Morgunblaðið - 04.05.1989, Qupperneq 13

MORGUNBLAÐIÐ FIMMTUDAGUR 4. MAI 1989
13
Frá fyrsta fundi framkvæmdastjórnar „Málræktarátaks 1989“.
Sýningar á Tann-
hauser felldar niður
Reynt að setja upp óperuna á næsta ári
SÝNINGAR á óperunni Tann-
hauser hafa verið felldar niður.
Sýningunni sem halda átti á laug-
ardag varð að aflýsa þar sem
staðgengill Norbert Orth komst
ekki í tæka tíð til landsins.
Ákveðið hefur verið að reyna að
selja þessa óperu upp aftur hér-
lendis í febrúar á næsta ári.
Orth veiktist og varð að hætta
söng sínum með Sinfóníuhljóm-
sveitinni á fimmtudagskvöld. Var
þá haft samband við bandaríska
söngvarann Richard Versalle, einn
eftirsóttasta hetjutenór heimsins í
dag. Hann var staddur í Þýskalandi
og féllst á að taka við hlutverki
Orths.
Gunnar Eyjólfsson skrifstofu-
stjóri Sinfóníunnar segir að Ver-
salle hafi ekki náð til landsins í
tæka tíð sökum þess að flug hans
frá Dusseldorf til Kaupmannahafn-
ar seinkaði um tvo tíma. Við það
missti hann af fiuginu frá Kaup-
mannahöfn til íslands og því varð
að aflýsa sýningunni á laugardag.
Gunnar segir að haldinn hafi
verið fundur með söngvurum óper-
unnar á laugardag. Varð það niður-
staða þess fundar að reyna á að
setja verkið upp aftur hér á landi
í febrúar á næsta ári.
Fyrsti fimdur haldinn í
„Málræktarátaki 1989“
Framkvæmdastjórn „Málrækt-
arátaks 1989“ kom saman í
fyrsta sinn mánudaginn 24. apríl
sl.
í henni sitja: Guðrún Halldórs-
dóttir, skólastjóri, Heimir Pálsson,
deildarstjóri, Hrönn Hilmarsdóttir,
nemi í HI, Kristján Ámason, dósent
og formaður íslenskrar málnefndar,
Kristín Jóhannesdóttir, kvikmynda-
gerðarmaður, Margrét Vallý Jó-
hannsdóttir, fóstra, Matthías Jo-
hannessen, ritstjóri, Ólína Þorvarð-
ardóttir, fréttamaður, Ólöf Þor-
valdsdóttir, auglýsingahönnuður,
Sigurður Konráðsson, málfræðing-
ur, Steingrímur Þórðarson, fram-
haldsskólakennari, Þórdís Móses-
dóttir, grunnskólakennari og for-
maður Samtaka móðurmálskennara
og Þómnn Blöndal, framhalds-
skólakennari.
Verkefnisstjóri er Guðmundur
B. Kristmundsson, yfirkennari.
Hlutverk verkefnisstjómarinnar er
fjórþætt; að gera tillögur um helstu
verkefni átaksins, að veita ráðgjöf
um framkvæmd átaksins, að sam-
ræma hugmyndir sem verkefnis-
stjórn kunna að berast og að að-
stoða verkefnisstjóra við fram-
kvæmd verksins.
Á fundinum vom ræddar fjöl-
margar ábendingar og tillögur sem
borist hafa frá einstaklingum og
fyrirtækjum. Þótti stjómarmönnum
viðbrögð benda til þess að áhugi á
íslenskri tungu væri síst minni en
menn hafa talið og vilja hvetja alla
til að hugsa vel um mál sitt og
vanda það í ræðu og riti.
Verkefnisstjórn væntir góðs sam-
starfs við alla þá sem áhuga hafa
á íslensku máli og tekur fúslega
við tillögum sem til bóta horfa.
(Fréttatilkynning)
Þjónustusamband íslands stofiiað;
Sameiginlegur vettvang-
ur í hagsmunabaráttu
STOFNAÐ hefur verið Þjónustusamband íslands. Að því standa Qög-
ur stéttarfélög með samtals um 1500 félagsmenn. Félögin eru Félag
starfsfólks í veitingahúsum, Félag framreiðslumanna, Félag
íslenskra kjötiðnaðarmanna og Félag hárgreiðslu-og hárskerasveina.
Þjónustusambandinu er ætlað að vera sameiginlegur vettvangur í
hagsmunabaráttu þessara félaga.
Hugmyndin um stofnun sérstaks
landssambands starfsfólks í þjón-
ustugreinum hefur lengi verið til
umræðu innan þeirra stéttarfélaga
sem á því sviði starfa. Undirbúning-
ur hófst svo fyrir alvöru í nóvember
1987 er haldinn var fundur hjá ASÍ
um samstarf félaga í hótel-og ferða-
þjónustu.
Uppúr áramótum í ár fóru síðan
þrjú af fyrrgreindum félögum af
stað og skipuðu laganefnd til að
gera uppkast að stefnuskrá. Sjálfur
stofnfundurinn var síðan haldinn
1. maí.
Meðal verkefna sambandsins
fyrsta kastið geta fljótlega orðið
samningamál auk stefnumörkunar
í öðrum baráttumálum svo sem
vinnuvemdarmálum, ferðamálum,
fræðslu-og útgáfumálum.
Á stofnfundinum var kosin fjög-
urra manna aðalstjóm og skipa
hana þau Sigurður Guðmundsson
FSV, Kolbeinn Arngrímsson FF,
Arnþór Sigurðsson FIK og Hrefna
Guðnadóttir FHHS. Mun þessi
stjóm starfa þar til framhaldsstofn-
fundur verður haldinn í haust en á
honum eiga fleiri félög, á þessu
sviði, kost að ganga í sambandið.
Flugdagur Vesturfhigs
Það sem allir geta allir tekið þátt í:
Þyrluflug
Fallhlífarstökk
Listflug
Kennslufíug
Útsýnisflug
Kaffi, veitingar, myndasýningarog upplýsingar.
Opið í dag frá kl. 10.00-18.00.
Allir velkomnir.
Flugskolinn Vesturfluo hf.,
Skerjafjarðarmegin (norðan við innanlandsflug Flugleiða).
BMW OG RENAULT
á Akranesi 6. og 7. mcri
Bílaumboðið hf. tekur þátt í bílasýningunni sem haldin er í Tþróttahúsi ÍA á Akranesi um helgina.
Þar sýnum við BMW 3-línuna og BMW 5-línuna auk nokkurra Renault bifreiða. Við vekjum sérstaka athygli á Renault 5,
Renault 9 og Renault 11, sem eru á tilboðsverði. Við tökum notaða bíla í góðu ástandi upp T nýja.
Verið velkomin í reynsluakstur á Akranesi.
AFBORGUNARKJÖR í ALLT AÐ 24 MÁNUÐI.
Bílaumboðið hf
Krókhálsi I, slmi 686633, Reykjavlk. Sýningarsalurinn að Krókhálsi 1 I Reykjavík, verður opinn á laugardaginn ftá kl. 13—17.