Morgunblaðið - 13.09.1988, Blaðsíða 32

32
MORGUNBLAÐIÐ, ÞRIÐJUDAGUR 13. SEPTEMBER 1988
Sjö þúsund Reykvíkingar
tóku þátt í Heimshlaupinu
Erum mjög ánægðir með þátttökuna segir Ólafur Oddsson, framkvæmdastj óri
ÞÁTTTAKA i Heimshlaupinu á
sunnudaginn var mjög góð i
Reykjavík. Mikill fjöldi fólks
fylgdist með skemmtidagskrá
sem hófst á Lækjartorgi kl 13.30,
en um sjö þúsund tóku þátt í
sjálfu hlaupinu. Á öllu landinu
hlupu milli 13 og 14 þúsund. Ólaf-
ur Oddsson, framkvæmdastjóri
hlaupsins, segist rojög ánægður
með þátttökuna, enda hafi hún
verið meiri en gert var ráð fyrir.
Vel viðraði til útiveru og var
mikill mannfjöldi saman kominn á
Lækjartorgi þegar skemmtidag-
skráin hófst um 13,30. Hluti
íslensku ólympíufaranna kom fram
og kvaddi landsmenn. Forseti ís-
lands, frú Vigdís Finnbogadóttir
ávarpaði mannfjöldann, en borgar-
stjórinn Reykjavík, Davíð Oddsson
ræsti hlauparana.
Hringurinn, sem farinn var í
Reykjavík, er um það bil 3,2 km
að lengd. Mönnum var í sjálfsvaid
sett, hvort þeir gengju, skokkuðu
eða hlypu. Alls munu um 7000
hafa tekið þátt, og var þar um að
ræða fólk á öllum aldri. Mjólkur-
dagsnefnd bauð þátttakendum upp
á mysublöndu og nýttu þeir sér það
óspart.
Heimshlaupið er liður í verkefn-
inu „Child Alive", sem Alþjóða
Rauði krossinn stendur fyrir. Það
fé, sem safnast í hlaupinu, verður
notað til að aðstoða böm, sem eiga
um sárt að binda. Hér á landi söfn-
uðust 3,5 til 4 milljónir króna. Að
sögn Ólafs Oddssonar, fram-
kvæmdasljóra hlaupsins, verða 20%
ijárins nýtt hér innanlands en átt-
atíu prósentum verður varið til
bama f þriðja heiminum.
Ólafur var ánægður með þátttök-
una í hlaupinu. „Við miðuðum við
að um 12 þúsund manns hlypu,"
sagði hann, „en raunin varð sú, að
þátttakendumir voru á milli 13 og
14 þúsund. Sennilega höfum við
náð mestri þátttöku í heiminum,
miðað við fólksfjölda. Það var á
fólki að heyra, að því þætti ánægju-
legt að geta tekið þátt í hlaupi af
þessu tagi, án þess að um keppni
væri að ræða eða tíminn mældur.
Mér þótti líka ánægjulegt að sjá,
hve margir eldri borgarar vom
með, en hefði þó viljað sjá fleiri úr
þeirra hópi."
Ólafur sagði, að svona góð þátt-
taka stappaði auðvitað stálinu í þá,
sem að þessu stæðu, en fyrirhugað
er að efna til sams konar hlaups
að tveimur árum liðnum. „Við
sjáum að þetta er hægt, en það er
líka hægt að gera betur, með lengri
undirbúningi," sagði hann að lok-
um.
Þrátt fyrir mjög óhagstætt veður, súld og rigningu, hlupu rúmlega
200 Húsvikingar með.
Meira en 10% Vestmannaeyinga,
500 manns, tóku þátt í hlaupinu.
Hlaupið
var í 128
löndum
HEIMSHLAUPIÐ ’88 fór
fram i 128 löndum og voru
skráðir þátttakendur um
32,8 miHjónir. Hlaupið var til
styrktar bágstöddum börn-
um og voru þátttökunúmerin
seid, auk þess sem tekið var
við öðrum fjárframlögum.
Sjónvarpað var um allan
heim frá 20 borgum, þar á
meðal Reykjavík. Mun þetta
vera umfangsmesta sjón-
varpsútsending, sem átt hef-
ur sér stað í heiminum.
Hlaupið var ræst við bygg-
ingu Sameinuðu þjóðanna f
New York að viðstöddum
tveimur bömum frá hverju
þátttökulandanna. Skráðir
þátttakendur voru alls um 32,8
milljónir frá 128 löndum.
Tilgangur fjársöfnunarinnar
er að aðstoða bágstödd böm.
Gert er ráð fyrir að 20% þess
sem safnast í hveiju landi sé
notað til hjálparstarfs innan-
lands, en 80% fari til annarra
landa. Fyrir tveimur ámm var
efnt til hlaups af þessu tagi í
fyrsta sinn og safnaðist þá 41
milljón bandarfkjadala.
Bein útsending var frá
hlaupinu í 20 borgum. Var
Reykjavík á meðal þeirra og
oft á skjám sjónvarpsáhorfenda
úti um allan heim. Hér var um
að ræða umfangsmestu sam-
tengdu sjónvarpsútsendingu,
sem átt hefiir sér stað í heimin-
um. Meira en einn milljarður
manna átti þess kost að fylgj-
ast með útsendingunni.
Ungir hlauparar taka sprettinn í Grindavík í hinu besta veðri.
Veðrið lék við þá Keflvíkinga,
sem tóku þátt i hlaupinu.
Kalt var í veðri og hvasst norðan lands og austan, en Akureyringar
létu það ekki á sig fá og fjölmenntu í hlaupið.