Morgunblaðið - 26.04.1990, Page 27

MORGUNBLAÐIÐ FIMMTUDAGUR 26. APRIL 1990
27

. u .................................

Niðurstöður endurskoðenda íslandsbanka:
Leiðrétt kaupverð
Utvegsbanka Is-
lands 859 milljónir
ENDURSKOÐENDUR íslandsbanka komust að þeirri niðurstöðu í
skýrslu sinni um reikningsskil Utvegsbanka og útlán, að til frádrátt-
ar grunnverði hlutabréfanna 1.450 milljónir skyldi dragast frá 591
milljón. Leiðrétt kaupverð fyrir hlutabréfín í Utvegsbankanum yrði
því 859 milljónir. Viðræður fúlltrúa viðskiptaráðherra við Islands-
banka um endanlegt kaupverð hafa ekki leitt til niðurstöðu og verð-
ur því leitað úrskurðar bankaeftirlits Seðlabankans eins og kom fram
í blaðinu í gær.
Brynjólfur Bjarnason, formaður
stjórnar Eignarhaldsfélags Iðnaðar-
bankans hf., greindi frá þessu á
aðalfundi félagsins í gær. Hann
sagði að í skýrslu endurskoðend-
anna kæmi fram að þeir hefðu at-
hugað sérstaklega tvo þætti, ann-
arsvegar reikningsskilaaðferðir sem
Sjálfstætt framboð á ísafírði;
Haraldur boðínn fram
sem pólitískur bæjarstióri
Sjálfstæðisflokkur krefst afsagnar bæjarstjórans
HARALDUR L. Haraldsson, bæjarstjóri á ísafirði, segist stefha að
því að standa fyrir umbótum á fjármálum ísafjarðarkaupstaðar á
næsta kjörtímabili sem pólitískur bæjarstjóri. Haraldur er efsti mað-
ur á lista framboðs undir nafiiinu Sjálfstætt framboð, sem býður fram
I-lista, en aðrir frambjóðendur á listanum eru yfirlýstir sjálfstæðis-
menn, þar á meðal formaður Sjálfstæðisfélagsins á staðnum. Fulltrúar-
áð sjálfstæðisfélaganna á Isafirði hefúr harmað þá ákvörðun ein-
stakra forustumanna úr röðum sjálfstæðismanna á Isafírði að efúa
til sérstaks framboðs, og segir hana fúrðulega. Ráðið telur jaftiframt
að bæjarstjórinn eigi að víkja úr starfi nú þegar.
Ólafur Helgi Kjartansson, efsti
maður á lista Sjálfstæðisflokksins,
sagði að sér væri það algerlega
óljóst, hvers vegna sjálfstæðismenn
teldu sig þurfa að fara í sérfram-
boð, án þess að um væri að ræða
málefnaágreining og án þess að
hafa notfært sér tækifæri til að
gefa kost á sér í prófkjöri Sjálfstæð-
isflokksins.
í yfirlýsingu stjórnar fulltrúaráðs
flokksins segir að sumir þeirra sem
standa að sérframboðinu hafi starf-
að í fulltrúaráðinu undanfarnar vik-
ur og mánuði við framkvæmd próf-
kjörs og endanlega ákvörðun um
röðun framboðslista, en aldrei gert
athugasemd eða ágreining við störf
fulltrúaráðsins eða ákvarðanir.
Þegar Ólafur var spurður hvaða
áhrif hann teldi Sjálfstætt framboð
hafa á framboð Sjálfstæðisflokks-
ins, sagði hann að gera mætti ráð
fyrir að það dragi fylgi frá Sjálf-
stæðisflokknum. Sjálfstæðisflokk-
urinn á nú 4 bæjarfulltrúa, Alþýðu-
flokkurinn 3 og Alþýðubandalag og
Framsóknarflokkur 1 hvor. Ólafur
sagði að Sjálfstæðisflokkurinn ætl-
aði að leggja allt undir til að ná
meirihluta í bæjarstjórninni.
Aðhald í fjármálnm
Haraldur L. Haraldsson var ráð-
inn bæjarstjóri af meirihluta Al-
þýðubandalags, Alþýðuflokks og
Framsóknarflokks en hann var
fyrst ráðinn bæjarstjóri af meiri-
hluta Sjálfstæðisflokks og óháðra
fyrir 9 árum. Haraldur sagði á
fréttamannafundi í gær, að menn,
sem hefðu áhyggjur af fjármálum
Isafjarðarkaupstaðar, hefðu haft
samband við sig í síðustu viku þar
sem hann sat fund bæjarstjóra aust-
ur á fjörðum, og óskað eftir að
hann tæki fyrsta sætið á nýjum lista
og stæði fyrir umbótum á fjármál-
um Ísaíjarðarkaupstaðar næsta
kjörtímabili sem pólitískur bæjar-
stjóri.
Haraldur, sem hafði fyrr í vetpr
lýst því yfir að hann hyggðist flytja
búferlum til Reykjavíkur nú í vor,
sagðist nú vera tilbúinn til að tak-
ast á við vanda ísafjarðar, fengi
hann til þess brautargengi. Hann
sagði að stefnuskrá framboðsins
hefði ekki verið sett fram enn,
umfram það að gætt verði aðhalds
í fjármálum og dregið úr öllum
framkvæmdum um sinn. Að hans
sögn er ijárhagsstaða ísafjarðar
álíka slæm um hún var þegar hann
tók við störfum árið 1981. Framan
af hefði tekist að bæta hana, en
síðan hafi hallað aftur á verri veg
og nú vanti 3% upp á að tekjur
dugi fyrir útgjöldum.
Haraldur vildi ekki á fundinum
gagnrýna sérstaklega stefnu núver-
andi meirihluta, enda hefði hann
átt mjög gott samstarf við bæjar-
fulltrúa. Hann sagðist aðspurður
ekki sjá neina ástæðu til að segja
af sér sem bæjarstjóri, þótt hann
væri kominn í framboð á móti þeim
meirihluta sem hann starfar fyrir.
Hann hefði þó gert fulltrúum meiri-
hlutans grein fyrir stöðu mála og
það væri þeirra að taka afstöðu til
þess.
Smári Haraldsson, formaður
bæjarráðs og bæjarfulltrúi Alþýðu-
bandalagsins, sagði við Morgun-
blaðið að komin væri upp sérstök
staða í bæjarstjórninni og meirihlut-
inn hefði ekki tekið endanlega af-
stöðu til hennar. Hann sagðist þó
eiga von á að Haraldur lyki
kjörtímabili sínu sem bæjarstjóri,
þótt hann sæti ekki áfram á meiri-
hlutafundum.
Stjórn Fulltrúaráðs sjálfstæðisfé-
laganna hefur lýst því yfir, að hún
líti svo á að með þátttöku í Sjálf-
stæðu framboði sé bæjarstjórinn
kominn í yfirlýsta andstöðu við
starfandi bæjarfulltrúa og beri að
víkja úr starfi nú þegar.
Smári Haraldsson sagði að Har-
aldur hefði áður gagnrýnt stefnu
bæjarstjórnar og fundist að ráðist
væri í of miklar framkvæmdir og
:þar al' leiðandi safnað of miklum
skuldum. Smári sagðist þó ekki sjá
að framboð Haraldar nú myndi
skaða framboð núverandi meiri-
hlutaflokka í komandi kosningum.
Óánægja með framboðslista
Sjáfstæðisflokks
' Ágreiningur kom upp á yfirborð-
ið hjá sjálfstæðismönnum á ísafirði
við frágang framboðslista Sjálf-
stæðisflokksins. Guðmundur Þórð-
arson formaður Sjálfstæðisfélags
ísfirðinga, sem er einn af forsvars-
mönnum nýja framboðsins, segir
að skiptar skoðanir hafi verið um
það, hvort efna ætti til prófkjörs
og einnig um framkvæmd þess.
Eftir að listinn hafi komið fram
hafi orðið vart mikillar óánægju
margra ísfirðinga með listann og
einnig hafi komið fram efasemdir
um forystuhæfileika efsta manns-
ins, Ólafs Helga Kjartanssonar.
Segir Guðmundur, að mat hans
og annarra aðstandenda Sjálfstæðs
framboðs hafi verið, að þetta tvennt
gæti valdið því, að flokkurinn fengi
minna fylgi í kosningunum en ella
hefði orðið og staða Sjálfstæðis-
flokksins yrði gríðarlega veik á
ísafirði ef ekkert yrði að gert.
Guðmundur sagði að frambjóð-
endur Sjálfstæðs framboðs væru
allir sjálfstæðismenn og ekki kæmi
til greina af sinni hálfu að segja
af sér formennsku í Sjálfstæðisfé-
laginu. Hann bætti við að á þriðju-
dag hefði boðum verið komið til
forystu Fulltrúaráðs sjálfstæðisfé-
laganna og efsta manns Sjálfstæð-
isflokksins, að aðstandendur Sjálf-
stæðs framboðs væru til viðræðu
um einhvers konar samkomulag.
Slíkt yrði þó að vera að frumkvæði
fulltrúaráðsins. Sagði Guðmundur
að þeir hefðu engin viðbrögð fengið
við þessum skilaboðum.
í prófkjöri Sjálfstæðisflokksins
fyrr í vor, fékk Sigrún Halldórsdótt-
ir 2. sætið, en hún var ekki á endan-
legum lista.
Sigrún er ekki á framboðslista
Sjálfstæðs framboðs en sagði við
Morgunblaðið að hún hefði lýst yfir
stuðningi við það. Sigrún sagði að
ástæða þess að hún dró sig til baka
af lista Sjálfstæðisflokksins hefði
verið mikill persónulegur ágreining-
ur við Ólaf Helga Kjartansson, efsta
mann listans. Hins vegar væri það
ekki eina ástæðan fyrir nýja fram-
boðinu heldur mikil óánægja sjálf-
stæðismanna með ýmis mál.
Sérframboð undir-
búið á Bolungarvík
í Bolungarvík eru óánægðir sjálf-
stæðismenn að undirbúa sérfram-
boð. Víðir Benediktsson, varabæjar-
fulltrúi, sem væntanlega verður í
efsta sæti framboðslistans, sagði
óánægju með vinnubrögð uppstillin-
garnefndar ástæðu framboðsins.
Sér hefði verið hafnað af Sjálfstæð-
isflokknum vegna sjálfstæðra skoð-
ana og fylgis við málstað Jóns Frið-
geirs Einarssonar verktaka á
síðasta ári. Víðir sagði að framboðs-
listi væri að mestu tilbúinn en end-
anleg ákvörðun verður tekin í dag.
Jón Friðgeir Einarsson sagðist
hafa unnið með Víði að undirbún-
ingi framboðs, og að sonur sinn,
Ásgeir Þór, myndi eiga sæti á list-
anum. Jón Friðgeir sagðist ekki
leyna því, að í sér sæti oánægja
eftir alvarlegan ágreining við vini
sína í bæjarstjórninni á síðasta ári.
Hann sagðist þó vona að málin
fengju farsælan endi, því hann vildi
eiga gott samstarf við það fólk.
notaðar voru við uppgjör Útvegs-
bankans 31. júlí sl. og hinsvegar
stöðu útlána og ábyrgða. „Niður-
stöður þeirra voru þær, að gerðar
hafi verið breytingar á reiknings-
skilaaðferðum sem ekki voru í sam-
ræmi við ákvæði í samningi bank-
anna við viðskiptaráðherra. Jafn-
framt töldu þeir nauðsynlegt að
færa í reikninginn sérstaka útlána-
afskrift sem kæmi til viðbótar öðr-
um afskriftum bankans. Með hlið-
sjón af þessu og eftir að hafa reikn-
að út þau atriði samningsins sem
að öðru leyti skyldi taka tillit tii við
ákvörðun verðs hlutabréfanna, þá
komust endurskoðendur að þeirri
niðurstöðu, að til frádráttar grunn-
verði hlutabréfanna, 1.450 milljón-
ir, skyldi dragast frá tæplega 591
milljón og yrði því leiðrétt kaupverð
fyrir bréfin 859 milljónir.“
Brynjólfur skýrði hluthöfum frá
því að margvísleg grunnvinna hefði
átt sér stað í matsnefnd bankanna
og því væri ekki búist við að nefnd-
in tæki langan tíma í að ganga frá
niðurstöðum sínum. Væri reiknað
með að nefndin lyki störfum sínum ■
fyrir mitt sumar.
Þá kom fram hjá Brynjólfi að
það hefðu verið sjónarmið Iðnaðar-
bankamanna frá upphafi að eignar-
haldsfélögin yrðu leyst upp og hlut-
hafar fengju skipt á núverandi bréf-
um sínum fyrir bréf í íslandsbanka.
„Við teljum að það sé bæði eðlilegt
og sjálfsagt, að hluthafar eigi beina
eignaraðild að íslandsbanka og
einnig er ljóst að eignarhaldsfélögin
baka hluthöfum skattalegt óhag-
ræði. Því ber að stefna að því að
leysa eignarhaidsfélögin upp sem
allra fyrst.“
Bankaráð Seðlabankans hafði
síðdegis í gær engin gögn fengið
um endurmat á kaupverði Útvegs-
bankans og enga beiðni um að úr-
skurða um það, að sögn Þórðar
Ólafssonar forstöðumanns banka-
eftirlitsins.
Sauðárkrókur:
Fullnægjandi grein
gerð fyrir ástæðum
urðunar eftiaúrgangs
Steinullarverksmiðjan hf. hefur að mati fundar sem lialdinn var
á Sauðárkróki á þriðjudag gert fullnægjandi grein fyrir ástæðum
þess að bindiefhaúrgangur var urðaður á lóð verksmiðjunnar um
mitt ár 1986, og í yfírlýsingu fundarins kemur fram að verksmiðj-
an inuni láta eyða á fullnægjandi hátt þeim úrgangsefhum sem
upp hafa verið grafin.
Um var að ræða sameiginlegan
fund bæjarráðs Sauðárkróks, full-
trúa heilbrigðiseftirlits Norður-
lands vestra, Mengunarvarna Holl-
ustuverndar ríkisins, og Steinullar-
verksmiðjunnar hf., en fundinn
sátu jafnframt sýslumaður og lög-
regluþjónn. Þeir síðasttöldu skrif-
uðu ekki undir yfirlýsingu fundar-
ins, enda er málið enn í lögreglu-
rannsókn. I yfirlýsingu fundarins
segir að um hafi verið að ræða
takmarkað magn mikið þynntra
efna sem urðuð voru á lóð verk-
smiðjunnar, og Steinullarverk-
smiðjan lýsi því yfir að ekki hafi
komið til urðunar samskonar efna
síðan. Ljóst sé að urðun fljótandi
úrgangs sé ekki heimilaður í starfs-
leyfi verksmiðjunnar.
Steinullarverksmiðjan mun í
samráði við Mengunarvarnir Holl-
ustuverndar rannsaka vandlega
jarðveg á lóð verksmiðjunnar, með
tilliti til hugsanlegrar mengunar
af völd(um ofangreindra efna, og
þá sérstaklega á þeim stað sem
eitthvað af efnum fóru niður við
uppgröftin síðastliðinn föstudag. í
framhaldi af niðurstöðum þeirra
rannsókna verður síðan metið hvort
ástæða er til frekari hreinsunar á
lóð verksmiðjunnar.
í yfirlýsingu fundarins segir að
þátttakendur harmi þá villandi og
oft á tíðum alröngu umfjöllun sem
mál þetta hafi fengið i fjölmiðlum,
og það sé von fundarins að þetta
verði ekki til að spilla því ágæta
samstarfi sem verið hefur um mál-
efni verksmiðjunnar.