Morgunblaðið - 20.06.1986, Blaðsíða 46

46
MORGUNBLAÐIÐ, FÖSTUDAGUR 20. JÚNl 1986
2. deild:
Enn jafnt
hjá ÍBÍ
ÞRÓTTUR og ísafjörður gerðu
markalaust jafntefli á Valbjarnar-
velli í 2. deild í gœrkvöldi. Leikur-
inn var frekar slakur af beggja
hálfu, þó voru ísfirðingar nær
^ sigri.
Fyrsta marktækifærið kom á 15.
mínútu eftir mikil mistök í vörn
ÍBÍ. Sigurður Hallvarðsson komst
þá inn í sendingu sem ætluð var
markverði en hann var of bráður
að skjóta og hitti ekki markið.
Guðmundur Jóhannsson átti síðan
góðan skalla að marki Þróttar eftir
aukaspyrnu Rúnars Vífilssonar
sem Guðmundur markvörður varði
vel. Ekkert markvert gerðist síðan
í fyrri hálfleik fyrr en á 43. mínútu
er Örnólfur Oddsson komst einn
innfyrir vörn Þróttar en Guðmund-
ur varði gott skot hans í horn.
Seinni hálfleikur var mjög tlð-
indalítill og aðallega miðjuþóf
beggja liða. Eina umtalsverða
marktækifærið átti Haukur Magn-
ússon á 88. mín. er hann komst í
gegn eftir að hafa leikið laglega á
tvo varnarmenn en skot hans fór
rétt framhjá.
Samspil leikmanna var ekki
mikið í þessum leik, kýlingar fram
og til baka. Ef þessi lið gera ekki
betur í leikjum sínum má búast við
að þau verði í fallbaráttunni í 2.
deild áfram.
Bestu menn Þróttar voru Krist-
ján Jónsson og Guðmundur Erl-
ingsson, markvörður. Hjá (sfirðing-
um voru Haukur Magnússon og
Viktor Guðmundsson bestir. Þetta
var fimmta jafntefli ísfirðinga í
fyrstu sex leikjum liðsins í sumar.
Þróttur náði sér í annað stigið í
sumar, áður náðu þeir stigi gegn
Víkingum í markalausu jafntefli
eins og í gær.
- Val.
Stórsigur KS
á Skallagrími
- Jon Kr. með þrennu
KS SIGRAÐI Skallagrfm með sex
mörkum gegn engu á Siglufirði í
gærkvöldi. Staðan f hálfleik var
2:0. Yfirburðir Siglfirðinga voru
miklir f þessum leik og hefðu
mörkin hæglega getað orðið
fleiri. Jón Kr. Gfslason skoraði
þrennu.
Fyrsta mark leiksins kom á 19.
mínútu. Þá skoraði Jón Kr. með
óverjandi skoti eftir góða sendingu
frá Hafþóri Kolbeinssyni. Hafþór
skoraði síðan annað markið á 30.
mínútu eftir góðan undirbúning
Jakobs.
Stórsókn Siglfirðinga hélt áfram
í seinni hálfleik en þriðja markið
kom þó ekki fyrr en á 67. mínútu.
Jón Kr. skoraði þá sitt annað mark
með skoti í þverslá og í markvörð-
inn og í stöngina og inn, eftir
sendingu frá Herði Júlíussyni. Jón
Öruggur Ein-
- herjasigur
EINHERJI frá Vopnafirði sigraði
Njarðvfk í 2. deild í gærkvöldi með
þremur mörkum gegn einu. Sig-
urinn var sanngjarn.
Kr. innsiglaði þrennu sína er hann
skoraði fjórða mark KS á 76. mín-
útu. Skoraði þá með skalla eftir
hornspyrnu. Sigurgeir Guðjónsson
bætti fimmta markinu við tveimur
mínútum síðar er hann komst inn
í sendingu Skallagrímsmanna.
Sjötta og síðasta mark leiksins
kom á 88. mínútu er Jakob Kárason
skoraði með skalla af stuttu færi.
Einherji lék mun betur í fyrri
hálfleik, réð þá gangi leiksins al-
gjörlega og komst í 3:0. Gísli
Davíðsson, Páll Björnsson og
Baldur Kjartansson skoruðu mörk-
in, eitt með skalla og tvö eftir
mistök Njarðvíkinga.
I síðari hálfleik varð leikurinn
þófkenndari og grófari og bar fátt
til tíðinda. Undir lokin náðu síðan
Njarðvíkingar að minnka muninn.
Lokastaðan: 3:1.
Leikur Skallagríms var hvorki
fugl né fiskur í þessum leik og
hefði 10:0 gefið réttari mynd af
yfirburðum Siglfirðinga. Fallið blas-
ir við Borgnesingum ef svo heldur
fram sem horfir.
KS-menn léku þennan leik nokk-
uð vel nema að þeir nýttu ekki
færin vel. Bestu leikmenn KS voru
Jón Kr. Gíslason og Hafþór Kol-
beinsson. Enginn bar af í liöi
Skallagríms.
— RÞ
1. deild:
Þrír leikir
í kvöld
> I KVÖLD fara fram þrír leikir i 1.
deild karla á íslandsmótinu i
knattspyrnu. Á Akureyri leika Þór
og FH, ÍBK og KR í Keflavík og
Fram og ÍBV á Laugardalsvelli.
Allir leikirnir hefjast kl. 20.
Fjórir leikir fara fram í 4. deild
karla. Austri og Æskan leika á
Raufarhöfn kl. 19.00. Kormákur og
Höfðstrendingur leika á Hvamms-
tangavelli, Höttur og Neisti á Egils-
staðavelli og Súlan og Huginn leika
á Stöðvarfirði og hefjast þeir leikir
kl. 20.00.
Morgunblaöiö/Bjarni
• Frá leik Þróttar og ÍBÍ í 2. deild í Valbjarnarvelli í gærkvöldi. Guðmundur Erlingsson er hér f baráttu
um knöttinn við nafna sinn Jóhannsson frá Isafirði. Markalaust jafntefli varð í frekar slökum leik.
Jafntefli Selfoss
og KA í slökum leik
SELFYSSINGAR gerðu góða ferð
norður tll Akureyrar í gærkvöldi.
Þeir náðu jafntefli gegn KA á úti-
velli 1:1 — kræktu sér f eitt stig,
og höfðu tvö af KA. Það gætu
orðið mikilvæg stíg þegar upp
verður staðið í haust.
Leikurinn var annars ákaflega
slakur, þrátt fyrir góðar aðstæður,
logn og hlýindi, og ágætan gras-
völlinn. Þetta var fyrsti leikurinn á
aðalvellinum á Akureyri í ár og
áhorfendur voru fimm til sex
hundruð.
í fyrri hálfleik geröist bókstaf-
lega ekkert sem vert er að minnast
á, og í þeim síðari aðeins þrennt.
Þegar tæplega tuttugu mínútur
voru liðnar af hálfleiknum skoraði
Tryggvi Gunnarsson mark KA, eftir
langt innkast Árna Freysteinsson-
ar. Skömmu síðarátti hann þrumu-
skot í stöng Selfossmarksins og
eftir frákastiö bjargaði Anton Hart-
mannsson, markvörður Selfoss,
vel frá Haraldi Haraldssyni.
Á síðustu mínútu leiksins fékk
svo Selfoss vítaspyrnu, þegar
Haukur Bragason, markvörður KA,
braut á Jóni G. Bergs, sem
skömmu áður hafði komið inn á
sem varamaður. Tómas Pálsson
skoraði af öryggi úr vítaspyrnunni.
Sem fyrr segir var leikurinn slak-
ur. Hvorgt liðið náði að byggja upp
samleik og undarlegt áhugaleysi
hrjáði leikmenn. Liðin voru áþekk
í leiknum, en ef eitthvað er voru
KA—menn nær sigri.
- Aðalsteinn/GA
Lausar stöður
hjá landsliðum
ÞEGAR hafa verið kunngerðar
breytingar hjá þjóðum sem falln-
ar eru út á HM. Þjálfari Alsfr hefur
verið rekinn, þjálfari Póllands
sagði upp, þjálfari ítalíu íhugar
annað starf og nokkrir leikmenn
hafa ákveðið að gefa ekki lengur
kost á sér í landslið.
Rabah Saadane, þjálfari Alsír,
og tveir aðstoðarþjálfarar hans
voru reknir vegna lélegs árangurs
á HM, en Alsír gerði 1:1 -jafntefli
við Noröur-frland, tapaði 1:0 fyrir
Brasilíu og 3:0 fyrir Spáni.
Antoni Piechniczek, þjálfari Pól-
lands, sagði starfi sínu lausu eftir
4:0-tapið gegn Brasilíu og sagði
að tími væri kominn til að annar
tæki við, en hann hefur verið með
Iiöiöítæplega6ár.
Enzo Bearzot, sem hefur þjálfað
ítalska landsliðið síðan 1975, hefur
verið boðið að hafa yfirumsjón
með öllum ítölskum landsliðum í
knattspyrnu og er hann alvarlega
að hugsa um að taka því boði.
Altobelli, sem skoraði 4 mörk
fyrir Italíu í Mexíkó, segist vera of i
gamall til að leika í landsliðinu og
vill að yngri maður taki sæti sitt,
en Altobelli er 30 ára. Fleiri leik- |
menn munu leggja landsliðsskóna
á hilluna eftir HM eins og Souness
hjá Skotum og Blochin hjá Sovét-
ríkjunum.
Friðarleikarnir:
Landsliðið til
Sovétríkjanna
SEM kunnugt er verða friðarleik-
arnir í íþróttum haldnir í Sovét-
rikjunum í júlí og hefur HSf tekið
boði um að senda karlalandsliðið
á leikana.
A friðarleikunum verður m.a.
stórmót í handknattleik og verða
þátttökuþjóðirnar Island, Dan-
mörk, Tékkóslóvakía, Pólland og
Bandaríkin auk gestgjafanna.
íslenska landsliðið hefur æft 5
sinnum í viku undir stjórn Bogd-
ans, en um mánaðamótin verður
æfingum fjölgað. Leikmenn sem
leika með erlendum liðum eru ekki
allir komnir til landsins og því hefur
endanlegur hópur ekki verið valinn,
en reiknað er með að 15 til 16
leikmenn fari til Sovétríkjanna auk
fararstjóra.