Morgunblaðið - 28.04.1987, Blaðsíða 58
58
MORGUNBLAPIÐ, ÞRIÐJUDAGUR 28. APRÍL 1987
fclk í
fréttum
Reuter.
Taylor í Japan
Kvikmyndaleikkonan, Elizabeth Taylor, hefur að
undanfömu staðið í ströngu vegna þátttöku
sinnar í herferð gegn útbreiðslu eyðni (Aids). Hún
hefur ferðast víða til að leggja málstaðnum lið og
er um þessar mundir stödd í Japan. Yasuhiro Naka-
sone, forsætisráðherra landsins, bað hana endilega
að líta inn og tók á móti henni með viðhöfn í emb-
ættisbústað sínum og var þessi mynd tekin við það
tækifæri.
Börn
þekktra
foreldra
Það er yfírleitt ekki tekið
út með sældinni ein-
göngu að eiga þekkta for-
eldra og eru slík böm
venulega hundelt af fjölmiðl-
um. Margir foreldrar reyna
eftir bestu getu að halda ljós-
mjmdumm frá bömum
sínum, en gengur það frekar
erfðilega, því fregnir af hin-
um frægu er vinsæit §öl-
miðlaefni. Við birtum hér
myndir af nokkrum litlum
ungum sem vart geta snúið
sér við án þess að myndum
sé smellt af þeim og má vera
að fólk kannist við svipinn á
þeim áður en það lítur á nöfn-
in.
Athina, dóttir Christinu Onassis og
eiginmanns hennar.
Andrea, sonur Carólínu prinsessu
af Mónakó og manns hennar Stef-
ano Casiraghis.
Yngstu börn Husseins Jórdaníukonungs, Iman (t.h.) og Raya, en þau
eru börn nr. 11 og 12.
Vestur-
Islendingar
í heimsókn
Fyrir skömmu kom hingað til
lands hópur Vestur-Islend-
inga, 88 manns og dvöldu hér í
eina viku. Voru þeir flestir frá
Washingtoneyju sem er í Michig-
anvatni og áttu ættir að rekja til
Eyrarbakka og nágrennis. Ted
Jessen var fararstjóri hópsins og
í viðtali við blaðamann Morgun-
blaðsins sagðist hann hafa komið
til íslands árlega undanfarin 10
ár ásamt konu sinm til þess að
heimsækja ættingja. í fyrra hefðu
þau verið hér á ferð með vinafólki
sínu er ræki Lindstromferðaskrif-
stofuna í Rockford í Illinois. Þau
hefðu þá m.a. hitt að máli Friðrik
Theódórsson og séra Kolbein Þor-
leifsson er báðir væru mjög
áhugasamir um ættfræði. Séra
Kolbeinn hefði síðan komið til
Bandaríkjanna og farið til Was-
hingtoneyjar. Þar hefði vaknað
mikill áhugi á ferð til íslands og
úr hefði orðið að Lindstromferða-
skrifstofan hefði skipulagt slíka
ferð. í upphafí hafí verið reiknað
með að 30-40 manns færu til ís-
lands, en að lokum hefðu 88
manns komið. Fólkið væri mjög
ánægt með ferðina enda hefðu
móttökur verið hreint frábærar.
Laugardaginn fyrir páska hefði
verið samsæti á Hótel Loftleiður
þar sem rúmlega 200 manns
hefðu komið og margir hefðu þar
hitt sína ættingja í fyrsta sinn. Á
páskadag hefðu þau verið við at-
höfn í Hallgrímskirkju og eftir
hádegi hefði verið farið til Eyrar-
bakka og Víkur í Mýrdal þar sem
heimafólk hefði tekið rausnarlega
á móti þeim og staðimir verið
skoðaðir.
Ben Johnson sem orðinn er 90
ára gamall var einn ferðalang-
anna og sagðist hann oft hafa
talað um að heimsækja ísland en
ekki hefði orðið af því fyrr. Með
honum komu kona hans, Gladys
og dóttir hans Beatrice og maður
hennar Fred Bjamason, sem var
eini hreinræktaði íslendingurinn
í hópnum. Ben sem lék á alls
oddi og talaði dálitla íslensku,
sagði ferðina hafa farið fram úr
sínum björtustu vonum. Afí hans
og amma hefðu komið frá Eyrar-
bakka ásamt 4 bömum sínum og
sest að á Washingtoneyju. Þau
hefðu öll talað mikið um ættjörð-
ina og hann hefði í raun séð ísland
í hillingum allan sína æfi. Þau
hefðu skrifast á við ættingja og
reynt að halda sambandi, en ekk-
ert þeirra hefði átt þess kost að
fara aftur til íslands. Ben sagðist
hafa verið sjómaður alla æfí eins
og flestir úr sinni fjölskyldu, þeir
hefðu átt sína eigin báta og róið
til fískjar á vatninu.
Ted Jessen sagðist hafa heyrt
þá sögu að danskur kaupmaður
er kom til Bandaríkjanna upp úr
1870 hefði skrifað til Eyrarbakka
og sagt að fískgengd í Michigan-
vatni væri svo mikil að nánast
væri hægt að ganga þar á fískun-
um og væri það skýringin á því
hversu margir íslendingar er
fluttu vestur um haf settust að á
Washingtoneyju. Þar hefði til
skamms tíma verið ein §ölmenn-
asta byggð íslendinga í Vestur-
heimi. Ibúamir væru stoltir af
uppruna sínum og hefðu þeir
reynst hinir nýtustu þegnar í hin-
um nýju heimkynnum. Fjórar
feijur gengu á milli eyjarinnar og
lands. Ein þeirra héti Eyrarbakki
og þegar henni hefði verið gefið
nafn hefðu Flugleiðir séð um að
flytja skírarvatnið á flösku frá
Eyrarbakka til Washingtoneyjar.
Ted Jessen sagðist vonast til
að þessi ferð yrðy til að auka
tengsl milli Vestur-íslendinganna
og ættingja þeirra hér heima og
vildu þeir félagar báðir þakka
fyrir hönd hópsins fyrir stórkost-
legar móttökur og vinarþel er
íslendingar hefðu sýnt hinum
gestkomandi.
Morgunblaðið/Bjami Eiríksson.
Tcd Jessen og Ben
Johnson (f .h) voru
ánægðir með íslands-
heimsóknina.
Vestur-íslendingam-
ir bám allir barm-
merki með nafninu
sínu á.
Q