Morgunblaðið - 26.04.1990, Blaðsíða 1

64 SIÐUR B
93. tbl. 78. árg.
FIMMTUDAGUR 26. APRÍL 1990
Prentsmiðja Morgunblaðsins
V estur-Þýskaland:
Lafontaine illa særður
eftir hnífstungn í Köln
Öryggisverðir leiða á brott
konu sem reyndi að bana
Oskar Lafontaine, kanslara-
efhi vestur-þýskra jafhaðar-
manna, á fundi í Köln. Á inn-
felldu myndinn sést Lafont-
aine á blaðamannafundi i
Reykjavík í lok ágúst á síðast-
liðnu ári. Þar sagði hann m.a.
að alþjóðahyggja væri kjarni
jafhaðarstefhunnar og aldrei
hefði verið meiri þörf á henni
en nú.
Köln. Reuter, dpa.
REYNT var að myrða Oskar Lafontaine, kanslaraefiii vestur-þýskra
jafnaðarmanna, á kosningafundi í Köln í gærkvöldi. Hvítklædd kona
með fangið fúllt af blómum gekk að Lafontaine, sem var meðal ræðu-
manna og stóð á sviði iielstu samkomuhallar borgarinnar, Stadthalle.
Áður en nokkrum vörnum varð við komið stakk hún stjórnmálaleiðtog-
ann í hálsinn með hnífi. Lafontaine hneig blæðandi á gólfið, önnur
hálsslagæðin mun hafa skaddast. Flogið var með kanslaraefhið í þyrlu
á háskólasjúkrahúsið í Köln og er síðast fi-éttist var hann ekki lengur
talinn í verulegri lífshættu. Ekkert var vitað um ástæðuna fyrir tilræð-
inu en ósennilegt talið að konan tengdist hryðjuverkahópum.
Lífverðir handsömuðu þegar til-
ræðismanninn. Þeir sögðu að hún
hefði tekið sér sæti í næst fremstu
sætaröð í salnum og hefði verið
búin að reyna oft að komast upp á
sviðið en ávallt verið vísað á brott.
Er Johannes Rau, forsætisráðherra
Nordrhein-Westfalen og fyrrum
kanslaraefni jafnaðarmanna, hafði
nýlokið ræðu sinni komst konan
skyndilega upp á sviðið, fékk leyfi
til að biðja Lafontaine um eiginhand-
aráritun. „Lafontaine og Rau stóðu
hlið við hlið við borðið og veifuðu
til áheyrenda," sagði sjónvarps-
fréttamaðurinn Thomas Marowski.
„Fagnaðarlætin voru gífurleg. Þá
kom þessi kona skyndilega upp með
blómvöndinn og litla bók undir eigin-
handaráritanir í hendinni. Ég sá
ekki hvernig hún komst upp. Og allt
í einu gerðist þetta." Æstir lögreglu-
menn og öryggisverðir hrópuðu á
hana eftir tilræðið og heimtuðu að
hún segði til nafns en konan neitaði
að svara. Lögreglumenn í borgara-
legum klæðum leiddu hana að lokum
á brott; yfirvöld sögðu síðar að hún
héti Adelheid Streidel, væri 42ja ára
og frá bænum Bad Neuenahr, sunn-
an við Bonn. Fjölmiðlar hafa eftir
heimildum innan lögreglunnar að
Streidel sé haldin ofsóknaræði og
mögulegt væri að pólitískar ástæður
væru að baki verkinu. Vopnið reynd-
ist vera 20 sm langur slátrarahnífur.
Eftir árásina slógu öryggisverðir
skjaldborg um Johannes Rau og
hélt hann þegar á brott. Á sjónvarps-
skjánum sást Lafontaine, liggjandi
við borð ræðumannanna og foss-
blæddi úr sárinu. Sjúkrahúslæknar
börðust í tvær stundir við að bjarga
lífí stjórnmáláleiðtogans. Enn er
ovíst hvort Lafontaine bíður varan-
legan skaða af árásinni.
Salurinn í Köln var þéttskipaður
fólki en fundurinn var þáttur í kosn-
ingabaráttu fyrir þingkosningar í
sambandsríkinu sem verða í næsta
mánuði.
Lafontaine, sem er 46 ára að aldri
og eðlisfræðingur að mennt, vann
yfirburðasigur í kosningum í Saar-
landi í janúar síðastliðnum en þar
er hann forsætisráðherra. í mars
ákvað hann að taka boði flokksfé-
laga sinna um að verða kanslaraefni
jafnaðarmanna í vestur-þýsku þing-
kosningunum í desember nk. Stjórn-
málaskýrendur telja að hann sé
líklegastur allra leiðtoga stjórnar-
andstöðunnar til að geta velgt
Helmut Kohl, kanslara og formanni
kristilegra demókrata, undir uggum
og jafnvel sigrað í kosningunum.
Oskar Lafontaine kom í stutta
heimsókn til íslands í ágúst sl. í
boði íslenskra jafnaðarmanna.

Reuter
Sjálfstæðiskröfur Eystrasaltsþjóðanna:
Lettar búa sig undir efiia-
hagsþvinganir Sovétmanna
Litháar ræða viðskipti við nýkjörna umbótasinna í valdastöðum í Sovétríkjunum
Riga. Frá Páli Þórhallssyni, blaðamanni Morgunblaðsins. Reuter.
ÞVINGUNARAÐGERÐIR sov-
éskra stjórnvalda gegn Litháum
eru þegar farnar að hafa nokk-
Chamorro sver
embættiseið
Violeta Chamorro sór í gær emb-
ættiseið sem forseti Nicaragua.
Hún lýsti því strax yfir að hún
yrði æðsti yfirmaður varnarmála
en myndi láta Humberto Ortega,
yfirhershöfðingja landsins, sem
kemur úr röðum sandinista og er
bróðir fráfarandi forseta, halda
stöðu sinni. Ákvörðunin hefur
valdið mikilli óánægju meðal
stuðningsmanna Chamorros en
nýi forsetinn telur þetta nauðsyn-
legt til að ná þjóðarsátt eftir borg-
arastyrjöldina.
Sjá einnig frétt á bls. 24.
Reuter
ur áhrif á líf fólks í nágrannalýð-
veldunum Lettlandi og Eist-
landi. Lettar fá mikinn hluta
olíu sinnar og bensíns frá Lithá-
en. Bensín er nú vart fáanlegt
í höfúðborginni, Riga, nema á
ákveðnar bifreiðir i eigu ríkis-
ins. Baldurs Apinis, aðstoðarrit-
stjóri Atmoda, vikurits Þjóð-
fylkingarinnar í Lettlandi, segir
að Lettar séu þegar farnir að
búa sig undir hugsanlegar efha-
hagsþvinganir af hálfú sovéskra
stjórnvalda fari svo að þing
landsins lýsi yfir sjálfstæði þeg-
ar það kemur saman 3. maí nk.
Að sögn Apinis gera Lettar sér
vonir um að ná samningum við fyr-
irtæki annars staðar í Sovétríkjun-
um á næstu dögum um gagnkvæm
viðskipti. Þegar blaðamaður Morg-
unblaðsins spurði hvort hann teldi
líklegt að sovésk stjórnvöld myndu
líða slík viðskipti vitnaði hann í
sovésk lög þar sem segir að standi
miðstjórnarvaldið í Sovétríkjurlum
ekki við gerða samninga um að sjá
lýðveldum fyrir vörum þá megi fyr-
irtæki grípa til eigin ráða. Hann
taldi að sovésk stjórnvöld myndu
hugsa sig tvisvar um áður en þau
hindruðu slík viðskipti. Að sögn
fréttaritara Morgunblaðsins í Finn-
landi er talið að áframhaldandi
efnahagsþvinganir Moskvustjórn-
arinnar geti fljótlega farið að valda
matvælaskorti í Leníngrad en borg-
arbúar hafa lengi keypt mikið af
landbúnaðarafurðum frá Litháen.
í fréttum Reuters-fréttastofunn-
ar kemur fram að Litháar hafi
rætt viðskiptamál við nýkjörnar
borgarstjórnir í Moskvu, Leníngrad
og Lvov en á þessum stöðum eru
róttækir umbótasinnar nú í meiri-
hluta. Kazimiera Prunskiene, for-
sætisráðherra Litháens, sagði í
samtali við útvarpið í Vilnius að
landsmenn ættu marga vini í borg-
arstjórn Moskvu og olíuverkamenn
í Tjúmen-héraði í Síberíu hefðu
krafist þess að fá leyfi til að selja
Litháum olíu og kaupa af þeim kjöt
í staðinn.
Um tveir þriðju hlutar lettneskra
þingmanna eru fylgismenn Þjóð-
fylkingarinnar, sem berst fyrir
sjálfstæði landsins. Baldurs Apinis
telur líklegt að þingið fari leið sem
er mitt á milli þeirrar sem Litháar
og Eistlendingar, er hafa samþykkt
að beijast fyrir fullu sjálfstæði í
áföngum, hafa fetað. „Ég tel að
sjálfstæði verði lýst yfir með einum
eða öðrum hætti,“ segir hann, „en
Gorbatsjov jafnframt gefinn kostur
á að svara á skynsamlegan hátt.
En að sjálfsögðu vitum við ekki
hvað Gorbatsjov gerir fram að 3.
maí né eftir það. í síðustu viku,
þegar fulltrúar okkar voru í
Moskvu, lqfaði Gorbatsjov öllu
fögru ef við hættum við að lýsa
yfir sjálfstæði. En hvernig er hægt
að taka mark á orðum manns sem
með efnahagsþvingunum gagnvart
Litháum þverbrýtur lög um efna-
hagsmál sem sett voru fyrir hálfu
Sjá ennfremur frétt á bls. 24.