Morgunblaðið - 01.03.1988, Blaðsíða 58
58
MORGUNBLAÐIÐ, ÞRIÐJUDAGUR l.-MARZ 1988
I
ffclk f
fréttum
OSLÓ:
Islenska deildin hjá Storebrand
Frú Fjellhaugen sem haft hefur íslendingana í vinnu hjá sér undan-
farin sextán ár.
Ihöfuðstöðvum norska trygging-
arfélagsins Storebrand, í miðborg
Osló, hljómar íslenskan á öllum
hæðum þegar degi tekur að halla.
Þessa dagana eru sextán íslending-
ar sem ganga um með sóp og tusku
að skúra, skrúbba, sópa, bóna og
pússa og sjá þannig um að halda
hreinum stórum hluta hússins.
“Þetta byijaði með því að fyrir um
það bil sextán árum kom tii mín
íslensk stúlka, Alda Konráðsdóttir,
og bað um vinnu,“ segir Fjell-
haugen sem af mikilli röggsemi
hefur umsjón með ræstingunni.
“Síðan þá,“ heldur hún áfram,
“hafa Islendingar verið meira og
minna starfandi hjá okkur. Eg kann
vel við íslendinga og það er mjög
'gott að hafa þá í vinnu. Þessi sext-
án ár sem þeir hafa ræst hjá mér
hefur aldrei komið til neinna stór-
vægilegra vandræða og þeir staðið
sig vel.“
Eins og fram kom hér að ofan hitt-
ast þama virka daga á annnan tug
Islendinga og skrúbba. Flestir eru
námsmenn sem staldra stutt við.
Þeir eru eflaust meðal þeirra sem
ekki sjá sér fært að lifa af námslán-
unum. Þó eru einnig meðal náms-
mannanna nokkrir sem ekki vilja
íþigggja lán hjá Lánasjóðnum og
reyna að vinna fyrir sér með námi.
Þama eru líka nokkrir sem ekki eru
í námi heldur stunda vinnu og eru
búsettir í Osló. Kann að vera að
þetta séu einu stundimar sem þeir
hitta samlanda sína.
Þegar húsið ilmar í hólf og gólf og
hreingemingu er að mestu lokið
bíður kaffi og bakkelsi á efstu
hæðinni. Þar hafa íslendingamir
sérstakt borð. Stundum er setið
lengi, sérstaklega ef íslensk hugð-
arefni ber á góma, en annars er
skrafað um daginn og veginn og
gefnar ráðleggingar þeim sem nýir
eru í Oslóborg.
Um leið og gengið er út úr Store-
brand byggingunni sést að þar er
fleira sem minnir á ísland því í
anddyrinu hangir málverk eftir
íslenskan listamann gefið af trygg-
ingarfélagi heima á einhveiju stór-
afmæli Storebrands.
Texti og myndir: Guðbjörg R. Guð-
mundsdóttir.
Ragnheiður Regína Hansen.
Svanhildur Vilbergsdóttir og Reynir Gunnlaugsson á tali í kaffistof-
unni.
Edda S. Arnórsdóttir að störfum.
Þröstur Ottóson með tuskuna á lofti.
Erla Stefánsdóttir, nýorðin fjögurra ára, lætur ekki sitt eftir liggja
og hjálpar til við að þurrka af.
Aðspurð sagðist Sif ekki syngja lög Theodorakis fyrir nemend-
ur, en tæplega myndu grískar ballöður minnka matarlyst krak-
kanna í hádeginu.
Grískir söngvar
Sif Ragnhildardóttir syngur
þessa dagana lög eftir gríska
tónskáldið Mikis Theodorakis,
sem ýmsir þekkja sem höfund
Zorba. “Ég er að fara af stað
með gríska söngvadagskrá þar
sem ég flyt eingöngu lög eftir
Theodorakis við ljóð eftir hann
og aðra,“ segir Sif. “Á dag-
skránni kynni ég Theodorakis,
efni ljóða hans, líf og starf. Hann
er ekki aðeins frægur fyrir list
sína, heldur friðarbaráttuna sem
hann mátti þola fangavist og
pyntingar fyrir."
“Ljóð Theodorakis eru óður um
lífið, jákvæðar hliðar þess og nei-
kvæðar. Efni Ijóðanna er sótt í
eigin reynslu, en hann orti tölu-
vert meðan hann sat í fangelsi."
Sif kveðst syngja nokkur laganna
á grísku en flest á íslensku og
annaðist Kristján Árnason ljóð-
skáld og bókmenntafræðingur
þýðingu ljóðanna úr frummálinu.
Grísku söngvarnir taka tæpan
hálftíma í flutningi og fyrst um
sinn verður um faranddagskrá að
ræða. “Þetta er hugsað líkt og
Dietrich dagskráin sem ég var
með í fyrra, til flutnings á þorra-
blótum og árshátíðum, þannig að
fyrst um sinn verð ég ekki á föst-
um stað,“ sagði Sif.
Sif er forstöðukona frístunda-
heimilis við Hjallaskóla í Kópa-
vogi. “Þetta er tilraun sem staðið
hefur í ár og tekist vel. Frístunda-
heimilið er mikið sótt af nemend-
um Hjallaskóla, sem geta komið
hingað fyrir og eftir skóla og
fengið veitingar í hádeginu. Nem-
endur í fyrsta til sjöunda bekk
koma nú á frístundaheimilið, en
í framtíðinni verður það einnig
opið nemendum efri bekkjanna.