Morgunblaðið - 29.09.1988, Page 47
MORGUNBLAÐIÐ, FIMMTUDAGUR 29. SEPTEMBER 1988
47
Foreldra- og kennarafélag Foldaskóla:
Opið bréf til borgaryfirvalda
Enn einu sinni þarf að huga að
skólamálum íbúa Grafarvogs.
Hvers vegna? Jú, Foldaskóli, einn
yngsti grunnskóli borgarinnar, er
orðinn þriðji stærsti grunnskóli í
Reykjavík og þó tæplega hálf-
byggður. Enn vantar hluta af 2.
áfanga, 3. áfanga, lóð og íþrótta-
hús.
Fjölgun nemenda á milli ára var
rúmlega 200 og ekkert bendir til
þess að sú tala lækki næsta ár.
Hvernig má það verða? Jú, hverf-
ið er svo vinsælt og eftirsótt enda
gott hverfí.
Borgaryfírvöld úthluta og út-
hluta lóðum og láta hanna ný og
ný íbúðasvæði.
Spurningin er sú hvort ekki þarf
að vera samband á milli íbúða-
byggðar og þjónustu eins og skóla-
bygginga?
Þegar þrýst er á borgaryfirvöld
um meira fé og hraðari uppbygg-
ingu skólahverfisins, þá benda þau
iðulega á þá staðreynd að ríkið eígi
að standa straum af helmingi bygg-
ingarkostnaðar skóla.
Frá bæjardyrum leikmanns þá
fínnst nú sumum þetta allskrýtin
röksemdafærsla að borgaryfírvöld
geti úthlutað og selt lóðir endalaust
og síðan skýlt sér á bak við skyldur
ríkisins!
Það liggur í augum uppi að því
fleiri lóðir sem borgaryfírvöld selja
því auðveldara á að vera að setja fé
í sjálfsagða þjónustu við borgarana
eins og skólabyggingar.
í Foldaskóla er aðeins lokið við
hluta 2. áfanga skólabyggingarinn-
ar þrátt fyrir loforð borgarstjóra
um að hann yrði allur tilbúinn
haustið 1988, samanber borgara-
fund í Foldaskóla 19. maí 1987.
Foreldra- og kennarafélag Folda-
skóla óskar mjög eindregið eftir því
að lokið verði við 2. áfanga strax
„Borgaryfirvöld ættu
að sjá sóma sinn í því
að sinna þessu fremur
afskekkta og gjöfula
hverfi af meiri alóð en
hingað til.“
og að bygging 3. áfanga og lág-
marks íþróttaaðstöðu verði hafin
sem allra fyrst þannig að létti
þrengslum af skólanum og hætt
verði að aka nemendum út um allan
bæ.
Borgaryfirvöld ættu að sjá sóma
sinn í því að sinna þessu fremur
afskekkta og gjöfula hverfi af meiri
alúð en hingað til. Það er ekki nóg
að úthluta lóðum til íbúðabygginga
ef hin félagslega þjónusta situr á
hakanum.
Pétur Sigurðsson, formaður
Foreldra- og kennarafélags
Foldaskóla.
P.S. Bréf þetta er sent sem opið
bréf því öðrum bréfum okkar til
skóla- og borgaryfirvalda hefír ekki
verið svarað.
Ný sending af
finnskum kuldafatnaði
á dömur og herra
•5- TS
ÚTILÍFt
Sími 82922
RÍÓ er alveg ekta...
RÍÓkaffipakkinn er harður og lofttæmdur því þannig helst
RÍÓkaffið ferskt og bragðríkt alla leið í bollann þinn.
Rjúkandi RÍÓ -hörkugott kaffi
AUK hf. 93.3