Morgunblaðið - 11.07.1986, Blaðsíða 37

MORGUNBLAÐIÐ, FÖSTUDAGUR 11. JÚLÍ 1986
37
Guðbergur Finn-
bogason — Minning
Fæddur 9. febrúar 1919
Dáinn 3. júlí 1986
Guðbergur eða Beggi eins og
hann var alltaf kallaður ólst upp
að Hóli í Bakkadal í Amarfirði.
Hann var sonur hjónanna Finnboga
Jónssonar og Sigríðar Gísladóttur
og elstur í hópi sjö systkina. Ungur
fluttist hann suður til Reykjavíkur
og hóf þar almenn störf. Fljótlega
hneigðist hugur hans til verslunar-
starfa og starfaði hann lengst af
sem sölumaður.
Árið 1943 kvæntist hann eftirlif-
andi konu sinni Huldu Guðmunds-
dóttur frá Móhúsum á Stokkseyri.
Eignuðust þau þijár dætur, Haf-
dísi, gift Þórhalli Magnússyni,
Stefaníu, gift Óla Birni Torfasyni,
og Sigríði, gift Símoni Kristjáns-
syni. Alls eru barnabörnin orðin sex.
Það er sárt að sjá á bak góðs
vinar og ljúfmennis sem Beggi var,
því það var hann svo sannarlega.
Það fengu fjölskyldur okkar að
reyna. Það voru ófá skiptin sem
Hulda og Beggi komu eða hringdu
ef eitthvað bjátaði á, og óðara til-
búin að rétta hjálparhönd eða
bjóðast til að létta undir ef á móti
blés. Það þekkja þeir sem reynt
hafa.
Velferð fjölskyldunnar var ofar
öllu. Þar var engum mismunað, þar
stóðu allir jafnir. Heimili þeirra stóð
okkur alltaf opið hvemig sem á
stóð, þangað var gott að koma. Þar
fundum við hlýjuna og góðvildina.
Beggi lagði mikið upp úr að flöl-
skyldan héldi vel saman, minnumst
við sérstaklega jólanna og annarra
samverustunda. Þá var oft glatt á
hjalla enda Beggi hrókur alls fagn-
aðar. Honum var einkar lagið að
tala við fólk og fá aðra til að ræða
málin.
Afa Begga .verður sárt saknað
af barnabömunum. Nú er enginn
afí til að vera með litlu bömunum
og láta vel að þeim.
Við biðjum góðan Guð að geyma
Begga og kveðjum hann af ein-
lægni og virðingu. Huldu vottum
við okkar innilegustu samúð og biðj-
um Guð að gefa henni styrk á
þessum erfíðu tímum.
Hin langa þraut er iiðin,
nú loksins hlaustu friðinn,
og allt er orðið rótt,
nú sæll er sigur unninn
og sólin björt upp runnin
á bak við dimma dauðans nótt.
Fyrst sigur sá er fenginn,
fyrst soigar þraut er gengin,
hvað getur grætt oss þá?
Oss þykir þungt að skilja,
en það er Guðs að vilja,
og gott er allt, sem Guði’ er frá.
(Vald. Briem)
Tengdasynir
t
Innilegar þakkir til allra þeirra sem sýndu okkur samúð og hlýhug
við andlát og útför bróður okkar og mágs,
BJÖRNS ÞÓRÓLFSSONAR,
Richard Þórólfsson, Allý Lárusdóttir,
Salla Sigmarsdóttir, Emil Sigurðsson.
og fjölskyldur.
t
Þökkum samúö og vinarhug vegna fráfalls og jarðarfarar manns-
ins míns
ANDRÉSAR ÓSKARS GUÐMUNDSSONAR
sem hefur farið fram í kyrrþey að ósk hins látna.
Sérstakar þakkir færum við Iseknum og starfsfólki Landakotsspít-
ala, starfsmannafélagi Áburðarverksmiðjunnar, Álafossi hf.
Mosfellssveit.
Margrót Sigurðardóttir,
Brekkulundi 6,
synir, tengdadætur og barnabörn.
íslandsmótið í svif-
flugi hefst á morgun
FLUGMÁLAFÉLAG íslands
gengst fyrir íslandsmóti í svif-
flugi, og hefst það á Hellu-
flugvelli laugardaginn 12. júlí
nk., og mun standa í 9 daga,
þ.e. til og með sunnudagsins
20. júlí.
Eftirfarandi 11 keppendur og
svifflugur verða í keppninni: Bald-
ur Jónsson (Speed Astir II,
TF-SIP), Bjöm Bjömsson (K-8B,
TF-SAV), Daníel Snorrason (K-
8B, TF-SAM), Eggert Norðdahl
(Ka-6E, TF-SAE), Gylfí Magnús-
son (Ka-6, TF-SBH), Höskuldur
Frímannsson (K-8B, TF-SAR),
Magnús Óskarsson (Ka-6CR,
TF-SAS), Sigmundur Andrésson
(Standard Astir, TF-SOL), Stefán
Sigurðsson (Vasama, TF-SIK),
Steinþór Skúlason (Club Libelle,
TF-SIS), og Þorgeir Ámason
(BG-12/16, TF-SON). Auk kepp-
anda em í hveiju keppnisliði einn
til þrír aðstoðarmenn.
Fimm sviffluganan em í eigu
Svifflugfélags islands og ein er
eign Svifflugfélags Akureyrar.
Hinar fímm em í einkaeign, og
em þtjár þeirra smíðaðar úr
trefjaplasti.
Dráttarflugvélar draga svif-
flugumar á loft I 600 metra
flughæð þar sem svifflugan slepp-
ir dráttartauginni. Reynir kepp-
andinn síðan að fljúga þá
keppnisleið, sem mótsstjóm ákvað
fyrir þann dag. Svifflugumar
haldast á lofti með því að notfæra
sér hitaupstreymi, en til þess að
það myndist af nægjanlegum
krafti þarf að vera sólskin á svæð-
inu.
Aðallega verður keppt í hraða-
flugi, t.d. á 100 km þríhymings-
leiðum, eða á leiðum að tilteknum
stöðum og tilbaka að með því að
ljósmynda þá úr lofti samkvæmt
alþjóðlegum flugkeppnisreglum.
Mótsstjóri fyrri hluta mótsins
verður Þorgeir Pálsson, en seinni
hlutann verður mótsstjóri Þór-
mundur Sigurbjarnason. Á meðan
á íslandsmótinu stendur verður
yfírleitt hægt að ná sambandi við
mótsstjóm á Hellu-flugvelli í síma
99-5910.
Skrá yf ir verðlauna-
hafa á Islandsmóti í
svifflugi
íslandsmót í svifflugi er haldið
af Flugmáiafélagi íslands, og er
einstaklingskeppni í hraða og/eða
fjarlægðarflugi á svifflugum. Árið
1961 var ekki haldið mót, en
ákveðið að sá tilteknu tveggja-
mánaða tímabili, teldist Islands-
meistari það ári. Mótin 1969 og
1972 urðu ógild þar eð ekki náð-
ist tilskilinn lágmarksfjöldi gildra
keppnisdaga. íslandsmeistarinn
hlýtur að verðlaunum Jóhannes
Hagan bikar, en handhafar hans
hafa verið eftirfarandi:
1. 1958 Þórhallur Filippusson
2. 1961 Runólfur Sigurdsson
3. 1963 Sverrir Þóroddson
4. 1967 Þórður Haflidason
5. 1970 Leifur Magnússon
6. 1974 Sigmundur Andrésson
7. 1976 Leifur Magnússon
8. 1978 Leifur Magnússon
9. 1980 Leifur Magnússon
10. 1982 Leifur Magnússon
11. 1984 Sigmundur Andrésson
Fyrir bestan árangur í mark-
flugi fram og til baka er veittur
Ráðherrabikar. Handhafar hans
hafa verið eftirfarandi:
1. 1963 Sverrir Þóroddsson
2. 1967 Þórhallur Filippusson
3. 1970 Leifur Magnússon
4. 1974 Leifur Magnússon
5. 1976 Leifur Magnússon
6. 1978 Leifur Magnússon
7. 1980 Garðar Gíslason
8. 1982 Þorgeir Áraason
Fyrir bestan árangur í 100 '
þríhymisflugi er veitt Pfaff-skál.
Handhafar hennar hafa verið eft-
irfarandi:
1. 1974 Leifur Magnússon
2. 1976 Leifur Magnússon
3. 1980 Leifur Magnússon
4. 1982 Baldur Jónsson
5. 1984 Tom L. Knauff
t
Þökkum af alhug öllum þeim sem sýndu okkur samúð og vinar-
hug við andlát og útför
GUÐJÓNS SIGURÐSSONAR,
bakarameistara
Aöalgötu 6,
Sauðárkróki.
Blrna Guðjónsdóttlr,
Gunnar Þ. Guöjónsson,
Guörún S. Snæbjarnardóttir,
Sigurgeir V. Snæbjarnarson,
Eva M. Snœbjarnardóttir,
Snæbjörg Snæbjarnardóttlr,
barnabörn og
Björn Björnsson,
Sólrún Steindórsdóttir,
Auöur Hannesdóttir,
Kári Jónsson,
Kaj Jörgensen,
barnabarnabörn.
V. NÝTT SÍMANÚMER
69-11 -OO
Atvinnuástand betra
en undanfarin þrjú ár
ATVINNUÁSTAND á landinu í heild hefur verið mun betra á fyrri-
hluta þessa árs en á sama tímabili undanfarin 3 ár og virðist þensla
á vinnumarkaði vera minni nú en á sama tíma í fyrra.
Þetta kemur fram í fréttatil-
kynningu frá vinnumálaskrifstofu
félagsmálaráðuneytisins. Þar segir
að fyrstu sex mánuði þessa árs
hafí verið skráðir 144 þúsund at-
vinnuleysisdagar á landinu öllu,
sem jafngildi 1.100 manns at-
vinnnulausum að meðaltali á þessu
tímabili, eða 0,9% af áætluðum
mannafla á vinnumarkaði sam-
kvæmt spá Þjóðhagsstofnunar.
Skráðir atvinnuleysisdagar á sama
tímabili í fyrra voru hins vegar 181
þúsund, árið 1984 voru þeir 246
þúsund og árið 1983 158 þúsund.
Þessar tölur jafngilda 1,2% at-
vinnuleysi árið 1985, 1,6% árið
1984 og 1,1% árið 1983.
í júnímánuði sl. voru skráðir
tæplega 15 þúsund atvinnuleysis-
dagar á landinu öllu, sem jafngildir
því að um 700 manns hafi verið á
atvinnuleysisskrá allan mánuðinn,
sem eru 0,5% af mannafla á vinnu-
markaði. Atvinnustigið var nánast
hið sama í júnímánuði í fyrra þeg-
ar litið er til landsins í heild, en
dreifing atvinnuleysis nokkuð önn-
ur. Þannig var t.d. skráð atvinnu-
leysi á höfuðborgarsvæðinu í
júnímánuði í fyrra tæplega 50%
af heildarfjölda atvinnuleysisdaga,
en rúmlega 40% í júní í ár. Breyt-
ing milli ára var mest á Suðurlandi
og Norðurlandi vestra, en óbreytt
ástand eða minni háttar breytingar
á öðrum svæðum.
í júní sl. fækkaði skráðum at-
vinnuleysisdögum um 2 þúsund frá
mánuðinum á undan, en í fyrra
var fækkunin 5 þúsund milli sömu
mánaða. Segir í fréttatilkynning-
unni að af þessu megi ráða að
minni þensla sé á vinnumarkaði
nú en á sama tíma í fyrra.