Morgunblaðið - 03.09.1987, Blaðsíða 56
56
MORGUNBLAÐIÐ, FIMMTUDAGUR 3. SEPTEMBER 1987
fclk í
fréttum
Michael Jackson - góð sala á „Bad“.
Metsala hjá
Michael Jackson
Loksins, loksins, er biðin eftir
nýju plötunni hans Michaels
Jacksons á enda - breiðskífan „Bad“
kom í verslanir í Bandaríkjunum
núna á sunnudaginn. Salan var svo
mikil fyrsta daginn að afgreiðslu-
menn höfðu ekki við að raða
eintökum í hillumar, og seldist hún
jafnvel hraðar en tónleikaplata
Bruce Springsteens í fyrra, sem
mun eiga fyrra met í „hraðsölu".
Margir hafa beðið með óþreyju
eftir þessarri plötu, en nú eru 5 ár
síðan „Thriller" kom út, en sú plata
hefur selst betur en nokkur önnur
í heiminum, eða í 38,5 milljónum
eintökum. Þá eru 3 ár síðan Micha-
el Jacson hélt síðast tónleika, og
héldu sumir að fólk væri einfaldlega
búið að gleyma kappanum. Það
ýtti undir þennan grun manna að
smáskífa Jacksons, „I Just Caní
Stop Loving You“ hefur risið frem-
ur hægt upp á vinsældalistum.
En þó að Michael Jackson hafi
tekið sér nokkuð frí frá tónlistinni,
hefur hann fengið lítið frí frá síðum
slúðurblaðanna. Hann keypti sér
súrefnisrúm - eins og notað er á
sjúkrahúsum - í þeirri trú að ryk-
og sýklaiaust andrúmsloft á nótt-
unni myndi halda honum ungum
og tryggja honum langlífi. Þá
reyndi Michael mikið að kaupa
beinagrind Johns Merricks, sem
betur var þekktur sem „fílamaður-
inn“, af sjúkrahúsi nokkru í London,
en himinháum tilboðum Jacksons
var þó hafnað. Því var jafnvel hald-
ið fram að hann hefði beðið Elísa-
betar Taylor. Þá þótti það tíðindum
sæta fyrr á árinu, þegar Jackson
sagði skilið við Votta Jehóva.
Orðrómur var á kreiki um að
Jackson væri ekki með öllum mjalla
og að hann hefði alveg lokað sig
inni í eigin heimi, og ætti jafnvel
ekki afturkvæmt í tónlistina. En
nú hefur Jackson tekið við sér og
er reiðubúinn að leggja heims-
byggðina að fótum sér.
I tengslum við breiðskífuna hefur
verið gert 18 mínútna „Bad“ mynd-
band, og 12. september hefst
hljómleikaför Jacksons um Asíu.
Hvort honum tekst að endurtaka
hina ótrúlegu velgengnissögu
„Thriller" er alls óvíst, en hitt er
eins víst að við eigum eftir að heyra
mikið af Michael Jackson á næstu
vikum og mánuðum.
COSPER
Slökktu í sigarettunni, ungi maður, ég þoli ekki sígarettureyk.
, -
llfe
Björn Borg ásamt nýju fylgikonunni, Mandy Smith. Á litlu myndinni
sést fyrrverandi kærasta Björns, með syni þeirra, Robin.