Morgunblaðið - 24.07.1986, Qupperneq 63

MORGUNBLAÐIÐ, FIMMTUDAGUR 24. JÚLÍ 1986 63
— ■ ■ --------—------------------------------------------------------------------------m.
■ ■ ' ■Í’í;' j ' y JÉ
■ ’* í
■■ 'A . ■ . x Vk tr > Kl

Guðmundur Steinsson og Ágúst Már Jónsson komu mikiA við sögu í leik KR og Fram í gærkvöldi og
áttu báðir mjög góðan leik. Hér berjast þeir um knöttinn, en KR-ingarnir Jósteinn Einarsson, Loftur Ólafs-
son og Júlíus Þorfinnsson ásamt Pétri Ormslev, Fram, eru viðbúnir.
Bikarmeistarar Fram
komnir í undanúrslit
— Pétur Ormslev skoraði þrennu
FRAM heldur áfram á sigurbraut.
í gærkvöldi unnu Framarar KR-
inga á KR-velli f 8-liða úrslitum
Mjólkurbikarkeppninnar 6:2 eftir
framlengdan leik. KR var 2:0 yfir
í hálfleik, en Fram jafnaði 2:2
þegar 8 mínútur voru eftir af
venjulegum leiktíma. Nær 900
áhorfendur urðu vitni að bráð-
skemmtilegum leik, dæmigerðum
bikarieik, þar sem baráttan réð
ríkjum, leikgleði, harka og marka-
regn.
KR-ingar mættu ákveðnir til
leiks og sýndu í fyrri hálfleik hvers
þeir eru megnugir. Þeir gáfu leik-
mönnum Fram aldrei frið til að
byggja upp spil og sóknir þeirra
skiluðu árangri.
Björn Rafnsson skoraði fyrsta
markið á 32. mínútu, eftir slæm
varnarmistök Þorsteins Þorsteins-
sonar. Þorsteinn fékk knöttinn frá
markverði, en gaf hugsunarlaust
fyrir mark Fram beint á Björn, sem
þakkaði fyrir sig með hnitmiðuðu
skoti í markið.
A 43. mínútu tók Gunnar Gísla-
son langt innkast inn í vítateig
Fram. Loftur Ólafsson skallaði til
Willums Þ. Þórssonar, sem gaf á
Ásbjörn Björnsson og hann skor-
aði af stuttu færi.
Framarar hófu seinni hálfleik
með látlausri sókn, sem skilaði
árangri á 68. mínútu. Jósteinn Ein-
arsson felldi Guðmund Steinsson
innan vítateigs og réttilega dæmd
vítaspyrna, sem Guðmundur
Torfason skoraði úr af öryggi.
Glæsilega var staðið að jöfnun-
armarki Fram á 82. mínútu.
Framarar lóku vel saman, Guð-
mundur Steinsson sendi á nafna
sinn Torfason, sem framlengdi á
Kristinn Jónsson og hann skoraði
með góðu skoti.
Péturs þáttur Ormslev byrjaði
fyrir alvöru í framlengingunni, en
þá skoraði hann þrjú mörk. Pétur
kom Fram yfir 3:2 á 98. mínútu
eftir að hafa fengið stungusend-
ingu frá Kristni og eftirleikurinn var
auðveldur. Sex mínútum síðar var
Pétur enn á ferðinni og skoraði af
stuttu færi eftir góða sendingu frá
Gauta Laxdal. Skömmu áður hafði
Ágústi Má Jónssyni, besta manni
KR í leiknum, verið vikið af velli
eftir stympingar við Guðmund
Steinsson.
Pétur fullkomnaði þrennuna á
117. mínútu. GuðmundurTorfason
lék upp vinstri kantinn, gaf á Gauta
og hann á Pétur, sem gaf sér
nægan tíma áður en hann skoraði
af stuttu færi.
Guðmundur Steinsson skoraði
sjötta mark Fram á síðustu mínútu
framlengingarinnar úr vítaspyrnu
eftir að Gunnar Gíslason hafði fellt
hann innan vítateigs.-
Sem fyrr sagði var leikurinn
bráðskemmtilegur og fjörugur.
KR-liðið lék sem ein heild í fyrri
hálfleik, leikmennirnir börðust allir
sem einn og liðið var 2:0 yfir í
hálfleik. KR-ingar ætluðu greini-
lega að halda fengnum hlut í seinni
hálfleik, en slíkt hefur hingað til
ekki gefist vel gegn Fram. Ágúst
Már Jónsson var yfirburðamaður
hjá KR.
Framarar sýndu enn einu sinni
hvers konar yfirburðaliði þeir hafa
yfir að ráða. Þeir létu ekki mótlæt-
ið á sig fá, heldur tvíefldust i seinni
hálfleik og gerðu síðan út um leik-
inn í framlengingunni. Liðið var
jafnsterkt, en Guðmundur Steins-
son, Guðmundur Torfason, Pétur
Ormslev og Gauti Laxdal voru
burðarásarnir.
Gísli Guðmundsson, dómari,
hafði nóg að gera og hafði tök á
leiknum.
S.G.
Mjólkurbikarinn:
ÍA áfram eft-
irframlengingu
og vítaspyrnu
ÁHORFENDUR á leik Breiðabliks
og ÍA f átta liða úrslitum bikar-
keppni KSÍ, Mjólkurbikarnum,
fengu svo sannarlega sitthvað
fyrir aurana. Bráðskemmtilegan
og hressilega spilaðan leik, æsi-
spennandi framlengingu og
magnaða vítaspyrnukeppni. Það
er sárt að tapa leikjum eins og
þessum, en það verður annað lið-
ið að gera - Breiðabliksmenn
urðu að sjá á eftir sigrinum eftir
rúmlega tveggja klukkustunda
viðureign. Skagamenn skoruðu
samtals sjö mörk á móti sex
mörkum Blikanna.
Vítaspyrnukeppnin, eftir að
framlengdum leiknum hafði lokið
með 2:2 jafntefli, var óvenju
spennandi. Fyrstu sex spyrnurnar
voru allar mjög góðar og höfnuðu
í netinu. Ólafur Björnsson, Rögn-
valdur Rögnvaldsson og Magnús
Magnússon skoruðu fyrir Blikana,
en Guðjón Þórðarson, Guðbjörn
Tryggvason og Sveinbjörn Hákon-
arson fyrir Skagamenn. Þegar
þarna var komið sögu varði Birkir
Kristinsson mjög vel spyrnu frá
Skagamanninum í liði Blika, Guð-
mundi Guðmundssyni. Ólafur
Þórðarson skoraði síðan úr sinni
spyrnu, og Jón Þórir úr síðustu
spyrnu Blikanna. Júlís P. Ingólfs-
son, sem jafnan er vítaskytta
Skagamanna gat því tryggt liði
sínu sigurinn úr síðustu spyrnu ÍA.
En hann skaut í stöng, og Blikarn-
ir fengu því enn eitt tækifæri. En
Guðmundur Valur Sigurðsson
skaut framhjá, og Alexander
Víglundsson var öruggur í sjötta
vítinu og tryggði Skagamönnum
sæti í fjögurra liða úrslitum.
Sem fyrr segir var leikurinn fjör-
ugur, og mikið um opin marktæki-
færi. Fyrsta markið kom á 29.
mínútu. Eftir þóf á vallarhelmingi
Blika kom hár bolti inn í vítateig,
og Ólafur Björnsson, sem skömmu
áður hafði fengið skurð á ennið
eftir samstuð, lagði ekki í að skalla
frá - boltinn skoppaði einu sinni á
markteig og Valgeir Barðason
nokkaði honum í netið af tveggja
matra færi.
Tæpum tíu mínútum síðar juku
Skagamenn forystuna. Eftir svip-
aðan barning og í fyrra markinu
gaf Guðjón Þórðarson háan bolta
frá hægri endamörkum yfir Blika-
vörnina. Einn Skagamanna náði
aðp skjóta föstu skoti í átt að
markinu og Sigurður Lárusson
potaði honum í netið.
Blikarnir minnkuðu muninn rétt
á eftir. Þorsteinn Geirsson átti þá
háa sendingu frá hægri yfir á Helga
Ingvason sem var vinstra megin í
vítateig ÍA og hann tók boltann
viðstöðulaust á lofti og skoraði
með föstu skoti. Mjög fallegt mark.
Jöfnunarmarkið kom svo á
síðustu mínútu hálfleiksins. Rögn-
valdur Rögnvaldsson var með
boltann á vinstri kantinum, náði*í
að komast innfyrir vítateigslínu og
datt þar nokkuð faglega. Svo fag-
lega að Magnús Theódórsson gat
ekki dæmt annað en víti, sem Jón
Þórir skoraði úr af miklu öryggi.
2:2 i hálfleik.
í síðari hálfleik dofnaði nokkuð
yfir leiknum en bæði lið fengu þó
ágæt marktækifæri, sérstaklega
Skagamenn. Það sama má síðan
segja um framlenginguna, bæði
liðin fengu góö tækifæri til að gera
út um leikinn, m.a. Aðalsteinrvr.
Víglundsson, varamaður Skaga-
manna sem lét Örn Bjarnason
verja frá sér úr góðu færi á síðustu
mínútu. En hann bætti fyrir það í
vítakeppninni.
Heimir Guðmundsson og Ólafur
Þórðarson voru bestir Skaga-
manna í leiknum, en Jón Þórir
Jónsson hjá Blikum. Annars áttu
flestir leikmanna góðan dag.
-GA

Jjap£

■ ■
f. *
Jón Þórir Jónsson sóst hór jafna
vörnum viö.
Morgunblaðið/Börkur
lelklnn fyrir Breiðablik. Birkir Kristinsson markvörður ÍA kemur engum
MJ OLKURBIKARINN
n F.H.------ l-B.K-
íö' 8 liða úrslit Kaplakrikavöllur í kvöid ki. 20.00.