Morgunblaðið - 11.02.1987, Blaðsíða 28

28
MORGUNBLAÐIÐ, MIÐVIKUDAGUR 11. FEBRÚAR 1987
12 meim vegn-
ir í Punjab
110 það sem af er ári
Dehlí, AP.
TÓLF menn hafa beðið bana í
ofbeldisaðgerðum í Punjab á
Indlandi síðustu daga og hafa
111 menn a.m.k. látist það sem
af er árinu vegna ofbeldisins.
Síkhar, sem eru meirihluti íbúa í
Punjab, krefjast aukins sjálfræðis
ríkisins. Öfgamenn úr þeirra röðum
hafa óspart beitt ofbeldisaðgerðum
málstað sínum til framdráttar. Um
helgina réðust þeir inn á heimili
aðstoðaryfi rlögreglu stjóra og
myrtu hann og son hans. Atvikið
átti sér stað í grennd við landa-
mæri Indlands og Pakistan.
Þá var sonur annars háttsetts
lögregluforingja særður alvarlega
um helgina í aðgerðum síkha í Baba
Bakala, skammt frá Amritsar, þar
sem Gullna hofið er. í gær, miðviku-
dag, var sonur yfirlögreglustjórans
í Punjab myrtur í bænum Patiala
og einnig vegfarandi, sem átti leið
hjá.
Surjit Singh Barnala, leiðtogi
síkha í Punjab, neitaði að verða við
kröfum fimm presta, sem njóta
stuðnings öfgamanna síkha, um að
hann segði af sér vegna innbyrðis
sundrungar og pólitísks klofnings í
röðum síkha. Bamala lýsti hins
vegar sáttfýsi sinni í bréfí, sem
hann ritaði prestunum, og í kjölfar
þess er talið að öldur lægi meðal
síkha.
Filippseyjar:
Blóðug átök eftir að
vopnahléð rann út
Manila. Reuter, AP.
SKÆRULIÐAR kommúnista
drápu fimm almenna borgara á
suðurhluta Filippseyja, snemma
N orðurlandaráð:
Norræn kvenna-
ráðstefna
í sumar
Ósló. AP.
Norðurlandaráð hefur ákveðið
að veita 900.000 nkr., rúmlega
fimm milljón ísl. kr., í undirbún-
ing mikillar, norrænnar kvenn-
aráðstefnu, sem haldin verður í
Ósló 30. júlí til 7. ágúst nk.
Helle Jarlmose, sem sér um
skipulagningu ráðstefnunnar,
skýrði frá þessu á blaðamannafundi
í Ösló í fyrri viku en á 33. fundi
norrænu ráðherranefndarinnar var
lagt til, að haldin yrði norræn
kvennaráðstefna, sem skipulegði
„norrænt samstarf í jafnréttismál-
um fram til ársins 2000“.
Grete Knudsen, formaður undir-
búningsnefndarinnar, sagði, að
ráðstefnuhaldinu yrði tvískipt. Ann-
ars vegar kæmu þar fram stjórn-
málamenn og embættismenn, sem
hefðu með jafnréttismál að gera,
en hins vegar yrðu opnar umræður
með þátttöku fulltrúa frá kvenna-
hreyfingum, verkalýðsfélögum,
„grasrótarhreyfingum" og öðrum
óopinberum hópum.
á mánudagsmorgun og er það
fyrsta árás sem vitað er að þeir
hafi gert eftir að vopnahléð rann
út um hádegi á sunnudag.
Á föstudag höfðu skæruliðar
drepið fimm hermenn og sært aðra
fimm og sagði Fidel Ramos, hers-
höfðingi, yfirmaður heraflans, að
herinn myndi ná árásarmönnunum.
Hann sagði að herinn myndi hafa
uppi á öfgamönnum, frá hægri og
vinstri væng stjómmálanna, er
brytu lög landsins og bætti því við
að almenningur hefði þegar hafnað
að hlýta forsjá þeirra, með því að
samþykkja nýja stjómarskrá 2.
febr. sl.
Arturo Tolentino, er bauð sig
fram sem varaforsetaefni Marcosar,
fyrrum forseta, lýsti yfir því á
mánudag í Manila að hann liti svo
á að með samþykkt hinnar nýju
stjómarskrár hefði þjóðin numið úr
gildi stjómarskrá þá, sem sett var
1973 og þau embætti er hún gerði
ráð fyrir og þar með gerði hann
ekki lengur tilkall til varaforsetatit-
ilsins.
I gær hófust viðræður stjómar-
innar og leiðtoga íjölmennustu
samtaka múhameðstrúarmanna, er
barist hafa gegn stjómvöldum, á
Mindanaoeyju og fleiri eyjum þar I
nágrenninu, á annan tug ára. Inn-
anríkisráðherra Filippseyja, Aquil-
ino Pimentel, sagði við fréttamenn
í gær að stjómin vildi ræða við
múhameðstrúarmenn, en myndi
ekki fóma hagsmunum meirihluta
íbúa á svæðinu, sem em kristnir.
Reuter
Umhverfis jörðina á hjóli
Conrad Dube hefur hjclað átta sinnum um-
hverfis jörðina og er nú í níundu ferð sinni. Á
myndinni má sjá hvar Dube hjólar um þorpið
Catia La Mar i Venezuela í Suður-Ameríku.
Dube er frá Quebeck í Kanada. Hann fékk
taugaveiki þegar hann var tveggja ára. Hann
hóf hjólreiðar til að öðlast styrk í hendur og
fætur. Dube hefur nú ferðast til 82 landa og
vonar hann að linnulaust ferðalag sitt verði
öðru fötluðu fólki hvatning.
Kanada:
Deiltum fiskveiði-
sanuiing- við Frakka
TnmntA Pnntap
Toronto, Reuter.
Fylkisstjórar í Kanada báðu
ríkisstjórnina að loknum sex
klukkustunda neyðarfundi um
að endurskoða fiskveiðisáttmála,
sem heimilar frönskum togurum
þorskveiðar undan Nýfundna-
landi.
Samkomulagið við Frakka hefur
verið Brian Mulroney, forsætisráð-
herra Kanada, óþægur ljár í þúfu
undanfamar tíu vikur og hafa sam-
skipti við stjóm Ottawa og tíu fylki
landsins versnað til muna.
Frakkar hafa samþykkt að ræða
hina umdeildu landhelgi umhverfis
frönsku eyjamar St-Pierre og Miqu-
elon, sem eru í Atlantshafínu undan
Nýfundnalandi, að launum fyrir
leyfi til aukinna þorskveiða.
Brian Peckford, fylkisstjóri á
Nýfundnalandi, er óánægður með
samkomulagið og kallaði hann
starfsbræður sína neyðarfundar á
mánudagskvöld. Veiðimenn á Ný-
fundnalandi þurfa helst að gjalda
samkomulagsins. Þeir hafa þurft
að draga úr veiðum til að vemda
þorskstofna, sem farið hafa minnk-
andi.
Stjóm Nýfundnalands heldur því
fram að hin einstöku fylki verði að
gæta auðlinda sinna, þótt ríkis-
stjómin hafi síðsta orðið í málum
þeirra. Peckford kvaðst búast við
því að stjóm Mulroneys hæfist þeg-
ar handa við að endurskoða
samkomulagið.
í yfirlýsingu frá þeim, sem sátu
fundinn, sagði að fiskveiðisam-
komulagið væri í ósamræmi við
grundvallar hugmyndir um sam-
skipti fýlkja og ríkis. Sagði einnig
að endurmat á samkomulaginu við
Frakka ætti „að tryggja Kanada
sem mestan aðgang að lífsnauðsyn-
legum auðlindum hafsins".
Mulroney varði samkomulagið í
neðri málstofu kanadíska þingsins
á mánudag og sagði þá að ríkis-
stjómin og aðeins hún talaði máli
allra Kanadamanna. Nokkrir fýlkis-
stjórar kváðust fyrir fundinn á
mánudagskvöld vona að ríkisstjóm-
in í Ottawa gerði sér grein fyrir
því að nánara samstarfs við fylkis-
stjómir væri þörf.
Jerusalem Post:
Austurríski utanríkisráðherr-
ann vill að Waldheim segi af sér
JerÚHalem. Reuter.
DAGBLAÐIÐ Jerusalem Post
birtí í gær bréf, sem það segir,
að Alois Mock, utanrOdsráðherra
Austurríkis, hafi skrifað. Þar er
lagt tíl, að Kurt Waldheim for-
seti segi af sér - og beri við
heilsubrestí - vegna þess að ásak-
anir um tengsl hans við nasista
hafi skaðað Austurríki.
Blaðið segir, að Mock, sem er
formaður Þjóðarflokksins, stuðn-
ingsflokks Waldheims, hafi lagt
þetta til í bréfi til Margaret
Thatcher, forsætisráðherra Bret-
lands, dagsettu 15. desember sl.
Segist blaðið hafa komist yfir
uppkast að bréfinu, en ekki sé
ljóst, hvort bréfritarinn eða við-
takandinn, Thatcher, hafi gert
fyrmefnda tillögu.
„Mér þótti tillaga þín í sam-
bandi við Waldheim forseta
sanngjöm," segir í bréfinu, sem
Washington Post birtir.
„Ég er þér sammála um, að
mál Waldheims hefur haft slæm
áhrif á alþjóðlegt samstarf íhalds-
flokka í utanríkismálum og
einangrað Austurriki frá öðrum
vestrænum vinarflqum," segir enn
fremur í bréfínu.
„Þess vegna tel ég tímabært
að leysa þetta mál. í því skyni tel
ég ráðlegt að telja Waldheim for-
seta á að segja af sér á þessu ári
og bera við heilsufarsástæðum."
í bréfinu segir einnig, að afsögn
Waldheims hefði komið sér mjög
illa fyrir íhaldsmenn í Austuríki,
hefði hana borið að á síðasta ári.
Að sögn blaðsins hefur aðstoð-
armaður Thatcher staðfest, að
breski forsætisráðherrann hafi
fengið bréf frá Mock dagsett 15.
desember sl. Hann vildi ekki
greina frá efni bréfsins.
Þegar leitað var álits talsmanns
Thatcher í gærkvöldi, vildi hann
ekkert um málið segja.
Austurrísk stjómvöld hafa
vísað fréttinni á bug og segja, að
enpnn fótur sé fyrir henni.
Að sögn bandaríska blaðsins
Intemational Herald Tribune hef-
ur Baudoin Belgíukonungur
neitað að vera vemdari austur-
rískrar menningarhátíðar, sem
halda á í Belglu innan skamms,
taki Kurt Waldheim forseti sæti
í undirbúningsnefndinni.
Þykir þessi ákvörðun konungs
sýna, hversu einangraður aust-
urríski forsetinn er á alþjóðavett-
vangi.
Glæpasamtök
í Japan semja
um vopnahlé
Kobe, Japan. Reuter.
STÆRSTU glæpasamtök í Japan
hafa lýst yfir einhliða vopnahléi í
stríðinu við annan glæpafiokk.
Eftir síðustu átök milli þeirra lágu
25 menn í valnum og 70 særðust.
Að sögn lögreglunnar hittust for-
ingjar Yamaguchi-gumi, stærsta
glæpafiokksins í Japan, í fyrradag í
borginni Kobe og lýstu þar yfir
vopnahléi ( átökunum við Ichiwa-kai,
sem eru klofningshópur úr fyrr-
nefndu samtökunum. Hefur stríðið á
milli þeirra verið líkast því, sem ger-
ist í bandarískum kvikmyndum,
bílahasar og morð um miðjan dag á
götum úti. Hófust morðin með því
að byssumenn Ichiwa-kai réðu guð-
föður Yamaguchi-gumi og þrjá
lífverði hans af dögum. Lögreglan
hefur handtekið 506 glæpamenn og
lagt hald á ókjörin öll af vopnum.