Morgunblaðið - 19.01.1991, Blaðsíða 40
40
MORGUNBLAÐIÐ LAUGARDAGUR 19. JANUAR 1991
nmmm
© 1990 Universal Press Syndicate
F'immtiuk&a, e/dsp&tnabréf og
upptcdccirL. "
Ast er...
. .. að nota húfuna, sem hún
pijónaði á þig.
TM Reg U.S. Pat OH. — all nghts reserved
® 1991 Los Angeles T imes Syndicate
Með
morgunkaffinu
POULU^
4 4
Þú kannast trúlega við að
stundum hefur maður sig
ekki i vinnuna.
Pabbi ætlar að lesa fyrir
þig nýja sögu ...
HÖGNI HREKKVÍSI
,HÖ<SNI VAfZ NÆSTOe."
Þreyttur fyr-
irmyndarfaðir
Til Velvakanda.
Ég hafði gaman af Fyrir-
myndarföðurnum á sínum tíma en
það er mál sannast að þessum
skemmtiþætti hefur farið mikið
aftur og ber síðasta syrpan þess
glöggt vitni. Það er greinilegt að
framhaldsþætti hafa tilhneigingu
til að dala, þegar of mikið hefur
verið framleitt af þeim. Sjónvarps-
menn ættu að-hafa þetta lögmál
í huga og eins hitt, að hætta ber
hveijum leik þegar hæst hann
ber. Er ekki kominn tími til að
taka Huxtable-ijölskylduna af
dagskrá?
Þess ber þó að geta í leiðinni
að dagskrá sjónvarpsins hefur ver-
ið góð í vetur. Sérstaklega vil ég
þakka fyrir góðar bíómyndir um
helgar, þ.e. á föstudögum og laug-
ardögum. Þetta er sá tími sem
maður þarf mest á sjónvarpinu að
halda því sjónvarpsáhorfun vill
verða stopul önnur kvöld. Sjón-
varpið ætti að forðast að taka
þriðjaflokks efni til sýningar, jafn-
vel þó það fáist ódýrt, því það
kemur óorði á dagskránna í heild.
Þess vegna ætti eingöngu að sýna
þriggja stjörnu myndir um helgar
en láta víedóleigurnar um hinar.
Áskrifandi
t>essir hringdu
io
Mikið öryggisatriði
Kona hringdi:
„Við höfum verið ánægð með
CNN útsendingar Stöðvar 2. Það
er mikið öryggisatriði að hafa
svona fréttaþjónustu. Það er for-
kastanlegt af menntamálaráð-
herra að ætla að banna þetta
vegna þess að ekki er hægt að
hafa íslenskan texta. Vil ég koma
á framfæri þakklæti til Stöð 2
fyrir þetta framtak og óska þess
umfram allt að þessum útsending-
um verði ekki hætt. Ríkissjón-
varpið ætti einnig að vera með
þessar útsendingar."
Gölluð vara
Hrefna hringdi:
„Ég keypti draug með rafhlöð-
um í Jólamarkaðinum í Torginu
við Austurstræti fyrir jólin en svo
kom í ljós að um gallaða vöru var
að ræða. Þeir sem seldu þessa
drauga er ekki þama lengur og
bið ég því viðkomandi að hafa
samband við mig í síma 27709.“
Góð þjónusta
Geir Snorrason hringdi:
„Ég vil þakka fyrir góða þjón-
ustu hjá Toyotaumboðinu. Allt
sem þeir segja þar stenst þegar
á reynir. Ég keypti þar notaðan
bíl og kom fram í honum galli.
Þeir útveguðum mér annan bíl
meðan bíllinn minn var á verk-
stæðinu, óumbeðið. Held ég að
fyrirtæki hafi almennt tilhneig-
ingu til að koma sér hjá þess
háttar skyidum við viðskiptavini.
Ég vil benda fólki á að snúa sér
til Toyotaumboðsins."
Þakkir
íbúar á Kársnesbraut höfðu
samband:
„Okkur langar til að koma á
framfæri þakklæti til bílstjórans
á G14756 fyrir ómetanlega hjálp
annan í jólum.“
Kennslubækur
hálsmen
Tvær píanó kennslubækur í
plastpoka merktum Kaviar house
töpuðust í Garðabæ í desember.
Einnig tapaðist hálsmen, sem er
stafurinn H með litlu demants-
broti í. Finnandi vinsamlegast
hringi í síma 45086.
Kettlingar
Kettlingar fást gefins. Upplýs-
ingar í síma 656617.
HEILRÆÐI
Endurskinsmerki
stórauka öryggi í umferðinni.
Burt með
skólagjöldin
Til Velvakanda.
Við erum hérna tvær í fjöibraut-
askóla. og okkur finnst að skóla-
gjöldin séu allt of há. Þau fara
víst nær eingöngu í nemendafélag-
ið en við erum bara í nokkrum
kennslustundum á viku og stund-
um félagslífíð ekkert. Svavar
Gestsson menntamálaráðherra
hefur bæði sagt að hann sé á
móti skólagjöldum og að fram-
haldsskólanemar vinni og mikið
með skólanum. Hvernig væri nú
að minnka vinnuálagið á nemend-
um með því að fella gjöldin niður?
Kolfinna óg íris
Víkverji skrifar
Sautjándi janúar verður trúlega
lengi í minnum hafður vegna
þeirra atburða sem þá áttu sér stað;
styijöld við Persaflóa hófst og
Hekla gaus enn einu sinni, auk
þess sem Olafur Noregskonungur
féll frá. Fjölmiðlar eiga að sjálf-
sögðu hug almennings á slíkum
degi. Víkverji hefur eins og aðrir
fylgst af athygli með aðdraganda
styijaldarinnar og telur að gífurleg
umfjöllun fjölmiðla hafi flýtt fyrir
og jafnvel átt sinn þátt í því að
ákveðið var að ráðast til atlögu við
íraksher. Sú stemmning sem al-
þjóðlegar sjónvarpsstöðvar hafa
magnað upp vekur andstyggð Vík-
veija. Fjallað er um stríð eins og
um væri að ræða heimsmeistara-
keppni í fótbolta. Víkveija hefði
ekki þótt það sérstaklega frétt-
næmt, þó sjónvarpsrétturinn af
stríðinu hefði verið seldur hæstbjóð-
anda. Það hefði verið í samræmi
við annað.
Flestir íslendingar hafa heyrt um
þjóðhátíð Vestmanneyinga,
enda mikil hátíð og dregur að sér
fjölda manns frá fastalandinu. Fáir
vita hins vegar að Grímseyingar
halda einnig þjóðhátíð sem er 11.
nóvember ár hvert. Það er fæðing-
ardagur Bandaríkjamannsins Will-
ards Fiske, sem fæddist árið 1831.
Fiske þessi var mikill íslandsvinur
og snjall skákmaður. Ungur maður
hreifst hann svo af Islandi eftir að
hafa lesið bækur um norræna goða-
fræði, að hann yfirgaf háskóla sinn
í Bandaríkjunum og fór til Kaup-
mannahafnar til að læra norræn
tungumál, þar á meðal íslensku.
Árið 1879 kom Fiske í fyrsta sinn
til íslands og ferðaðist vítt og breitt
um landið. Fiske bar Islendinga
fyrir bijósti sér alla tíð, en sérstak-
lega var honum umhugað um
Grímseyinga. Sá áhugi er einstak-
ur, sérstaklega vegna þess að hann
sté aldrei fæti á eyna. Hann frétti
hins vegar af miklum skákáhuga
eyjarskeggja, sem honum þótti
merkilegur. Eftir íslandsferð sína
keypti hann og gaf íslendingum
fjöldann allan af skákborðum og
mönnum og þar á meðal á hvert
heimili í Grímsey. Ekki lét hann þar
við sitja, því hann gaf Grímseying-
um einnig stofn að bókasafni eyjar-
innar, sem er starfandi enn þann
dag í dag í félagsheimilinu. Árlega
sendi hann þeim síðan bækur í safn-
ið, sem hann áleit að kæmu þeim
að gagni, þar á meðal margar skák-
bækur. Hann arfleiddi eyjarskeggja
síðan að talsvert hárri peningaupp-
hæð, sem ætluð var til þess að
Grímseyingar gætu ræktað eyna
sem best, fengið sér búfræðing og
verklega og andlega fræðslu eftir
þörfum. Hluti upphæðarinnar var
notaður, að hans fyrirmælum, til
að byggja lestrarsai og kennslu-
stofu. Þjónaði húsið Grímseyingum
lengi sem skóli, bókasafn og félags-
heimili.
Víkveiji hefur oft velt því fyrir
sér hvort miklan skákáhuga íslend-
inga megi rekja til ferða Fiske um
ísland, en óhætt er að fullyrða að
hann skildi eftir sig spor hér á landi
sem enn mótar fyrir.