Morgunblaðið - 09.04.1987, Blaðsíða 66

66
MORGUNBLAÐIÐ, FIMMTUDAGUR 9. APRÍL 1987
t
Móðir okkar,
MARGRÉT GUÐMUNDSDÓTTIR,
Hoftelg42,
andaðist í Borgarspitalanum 7. apríl.
Þorbjörg,
Hólmfríður,
Margrét,
Sigurður
og Gunnar Jensbörn.
t
Faðir okkar,
HERMANN G. HERMANNSSON
trésmíðameistari,
Melgerði 13, Reykjavik,
áður Njálsgötu 92, Reykjavik,
lést í Borgarspítalanum 7. apríl 1987.
Dýrleif Hermannsdóttir,
Björg S. Hermannsdóttir,
Ingvi Þorsteinsson.
+
Bróðir okkar,
HALLDÓR VALDIMARSSON,
lést í Vifilsstaðaspítala að kvöldi 7. april.
Jarðarförin auglýst síðar.
Systkini.
Faðir okkar. +
GUÐMUNDUR HANNESSON,
lést Þaon 28. mars sl. Útförin hefur farið fram í kyrrþey.
Bára Guðmundsdóttir,
Elsa Guðmundsdóttir.
+
Faðir okkar, tengdafaöir, afi og langafi,
ÓLAFUR FRÍMANNSSON,
Selvogsgötu 18, Hafnarfirði,
verður jarðsunginn frá Fríkirkjunni i Hafnarfirði föstudaginn 10.
apríl kl. 13.30.
Þeim sem vildu minnast hins látna er bent á orgelsjóö Frikirkjunn-
ar í Hafnarfirði.
Birgir Óiafsson, Stella Olsen,
Sigurður Ólafsson, Ingunn E. Viktorsdóttir,
Guðrún Ólafsdóttir, Kristján Jens Kristjánsson,
Einar Ólafsson, Ingibjörg Magnúsdóttir,
barnabörn, barnabarnabörn.
+ Eiginmaður minn, faðir okkar, tengdafaðir og afi,
MARTÍN HANSEN,
Njarðargötu 35,
. verður jarðsunginn frá Fossvogskirkju föstudaginn 10. apríl kl.
10.30. Anna Hansen, Ingibjörg Júlíusdóttir,
Jón Kr. Hansen,
Gyða Hansen, Úlvar Guðmundsson
og barnabörn.
+
Föðursystir okkar,
INGUNN I. GUÐJÓNSDÓTTIR,
Hringbraut 60,
Hafnarfirði,
verður jarðsungin frá Þjóökirkjunni í Hafnarfirði föstudaginn 10.
april kl. 15.00.
Bjami Magnússon,
Andrés Magnússon,
Svsrrlr Magnússon.
Minning:
Freyja Guðmunds-
dóttirfrá Patreksfirði
Fædd 17. nóvember 1917
Dáin 1. apríl 1987
Freyja Guðmundsdóttir, Þing-
hólsbraut 43, Kópavogi, andaðist í
Landakotsspítala 1. apríl 1987.
Þessi fregn kom okkur mjög á
óvart, e.t.v. vegna þess að allt frá
fyrstu kynnum okkar, fyrir um 30
árum, hafði hún hvað eftir annað
þurft að gangast undir alvarlegar
aðgerðir á spítölum, en jafnan átt
afturkvæmt, eða vegna þess, að
síðustu tæp 20 árin hafði verið
lengra milli funda sökum langdvala
okkar erlendis, lyngra en við gerð-
um okkur ljóst. I þetta sinn steðjar
því þungur harmur að vini okkar,
Reyni Einarssyni, fulltrúa hjá Fast-
eignamati ríkisins, eiginmanni
hennar, dóttur hennar, Dröfn, og
tengdasyni, Erni Hjaltalín, fram-
kvæmdastjóra, og barnabömum.
Freyja var fædd 17. nóvember
1917 á Patreksfirði, ein af 11 systk-
inum, börnum Guðmundar Ó.
Þórðarsonar útvegsbónda og Önnu
Helgadóttur, velþekktra borgara
þar í bæ. Freyja var því á sjötug-
asta aldursári er hún féll frá. Hún
var glæsileg kona, mikil húsmóðir,
er giftist Reyni Einarssyni frá
Reykjavík og bjuggu þau á Patreks-
firði til 1953 er þau fluttu til
Reykjavíkur og síðar til Kópavogs
árið 1960 ásamt börnum sínum,
Kjartani og Dröfn, og urðu kynni
okkar mjög náin á þessum árum
bæði vegna daglegs samstarfs okk-
ar Reynis á vinnustað og einnig að
félagsmálum á þessum órólegu
tímum. Á þessum árum var heilsa
Freyju farin að bila, en alvarlegasta
áfallið varð þegar einkasonur
þeirra, Kjartan, féll frá aðeins 21
árs að aldri, glæsilegur, ungur
maður, sem mikils var vænst af.
Dröfn, dóttir þeirra, var óvenjulega
geðþekk stúlka, sem að skólagöngu
lokinni starfaði mörg ár hjá Loft-
leiðum og síðar Flugleiðum, en
giftist Erni Hjaltalín, viðskipta-
fræðingi, og eiga þau tvö efnileg
börn.
Reynir og Freyja hafa gegnum
árin verið í hópi okkar traustustu
vina, en leiðir okkar skildu að mestu
í nærri 20 ár vegna langdvalar
okkar við störf erlendis.
Kæri Reynir, við sendum þér,
Dröfn og fjölskyldu hennar, dýpstu
samúðarkveðjur vegna andláts
Freyju.
Aðalheiður og
Sveinn S. Einarsson
En andinn vitjar vor aftur
og ylur að hjartanu snýr,
þá sjáum vér gegnum svalandi tár,
hve sorgin er fögur og dýr.
Vér sjáum, hvar sumar rennur
með sól yfir dauðans haf,
og lyftir í eilífan aldin garð
því öllu, sem Drottinn gaf.
(Matthías Jochumsson.)
Með þessum Ijóðlínum viljum við
Eldeyjarkonur minnast vinkonu
okkar, Freyju.
Hennar er nú sárt saknað, þar
sem hún var mjög virt og vinsæl
í okkar hópi. Þrátt fyrir heilsuleysi
var hún alltaf hrókur alls fagnaðar.
Við munum ávallt minnast
hennar eins og við sáum hana á
síðasta hattafundi hjá Sinawik í
Reykjavík, svo fallega og bjarta,
en í því félagi var hún einnig mjög
virk.
Guð blessi minningu hennar og
veiti Reyni og fjölskyldu huggun
og styrk.
Eldeyjarkonur
Þegar ég sezt niður að rita fá-
ein kveðjuorð í minningu móður-
systur minnar, Freyju Guðmunds-
dóttur frá Patreksfirði, sem
jarðsungin verður frá Dómkirkj-
unni í dag, verður mér fyrst fyrir
að fletta í niðjatali ömmu minnar
og afa, foreldra hennar, Önnu
Helgadóttur og Guðmundar Ólafs
Þórðarsonar, oftast kennd við Hól.
Hún var sjötta barn foreldra
sinna af ellefu, fædd 17. nóvember
1917. Móður sína missti Freyja 11
ára gömul, dó hún af bamsfara-
sótt. Yngsta barnið Kristinn deyr
þá einnig fárra daga gamall. Áður
hafði dáið systirin Þuríður átta ára
gömul og tvítugur deyr bróðirinn
Kjartan. Þau kynntust því sorginni
ung Hólssystkinin. En með aðstöð
dætra sinna, fyrst Helgu síðan
Nönnu og síðast Freyju hélt afi
minn heimili fyrir bömin svo hóp-
urinn splundraðist ekki. Og víst
er um það að oft ríkti mikið líf og
ijör í þessum stóra hópi á Hól.
Þau vom því átta systkinin
Helga, Baldur, Helgi, Nanna,
Freyja, Ingvar, Þormóður og Guð-
mundur Bjami, sem myndað hafa
óvenju samheldinn systkinahóp
með dyggum stuðningi maka
sinna. Óll lifa þau systkin Freyju,
nema Helgi sem dó fyrir tæpum
tveimur ámm. Á ég um hann ljú-
far minningar vegna þeirrar hlýju
og umhyggju, sem hann ávallt
sýndi mér.
Freyja stundaði nám við Ingi-
marsskólann í Reykjavík og seinna
við húsmæðraskólann á Isafirði,
en ég man hana fyrst sem húsmóð-
ur á Patreksfirði. Hún giftist 18.
október 1941 eftirlifandi eigin-
manni sínum Reyni Einarssyni.
Þau eignuðust tvö börn, Kjartan
fæddan 29. september 1942. Hann
lézt 25. febrúar 1964, eftir stutta
legu og skurðaðgerð í Kaupmanna-
höfn, þá glæsilegur ungur maður,
sem framtíðin blasti við. Ég man
hvað ég, stelpan frá Patró, var
stolt yfir að eiga hann fyrir frænda.
En dóttirin Dröfn, fædd 10. apríl
1946, hefur reynst foreldmm
sínum ástrík og umhyggjusöm
dóttir. Hennar maður er Örn Hjal-
talín og dætur þeirra María og
Dögg. Þegar Kjartan lézt átti hann
bam í vændum. í júní 1964 fædd-
ist dóttir, og hlaut hún nafn ömmu
sinnar Freyja. Fyrstu 12 árin áttu
þau Reynir og Freyja heimili sitt
á Patreksfírði, einnig systumar
Nanna og Helga og bræðurnir
Helgi og Ingvar um nokkurt skeið
á sama tímabili. Ég mann ekki
margt í smáatriðum frá þessum
tíma, en samskipti heimilanna vom
mikil og náin. Mannlífið var öðmví-
si þá en nú, í myndsafni móður
minnar em t.d. myndir af vinkon-
unum Helgu Berg og Freyju, sem
bjuggu á Geirseyri, í eftirmiðdags-
heimsókn hjá vinkonum á Vatns-
eyri, uppábúnar í drögtum og með
hatta.
Árið 1953 fluttu þau Reynir og
Freyja til Reykjavíkur. Leitaði
skyldfólkið að vestan þá gjarnan í
þeirra skjól og var oft gestkvæmt
hjá þeim. Heimili sitt annaðist
Freyja af mikilli natni og um-
hyggju og gestrisni þeirra hjóna
naut fjölskyldan öll. Auk sinna
heimilisstarfa vann Freyja utan
heimilis um lengri eða skemmri
tíma eftir því sem heilsan leyfði,
m.a. við saumaskap, aðstoðar-
stúlka tannlæknis o.fl., sem ekki
verður upptalið hér. Á seinni ámm
urðu samskipti okkar Freyju mest
þegar við bjuggum um tíma í ná-
grenni hvor við aðra í vesturbæn-
um.
Skemmtilegastar em minning-
arnar sem tengjast sláturgerð
minni, en það varð föst venja í
nokkur ár, að þær systur mamma,
Helga og Freyju komu og saumuðu
með mér vambir og luku slátur-
gerðinni. Sumt af því sem gert var
í fýrsta skipti varð fastur liður ár
hvert. T.d. kannaði Freyja alltaf
ástand blómanna minna um leið
og hún kom, vökvaði þau sem þess
þurftu með og gaf mér góð ráð í
meðferð blóma. Tengdaafi minn
Andreas færði okkur sherry, sem
við hresstum okkur á þegar allt
var frá. Við sátum og spjölluðum
saman og skemmtum okkur allar
konunglega. Ég naut þess að vera
með þeim, hlusta á þær rifja upp
gamla daga og stríða hvor annarri
á græskulausan hátt og skynja það
góða samband, sem ríkti á milli
systranna. Það sem einkenndi
Freyju helst í mínum huga var
glaðværð, ftjálsleg framkoma
hennar og áhugi á samferðafólk-
iriu. Hún naut þess að fara á
mannamót og hitta frændur og
vini, en mörg undanfarin ár kom
hún oft meira af vilja en mætti
vegna langvarandi heilsuleysis
síns. Mátti þá oft skynja áhyggjur
Reynis, sem hefur reynst henni
umhyggjusamur og traustur eigin-
maður í blíðu og stríðu. Ég á
margar mætar minningar um
Freyju og hennar fjölskyldu. Þau
hafa deilt með mér og mínum gleði
og sorgum.
Nú að leiðarlokum kveður móðir
mín, við systkinin og fjölskyldur
okkar kæra systur og frænku. Við
þökkum henni samfylgdina og biðj-
um henni blessunar Guðs.
Reyni, Dröfn og öðrum nákomn-
um vottum við okkar innilegustu
samúð.
Guðrún Gíslad. Bergmann
Birting afmælis- og
minningargreina
Morgunblaðið tekur afmælis- og minningargreinar til birting-
ar endurgjaldslaust. Tekið er við greinum á ritstjórn blaðsins á
2. hæð i Aðalstræti 6, Reykjavík og á skrifstofu blaðsins í Hafn-
arstræti 85, Akureyri.
Athygli skal á því vakin, að greinar verða að berast með góðum
fyrirvara. Þannig verður grein, sem birtast á í miðvikudagsblaði að
berast síðdegis á mánudegi og hliðstætt er með greinar aðra daga.
í minningargreinum skal hinn látni ekki ávarpaður. Ekki eru tek-
in til birtingar frumort Ijóð um hinn látna. Leyfílegt er að birta ljóð
eftir þekkt skáld, 1—3 erindi og skal þá höfundar getið. Sama gildir
ef sálmur er birtur. Meginregla er sú, að minningargreinar birtist
undir fullu nafni höfundar.
Við birtingu afmælisgreina gildir sú regla, að aðeins em birtar
greinar um fólk sem er 70 ára eða eldra. Hins vegar em birtar af-
mælisfréttir með mynd í dagbók um fólk sem er 50 ára eða eldra.
Mikil áhersla er á það lögð að handrit séu vel frá gengin, vélrituð
og með góðu línubili.