Morgunblaðið - 15.10.1987, Blaðsíða 33
MORGUNBLAÐIÐ, FIMMTUDAGUR 15. OKTÓBER 1987
33
Karpov vann tvöfald-
an signr í Sevilla
Skák
Margeir Pétursson
Eftir öruggan sigur áskorand-
ans Anatolys Karpov í annarri
einvígisskákinni í SeviUa á Spáni
stefnir allt í gífurlega spennandi
og viðburðaríkt einvígi. Það var
ekki nóg með að Karpov tæki
forystuna, þessi skák var meiri
háttar áfall fyrir heimsmeistar-
ann á fleiri en einn veg. Hann
ætlaði sér greinilega að koma
Karpov á óvart í byrjuninni, en
féll á eigin bragði, því áskorand-
inn hristi mjög óþægilega nýjung
fram úr erminni er hann fórnaði
peði í niunda leik. Þá þegar virt-
ist Kasparov mjög brugðið, hann
notaði hvorki meira né minna en
79 mínútur i þá ákvörðun að
hafna peðsfórninni. í tímahrak-
inu skeði síðan atvik sem á
sennilega engan sinn lika i heims-
meistaraeinvígi. Eftir að hafa
leikið 26. leik i erfiðri stöðu
gleymdi Kasparov að ýta á
klukkuna, þannig að hún gekk á
hann i margar minútur. Þegar
heimsmeistarinn uppgötvaði
þessi byijandamistök sin átti
hann innan við minútu eftir á
fjórtán leiki og úrslitin þar með
ráðin.
„Ég hef aldrei séð annað eins
henda sterkan stórmeistara í skák,“
sagði bandaríski stórmeistarinn
Max Dlugy í samtali við Reuter-
fréttastofuna í Sevilla. Það er hægt
að taka undir þessi ummæli Dlug-
ys. Það þykir dæmi um algjöran
viðvaningshátt að gleyma að ýta á
klukkuna og leyfa andstæðingnum
að nota tíma sinn. Byijendur eru
oft minntir góðlátlega á að ýta á,
af reyndari andstæðingum, en slík
góðgerðarstarfsemi á ekki við í
heimsmeistaraeinvígi og Karpov lét
sem ekkert væri. Hann hefur vafa-
laust notað þær mínútur mjög vel
meðan klukkan gekk á Kasparov.
A.m.k. tókst honum að knýja heims-
meistarann til uppgjafar sex leikj-
um eftir þetta einstæða atvik.
Þegar Kasparov gafst upp var
hann svo illa staddur að hann gat
aðeins valið um verða mátaður, eða
tapa drottningunni. Karpov virðist
vera í mjög góðu formi, þessi sigur
var einn sá öruggasti frá því þeir
Kasparov hófu einvígi sín. Fyrir-
fram álitu flestir að heimsmeistar-
anum myndi takast að sigra Karpov
í þriðja einvíginu í röð, en það er
þegar komið í ljós að áskorandinn
hefur alla burði til að endurheimta
titilinn. Sigurvegarinn í einvíginu
vinnur heimsmeistaratitilinn til
þriggja ára, en Kasparov stendur
betur að vígi að því leyti að honum
nægir jafntefli, 12-12, til að veija
titilinn.
Það varð strax ljóst af byijunar-
vali heimsmeistarans að það myndi
draga til tíðinda í Sevilla. Kasparov
hóf taflið með enska leiknum, 1.
c2-c4, í fyrsta skipti á ævinni. Þar
fór hann að dæmi Bobbys Fischer
sem sló Boris Spassky einmitt út
af laginu með þeirri byijun hér í
Reykjavík 1972.
Karpov þekkir enska leikinn bet-
ur en flestir aðrir, hefur margsinnis
teflt hann, bæði með hvítu og
svörtu. Nýjung hans í nfunda leik
var afar sterk, ekki bara sem leikur
á skákborði, heldur miklu frekar
sem sálrænt hnefahögg. Af 98 ein-
vígisskákum sem þeir Karpov og
Kasparov hafa teflt er þetta í fjórða
sinn sem Karpov vinnur skák á
svart, hann hefur unnið eina á svart
í hveiju einvígi. Skákin í gær var
sú langglæsilegasta af þessum fjór-
um. Það er vart hægt að hugsa sér
betri byijun í heimsmeistaraeinvígi.
Tapskákir hafa reynst niðurdrep-
andi fyrir Kasparov og þess má
vænta að í næstu skák, sem tefla á
á föstudaginn, reyni Karpov að láta
kné fylgja kviði, enda hefur hann
þá hvítt. Það eru þó allar líkur á
því að Kasparov fresti þeirri skák
fram jrfir helgi, hann hefur áður
farið flatt á því að kæla sig ekki
niður eftir tap.
2. einvígisskákin:
Hvítt: Gary Kasparov
Svart: Anatoly Karpov
Enski leikurinn
1. c4
Þetta er í fyrsta sinn á ferli
Kasparovs sem hann hefur tafl með
þessum leik í kappskák.
1. - Rf6
Karpov gefur andstæðingi sínum
kost á að hætta við enska leikinn
og tefla hefðbundna indverska vöm
með 2. c4. Heimsmeistarinn heldur
þó sínu striki:
2. Rc3 - e5 3. Rf3 - Rc6 4. g3
- Bb4 5. Bg2 - 0-0 6. 0-0 - e4
7. Rg5
Þetta leiðir til mjög tvísýnnar
stöðu, en öruggari leiðin, 7. Rel —
Bxc3 8. dxc3, gefur hvíti litlar von-
ir um stöðuyfirburði. Leikmáti sá
sem Kasparov velur hefur ekki not-
ið vinsælda upp á síðkastið meðal
annars vegna glæsts sigur Smysl-
ovs með svörtu á Guðmundi Sigur-
jónssyni á Reykjavíkurskákmótinu
1974.
7. — Bxc3 8. bxc3 — He8 9. f3 —
e3!?
Karpov lætur ekki slá sig út af
laginu. Hann bíður ekki eftir því
að Kasparov komi með endurbót,
heldur slengir hann fram nýrri og
djarfri peðsfóm. í áðumefndri við-
ureign Smyslovs og Guðmundar
varð framhaldið hins vegar 9. —
exf3 10. Rxf3 — d5 11. cxd5 —
Dxd5 12. Rd4 - Dh5 13. Rxc6 -
bxc6 14. e3 — Bg4 15. Da4 — He6
16. Hbl? - Be2 17. Hel - Rg4
18. h3 - Df5! 19. Hxe2 - Dxbl
og hvítur gaf skákina skömmu
síðar.
10. d3
Kasparov vonast eftir því að geta
unnið peðið síðar, eftir 10. dxe3 —
d6 gæti hvítur ekki varið stök peð
sín á c-línunni til lengdar.
10. - d5 11. Db3 - Ra5 12. Da3
— c6 13. cxd5 — cxd5 14. f4
Svartur hefur ekki haft ekki tíma
til að leika h7-h6 ög hrekja hvíta
riddarann til h3. Nú þegar 14. —
h6 er orðin hótun opnar Kasparov
riddaranum undankomureit á f3.
Staðan sem nú er komin upp er
sérlega athyglisverð. Svarta peðið
á e3 hindrar öll samskipti hvítu
mannanna, en falli það er hætt við
að svarta staðan hrynji um leið.
14. - Rc6 15. Hbl - Dc7 16. Bb2
- Bg4 17. c4?!
Kasparov er of bráður á sér,
menn hans vinna illa saman og það
er því svarti í hag að taflið opnast.
Eftir 17. Rf3 er staðan u.þ.b. í jafn-
vægi.
17. - dxc4 18. Bxf6 - gxf6 19.
Re4 - Kg7 20. dxc4?
Hér hefði hvítur átt að leika 20.
Dc3. Eftir 20. — He6 21. Dxc4 er
staða hans í lagi og 20. — De7?
gengur ekki vegna 21. Hxb7! Eftir
að svartur nær óskomðum yfirráð-
um yfir d4-reitnum er hann á
grænni grein.
20. - Had8! 21. Hb3
Það bætir ekki úr skák að þvæla
þessum hrók til e3, en hvítur er
lentur í miklum erfiðleikum. Eftir
21. Dxe3? — Bf5 nær hann t.d.
ekki að losa sig úr leppuninni.
21. - Rd4 22. Hxe3 - Dxc4
Auðvitað ekki 22. — Rc2? 23.
Db2 — Rxel 24. Dxf6+ með gagn-
sókn.
23. Khl - Rf5 24. Hd3 - Bxe2
25. Hxd8 - Hxd8 26. Hel
Símamynd/Reuter
Ef Anatoly Karpov nær að end-
urheimta titilinn sem hann
glataði 1985 fær hann að halda
honum óáreittur í þijú ár.
Símamynd/Reuter
Heimsmeistarinn virðist
áhyggjufullur í upphafi annarrar
einvígisskákarinnar í gær. Það
er sem hann hafi haft hugboð
um hrakfarimar sem biðu hans.
Það var hér sem Kasparov
gleymdi að ýta á klukkuna. Eftir
það þurfti ekki að spyija að leikslok-
um, en staða hans verður hvort eð
er að teljast töpuð. Svartur hefur
peði yfir og er þar að auki með
mun betri stöðu.
26. - He8 27. Daö - b5 28. Rd2
- Dd3 29. Rb3 - Bf3!
Eftir þennan laglega leik er
heimsmeistarinn vamarlaus.
30. Bxf3 - Dxf3+ 31. Kgl -
Hxel+ 32. Dxel — Re3 og Kasp-
arov gafst upp.
Skákmótið
í Ólafsvík:
Danielsen
tapaði fyr-
ir Haugli
Ólafsvík.
NÍUNDA umferð alþjóðaskák-
mótsins í Ólafsvík var tefld i
gærkvöldi. Nu bar það til tíðinda
að efsti maður mótsins Henrik
Danielsen tapaði fyrir Norð-
manninum Petter Haugli.
Önnur úrslit urðu þau að Dan
Hanson vann Tómas Bjömsson,
Þröstur Þórhallsson tapaði fyrir
Karli Þorsteins, Björgvin Jónsson
vann Ingvar Ásmundsson, en jafn-
tefli var hjá Lars Schandorff og
Jóni L. Ámasyni. Skák Sævars
Bjamasonar og Robert Bator fór í
bið og stendur Sævar betur.
Staða efstu manna eftir níu um-
ferðir er þannig að efstur er Henrik
Danielsen með 6 vinninga, annar
er Björgvin Jónsson með fímm og
hálfan vinning og biðskák, þriðji
er Jón L. Ámason með fimm og
hálfan vinning og fjórði er Karl
Þorsteins með fimm vinninga.
Næst síðasta umferð verður tefld
á morgun og mætast þá efstu menn,
Danielson og Björgvin.
Helgi.
Alþjóðlegt skák-
mót flugfélaga:
••
Orugg
forysta
Flugleiða
A-SVEIT Flugleiða er efst með
19 vinninga eftir 5 umferðir á
Alþjóðlegu skákmóti flugfélga
sem haldið er í Reykjavík dagana
11. til 17. október. í öðru sæti
er A-sveit Singapore með 14
vinninga og í þriðja sæti er A-
sveit Lufthansa með 13 vinninga.
í gær tefldi Helgi Ólfasson, stór-
meistari fjöltefli við 47 keppendur
á mótinu. Hann vann 41 skák, gerði
2 jafntefli en tapaði 4 skákum. í
dag verður hlé á mótinu en tvær
síðustu umferðimar verða tefldar á
morgun.
„Hæfasti maður sem völ
— segja^Guðrún Helgadóttir og
Kristín Ólafsdóttir um Ólaf Ragn-
ar sem formann Alþýðubandalagsins
„Lít ekki á mig sem súpermanneskju
sem muni frelsa heiminn,“ segir
Sigríður Stefánsdóttir
KRISTÍN Á. Ólafsdóttir, vara-
formaður Alþýðubandalagsins,
og Guðrún Helgadóttir, alþing-
ismaður, lýstu yfir í gærkvöldi
í samtali við Morgunblaðið, að
þær styddu Ólaf Ragnar
Grimsson til formanns á lands-
fundi Alþýðubandalagsins i
byrjun næsta mánaðar vegna
þess að hann væri hæfasti mað-
ur sem völ væri á í það embætti,
en þær töldu báðar að m.a.
hefði Ólafur Ragnar mun meiri
reynslu, en Sigríður Stefáns-
dóttir sem einnig hefur gefið
kost á sér til formanns. Sigríð-
ur Stefánsdóttir sagði í samtali
við Morgunblaðið i gærkvöldi
að þessi yfirlýsing þeirra kæmi
ekki á óvart, þvi það hefði ver-
ið vitað um hrið að þær stöllur
styddu Ólaf Ragnar.
„Ég get lítið um þetta sagt,"
sagði Sigríður, „en þetta er stað-
festing á því sem þær stöllur hafa
sagt áður um að þær væru ekki
vissar um það, að þær væru hæf-
astar til forustu, en nú eru þær
búnar að finna hæfan karlmann.
Ég lít hins vegar svo á, að ég sé
ekki nein súpermanneskja sem
muni frelsa allt mannkyn þó ég
verði formaður Alþýðubandalags-
ins.“
Kristín A. Ólafsdóttir sagði í
samtali við Morgunblaðið í gær-
kvöldi, að hún styddi ólaf Ragnar
hiklaust „vegna þess að hann er
tvímælalaust meðal hæfustu
stjómmálamanna íslendinga og
Alþýðubandalagið hefur ekki efni
á að hafna slíkum manni til for-
ustu, allra síst eins og það er nú
á vegi statt". Kristín sagði hin
hörðu átök, sem nú ættu sér stað
innan Alþýðubandalagsins, ekkert
óeðlileg í sjálfu sér, enginn vissi
hvað gerðist eftir landsfund, en
hún kvaðst telja að flokkurinn
ætti mikla möguleika á því að
reisa sig ef hann mótaði skýrari
framtíðarsýn og í því sambandi
kvaðst hún telja að formannskjö-
rið skipti sköpum.
Guðrún Helgadóttir sagði í
samtali við Morgunblaðið að hún
styddi Ólaf Ragnar til formanns
fremur en Sigríði þótt bæði væru
erá“
góðir flokksfélagar. „Ég hallast
meira að pólitík Ólafs Ragnars
en Sigríðar," sagði Guðrún, „en
þetta hefur þó ekkert með pólitfk
að gera. Reynsla og þekking Ól-
afs Ragnars er mun meiri en
Sigríðar og ég styð hann næstu
tvö árin. En ég er líka tilbúin til
að skipta um skoðun ef hann
stendur sig ekki. Alþýðubanda-
lagið þarfnast manns sem Ólafs
í það mikla verkefni, að verkstýra
endurskipulagningunni ( flokkn-
um og hann er mun betri í það
þótt Sigríður hafí unnið sln verk
vel. Að undanfomu höfum við,
nokkrir einstaklingar í nefnd,
unnið að því að móta nýstárlega
stefnu í takt við tímann og ég
treysti Ólafí Ragnarí betur í það
verkefni en Sigríði."