Morgunblaðið - 21.03.1987, Síða 27

MORGUNBLAÐIÐ, LAUGARDAGUR 21. MARZ 1987
27
Signrður Helgason forstjóri:
Hagnaðurinn 1986
samsvarar 6,7% af
veltu félagsins
Endurnýjun alls flugflotans kostar
um 10 milljarða króna
„NIÐURSTAÐA rekstrarreikn
ings ársins er hagnaður að upp-
hæð 434 milljónir króna, sem
samsvarar 6,7% af veltu félags-
ins á árinu 1986, en á árinu 1985
var hagnaður 3,4% af veltu og
5,4% af veltu ársins 1984,“ sagði
Sigurður Helgason, forstjóri
Flugleiða, m.a. er hann flutti
hluthöfum Flugleiða skýrslu sína
um liðið ár, á aðalfundi félagsins
í gær.
Sigurður sagði er hann ræddi
afkomuna, að verðlækkun eldsneyt-
is hefði vegið mjög þungt, en laun
á Islandi hefðu á hinn bóginn hækk-
að um 25% á sl. ári og launakostn-
aður væri nú orðinn stærsti
útgjaldaliður félagsins, en heildar-
launakostnaður hefði verið tæpir
1,3 milljarðar króna, eða 21% af
rekstrarútgjöldum. Eldsneytis-
kostnaður hefði numið tæpum
milljarði eða 15% rektrarútgjalda.
Bókfærð eign félagsins í flugvél-
um og fylgihlutum þeirra er skráð
1,5 milljarðar en vátryggingarverð
þessara sömu eigna er um 3,7 millj-
arðar króna. þannig að verð eigna
félagsins er mun meira en bókfært
verð. Bókfært verð eigna félagsins
alls er 4,1 milljarður króna. Eigið
fé félagsins er 801 milljón króna,
sem er um 34% af langtímafjár-
magni félagsins og 19,3% af heild-
arfjármagni. Sigurður sagði að þótt
staðan hefði batnað mjög mikið
væri eiginfjárstaða félagsins enn
mjög veik. Til dæmis um það mætti
nefna, að eigið fé félagsins dygði
ekki til kaupa á einni nýrri flugvél
í Evrópuflugið.
Sigurður sagði að hreint veltufé
félagsins hefði á sl. árið aukist um
459 milljónir króna og lausafjár-
staða félagsins væri mjög góð.
í ársskýrslu félagsins kemur
fram að á liðnu ári fækkaði far-
þegum í Norður-Atlantshafsflugi
félagsins um 4,8% og voru þeir
samtals 253.569. Fraktflutningar
jukust aftur á móti um 19,8% í því
flugi. Sætanýting varð 82,4% á
liðnu ári, miðað við 79,2% fyrir árið
1985 og varð því aukning um 3,2%,
en hvert stig í bættri nýtingu er
talið gefa 34 milljónir króna í tekjur.
Sigurður Helgason forstjóri
greindi frá því að fyrirhugað væri
að fjölga ferðum til Orlando í
Bandaríkjunum næstkomandi
haust, þar sem sú flugleið hefði
gefið mjög góða raun. Þá hefði
opnunarflug til Boston verið ákveð-
ið þann 29. þessa mánaðar.
Morgunblaði/Ámi Sæbcrg
Sigurður Heigason forstjóri
Flugleiða.
Farþegaflutningar félagsins á
Evrópuleiðum jukust um 17% á ár-
inu og voru farþegar samtals
256.856. Á síðastliðnum þremur
árum hefur farþegum í Evrópuflugi
flölgað um 103.112, eða um 67%.
Nýting hótela í eigu Flugleiða,
þ.e. Hótels Loftleiða og Hótels Esju,
var mjög góð á árinu eða 74,6%
og 76%.
Sigurður Helgason forstjóri
ræddi sérstaklega um fyrirhugaða
endumýjun flugvélaflota Flugleiða
og sagði þá m.a. að slík endumýj-
un, þegar hún væri afstaðin, myndi
á núvirði kosta félagið um 10 millj-
arða króna. Hann sagði að fyrst
væri stefnt að því að endurnýja
flugvélar á Evrópuleiðunum. Ekki
væri enn ákveðið með hvaða hætti
flugvélakaupin yrðu fjármögnuð,
en þó væri ljóst að ekki yrði leitað
eftir ríkisábyrgð við fyrsta áfanga
endurnýjunarinnar. Aukning hluta-
§ár og fleiri fjármögnunarleiðir
kæmu til greina. Einkum kæmu til
greina tvær flugvélategundir:
Boeing 737-400, sem er með 158
sæti, og Airbus A-320 með 162
sæti. Báðar þessar vélar hafa ein-
ungis tvo hreyfla og koma til með
að eyða mun minna eldsneyti en
vélar þær sem félagið notar nú.
Kvaðst Sigurður búast við að ák-
vörðun stjórnarinnar gæti legið
fyrir um hvað flugvélategund yrði
keypt áður en 50 ára afmælis at-
vinnuflugs á íslandi, þann 3. júní
nk., verður minnst.
Flugleiðir hf
50 ára afmæli
atvinnuflugs
FLUGLEIÐIR munu á þessu ári
minnast þess að 3. júní nk. eru
50 ár liðin frá því að atvinnuflug
hófst á íslandi, en það gerðist
með stofnun Flugfélags Akur-
eyrar, sem var forveri Flugfé-
lags Islands.
Sigurður Helgason, stjómarfor-
maður Flugleiða, greindi frá því á
aðalfundi félagsins í gær, að m.a.
hygðist félagið minnast þessara
tímamóta með útgáfu bókar um
sögu atvinnuflugs á fslandi. Jafn-
framt sagði hann að 3. júní yrði
haldinn sérstakur afmælisfundur á
Akureyri, auk afmælissýningar sem
væri fyrirhuguð á hausti komanda.
„Við erum einnig að byggja upp
fyrstu flugvélina, sem notuð var
hér í innanlandsflugi á milli Akur-
eyrar og Reykjavíkur, en það er
Wacoflugvél," sagði Sigurður og
kvaðst vænta þess að þessi vél,
ásamt vél sömu gerðar og var fyrsta
flugvél Loftleiða, yrði til sýnis á
fyrirhugaðri sýningu.
Frá ráðstefnu Samtaka móðurmálskennara, sem bar yfirskriftina Á vegamótum. Morgunbiaðið/Ámi Sæberg
Ráðstefna móðurmálskennara um íslenslukennslu:
Efasemdir um íslensku-
kennslu í grunnskólum
TALSVERÐAR efasemdir um að móðurmálskennsla í grunnskólum
og framhaldsskólum sé rétt upp byggð komu fram á ráðstefnu sem
Samtök móðurmálskennara gengust fyrir um íslenskukennslu í
síðustu bekkjum grunnskóla og fyrstu áföngum framhaldsskóla. Var
þeim spurningum meðal annars velt upp hvort íslenskukennsla i
grunnskólum væri nægilega sveigjanleg að þörfum einstakra nem-
enda, hvort grunnskólunum tækist að gera islenskuna nægilega
aðlaðandi fyrir nemendur, sérstaklega með tilliti til fjölmiðlabylting-
arinnar, og hvernig, eða yfirleitt hvort grunnskólar ættu að taka
mið af kröfum framhaldsskóla um undirbúning í íslensku.
Sverrir Hermannsson mennta-
málaráðherra setti ráðstefnuna og
kom hann í ávarpi sínu inn á að
ekki væri lengur hægt að loka aug-
unum fyrir áhrifamætti fjölmiðla
og myndmiðla til afþreyingar. Því
þyrfti að koma krókur á móti bragði
og nýta myndina 5 þágu móðurmáls-
ins. Sverrir varpaði síðan fram
hugmynd um að setja á stofn sér-
stakt menningarsjónvarp í 1-2
klukkutíma á dag án frétta og aug-
lýsingar, og einnig um sérstaka
menningarstofnun. Páll Ólafsson
kennari undirstrikaði þetta í lok
fyrri dags ráðstefnunnar með því
að sýna tilraunir sem hann hefur
gert í íslenskukennslu með að kenna
nemendum að túlka myndmál í
sjónvarpi. Páll taldi einnig að skól-
inn verði að bregðast við því
g'furlega magni af erlendri menn-
ingu sem flæðir yfir íslendinga,
með því að fjölga móðurmálstímum
í grunnskóla og stórauka bók-
menntalestur í efri bekkjum
grunnskólans.
Höskuldur Þráinsson prófessor
og Guðni Olgeirsson námstjóri
komu báðir inn á nauðsyn þess að
auka kennslu í talmáli. Höskuldur
rakti helstu niðurstöður nefndar
sem menntamálaráðherra skipaði
til að fjalla um málvöndun og fram-
burðarkennslu í skólum þar sem
meðal annars er lögð áhersla á að
kennarar hlynni að minnihlutafram-
burði þar sem þeir verði hans varir.
Höskuldur benti síðan á að ekki
hefði verið lagðar réttar áherslur í
íslenskukennslu því talsvert vanti á
að fólk sem útskrifast úr skólum
geti gert sig skiljanleg á íslensku
þótt þau noti orð rétt og í réttu
samhengi. Nemendur fái ekki nægi-
lega þjálfun í skóla til að setja
saman samfelldan og skiljanlegan
texta.
Guðni Olgeirsson námstjóri gerði
síðan grein fyrir námskrám í
íslensku fyrir grunnskóla og fram-
haldsskóla sem eru nú á lokastigi
og stefnt er að að taki gildi á þessu
ári. Guðni sagðist vera ánægður
með sveigjanleikann sem nám-
skrámar byðu upp á og skólunum
væri þar lagt á herðar að móta eig-
in skólastefnu.
Ásmundur Sverrir Pálsson kenn-
ari benti á að kennarar hefðu ekki
gert sér grein fyrir þeim breyttu
aðstæðum að nú færu um 80-90%
nemenda í framhaldsskóla meðan
aðeins um 20% hefðu haldið áfram
fyrir fáum árum. Kennarar miði
kennsluna og kennsluefni við þau
20% sem ætluða áfram í háskóla.
Hinir sem eru seinfærari sitja eftir.
Gunnlaugur Snævarr kennari tók
undir þetta og sagði að í upphafí
skólagöngu væri ekki tekið tillit til
þroska nemenda. Fleiri gagnrýndu
samræmdu prófín meðal annars
vegna þess að kennsla í 9. bekk
miðaðist aðallega við þau og engin
áhersla væri lögð á til dæmis rit-
gerðasmíð og framburðarkennslu.
Listasafn Islands:
Yfirlitssýning á verk-
um Sigurðar Sigurðssonar
YFIRLITSSÝNING á verkum
Sigurðar Sigurðssonar listmál-
ara verður opnuð í Listasafni
íslands í dag, laugardaginn 21.
mars. Menntamálaráðherra,
Sverrir Hermannsson, opnar
sýninguna kl. 15.00. Sýningin
spannar allan listferil Sigurðar
allt frá skólaárum og þar til á
þessu ári. Á sýningunni eru alls
98 verk, olíumyndir og pastel-
myndir.
Sigurður Sigurðsson stundaði
nám við Listakademíuna í Kaup-
mannhöfn á stríðsárunum 1939-45.
Hann hóf kennslu við Myndlista-
og handíðaskólann er heim kom og
gegndi því starfi allt til ársins 1980.
Sigurður hefur alls haldið 3 einka-
sýningar á verkum sínum, en tekið
þátt í fjölda samsýninga, bæði hér
á landi og erlendis. Hann sagði í
samtali við Morgunblaðið að mynd-
imar á sýningunni væru aðeins hluti
þeirra mynda sem hann hefði mál-
að, hann hefði engar skrár haidið
yfir verk sín sem dreifð væru um
allar jarðir. Myndirnar á síningunni
eru flestar í einkaeign.
í tilefni sýningarinnar hefur ve-
rið gefin út vönduð sýningarskrá
með flölda mynda. í hana ritar
Aðalsteinn Ingólfsson listfræðingur
grein um Sigurðs sem nefnist
„Landslag í ljósi“ og birt er brot
úr viðtali Hannesar Péturssonar við
listamanninn úr bókinni Steinar og
sterkir litir sem út kom 1965. Einn-
ig hefur verið gefið út plakat í lit.
Sýningin stendur til 20. apríl og
er opin virka daga frá kl. 13.30 til
16.30 og um helgar frá kl. 13.30
til 19.00.