Morgunblaðið - 14.12.1989, Blaðsíða 42

Útgerðarfélag KEA:
Frystitogarinn Snæfell seldur
frá Hrísey til Grindavíkur
Sigurður Þorleifsson GK tekinn upp í kaupin
SNÆFELL EA 740, frystitogari Útgerðarfélags KEA, hefiir verið
seldur til Grindavíkur, en það er útgerðarfyrirtækið Þorbjörn hf.
sem keypti togarann. Útgerðarfélag KEA tekur Sigurð Þorleifsson
GK 256 upp í kaupin. Skipt verður á skipunum í Reykjavík 2. jan-
úar næstkomandi. Útgerðarfélag KEA keypti Snæfellið á síðasta
ári, skipið var smíðað í Flekkufirði í Noregi og kom það í fyrsta sinn
til heimahafnar, Hríseyjar, síðari hluta októbermánaðar í fyrra.
Jóhann Þór Halldórsson fram-
kvæmdastjóri Útgerðarfélags KEA
í Hrísey sagði allt óráðið hvað gert
yrði við Sigurð Þorleifsson GK er
félagið fengi hann afhentan, verið
væri að skoða þau mál og ákvörðun
lægi pkki fyrir fyrr en um áramót.
„Menn eru að spá í spilin og það
er ýmislegt sem kemur til greina,“
sagði Jóhann Þór. Útgerðarfélag
KEA keypti Súlnafellið frá Þórs-
höfn í mars á þessu ári og hefur
það ásamt Sólfellinu iandað afla til
vinnslunnar í landi. Jóhann Þór
sagði að afli þessara tveggja skipa
hefði dugað vinnslunni á þessu ári.
„Með lagni getur kvóti Sólfells og
Súlnafells enst nokkuð og hann
gerði það í ár. En það er alltaf að
harðna á dalnum og ljóst að mun
meiri samkeppni verður um fiskinn
í sjónum á næsta ári en var,“ sagði
Jóhann Þór.
Jóhann Þór vildi ekki gefa upp
hvert kaupverð skipsins var, en
tryggingaverðmæti þess var, miðað
við 1. júní síðastliðinn, 532,4 millj-
ónir króna. Heildarsmíðaverð skips-
ins nam á síðasta ári 471 milljón
króna, en Útgerðarfélagið fékk um
60 milljónir króna fyrir gamla Snæ-
fellið sem norska skipasmíðastöðin
tók upp í og niðurgreiðsla norska
ríkisins vegna smíðinnar nam um
það bil 15% af kaupverðinu, þannig
að ný fjárfesting félagsins vegna
kaupa á Snæfellinu nam á síðasta
ári 340 milljónum króna.
Sigurður Þorleifsson GK var
smíðaður í Slippstöðinni á Akureyri
árið 1973 og er alhliða togskip, um
160 tonn að stærð. Tryggingaverð-
mæti hans var miðað við 1. júní
síðastliðinn 87,6 milljónir króna.
Sigurður Þorleifsson GK er á afla-
marki og er kvóti hans 413 tonn
af þorski, 92 tonn af ýsu, 234 tonn
afíifsa, 20 tonn af karfa, 40 tonn
af rækju og 1.100 tonn af síld.
Snæfellið er á sóknarmarki og má
að hámarki veiða 1.045 tonn af
þorski, 1.550 tonn af karfa og 550
tonn af grálúðu og aðrar tegundir,
eins og ýsu og ufsa eins og sóknar-
dagar hans leyfa.
Með sölu Snæfellsins tapast
nokkur kvóti úr byggðarlaginu, en
skipið hefur ekki lagt upp hráefni
í Hrísey, þar sem það er frystiskip.
í áhöfn Snæfellsins eru átta Hrísey-
ingar, en allri áhöfn skipsins hefur
verið sagt upp störfum.
Morgunblaðið/Rúnar Antonsson
Jólaföndur í Dalvíkurskóla
Hefð er orðin fyrir því að foreldrar og börn fjölmenni í Dalvíkurskóla
fyrir jólin og eigi saman dagstund við að útbúa muni til að prýða
heimili sín yfir hátíðirnar. Kennarar skólans undirbúa daginn, taka
til efni og annað slíkt, og krakkar í 9. bekk standa fyrir kaffisölu. Þá
eru spiluð jólalög til að auka enn á stemmninguna. Þessi föndurdagur
hefur átt miklum vinsældum að fagna jafnt hjá börnum og foreldrum
og heyrst hefur að dagurinn njóti slíkrar hylli að það fólk sem ekki
á börn á skólaaldri fái þau lánuð þennan dag til að geta tekið þátt..
Fundur um virðisaukaskatt
Meistarasamband byggingamanna efiiir til fúndar um virðisauka-
skatt í iðnaði og byggingastarfsemi, í kvöld, fimmtudagskvöld og
hefst hann kl. 20.00. Fundurinn verður haldinn í Alþýðuhúsinu, á
fjórðu hæð.
Á fundinn koma fulltrúar frá
Landssambandi iðnaðarmanna,
meistara- og verktakasambandi
byggingamanna og frá ríkisskatt-
stjóra. I fyrstu verður almennt fjall-
að um virðisaukaskatt og fram-
kvæmd hans og síðan verða teknar
fyrir sérstakar reglur um fram-
kvæmd virðisaukas^atts í bygg-
ingariðnaði.
Styttan var a Hamarkotsklöppum
í FRÉTT í blaðinu fyrr í vikunni
var greint frá því að styttan af
Helga magra og Þórunni hyrnu
hefði verið tekin niður af stalli
sínum og færð í kyndistöð Hitaveitu
Akureyrar. Þar var sagt að styttan
hefði verið á Miðhúsaklöppum, sem
er rangt, staðurinn sem styttan
hefur verið á síðastliðin 30 ár heit-
ir Hamarkotsklappir. „Hæðirnar
upp af Oddeyri heita Hamarkots-
klappir og ná vesturundir hið gamla
Kotártún. Draga þær nafn sitt af
hjáleigunni Hamarkoti," segir í
bæklingnum Örnefni í Akureyrarl-
andi, sem Stemdór Steindórsson frá
Hlöðum tók saman.
Alþýðubankinn og Menor:
Ruth Hansen á
listkynningu
Menningarsamtök Norðurlands
og Alþýðubankinn kynna lista-
konuna Ruth Hansen, en hún er
fædd á Akureyri árið 1944. Á list-
kynningu sem nú stendur yfir í
Alþýðubankanum eru 9 verk eftir
Ruth, öll unnin í olíu á striga.
Ruth sótti námskeið í Myndlistar-
skólanum á Akureyri 1974-81. Hún
er einn þeirra sem standa að Mynd-
hópnum og hefur tekið þátt í sam-
sýningum hópsins frá 1979.
Ruth hefur haldið tvær einkasýn-
ingar, í Gamla Lundi á Akureyri
1985 og á Selfossi sama ár. Þá hef-
ur hún tekið þátt í fjölda samsýn-
inga víða um Norðurland.
Sýningunni í Alþýðubankanum
lýkur 2. febrúar 1990.
Morgunblaoið/Runar
Sumarskyrið best
Verðlaun voru veitt fyrir bestu skyrhræruna í sam-
keppni sem Mjólkursamlag Kaupfélags Eyfirðinga
stóð fyrir, í fyrradag. Best þótti Sumarskyr Magnús-
ar Kristinssonar og fékk það fyrstu verðlaun. Auk
þess voru veitt fimm önnur verðlaun til handa þeim
sem einnig sendu inn góðar skyrhrærur að mati
dómnefndar. Alls bárust á annað hundrað skyr-
hrærur í keppnina og var dómnefnd mikill vandi á
höndum að velja úr, að sögn Margrétar Kristins-
dóttur formanns dómnefndar. Þórarinn Egill Sveins-
son mjólkursamlagsstjóri gerði við verðlaunaaf-
hendinguna grein fyrir sögu skyrsins frá landnáms-
öld og ýmsum þeim erfiðleikum sem við er að etja
varðandi framleiðsluna, en skyr væri ein þeirra
vörutegunda sem væri alíslensk og því ekki hægt
að sækja í smiðju útlendinga. Tilgangur samkeppn-
innar var, að sögn Þórarins, að vekja athygli á
skyrinu, en nýlega hóf mjólkursamlagið að fram-
leiða hrært skyr í dósum auk þess sem unnendur
skyrsins geta enn fengið gamla góða „barnaskyrið“
í sellofanumbúðum. Á myndinni eru þeir sem hlutu
verðlaun í samkeppninni ásamt Margréti Kristins-
dóttur formanni dómnefndar.
Forsvarsmenn Akureyrarbæjar skoðuðu Dagshúsið;
Morgunblaðið/Rúnar Þór
Verk eftir Ruth Hansen eru til
sýnis á listkynningu Alþýðubank-
ans og Menningarsamtaka Norð-
urlands
Hentar ekki nægilega vel sem
skrifstofiihúsnæði fyrir bæinn
- segir Sigurður J. Sigurðsson forseti bæjarsljórnar
HÖRÐUR Blöndal framkvæmdastjóri Dags og Dagsprents hf. seg-
ir að allra leiða verði leitað til að fá fjármagn inn í rekstur fyrir-
tækjanna og væru menn opnir fyrir öllum tilboðum í því sam-
bandi. Sameining fyrirtækjanna tveggja og Prentverks Odds
Björnssonar hf. er í biðstöðu þar sem ekki hefiir tekist að selja
eignir, en forsvarsmenn Akiireyrarbæjar skoðuðu Dagshúsið fyrir
skömmu með það í huga að það gæti nýst bænum sem skrifstofú-
húsnæði.
Sigurður J. Sigurðsson forseti
bæjarstjórnar sagði í sar.itali við
Morgunblaðið að - Akureyrarbæ
hefði ekki borist formlegt erindi
vegna hugsanlegra kaupa á hús-
inu, en það hefði verið orðað við
menn og húsið hefði verið skoðað
í þeim tilgangi að athuga hvort
það nýttist bænum sem skrifstofu-
húsnæði. Málið var rætt á bæjar-
ráðsfundi í fyrradag og var niður-
staðan sú að húsið hentaði ekki
nægilega vel fyrir starfsemi bæj-
arins.
Byggðastofnun hefur verið boð-
ið húsið til kaups, en ekkert form-
legt svar hefur borist við erindinu,
en Hörður Blöndal sagði það nokk-
uð ljóst að stofnunin myndi ekki
kaupa húsið undir sína starfsemi
í bænum.„Ef okkur tekst að selja
húsið þá teljum við okkur sleppa,
án þess að til komi viðbótarfjár-
magn inn í reksturinn," sagði
Hörður. Eigendur blaðsins eru
Framsóknarflokkur Akureyrar og
Framsóknarflokkur Eyjafjarðar.
Hörður segir að nú séu breyttir
tímar að því leyti að öðrum hlut-
höfum gefist kostur á að koma inn
í reksturinn. „Við munum leita
allra leiða til að fá fjármagn inn
í reksturinn og erum opnir fyrir
öllum tilboðum."
Fimm mánaða greiðslustöðvun
Dags og Dagsprents rennur út 7.
janúar næstkomandi og segir
Hörður að mál fyrirtækjanna þurfi
að fara að skýrast sem fyrst.
Gunnar Þórsson skrifstofustjóri
POB sagði að varðandi sameiningu
fyrirtækjanna væri ljóst að selja
þyrfti húseign annars hvors fyrir-
tækisins. „Þetta mál er í biðstöðu,
það er enginn kaupandi í sjónmáli
hjá okkur, en menn hafa eyru og
augu opin fyrir þessu,“ sagði
Gunnar.