Morgunblaðið - 29.09.1988, Blaðsíða 56
56
MORGUNBLAÐIÐ, FIMMTUDAGUR 29. SEPTEMBER 1988
félk f
fréttum
B urt Reynolds sem ordinn er 52ja ára, hef-
ur vist talað um það í mörg ár að hann vildi
gjarnan verða faðir. Það er loks að verða að
veruleika. Burt og kona hans, Loni Anderson,
42ja ára, eru nú að ættleiða barn sem fæddist
í ágústlok. Meðan verið er að ganga frá öllum
formsatriðum bíða þau eftir að fá barnið, sem
þau vita ekki hvort er, drengur eða stúlka,
og sagt er að þau vi^ji ekki vita það fyrr en
þau sjá barnið. Þetta er fyrsta barn Burt
Reynolds, en Loni á eina dóttur sem orðin
er 23ja ára og kennir hún sögu við fram-
haldsskóla í Kalíforníu.
M arg’millj ónerinn og söngvarinn, Elton John, 41 árs, stend-
ur nú í skilnaði við konu sínu Renötu, en þau voru gift í fjölda
ára. Þau hafa ekki búið saman í nokkra mánuði, en upp á
síðkastið reyndu þau víst að lappa eitthvað upp á sambandið
en án árangnrs. Orsökin er sögð verá gagnkynhneigð söngvar-
ans. Skilnaðurinn verður honum dýrkeyptur, ekki var gerður
neinn kaupmáli við giftingu. Elton John er nú í Bandaríkjunum
en Renata flaug heim til foreldra sinna í Þýskalandi.
„EDDA“í ÚTLÖNDUM
60 manna leiðangur í sjö landa sýn
Morgunblaðið/Bryiya
World Renaissance, gríska skemmtiferðaskipið sem Edduhópurinn siglir á um Miðjarðarhaf, Adriahaf
og Svartahaf.
Frá Bryiyu Tomer,
fréttaritara Morgunblaðsins á Italfu
Félagar í ferðafélaginu Eddu,
sem starfrækt hefur verið í 21
ár, brugðu undir sig betri fætinum
og fóru 60 manns í leiðangur um
sjö lönd. Á Ítalíu heimsóttu þau
forvitnilegustu staðina í iðnaðar-
borginni Tórínó og nágrenni. Þeir
fóru meðal annars í FIAT verk-
smiðjumar sem vakti mikla hrifn-
ingu ferðalanga fyrir glæsileik, og
gerðu ýmislegt annað sér til gam-
ans áður en Ítalía var kvödd. Undir-
rituð gekk á fund forsvarsmanna
Eddu-hópsins til að forvitnast um
tilvist félagsins, og slóst í för með
hópnum til Alba-dalanna þar sem
stærstu vínekrur Ítalíu em.
Harðfískur, hákarl og
brennivíii í
almenningsgarði
Ferðafélagið Edda er hópur
fólks sem skipuleggur sjálft ferðir
innan lands og utan. Innan hópsins
em tveir blaðafulltrúar sem sjá um
fréttir að heiman af telexskeytum.
Félagar í Eddu em aðallega af
Suður- og Vesturlandi. Félagið er
í senn formlegt og óformlegt, en
að því er virðist afskaplega vel
skipulagt. Undirbúningur ferðar
eins og þeirrar sem farin var í ár
tekur tvö ár.
Það er iðulega stutt í íslenska þjóð-
hætti, jafnvel hjá veraldarvönustu
heimsborgumm. Eddu-menn fengu
sér til að mynda harðfisk, hákarl
og brennivín í almenningsgarði í
Tórínó og buðu forvitnum ítölum
að bragða á góðgætinu. Fæstir
þáðu boðið, en þeir sem það gerðu
vom ánægðir yfír því að hafa
kynnst hinum undarlegu matar-
venjum íslendinganna.
Þjóðlegar gjafír
Mér er sagt að hópurinn hafí
ávallt góðar gjafir í farteskinu sem
gefnar em til minja um ísland. í
þetta sinn hafði ein úr hópnum,
Ásta Ámadóttir, til dæmis skraut-
ritað erindi úr Hávamálum á kálfa-
skinn, síðan skrifuðu Eddu-félagar
nöfnin sín undir. Skipstjóra gríska
skemmtiferðaskipsins var afhent
skinnið í veislu sem hann hélt gest-
um skipsins fyrsta kvöldið. Einn
úr hópnum segir að alltaf þegar
ferðafélagar Eddu fari í siglingu
sé skipstjómnum gefínn minjagrip-
ur frá íslandi.
„Þegar við sigldum um
Karabíska hafíð fyrir nokkmm
ámm vildi svo skemmtilega til að
skipstjórinn hafði á sínum yngri
ámm verið sjómaður á Islands-
miðum. Við færðum honum að gjöf
öndvegissúlur úr íslensku birki sem
í vom skomir sjávarguðimir. Karl-
greyið var klökkur þegar hann tók
við gjöfínni, hann var ekki vanur
því að gestir skipsins færðu honum
eitt eða neitt.“
Hópurinn flaug til Lúxemborgar,
þar sem tekin var á leigu tveggja
hæða rúta. Síðan var ekið til Luz-
em í Sviss og þaðan til Tórínó á
ítah'u. Eftir þriggja daga dvöl í
Tórínó var farið til Genoa, þar sem
við tók tveggja vikna sigling á
grísku skemmtiferðaskipi. Hópur-
inn er einmitt á skipinu þessa dag-
ana og siglir um Miðjarðarhaf,
Adríahaf og Svartahaf með við-
komu á nokkmm stöðum. Sigling-
unni lýkur í Feneyjum þar sem
dvalið verður í tvo daga. Frá Fen-
eyjum verður farið á Rivíerana, þar
sem hópurinn verður í viku áður
en haldið verður aftur heim á leið.
Borðuðu sama mat
og’páfinn
í ferð sem undirrituð fór með
hópnum til Alba-dalanna var meðal
annars heimsóttur kastali frá 13.
öld, sem eitt sinn var bústaður
greifans af Cavour. Þar er nú mik-
ið vínsafn og er gestum gefínn kost-
ur á að bragða helstu víntegundir
héraðsins gegn vægu verði. (Hvert
pmfuglas kostar um 20 krónur.)
Þá var farið á vínyrkjubú, þar sem
tekið var á móti hópnum með
heimagerðum salami-pylsum og
ostum, auk þess sem umsjónarmað-
ur búsins kynnti rauðvínsfram-
leiðslu fyrir komumönnum. Að sjálf-
sögðu fengu menn að bragða á
víninu og að lokum fékk hver gest-
ur eina flösku af úrvalsrauðvíni til
minja. Hópurinn snæddi kvöldverð
á einum glæsilegasta veitingastað
héraðsins, þar sem borinn var á
borð sami matur og Jóhannes Páll
II páfí fékk þegar hann var í heim-
sókn í Tórínó.
Eddu-menn vom í lokin inntir
eftir því hversu dýr mánaðarferð
sem þessi væri. „Litlar 180 þúsund
krónur," var svarið. „En ég get
sagt þér, að það er vel þess virði
og ég nýt þess að hafa tekið allar
aukavaktimar í vetur til að geta
borgað ferðina," sagði ein eldhress
„Edda“ um leið og hún steig uppí
rútuna sem flutti hópinn til Genoa
þar sem hófst tveggja vikna sigling
um fjarlæg höf.