Morgunblaðið - 06.01.1988, Blaðsíða 32

jrtpwr^ ’?
ifpr
AKUREYRI
Morgunblaðið/GSV
Asdís Sæmundsdóttir með litla strákinn sinn á Fjórðungssjúkra-
húsinu á Akureyri.
Fjórðungssjúkrahúsið:
363 börn fædd-
ust á árinu 1987
SEX börn hafa nú þegar fæðst
á Fjórðungssjúkrahúsinu á Ak-
ureyri á nýju ári. Fyrsta barnið,
sem þar fæddist, var drengur
3,920 kg og 52 cm langur. Hann
fæddist klukkan 23.40 þann 1.
janúar. Foreldrar hans eru þau
Ásdís Sæmundsdóttir og Leifur
Ólafsson.
Friðrika Þórunn Ámadóttir
yfirljósmóðir sagði í samtali við
Morgunblaðið í gær að alls hefðu
363 böm fæðst á árinu 1987, einu
fleira en árið 1986. Síðasta barn
ársins 1987 fæddist klukkan
16.02 þann 28. desember 1987.
Árið 1985 fæddust hinsvegar að-
eins 303 böm svo tölur þessar
bera þess vott að fæðingum fari
nú heldur fjölgandi frekar en hitt
hér norðanlands. Flest barnanna,
sem fæddust 1987, komu í heim-
inn í maímánuði, 40 talsins, en
næstur kemur septembermánuður
með 39 böm.
MORGUNBLAÐIÐ, MIÐVIKUDAGUR 6. JANÚAR 1988
Frostbitn-
ir Norð-
lendingar
ÓHÆTT er að segja að Akur-
eyringum og öðrum Norðlend-
ingum hafi brugðið í brún
þegar þeir héldu til starfa í
gærmorgun. Frost mældist á
Akureyri 18,4 stig, samkvæmt
upplýsingum Veðurstofunnar,
en mest mældist frostið við
Mývatn og á Staðarhóli í Aðal-
dal, 24 stig.
Unnur Olafsdóttir veðurfræð-
ingur sagði að Norðlendingar
gætu búist við áframhaldandi
hörkufrosti fram eftir miðviku-
deginum, en . á fimmtudag og
föstudag mætti búast viö að held-
ur færi að draga úr frostinu og
um helgina gæti vel viðrað til
skíðaiðkana, en á laugardaginn
verða Skíðastaðir í Hlíðarfjalli
opnaðir í fyrsta sinn á þessum
vetri.
Endurnar á andapollinum á
Akureyri voru heldur kuldaleg-
ar á að líta i gærmorgun.
Morgunblaðið/GSV
Alafossmenn til Moskvu um helgina?
„Styrinn stendur um verðin“
- segir Aðalsteinn Helgason aðstoðarforstjóri Álafoss hf.
„VIÐ BÍÐUM eftir svari frá Sovét-
mönnum um áframhaldandi
viðræður. Fyrir dyrum stendur
samningaferð til Moskvu nú um
helgina, en við höfum ekki fengið
frá Sovétmönnum endanleg svör
um hversu mikið af ullarvörum
þeir áætla að kaupa frá íslandi á
árinu og hvaða viðbrögð þeir sýna
þeim verðhugmyndum sem við
settum fram í nóvembermánuði
er við fórum austur til viðræðna
við þá,“ sagði Aðalsteinn Helgason
aðstoðarforstjóri Álafoss hf. í
samtali við Morgunblaðið í gær.
Viðræður á Akureyri
í viðskiptasamningi Sovétríkjanna
og íslands er kveðið á urh ullarvöru-
kaup Sovétmanna upp á hátt í fimm
milljónir dollara, eða 160 til 200
milljónir íslenskra króna. Viðskipti
við Sovéska samvinnusambandið er
utan þessa viðskiptaramma þjóð-
anna, en fulltrúar frá því fyrirtæki
eru væntanlegir til Akureyrar í lok
janúar til að ræða við fulltrúa Sam-
bands íslenskra samvinnufélaga. Þá
gera forráðamenn Álafoss hf. sér
vonir um að nýja fyrirtækið fái ullar-
vörusamning í gegnum þær viðræður
upp á þijár til fjórar milljónir doll-
ara, eða sem svarar til 120 til 160
milljóna íslenskra króna.
' Forráðamenn Álafoss hf. fóru
síðast austur til samningaviðræðna
í nóvembermánuði og voru Sovét-
menn þá ekki reiðubúnir til viðræðna,
að sögn Aðalsteins. Þeir höfðu þá
ekki endanlega gengið frá eigin áætl-
unum fyrir árið 1988 vegna fyrir-
hugaðra ullarkaupa. „Við lögðum
okkar áætlanir fram á fundinum í
Moskvu og til stóð að við fengjum
einhver svör fyrir jólahátíðina -sem
ekki varð úr. Þeir sendu að vísu
skeyti til okkar milli jóla og nýárs
þar sem þeir voru reiðubúnir að fá
okkur nú í næstu viku til viðræðna
um treflaviðskiptin. Þá sendum við
skeyti til baka þar sem við lögðum
á það áherslu að geta rætt viðskiptin
í heild sinni, það er bæði treflana
og peysumar. Ljóst er að þeir vilja
ræða treflaviðskiptin þótt við höfum
enga hugmynd um hvaða verð-
hugmyndir þeir hafa né hvaða magn
þeir hyggjast kaupa. Auk þess hafa
þeir ekki gefið neitt til kynna um
hvenær þeir hyggjast ræða um peys-
umar eða nokkuð annað viðvíkjandi
þeim, en á eftir því erum við einmitt
-að reka.“
20-40% verðhækkun
Aðalsteinn sagði að sú hækkun,
sem fyrirhuguð væri á vörum á Sov-
étmarkað, væri jafnmikil og sú
hækkun sem fyrirhuguð væri til ann-
arra markaðslanda Alafoss hf., þetta
20 til 40%, eins og áður hefur komið
fram í Morgunblaðinú. „Við höfum
einfaldlega ekki fengið nein viðbrögð
og erum í þeirri stöðu nú að vita
ekki hvort við förum til Moskvu um
helgina eða ekki. Ef þeir eru hvorki
tilbúnir til að ræða magn né verð
enn þann dag í dag, þá getum við
alveg eins setið heima." Aðalsteinn
sagði að undanfarin ár hefði raunin
orðið sú að treflamir og peysumar
hefðu skipst nokkuð jafnt niður þó
stundum hefði verið selt heldur meira
af treflum en peysum.
Bílarnir ruku ekki allir f gang
i frostinu enda hafa þeir átt
að venjast sumarblfðu hér norð-
anlands það sem af er vetri.
Þrettándagleði
Þórs í kvöld
Þrettándagleði Þórs verður
haldin í kvöld að venju, en þrett-
ándagleðin hefur verið hefð-
bundinn siður hjá íþróttafélag-
inu Þór siðan árið 1925. Félagið
var hinsvegar stofnað árið 1915
og er því 73 ára.
Þrettándagleðin hefst á íþrótta-
svæði Þórs klukkan 20.00, rétt við
nýbygginguna sem Þórsarar eru nú
að reisa á svæði sínu. Heilmikið
verður um að vera að vanda, svo
sem álfabrenna, dans og skemmt-
un, að sögn Skúla Lórenzsonar, sem
hefur m.a. haft veg og vanda að
undirbúningi. Skúli sagði að kóng-
ar, drottningar, púkar og tröll yrðu
á meðal viðstaddra, auk þeirra
Eiríks Fjalars, Skúla rafvirkja og
Olla, sem allir nytu dyggrar aðstoð-
ar Þórhalls Sigurðssonar eða Ladda
öðru nafni. Þá munu jólasveinar
heimsækja þrettándagleðina . og
Amheiður Ingimundardóttir leik-
kona ætlar að syngja lög úr
bamaleikritinu Einari Askeli, sem
Leikfélag Akureyrar sýndi á Norð-
urlandi sl. haust. Þá ætlar Hjálpar-
sveit skáta á Akureyri að halda
flugeldasýningu og Jóhann Már
Jóhannsson syngur nokkur álfalög.
Skúli sagði að næg bílastæði
væru við íþróttasvæðið. Nýlega
hefði verið gerður vegur úr Skarðs-
hlíðinni inn á svæði Þórs og þar
væri rými fyrir nokkur hundruð
bifreiðar. Gert er ráð fyrir að þrett-
ándagleðin standi í hálfan annan
tíma.
Morgunblaðið Akureyri
Vantar blaðbera í Dalsgerði og Grundargerði.
Upplýsingar í síma 23905 og á afgreiðslu Morgun-
blaðsins, Hafnarstræti 85, Akureyri.
Jltargmifrlflifeife
i