Morgunblaðið - 21.10.1986, Side 22

22
MORGUNBLAÐIÐ, ÞRIÐJUDAGUR '21. OKTÓBER 1986
Hversdagslegur klæðnaður
Albert Guðmundsson iðnaðarráðherra, Davíð Scheving Thorsteinsson og Henný
Hermannsdóttir voru á meðal sýningarfólksins i Broadway sl. sunnudag. Albert
sýndi íþróttafatnað frá Henson og Davíð klæddist skjólfatnaði frá Sjóklæðagerð-
inni.
Islensk fataframleiðsla kynnt á Broadway:
íslendingar hugsi sig vel um
áður en erlendar vörur eru
teknar fram yfir þær íslensku
- sagði Albert Guðmundsson, iðnaðarráðherra
Pelsar frá Eggerti Jóhannssyni feld-
skera
INNLEND fataframleiðsla var sýnd
i veitingahúsinu Broadway si. sunnu-
dag að viðstöddu fjölmenni undir
yfirskriftinni „íslensk föt ’86“. Félag
íslenska iðnrekenda efndi til tisku-
sýningarinnar til þess að kynna
íslenska fatahönnun og framleiðslu
og til að gefa yfirlit yfir haust-
framleiðsluna.. Sýningunni var ætlað
að koma í stað kaupstefnunnar „ís-
lensk föt“, sem haldin hefur verið
tvisvar á ári undanfarin ár.
„Á síðustu árum hefur vöruþróun og
góð hönnun orðið sífellt mikilvægari og
sérmenntuðum fatahönnuðum hefur
fjölgað jafnt og þétt. Góð hönnun er
eitt mikilvægasta atriðið í þeirri hörðu
samkeppni sem ríkir í þessum iðnaði,"
sagði Víglundur Þorsteinsson, formaður
Félags íslenska iðnrekenda, m.a. í upp-
hafí sýningar. Aukin tæknivæðing hefur
sett svip sinn á þessa grein íslensks
iðnaðar. Nýlega tók til starfa Þjónustu-
miðstöð fataiðnaðarins, þar sem beitt
er nýjustu tölvutækni við sniðagerð.
Með stofnun hennar taka fataframleið-
endur höndum saman við að innleiða
nýja tækni.
Albert Guðmundsson, iðnaðarráð-
herra, flutti einnig ávarp við upphaf
sýningar og sagði þá m.a.: „Hér áður
fyrr þótti hálfgert neyðarúrræði að
þurfa að klæðast fötum, sem framleidd
voru innanlands, en þá voru ströng inn-
flutningshöft og því ekki um annað að
ræða. Ymsir óttuðust þá að frelsi í inn-
flutningi myndi leggja íslenska fata-
framleiðslu í rúst. Vissulega skapaði
samkeppni ýmsa erfíðleika. Ymsir fóru
halloka, en það sem vænlegast reynd-
ist, elfdist og styrktist. Þeir sem þar
stóðu við stýrið, hertust við hveija raun,
tóku upp ný vinnubrögð í samræmi við
kröfur tímans og sigruðu. Það er ekki
síst fyrir framsýni þessarra manna að
unnt er að halda svo glæsilega sýningu
á einum þætti íslensks iðnaðar. Fataiðn-
aðurinn íslenski býður nú upp á svo
fallegar og góðar vörur að ég trúi varla
öðru en að íslenskur almenningur hugsi
sig tvisvar um áður en hann tekur er-
lenda vöru fram yfír.“
Tuttugu fyrirtæki tóku þátt í sýning-
unni og sýndu m.a. hlífðarfatnað,
íþróttafatnað, tískufatnað, samkvæmis-
fatnað, skinna- og ullarvörur, náttföt,
undirföt, skó, sokka og hatta. Eftirtalin
fyrirtæki kynntu framleiðslu sína: Ála-
foss hf., Arblik hf., Ceres, Drífa hf.,
Eggert Jóhannsson feldskeri, Fatagerð-
in Fasa, Gefjun, Hagkaup hf., Henson
hf., Hilda hf., Hlín hf., Iðnaðardeild
Sambandsins, Karnabær hf., Max hf.,
Pxjónastofan Iðunn hf., Rimill hf./
Nesver, Scana hf., Sjóklæðagerðin hf.,
Trico hf. og Últíma hf.
íslensk framleiðsla
Fatnaður úr gallaefni
Nýjasta hönnun á ullarfatnaði