Morgunblaðið - 12.02.1987, Blaðsíða 17

MORGUNBLAÐIÐ, FIMMTUDAGUR 12. FEBRÚAR 1987
17
Frá æfingu Kammersveitar Reykjavíkur í vestursal Kjarvalsstaða
Kammersveit Reykjavíkur á Kjarvalsstöðum í kvöld:
Tónleikar til minn-
ingar um Villa Lobos
Gunnar Kvaran, sellóleikari, stjórnandi tónleikanna, og Elín Ósk
Óskarsdóttir, sópransöngkona
Kammersveit Reykjavíkur
efnir til tónleika á Kjarvals-
stöðum í kvöld klukkan 20.30
og mun með þessum tónleikum
halda upp á 100 ára afmæli
brasilíska tónskáldsins Heitors
Villa—Lobos.
Þrjú verk Villa—Lobos verða á
dagskránni: Blásarakvintett í
Choros—stíl, Bachianas Brasileir-
as nr. 1, fyrir 8 selló og Bachianas
Brasileiras nr. 5, fyrir 8 selló og
einn sópran. Það er Elín Ósk
Óskarsdóttir sem syngur sópra-
neinsönginn, en þetta er í fyrsta
sinn sem hún kemur fram með
Kanmmersveitinni. Gunnar Kvar-
an, sellóleikari, hefur leiðbeint
sellóleikurnum og mun hann
stjórna Bachianas Brasileiras nr.
1 og nr. 5 á tónleikunum. Morgun-
blaðið leit inn á æfingu hjá
kammersveitinni, rabbaði við þau
Gunnar Kvaran, Ingu Rós Ingólfs-
dóttur og Elínu Ósk Oskarsdóttur
og spurði þau um Kammersveit-
ina, tónleikana og sönginn.
Inga Rós Ingólfsdótt-
ir; sellóleikari:
„Akaflega gaman fyr-
ir sellista að spila
þessatónlist“
„Kammersveitin er núná á 13.
starfsári. Hún var stofnuð árið
1974 og hefur haldið 3—4 tónleika
á ári. Sveitin starfar þannig, að
í upphafi tónleikaárs eru verkefn-
in valin, síðan ráðast hljóðfæra-
leikarar eftir verkefnum. Það er
enginn fastráðinn hjá þessum fé-
lagsskap.
Okkur hefur lengi langað til
að spila þessi verk fyrir 8 selló
eftir Villa—Lobos og því ákaflega
ánægjulegt að af því skyldi geta
orðið nú í tilefni 100 ára afmælis
tónskáldsins.
Bæði þessi verk hafa verið flutt
hér áður. Á Listahátíð 1976, var
Bachianas nr. 5, fyrir 8 selló og
sópran, flutt af sellistum og Elísa-
betu Erlingsdóttur og tóku fjögur
okkar, sem spilum núna, þátt í
þeim flutningi. Árið 1984 flutti
Gunnar svo bæði verkin, einnig á
listahátíð, með nemendum sínum.
Það sem gerði okkur erfítt um
vik núna, var að finna hljóðfæra-
leikara, því verkin eru skrifuð
fyrir sama hljóðfærið, selló, og 8
sellistar eru stórt hlutfall af starf-
andi sellistum í Reykjavík. En við
fengum sex úr Sinfóníuhljóm-
sveitinni, einn nemanda Gunnars
úr Tónlistarskólanum og Noru
Kombluch.
Fyrir sellista er sérlega gaman
að spila þessa tónlist, því hún
spannar allt tónsvið sellósins og
gerir miklar kröfur til hljóðfæra-
leikaranna, sem allir leika jafn
mikilvægar sjálfstæðar raddir.
Við erum ákaflega þakklát fyrir
að hafa fengið Gunnar Kvaran til
liðs við okkur, því hann þekkir-
þessi verk líklega manna best hér
á íslandi. Þar sem við erum hljóð-
færaleikarar af mismunandi
skólum er mjög gott að hafa einn
sem stjórnar og samræmir skoð-
anir okkar á flutningnum."
Gunnar Kvaran,
sljórnandi:
„Villa—Lobos
tvímælalaust eitt
merkasta tónskáld
Brasilíu“
„Kammertónlist má kalla, öðru
nafni, stofutónlist. Hún er upp-
runnin í mússík sem er skrifuð
fyrir litla sali. Síðan þróast hún
þannig að farið er að flytja kamm-
ertónlist í stórum sölum, en þá
fer nálægðin, sem þessi tónlist
krefst. forgörðum. Hún er skrifuð
fyrir fá hljóðfæri og það gefur
auga leið að hún fyllir ekki út I
stóra sali, eins og sinfóníuhljóm-
sveit, eða heil ópera, gerir.
„Við höfum að þessu sinni valið
verk eftir Villa—Lobos og ég held
að tvímælalaust verði að telja
hann merkasta tónskáld Brasilíu.
Hann skrifaði geysilega margar
tegundir af tónlist og sótti efnivið
sinn oft í þjóðlega hefð Brasilíu.
Mér finnst þessi verk sem við
ætlum að flytja á tónleikunum
mjög dæmigerð fyrir hann. Þau
sýna stíl hans mjög vel. Þetta er
hlý tónlist og áköf og mjög rytm-
isk.
Mér fínnst þessi samsetning, 8
selló og sópran, ákaflega
skemmtileg og mér fínnst ákaf-
lega vænt um að hafa fengið
tækifæri til að vinna með kolleg-
um mínum, sem öll eru atvinnu
sellóleikarar. Þetta hefur verið
alveg sérlega skemmtilegt, því
allir hafa verið mjög ánægðir og
jákvæðir og það hefur skapast
mjög góður andi hjá okkur."
Elín Ósk Óskarsdóttir,
sópransöngkona:
„Söngröddin er eitt
hljóðfærið“
„Þessir tónleikar eru mjög frá-
brugðnir því sem ég á að venjast.
Ég hef verið að læra óperusöng
síðustu árin og þetta er gerólíkt
honum, nema ef við getum flokk-
að sungna kammertónlist undir
ljóðasöng. Það má segja að ekki
sé mjög algengt að kammertónlist
sé sungin. En mér fínnst þessi
tónlist eftir Villa—Lobos mjög
lagræn.
Þetta er ekki Verdi, ekki Pucc-
ini. Söngröddin hjá Villa—Lobos
er eitt hljóðfærið. Hann skrifar
Bachianas Brasileiras nr. 5 fyrir
níu hljóðfæri og eitt af þeim er
söngröddin. Það er aðeins texti í
seinni hlutanum, í fyrri hlutanum
er þetta vocalisa, það er söngur
án texta. Þessir tveir hlutar eru
mjög ólíkir en mynda góða heild.
Það er þó ekkert öðruvísi að
syngja þessa tónlist, hvað radd-
beitingu varðar. Maður er kominn
með staðlaða tækni. Þetta verk
er fyrir mjög lýrískan sópran,
krefst þess að hann hafi mikla
dýpt en beri líka upp haú tónana.
Það virðist furðu algengt að
fólk haldi að maður beiti sitt-
hvorri röddinni í, til dæmis,
óperum og ljóðasöng. En auðvitað
beitir maður alltaf sömu röddinni.
Ef maður hefur lært tæknina get-
ur maður sungið hvort heldur sem
er. Hitt er annað mál, að í tónlist-
inni, eins og öðru, er hægt að
sérhæfa sig. Þeir sem ákveða, til
dæmis, að sérhæfa sig í ljóða-
söng, fjarlægjast óperuna smátt
og smátt, en það er ekki þarmeð
sagt að þeir hafí ekki rödd í hana."
Hamrahlíðarkórinn:
Tónleikar haldnir 1
Langholtskirkju
HAMRAHLÍÐARKÓRINN ásamt
Pétri Jónassyni mun halda aðra
tónleika Myrkra músíkdaga í
Langholtskirkju föstudaginn 13.
febrúar kl 20.30. Stjórnandi er
Þorgerður Ingólfsdóttir.
Á efnisskránni eru íslensk og
erlend verk , bæði þekkt og lítt
kunn hér á landi. Islensku tónskáld-
in, sem þarna heyrast eru Jon
Ásgeirsson, Gunnar Reynir Sveins-
son, Jon Nordal, Atli Heimir
Sveinsson, Þorkell Sigurbjörnsson
og Hafliði Hallgrímsson. Erlendu
tónskáldin sem eiga verk á þessum
tónleikum eru A. Scarletti , A.
Bruckner , Knut Nystedt og Thom-
as Jennefelt. Frumflutt verður
kórverkið “Kvöldvísur um sumar-
mál“, sem Hjálmar H. Ragnarsson
samdi fyrir Hamrahlíðarkórinn
1984 við ljóð eftir Stefán Hörð
Grímsson . Kórinn er á förum í
tónleikaferð til ísraels og mun halda
hátt á annan tug tónleika og gerð-
ar verða hljóðritanir fyrir útvarp
þar. Á þessum tónleikum gefst
tækifæri til að heyra hluta þeirrar
efnisskrár, sem þar verður flutt.
Langholtskirkja