Morgunblaðið - 20.12.1986, Síða 75

MORGUNBLAÐIÐ, LAUGARDAGUR 20. DESEMBER 1986
75
Jóhanna G. Kristjáns-
dóttir - Minning
Fædd 6. janúar 1892
Dáin 11. desember 1986
í gær var til moldar borin frá
Kópavogskirkju amma okkar, Jó-
hanna Kristjánsdóttir. Fyrir mína
hönd og systkina minna vil ég
minnast hennar með nokkrum fá-
tæklegum orðum.
Hún fæddist í Hælavík á Strönd-
um, dóttir hjónanna Hansínu
Steinunnar Finnsdóttur og Krist-
jáns Jóhannessonar, bónda og
bátasmiðs. Systur átti amma sem
Margrét hét og fósturbróður að
nafni Jóhannes Hjálmarsson.
Uppvaxtarár ömmu voru enginn
dans á rósum frá sjónarhóli okkar
nútímafólks. Þá fólst lífsfyllingin í
því að hafa nóg til hnífs og skeið-
ar, enda nægjusemi höfð í fyrir-
rúmi.
um fermingu flutti amma með
foreldrum sínum til Bolungarvíkur
og eyddi þar og á ísafírði unglings-
árum sínum. Á ísafírði kynntist hún
tilvonandi eiginmanni sínum, Þor-
keli Sigurðssyni, skipstjóra frá
Dalvík. Þau giftu sig árið 1910 og
reistu sér bú á Dalvík í húsi því sem
nefnt var Gjallandi, en nafngiftin
kom til af þvi hversu mótorskellir
báta bergmáluðu vel við húsið. Þar
stundaði afí sjómennsku í nokkur
ár og þar eignuðust þau sfn fyrstu
börn.
Á þessum árum var mikill upp-
gangur á Siglufírði sem dró að sér
fólk hvaðanæva af landinu. Þau afí
og amma hrifust með fleirum, rifu
niður hús sitt á Dalvík, fluttu það
til Siglufjarðar, reistu það á ný og
nefndu Ysta-bæ. Húsið stendur þar
enn og nýtist til góðra hluta.
Á Siglufírði rak afí síðan útgerð
við góðan orðstír fram á kreppuár-
in, en lenti þá eins og svo margir
aðrir í kreppuuppgjörinu mikla.
Eftir það vann hann við trilluútgerð
og kennslu í sjómannafræðum þar
til hann lést í desember 1940.
Mér hefur verið sagt frá því
hvemig amma mætti þeim erfiðleik-
um að missa mann sinn frá 13
bömum. Hún gat ekki hugsað sér
að láta neitt þeirra frá sér, var
ákveðin í því að halda hópnum sam-
an og koma þeim til manns á eigin
spýtur. Það var einmitt þessi dugn-
aður og bjartsýni á lífið sem
einkenndi ömmu alla tíð, og að-
dáunarvert hvemig hún mætti öllu
sem að höndum bar með æðruleysi.
Afí og amma eignuðust 14 böm:
Páll (dó á fyrsta ári), Eleonora
hjúkrunarfræðingur Siglufírði (dó
árið ’75); Sigurpáll prentari Rvik.;
Kristján vélstj. Kópav.; Margrét
húsasm. Danmörku; Axel skipstjóri
Rvík.; Albert bakaram. Borgamesi;
Sigurður prentari Kópavogi; Júlíus
sjómaður Sigluf.; Hansína húsmóðir
Kópavogi; Hilmar bakaram. Kópa-
vogi; Sigríður Inga húsmóðir
ísafírði; Elísabet húsmóðir USA;
og Jóhanna húsm. Akureyri.
Eftir að amma flutti frá Siglu-
fírði hefur hún meira og minna
verið búsett á heimili foreldra minna
í Kópavogi og síðustu tvo áratugina
að öllu leyti.
Heimilisfólkinu öllu þótti það
sjálfsagður hlutur að amma byggi
hjá okkur og að henni liði alltaf sem
best. Okkur var kennt það strax
að bera virðingu fyrir henni og
herberginu hennar sem mér fannst
alltaf eins og annar heimur að koma
inn í. Þar var oft gott að fá að
koma inn í rólegheitin, slappa af
og þiggja kandfs eða smáköku.
Upplyfting ömmu, eftir að hún
kom suður, var sú að ferðast til
bama sinna á sumrin. Hún naut
þess að fara norður og vera hjá
Hönnu sinni á Akureyri smátíma,
heimsækja fólkið sem hún átti á
Siglufirði og fara síðan til Dan-
merkur í 1—2 mánuði. Oftast
ferðaðist hún ein alveg fram að
níræðu.
Það er vart hægt að hugsa sér
betri manneskju í umgengni en
ömmu Jóhönnu. Hún kvartaði aldr-
ei, lastaði aldrei nokkum mann,
notaði aldrei gróf orð en var afar
þakklát fyrir allt sem lífið gaf
henni. Ef hún var spurð hvort hún
væri ekki stundum þreytt á hávað-
anum á bammörgu heimili foreldra
minna, svaraði hún ætíð: „Alls ekki,
ég vil hafa líf í kringum mig.“
Það er með virðingu og þakklæti
sem við systkinin kveðjum ömmu
Jóhönnu í hinsta sinn.
Blessuð sé minning hennar.
Guðrún Einarsdóttir
Bróðir okkar,
ÓLI JÓHANN ARNGRÍMSSON,
vistmaður á Hrafnlstu,
áður til helmllis á Hraunbæ 76,
lést í Borgarspítalanum fimmtudaginn 18. desember.
Fyrir hönd aöstandenda,
Vilhelmfna Arngrfmsdóttlr,
Krlstján Arngrfmsson.
PADDINGTON BAPiGSI
er til sýnis í glugga
Búnaðarbankans að
Hafnarstræti 8 og þar
eru sparibaukamir líka
Hann hafði með sér marga PADDINGTON SPARIBANGSA
handa þeim krökkum sem viya spara og eignast
skemmtilegan sparibauk.
Krakkar sem koma I bankann fyrir áramót
fá sértaka jólakveðju frá Paddington sparibangsa.
Kær kveðja.
BIINAÐARBANKINN
gómsætur
I