Morgunblaðið - 04.05.1989, Blaðsíða 34

34
MORGUNBLAÐIÐ FIMMTUDAGUR 4. MAÍ 1989
„Höfðum engan tíma
til að verða hræddir“
- segir Gunnar Þorvaldsson, flugstjóri
„BÁÐIR hreyflamir drápu
samtímis á sér óvænt og fyrir-
varalaust þegar við áttum
skammt ófarið til lendingar.
Þegar séð varð að við næðum
ekki að svífa inn á flugvöllinn
var ekki um annað að ræða en
nauðlenda á sjónum," sagði
Gunnar Þorvaldsson, flugstjóri,
sem bjargaðist ásamt félaga
sínum Stefáni Ámasyni er
tveggja hreyfla flugvél þeirra,
TF-AFM, sem var af gerðinni
Aero Commander-680, nauðlenti
á sjó 3-500 metra frá flugvellin-
um í Kristiansand í Noregi í
gærkvöldi.
Gunnar sagði að þeir Stefán
hefðu verið á leið frá Svíþjóð til
Kristiansand. „Við vorum með elds-
neyti til fímm tíma flugs og höfðum
verið rúma þijá tíma á lofti þegar
óhappið varð. Það gerir þetta hvað
óskiljanlegast. Mælamir sýndu að
30-40 gallon væru eftir í tönkunum
þegar drapst á hreyflunum. Þetta
líktist helzt eldsneytisleysi og tel
ég núna að um eldsneytisleka hafí
verið að ræða,“ sagði Gunnar er
Morgunblaðið náði tali af honum á
sjúkrahúsi í Kristiansand. Þeir Stef-
án sluppu með skrámur og smá-
vægileg meiðsl.
„Atburðarásin var mjög hröð eft-
ir að drapst á hreyflunum og ég
geri mér ekki fyllilega grein fyrir
því hvað langur tími leið þar til við
lentum á sjónum, líklega hálf til ein
mínúta. Alltjent var Iítill tími til að
hugsa um annað en gera ráðstafan-
ir fyrir nauðlendingu og við höfðum
engan tíma til að verða hræddir.
Eftir skamma stund komu bátar
að flugvélinni, við vorum teknir um
borð og siglt með okkur til Iands,“
sagði Gunnar. Vélin var ekki sokk-
in þegar þeir Stefán yfirgáfu hana
og taldi hann að hún hefði verið
dregin til lands í gærkvöldi. Kom
hún niður á grunnsævi. „Ég efast
um að vélinni verði bjargað þar sem
hún var ekki það verðmæt en við-
gerðarkostnaður væntanlega gífur-
legur," sagði Gunnar.
Að sögn Gunnars var vélin af
árgerð 1969 og því 20 ára gömul.
Keyptu þeir hana nýlega til einka-
nota. Höfðu þeir Stefán viðkomu í
Hönefoss í Noregi á leiðinni til
Kristiansand vegna bilunar, sem
hann sagðist þó telja að tengdist á
engan hátt hreyfilstöðvuninni.
Gunnar Þorvaldsson er flugstjóri
hjá Amarflugi en Stefán Ámason
er búsettur í Svíþjóð. Hann er einn-
ig með flugmannspróf.
Flugvél af gerðinni Rockwell Aero Commander, nánast eins og sú,
sem fórst við Kristiansand.
Samningarnir og fískvinnslan:
Til að veg*a á móti 10%
tapi þarf 13% gengisfall
ÉG HEF enga trú á að stjómvöld
fari að búa til nýtt millifærslu-
kerfi hvað varðar kjarasamning-
inn þannig að i öllu falli hlýtur
hann að verða bættur vinnslunni
í gegn um tekjumar," segir Arnar
Sigurmundsson formaður Sam-
taka fiskvinnslustöðva. Hann seg-
ist ekki sjá til þess aðra leið en
að gengið verði látið síga og telur
líklegast að á þann hátt verði einn-
ig önnur tekjuskerðing vinnslunn-
ar bætt, það er vegna lækkunar
verðbóta til frystiiðnaðarins og
vegna minni endurgreiðslu upp-
safiiaðs söluskatts. Heildarvægi
kjarasamningsins til kostnaðar-
auka vegur 3%, þar af koma 1,5%
strax. A öllu samningstímabilinu
Fossvogsdalur:
þarf að vega upp 7% til 10% tap-
rekstur. Samkvæmt forsendum
Þjóðhagsstofiiunar þarf gengið
því að lækka um 9% til 13%, ef
sú leið verður farin til að vega
tapreksturinn upp.
Taprekstur í greininni er 3% fyrir
kjarasamninga, að sögn Amars.
Samningamir hafa í för með sér
kostnaðarauka fyrir fískvinnsluna
upp á 1,5% til að byija með og þeg-
ar þeir hafa gengið fram til fulls
hafa bæst við önnur 1,5%. Þetta
gerist á næstu átta mánuðum. Eftir
einn mánuð lækkar endurgreiddur
uppsafnaður söluskattur sem nemur
1% og síðan lækka líka verðbætumar
að öllum líkindum sem nemur 1 %
fyrsta júní eða fyrsta júlí og meira
síðar. Samkvæmt forsendum Þjóð-
hagsstofnunar er almennt gert ráð
fyrir að hvert prósentustig sem geng-
ið fellur, vegi upp þijá fjórðu hluta
úr prósenti í taprekstri fiskvinnslunn-
ar og er þá tekið mið af verðhækkun-
um á aðföngum vegna breytinganna.
Það þýðir að til að vega upp 10%
taprekstur þarf ríflega 13% gengis-
sig_ eða gengisfellingu.
I þessum forsendum er ekki reikn-
að með nýju fískverði, sem verður
ákveðið um næstu mánaðamót.
Amar segist enga leið sjá aðra
færa, heldur en að gengið verði látið
síga, þar sem ekki sé hægt að gera
ráð fyrir verðhækkunum á erlendum
mörkuðum.
Málsmeðferðin háskaleg*
hagsmunum Kópavogs
- segir Signrður Grétar Guðmundsson fyrrv
„ÉG tel málsmeðferð bæjarstjórnar Kópavogs á Fossvogsdal vera, vægt
til orða tekið, óskynsamlega og háskalega fyrir hagsmuni Kópavogs,"
sagði Sigurður Grétar Guðmundsson í samtali við Morgunblaðið, en
hann var fulltrúi Alþýðubandalagsins í bæjarstjórn Kópavogs á árunum
1966 til 1974, þegar samningurinn milli Reykjavíkur og Kópavogs um
Fossvogsdal var gerður. Sagði hann einn af homsteinum í uppbyggingu
bæjarins vera góð samskipti við nágrannasveitarfélögin og þá ekki síst
Reykjavík. Allir samningar sem gerðir hafa verið við Reykjavíkurborg
hafi verið Kópavogskaupstað ákaflega hagstæðir.
Sigurður sagði að engu máli skipti
hvaða skoðun menn hefðu á því hvort
Fossvogsbraut ætti rétt á sér eða
ekki. „Það hefur ekki verið rætt neitt
um Fossvogsbrautina á vitrænum
grunni í Kópavogi. Málið hefur verið
rekið eins og trúboð af hálfu bæjar-
stjómar Kópavogs og menn einróma
um að ekki komi til greina að ræða
um Fossvogsbrautina öðruvísi en að
hún verði ekki lögð,“ sagði Sigurður.
„Ég vil sjálfur ekki Iáta uppi hver
mín skoðun er, en vil benda á að aldr-
ei hefur verið rætt um hvaða afleið-
ingar það hefur ef brautin verður
lögð og ekki síður hvaða afleiðingar
það hefur fyrir byggðina í kring,
ekki síst í Kópavogi, ef brautin verð-
ur ekki Iögð. Það má benda á að það
eru fleiri umhverfismál en gras og
grænar grundir. Umferðin og um-
ferðarkerfíð á höfuðborgarsvæðinu
er ekki síður mjög mikilvægt um-
hverfismál.
Þá er ógeðfellt hvemig bæjar-
stjómin beitir íþróttafélagi Kópavogs
fyrir sig, sem nokkurskonar bryn-
. bæjarfiilltrúi Abl.
vöm. Heldur mikla hátíð og úthlutar
þeim landi á þessu umdeilda svæði
og afhendir eina milljón króna til
framkvæmda. Ef óbreytt stefna verð-
ur í þessu máli af hálfu bæjarstjómar
þá sé ég ekki að íþróttafélag Kópa-
vogs geti nýtt sér þetta land, jafnvel
næsta áratuginn, ef allt fer í logandi
málaferli.
Ég skil ekki hvað hefur komið yfir
menn að efna til styijaldar við
Reykjavík. Menn verða að setjast nið-
ur og semja og hætta að haga sér
eins og smákrakkar í sandkassa eíns
og bæjarstjómin gerir nú og gerast
þess í stað virtir bæjarfulltrúar.
Ég ætlað að vona, að sem flestir
mæti á þennan borgarafund og að
hann verði ekki eingöngu einhver
samkoma, þar sem menn hrópa húrra
fyrir málsmeðferð bæjarstjórnar, sem
er fyrir neðan allar hellur," sagði
Sigurður.
Laugarásbíó hefúr tekið til sýninga myndina „Martröð á Álm-
stræti“.
Laugarásbíó sýnir
„Martröð á Almstræti“
LAUGARÁSBÍÓ hefúr tekið til
sfyninga myndina „Martröð á
Álmstræti".
Þetta er 4. myndin í kvik-
Félag Snæfellinga
og Hnappdæla
í Reykjavík:
Kaffiboð fyrir
eldri héraðsbúa
EINS og undanfarin ár eftiir
Snæfellingafélagið til kaffi-
boðs fyrir eldra fólk úr hérað-
inu sunnudaginn 7. maí nk.
klukkan 15 í Sóknarsalnum,
Skipholti 50a.
Aðalfundur félagins hefst síðan
klukkan 17.30. Auk venjulegra
aðalfundarstarfa verður þar rætt
um kaup á húseign fyrir félagið.
Þá er hafinn undirbúningur
undir sólarlandaferð félagsins í
haust og þeim sem áhuga hafa
fyrir því veittar upplýsingar þar
um.
(Fréttatilkynning)
Dráttarvéla-
námskeið
NÁMSKEIÐ í akstri og með-
ferð dráttarvéla er að hefjast
og standa þau til 7. maí. Nám-
skeiðin eru annars vegar fyrir
unglinga fædda árin 1974 til
1976 og hins vegar fyrir ungl-
inga sem orðnir eru 16 ára, og
taka þeir próf sem veitir rétt-
indi til að aka dráttarvélum á
vegum.
Innritun á námskeiðin fer fram
í Dugguvogi 2 í dag, fimmtudag,
frá kl. 10-12, en allar nánari upp-
lýsingar eru veittar hjá Umferðar-
ráði, Búnaðarfélagi Islands og hjá
Bifreiðastjóranámsekeiðunum að
Dugguvogi 2.
Vorferðalag
barnastarfs-
Seltjarnarnes-
kirkju
Laugardaginn 6. maí verður
farið í árlegt vorferðalag
barnastarfs kirkjunnar á Sel-
tjarnaraesi.
Fyrirhugað er að fara suður
með sjó og aka sem leið liggur út
á Reykjanestá. Þar verður vorið
skoðað í fjörunni og farið í ýmsa
útileiki. Helgistund verður í
Hvalsneskirkju, þar sem sóknar-
presturinn, sr. Hjörtur Magni Jó-
hannsson, tekur á móti hópnum.
Þar verður börnunum veitt viður-
kenning fyrir góða mætingu í
barnastarf kirkjunnar í vetur.
Hressing verður síðan í gamla
prestssetrinu að Útskálum, þar
sem börnin borða pylsur í boði
myndaröðinni um Fredda, morð-
ingjann sem kemur sér inn í
drauma fólks og hrellir það.
Seltjamarnessafnaðar, áður en
haldið verður heim á leið.
Foreldrar, systkini, afar og
ömmur em hjartanlega velkomin
með í þessa ferð, en lagt verður
af stað frá Seltjarnarneskirkju
laugardaginn 6. maí kl. 13.00.
Ráðgert er að koma til bæjarins
aftur um kl. 18.00.
(Fréttatilkynning)
Kabarett
Inferno 5
INFERNO 5 mun standa fyrir
kabarett á veitingahúsinu 22 á
Laugavegi 22, í kvöld fimmtu-
dagskvöld og á morgun fiistu-
dagskvöld.
Kabarettinn inniheldur meðal
annars tónlist oggerninga í nýfút-
úrískum dadaanda kabaretthefð-
arinnar. Einnig munu skáldin
Bragi Ólafsson, Einar Melax og
Þorri heiðra Inferno með upp-
lestri sínum.
Að lokum mun hljómsveitin
Inferno 5 leika fyrir dansi. Þann
7. maí mun fjöllistahópurinn In-
ferno 5 síðan halda til Kaup-
mannahafnar og setja upp sjón-
leikina „Rykdjöfla“ og „Klumbu-
dansinn“ á hátíðinni „Fremtidens
rums“ þar í borg.
Skagfirska
söngsveitin
heldur
tónleika
SKAGFIRSKA söngsveitin
heldur á uppstigningardag,
fimmtudaginn 4. maí, tónleika
í Víðistaðakirkju í Haftiarfirði
og heljast þeir klukkan 20.30.
Sunnudaginn 7. maí lýkur
starfsári söngsveitarinnar með
tónleikum í Árnesi klukkan 16 og
í HveTagerðiskirkju klukkan 21.
Einsöngvarar með kómum em:
Fríður Sigurðardóttir, Guðmund-
ur Sigurðsson og Halla S. Jónas-
dóttir. Stjórnandi er Björgvin Þ.
Valdimarsson og píanöleikari Vio-
leta Smid.
Tónleikar í
Tunglinu
HLJÓMSVEITIN Rikshaw
heldur tónleika í. Tunglinu á
morgun fostudaginn 5. maí og
laugardaginn 6. maí.
Hljómsveitin mun kynna nýtt
efni af væntanlegri hljómplötu en
Rikshaw heldur til Bandaríkjanna
innan fárra vikna til hljóðritunar
á nýrri breiðskífu.
Hljómsveitina skipa þeir Ric-
hard Scobie, Sigfús Örn Óttars-
son, Dagur Hilmarsson, Ingólfur
Sverrir Guðjónsson og Sigurður
Gröndal. Hljóðmaður er Bjarni
Friðriksson.
Einnig kemur fram gestahljóm-
sveit og Glaumar frá Akureyri
leika fyrir gesti í Bíókjallaranum.