samstarf í viðskiptum, einkum að
fá íjölþjóðleg fyrirtæki til sam-
starfs. En helsta vandamálið væru
þunglamalegt efnahags- og stjóm-
kerfi sem gerði íslendingum erfitt
um vik að keppa um erlent fjárfest-
ingarfjármagn sem aðrir aðilar
reyni að lokka til sín með fríðindum.
Hérlendis er ekki boðið upp á slflct
og íslensk lög krefjist m.a. að fyrir-
tæki séu að meirihluta til í eigu
innlendra aðila.
Einnig kom fram að hérlendis
hafí gætt feimni um upplýsingar.
Útlendingar vilji fá allt, s.s. skatta-
kjör, fjármagnsflutninga o.þ.h. á
borðið.
Hvað
eftir Daníel Á.
Daníelsson
Hvað er Gestalt? „Þegar ég vissi
það ekki gat ég ekki sagt þér það
og nú þegar ég veit það þá get ég
ekki sagt þér það.“ Þannig svaraði
þekktur gestalt-sinni spumingunni.
Hann um það.
Gestalt er þýskt orð sem merkir
form eða skynheild. Gestalt sálfræði
kom fram á sjónvarsviðið í Þýska-
landi um miðja síðustu öld sem
kenning um og rannsókn á skynjun
okkar á umhverfinu. Gestalt-
sálfræðingamir héldu því fram að
í heildinni fælist meira en aðeins
summa þáttanna sem mynda hana.
Helsta framlag þeirra til Gestalt-
meðferðar, sem hér er til umfjöllun-
ar, er heildarhugtakið. Gestalt-
meðferð er nefnilega allt annað en
Gestalt sálfræði. Þýskur geðlæknir
að nafni Frederick S. Perls, fæddur
skömmu fyrir síðustu aldamót, þró-
aði Gestalt-meðferð með sálgrein-
ingu Freuds, persónuleikagreiningu
Wilhelms Reich, tilvistarheimspeki
Sartre og félaga, Zen-buddisma og
áðumefndri Gestalt sálfræði. Út úr
þessum bræðingi fékk Perls heim-
spekikenningu, lífsspeki og aðferð
í praktískri sálfræði, sem í dag er
ein sú vinsælasta á meðferðarmark-
aðnum í Ameríku og Vestur-
Evrópu. Vinsældir sínar á aðferðina
er eflaust að þakka því, hversu
einfold hún er og aðgengileg fyrir
allan almenning, en ekki síður því
hvað hún er áhrifarík og hraðvirk.
Gestalt-læknir þarf oft ekki nema
fáar mínútur til að hjálpa þeim sem
hann er að vinna með að komast í
snertingu við innsta kjama tilveru
sinnar og fá hann til að sjá í skýru
ljósi veruleika sem var hulinn fáum
mínútum áður. Hvemig fer hann
að þessu?
Úngur munkur spurði eitt sinn
Zen-meistara: „Hvemig er Zen-
reynsla?" Meistarinn svaraði með
því að slá munkinn utan undir. Eins
og Zen leggur Gestalt-meðferð
áherslu á upplifun, skynjun, lykt,
bragð og snertingu, en er lítið gefín
fyrir þá heilaleikfími sem felst í
því að skoða og skilgreina alla
hluti. „Týndu glómnni og fínndu
skyn-semi þína", sagði Perls gjam-
an við þá sem höfðu mikla þörf
fyrir að skýra og skilgreina alla
skapaða hluti. Ef maður kyssir konu
hefur gestalt-istinn meiri áhuga á
að vita hvemig honum fínnst það
en hvers vegna hann gerir það.
„Hér og nú“ upplifun er það sem
aðferðir gestalt-istanna miða að.
Þeir trúa því og hafa reynsluna að
baki sér þegar þeir segja að ef þú
upplifir sjálfan þig hér og nú, þá
gerist kraftaverk. Þetta virðist ein-
falt, það eina sem þarf að gera er
að upplifa augnablikið. Sem þátt-
takandi á yfír tug Gestalt-
námskeiða get ég fullyrt að það er
ekki einfalt og það er heldur ekki
auðvelt í framkvæmd. Nútímasam-
félagið breytist mjög hratt og gerir
stöðugt til okkar nýjar kröfur og
heldur sífellt að okkur nýjum
ímyndum til að passa inn í. Það er
ekki auðvelt að stoppa og spyija
spuminga eins og: „Hver er ég?“
og „hvað vil ég?“ Öll lendum við í
tilvistarkreppum á lífsleiðinni og
þurfum að fá svör við grundvallar-
spumingum. Erfítt getur reynst að
greina á milli eigin vilja og „vilja
samfélagsins". Umhverfíð gefur
okkur ýmis skilaboð um hvað okkur
á að fínnast, hvað við eigum að
vilja, hvemig við eigum að líta út
o.s.frv.
Þessum óbeinu boðum hlýða
flestir umhugsunarlítið, því að baki
þeim liggur hótun um útskúfun.
Til að vera meðtekin skellum við
RÁRA
Svissneska þvottavélin
® Stillanlegt hitastig á öllum þvottakerfum.
0 Heittogkaltvatn.
0 800/400 snúninga vinduhraði.
^ íslenskar merkingar á stjómborði.
® Sérhver vél tölvupnófuð fyrir afhendingu.
VERÐ AÐEINS KR. 21.068 stgr
VdrumarkaDurinn hf.
Ármúla 1 a, s.: (91) 686117
er Gestalt?
Daníel Á. Daníelsson
„Sem þátttakandi á yfir
tug Gestalt-námskeiða
get ég fuilyrt að það
er ekki einfalt og það
er heldur ekki auðvelt
í framkvæmd.“
skollaeymm við því sem okkur sjálf-
um fínnst „innst inni“. Við gerum
hluti sem bijóta í bága við samvisku
okkar og réttlætiskennd. „Innri
rödd“ okkar dofnar þegar við dauf-
heymmst þannig við henni. Smám
saman hættum við að heyra hana.
Sjálfstæðar skoðanir, eigin dóm-
greind og vilji, víkja fyrir ytri áhrif-
um. Gestalt-meðferð er aðferð til
að ná aftur sambandi við okkar
innri mann, hún trúir því að við
vitum sjálf hvað okkur er fyrir
bestu. Ef gestalt-sinni er spurður:
„Hvað fínnst þér?“ svarar hann
gjaman „Hvað fínnst þér?“. Frits,
eins og Perls var jafnan nefndur,
var eitt sinn að vinna með mann
sem við skulum kalla Pál. Páll
byijaði á að lýsa draum sem hann
hafði dreymt, Frits beindi athygli
hans að því hvað hann var stressað-
ur og skömmu síðar spurði Páll:
„Ætti ég að halda áfram með
drauminn?"
Frits: „Spurðu Frits." (Einn vin-
sælasti „Gestalt-leikurinn" heitir
„auði stóllinn" og felst í að sá sem
er að „vinna“ með lækninum ímynd-
ar sér þann sem hann vill tala við
sitjandi á auðum stól sem er fyrir
framan hann. Talar síðan eins og
viðkomandi sé viðstaddur og talar
fyrir hann líka. Þegar hann talar
fyrir viðmælandann sest hann í
„auða stólinn.")
Páll: (Horfir á auða stólinn.)
„Ætti ég að halda áfram með
drauminn, Frits?"
(sest í auða stólinn og svarar sér)
„Þú ræður því sjálfur.“
Maðurinn vildi halda áfram að
tala um drauminn en treysti ekki
sinni eigin tilfinningu og reyndi að
fá Frits til að taka ákvörðunina og
um leið ábyrgðina. Gestalt-istar
leggja höfuð áherslu á að maður
taki ábyrgð á sjálfum sér. Þeir segja
að flest okkar vandamál stafí af
því að við neitum að fullorðnast.
Þegar við komum úr foreldrahúsum
fínnum við okkur maka til að taka
ábyrgð á okkur. Við notum ná-
grannana, ríkisstjórnina, rússana,
kanana, launin eða hvaðeina annað
sem við sameinumst um sem blóra-
böggul og afsökun fyrir því hvemig
við erum sett í lífínu. En við getum
engu breytt í lífí okkar fyrr en við
horfumst í augu við það eins og
það er og tökum sjálf ábyrgð á
því. Hvemig get ég breytt lífí mínu
ef maki minn, ríkisstjómin, rússinn
og kaninn stjóma því? Með hjálp
Gestalt-meðferðar getum við upplif-
að okkur sjálf eins og við emm, en
ekki eins og við viljum vera, höldum
að við séum eða höldum að við
eigum að vera. Þegar við tengjumst
sjálfum okkur á þennan hátt koma
í ljós sterkar tilfinningar sem við
höfum byrgt inni, oft í langan tíma.
Gestalt-læknirinn hvetur þann sem
hann er að vinna með til að upplifa
þessar tilfínningar til fulls. Hann
trúir því að með því að upplifa sárs-
auka til fullnustu sé hægt að lækna
hann. Við höfum svo mikla fordóma
gagnvart tilfínningum eins og reiði
og sársauka að við bælum þær niður
án þess að gera okkur grein fyrir
að um leið bælum við tilfínningar
sem við gefum jákvæðari einkunn
eins og ást og gleði. Séum við
dugleg að bæla niður „óæskilegar
tilfínningar" verður árangurinn til-
finningaleysi og að okkur finnst við
„tóm að innan." Tilfinningalaus
verðum við þó í rauninni ekki, held-
ur ónæm fyrir eigin tilfinningum.
Markmið Gestalt-læknisins er að
hjálpa okkur að auka næmi okkar
fyrir eigin tilfínningum og frelsið
til að hafa þær. Hann vill hjálpa
okkur til að endurheimta sjálfstæði
okkar og mannlega reisn. En fyrst
og fremst reynir hann að hjálpa
okkur til að „vera við sjálf" með
kostum okkar og göllum. í því felst
eini möguleiki okkar til áframhald-
andi þroska.
Höfundur er áhugnmaður um
Gestalt-meðferð. Hann hefurnú
um nokkurt skeið fengið breskan
Gestalt-lækni, Terry Cooper hing-
aðtil lands að halda námskeið.
Eskifjörður:
Þrír flokkar
mynda meirihluta
SAMKOMULAG hefur náðst
milli Sjálfstæðisflokks, Alþýðu-
flokks og Samtaka óháðra kjós-
enda á Eskifirði um myndun
meirihluta S bæjarstjóm.
Fyrsti fundur nýs meirihluta var
haldinn í gærkvöld og var þá kosinn
forseti bæjarstjómar, Hrafnkell
Jónsson af E-lista og ákveðið að
skipta formennsku bæjarráðs milli
samstarfsflokkanna. Fyrsta árið
gegnir Guðmundur Svavarsson,
A-lista, formennskunni. Þá hefur
bæjarstjóraembættið á Eskifírði
verið auglýst laust til umsóknar,
en fyrrverandi bæjarstjóri, Jóhann
Clausen, gaf ekki kost á sér.
Umsóknarfrestur rennur út 20. júní
nk. og að sögn Hrafnkels Jónssonar
liggja þó nokkrar umsóknir fyrir
nú þegar.
Á síðasta kjörtímabili skipuðu
fulltrúar Framsóknarflokks og full-
trúi Alþýðuflokks og Alþýðubanda-
lags meirihluta bæjarstjómar á
Eskifírði.