Morgunblaðið - 16.04.1988, Blaðsíða 4

4
MORGUNBLAÐIÐ, LAUGARDAGUR 16. APRÍL 1988
„Kínveiji“ sprakk við Vonarstræti:
Atburðurinn tengist ekki
nærveru borgarstjóra
- segir Ómar Smári Ármannsson, aðalvarðstjóri
EINS og komið hefur fram í
fréttum kvað við hvellur á með-
an Davíð Oddsson, borgarstjóri,
tók fyrstu skóflustunguna að
ráðhúsi _ við Tjörnina. Ómar
Smári Armannsson, aðalvarð-
stjóri, sagði hvellinn hafa komið
frá „kínveija", sem var sprengd-
ur norðan og bak við hús nr. 8
við Vonarstræti. Hann kvaðst
ekki telja ástæðu til að tengja
þennan atburð nærveru borgar-
sljóra.
„Það er ókunnugt hver sprengdi
„kínveijann" og tilgangurinn með
því er óljós. Hins vegar er fullmik-
ið sagt að sprenging hafi orðið í
miðbænum, eins og einstaka fjöl-
miðili hefur haldið fram,“ sagði
Ómar Smári. „Allt tal um gíga-
myndun, brennisteinsfnyk og röra-
sprengju er út í hött. Þar sem
„kínveijinn" sprakk eru göngustíg-
ar og tijágróður. Lítilsháttar umrót
var í jarðveginum á nokkurra fers-
entimetra svæði í tijábeði, en engar
skemmdir, hvorki á tijágróðri eða
ljósastaur, sem þama er. Púðurlitur
var á staðnum og leyfar af
„kínveija". Leyfamar voru pappi
og á honum vom leiðbeiningar til
vamaðar á íslensku. Hér var um
lítinn „kínveija" að ræða, sem gef-
ur frá sér háan hvell. Hvellurinn
heyrðist yfir á svæðið, þar sem
skóflustungan fór fram, en var
ekki meiri en svo að aðrir en end-
umar næst Tjamarbakkanum að
norðanverðu töldu ekki ástæðu til
að færa sig úr stað."
Ómar Smári sagði að upphlaup
einstaka fjölmiðla og umfjöllun
þeirra um málið væri lýsandi dæmi
þess hver þróunin væri að verða í
fréttaflutningi þeirra af atburðum
sem þessum. Aukaatriði væm tekin
fram yfir aðalatriði og einstakir
þættir jafnvel búnir til. „Hins vegar
stendur eftir hugsunin um það að
einhver eða einhveijir gætu tekið
upp hjá sér hugmyndir um notkun
áður óþekktra aðferða til þess að
vekja athygli á málstað sínum við
sérstök tækifæri," sagði Ómar
Smári. „Slíkt heyrir sem betur fer
til undantekninga hér á landi og
verður ábyrgð fjölmiðla vegna um-
fjöllunar um slík mál í framtíðinni
óneitanlega mjög mikil. Nóg er hins
vegar af athyglisverðum málum til
umfjöllunar þó ekki sé verið að búa
þau til,“ sagði Ómar Smári Ár-
mannsson, aðalvarðstjóri, að lok-
um.
VEÐURHORFUR í DAG, 16.4. 88
YFIRLIT í g»r: Yfir Grænlandi er 1031 mb hæö, en um 450 km
austur af landinu er 985 mb lægð sem þokast norðaustur. Veður
fer áfram kóinandi einkum norðan og vestanlands.
SPÁ: Á morgun veröur norðaustanátt á landinu, víða stinnings-
kaldi eða allhvasst. Él verða á Noröaustur- og Austurlandi, einnig
á annesjum vestantil á Norðurlandi og norðantil á Vestfjörðum en
bjart verður um suðvestanvert landið, þó víða skafrenningur til
fjalla. Syðst á landinu verðurfrostlaust að deginum en annars 2ja—6
stiga frost.
1/EÐURHORFUR NÆSTU DAGA
HORFUR Á SUNNUDAG OG MÁNUDAG: Norðaustanátt, víöa
nokkuö hvöss. Éljagangur austanlands og á annesjum noröanlands
en bjart verður að mestu um suðvestanvert landið. Hiti um frost-
mark syðst á landinu um hádaginn en annars frost, víða 2—6 stig.
TÁKN:
Heiðskírt
Léttskýjað
Hálfskýjað
Skýjað
Alskýjað
y, Norðan, 4 vindstig:
' Vindörin sýnir vind-
stefnu og fjaðrirnar
vindstyrk, heil fjöður
er 2 vindstig.
/ / /
/ / / / Rigning
/ / /
* / *
/ * / * Slydda
/ * /
* * *
* * * * Snjókoma
* * *
■\ 0 Hitastig:
10 gráður á Celsíus
ý Skúrir
*
V El
— Þoka
— Þokumóða
’, ’ Suld
OO Mistur
—Skafrenningur
Þrumuveður
VEÐUR VÍÐA UM HEIM
kl. 12:00 í gær að ísl. tíma
hitl veður
Akureyri +2 snjókoma
Reykjavik +1 skýiaa
Bergen 5 rigning
Helsinki 1 snjókoma
Jan Mayen +8 skafrenningur
Kaupmannah. 9 léttskýjað
Narssarssuaq +11 léttskýjað
Nuuk +3 snjókoma
Osló 8 skýjað
Stokkhólmur 10 skýjað
Þórshðfn vantar
Algarve 21 skýjað
Amsterdam 18 hálfskýjað
Aþena vantar
Barcelona 18 skýjað
Berifn vantar
Chicago 1 lóttskýjað
Feneyjar 13 léttskýjað
Frankfurt 13 hilfskýjað
Glasgow 12 súld
Hamborg 16 léttskýjað
Las Palmas 21lóttskýja&
London 13 mistur
Los Angeles 9 úrkoma í gr.
Lúxemborg 12 skýjað
Madríd 20 skýjað
Malaga 25 hálfskýjað
Mallorca 19 skýjað skúr
Montreal 5
New York 7 skúr
Parfs 17 skýjað
Róm 16 léttskýjað
Vin 9 heiðskirt
Washlngton 8 þokumóða
Winnlpeg +8 léttskýjað
Morgunblaðið/Júlíus
Á þessari mynd sjást leyfar af „kínveijanum“, sem sprakk bak við
hús við Vonarstræti í þann mund sem Davíð Oddsson, borgarstjóri,
tók fyrstu skóflustunguna að ráðhúsi við Tjömina. Útlinur lykilsins
sýna stærð leyfanna. A bréfsnifsinu efst til vinstri má greina varnað-
arleiðbeiningar á íslensku.
Atvinnuleysi í mars allt að 1% af
mannafla:
Atvinnuleysi hefur
aukist úti á landi
SKRÁÐIR atvinnuleysisdagar í
landinu öllu í marsmánuði vora
nánast jafnmargir og í febrúar-
mánuði eða 17.300. Það jafngild-
ir þvi að 800 manns hafi að með-
altali verið á atvinnuleysisskrá
allan mánuðinn, sem svarar til
0,7% af áætluðum mannafla á
vinnumarkaði. Þetta kemur fram
í yfirrliti um atvinnuástandið frá
Vinnumálaskrifstofu félags-
málaráðuneytisins.
í yfirlitinu kemur ennfremur
fram að atvinnuleysi hafi þó verið
nokkru meira en þessar tölur gefí
til kynna, vegna þess að nokkuð
hafí verið um það að fískvinnslufólk
hafi verið verkefnalaust, en notið
launa vegna fastlaunasamninga. í
annan stað hafí það fólk sem hafí
misst vinnu vegna lokunar a.m.k.
tveggja fjölmennra sauma- og
pijónastofa ekki enn komið inn á
atvinnuleysisskrá, þar sem það fái
greidd laun í uppsagnarfresti sam-
kvæmt lögum um ríkisábyrgð á
launum. Að teknu tilliti til þessa
megi gera ráð fyrir að að raun-
verulegt atvinnuleysi í marsmánuði
hafi verið allt að 1% af mannafla.
í marsmánuði í fyrra voru skráð-
ir atvinnuleysisdagar 12.300 eða
fímm þúsund færri en nú. Þessi
aukning á atvinnuleysisdögum hef-
ur öll átt sér stað utan höfuðborgar-
svæðisins. Atvinnuleysisdagar á
höfuðborgarsvæðinu í mars eru
nánast jafnmargir og í mars í fyrra,
enda þótt verulega hafí dregið úr
þeirri eftirspumarþenslu, sem ein-
kenndi vinnumarkaðinn þar síðast-
liðið haust, segir ennfremur í yfír-
liti Vinnumálaskrifstofunnar.
Formaður Stéttarsambands bænda:
Ríkinu ber að koma í
veg fyrir birgðasöfnun
Útflutningur á kindakjöti nauðsyn
nái innanlandssala ekki áætlunum
HAUKUR Halldórsson formað-
ur Stéttarsambands bænda seg-
ir, að samkvæmt búvörusamn-
ingi, beri ríkinu skylda til að
sjá um að ekki verði til meiri
birgðir kindakjöts í landinu en
2300-2400 tonn í lok verðlags-
ársins. Verði sala innanlands
minni en áætlanir samkvæmt
samningnum geri ráð fyrir, sé
nauðsynlegt að auka útflutning.
Haukur segir að þar sem innan-
landssala hafi á síðasta ári orð-
ið 1300 tonnum minni en áætlað
var hafi þurft að auka útflutn-
ing til að birgðir söfnuðust ekki
upp. Þetta kom fram þegar leit-
að var álits Hauks á orðum fjár-
málaráðherra um að útflutn-
ingsbótafé fyrir þetta ár sé nær
uppurið.
„Það er algjörlega á valdi ríkis-
valdsins hvernig það fer að því að
tryggja bændum fullt verð fyrir
umsamda framleiðslu. Það getur
ekki verið okkar höfuðverkur
hvort valin er leið lánveitinga milli
ára eða útflutningsbóta. Það er
ljóst að þetta er samningur sem
ríkið hefur gert og það getur ekki
látið safnast upp birgðir. í búvöru-
samningnum er gengið út frá því
að birgðimar verði á milli 2300
og 2400 tonn í haust en innan-
landssalan 9500 tonn. Ef salan
verður minni, þá þarf að auka
utflutning til að birgðasöfnun eigi
sér ekki stað. í áætlun fyrir síðasta
verðlagsár var gert ráð fyrir að
birgðir skyldu vera 2387 tonn í lok
tímabilsins. En þar sem innan-
landssalan verð 1300 tonnum und-
ir áætlun þurfti að flytja út meira
en útflutningsbætur voru til fyrir,“
sagði Haukur.
Hann sagði að nú benti ýmislegt
til að salan verði heldur meiri í
ár en sagði ljóst að ríkið verði,
annað hvort með aukafjárveitingu
eða viðbótarlánum, að flytja út
eigi birgðimar ekki að verða meiri
í lok verðlagsársins en á síðast-
liðnu hausti. „Ef ríkið færi að
safna upp birgðum í lok ársins þá
yrði að líta á það sem brot á bú-
vörusamningnum," sagði Haukur.
„Það er búinn að eiga sér stað
útflutningur og hann þarf að
greiða með útflutningsbótum.
Þangað til það er gert standa af-
urðalánin í bönkunum og bæta á
sig vöxtum. Það er óþolandi. Ríkið
verður að greiða fyrir þann út-
flutning sem er innan ramma bú-
vörusamningsins," sagði Haukur
Halldórsson formaður Stéttarsam-
bands bænda.